مب عارفة شو اسوي بموت من الغصه

[جنون الغرابه]

السلام عليكم والله مب عارفه شو اسوي بموت من الغصه ما ابي شي غير ولدي يربي امبينا انا وابوه ومابي اعيش جذيه مليت والله ابي زوجي اللي بغبائي ضيعته بعمايه احبه دخيلكم دخيلكم ساعدوني

 

[natalie]

ئي بس شسالفه عشان نقدر نساعدج بذن الله ؟ ؟ ؟ ؟

 

[الأمل الجميل]

ان شاء الله يارب يجمعكم وتربي ابنك بينكم
بس إذا فينا نعرف شئ بسيط من سالفتك يمكن نقدر نساعدك

 

[جنون الغرابه]

القصة الكلاسيكية نفسها الخيانه عدم سكوتي عليها مره و مره مره لين طفح الكيل و بالاخير لدرجة خروجي مب البيت استوت جريمه بحقي كيف طلعت سبتني عمتي عليها و مدت يدها عليه ما رمت اسكت رديت عليها و رحت بيت اهلي و من ثلاث شهور لين يومكم هذا ما عبرني تعبت انا مهمله اعترب بهل الشي فوظويه و عصبيه هذي عيوبي انا غربيه جنوبيه و هو جنوبي شرقي كتب كتابه من فتره شهر اعرف انه يحبني والله مب عارفه شو اسوي

 

[خذ شعوري بحزني]

هلا اختي ..
باين انك ندمانة وانك انتي السبب في مشكلتك ..
ياليت تعرضين المشكلة ..
ويارب يكون ولدك بحضن وبحضن ابوهـ
لاتنسين ذكر الله .. وربي معك بكل وقت مايغفل عنك بس لاتقصررين ..!​

 

[حياتي قلق]

يااختي الله يكون بعونك والله حاسه فيك ما لك الا الدعاء والالحاح فيه وكثرة الاستغفار وترك ل ما يغضب ربي وخلي ثقتك بربي كبيره واهدي احس انك متوتره كثير وصدقيني ادعي وانت ميقنه بالاجابه والله ما يرد عبده
ثاني شي خلي احد من المقربين له يكلمه

 

[نمله فوشيه]

ياقلبي انتي اخيتي عليكي بالدعاء لاتتركي سجادتك واكثري من الاستغفار وصدقيني هالكلام من تجربه وبترتاحين وخلي يكون عندك امل بكل يوم جديد

وانه ممكن انه يرجعك عشان ولده وحاولي انك تراضينه باي طريقه

امابرساله جوال او اي شي حسسيه بندمك لعله يتعاطف ويحس بك

وانشالله ترجع المياه لمجاريها يااااااااااااارب

 

[نور كندا]

هلكنا وروحنا طلعت ونحن نقول لكم لاتعملو من الحبة قبة وخاصة بموضوع الصور والاباحيات والخيانات لانها كلها اشياء عابرة ونزوات للرجل مافى منها مهرب اتحملو شوى وطنشوا واهتموا بحالكم بزيادة شوى والله بتلاقو الرجل ترك كل شىء ورجع لبيته وعشه واولاده اما الصراخ والنكد والحرد مابيجيب الا خراب البيت بس لااحد يرد ويتعظ

 

[العنـــا]

اذكري الله

صلي واستغفري ربج واقرئي سورة البقرة يوميا لين ما تختمينها

وبعدها ادعي ربنا

المهم سالفه الظرابه مع امه مهما كان سببها ..............حتى لو هي الي غلطانه ما ايوز انج تعلين صوتج عليها وتشدين معاها بالكلام

اتصلي على زوجج .............قوليله انا غلطانه اني تشاديت مع امك ......هذي حرمه في حسبت امي وانا غلط عليها واريد اعتذر لها .........

بس قبل ابا اعتذر لك انت قبل لأنح تقدريها من تقدريك وانا ادري بك ريال بار بوالديك وما ترضى عليهم شي

واسمحلي يا بو فلان انا طالبه منك تسامحني .........وبعدها ردي واعتذري لأمه وقوليلها حتى لو مديتي يدج عليه انتي في مقام امي ولج الحشمه والكرامه عشان خاطر بو فلان

ومناك عاد اسحبي نفسك من اهله شوي شوي ولا تدخلينهم في حياتج ولا تدخلين في حياتهم حتى لو ترومين قاطعيهم وحتى لو انتي ساكنه عندهم في بيت واحد

اشغلي نفسج بنفسج اهتمي بنفسج وبشكلج ...........وبيبتج وبولدج

خلي دوم شكلج حلو مرتب ومتكشخه والشعر مرتب ومكياج خفيف شويه قلوس وبودره خفيفه واحمر خدود ومسكارا للرموش

وبعدها اهتمي بولدج .................خله دوم نظيف ومرتب وريحته حلوة ...........لعبيه علميه اي شي
المهم خل زوجج كل ما يدش عليج يلاقيج تلعبين ولدج وتضحكين معاه ومستانسه ومفرفشه

حتى لو كان تمثيل

واول شي لازم تغيرينه فيج هو عصبيتج ابد ابد ابد لا تعصبين قدام زوجج .............خلي الي في قلبج في قلبج لين ما يسير وعقب طلعي وفظي قلبج في اي شي في صلاة في بكا بدون صوت اكتبي مشكلتج في النت او في دفتر وعقب قطعي الورقة

المهم هو لا يحس بعصبيتج خلج دوم قدامه الحبوبه الفرفوشه الي الحياه في عيونها ورديه ........وتحب ولدها وتهتم بشكلها وتحترم اهله ............

وراويه ان حتى لو اهله غلطوا فيج انه هذا الشي يجرحج ............لكنج تسكتين عشانه

ولا تقعدين مع اهله الا في حضورة .........وخلج في حضورة ساكته وهاديه .........ولا تدخلين عمرج في الي خصج والي ما يخصج وحتى ان حد سألج عن شي ولا شارج في شي قولي كلمتين والسلام ولا تحاولين تتدخلين فيهم ابد كنج غريبه عنهم وتمي غريبه عنهم عسب ترتاحين
والله يعينج ويوفقج

 

[جنون الغرابه]

بالنسبه للمشكله انا لي يد فيها شرات ما هو بعد له يد فيها اما للكشخه انا ابدا مب مقصره بشهادة الكل و لله الحمد جميله واثقه من نفسي عمتي هي مش امه مرت ابوه بس هي اللي مربتنه هو الحين يايني في الدرب يبي يشل ولده عسب يقعد معاه يومين انا خايفة انه مايرده الكل يقول لي انه مابيرده لي بس انا في داخلي مقتنعه انه بيرده لي بس خايفه اذا شله ما اروم ارده ما و اكثر من الف مره اعتذرت له لين خلاص مليت و مالي حل الا ربي عزوجل لانه هو اللي بينصفني مب عارفه كيف اقابله احس اذا جفته بنهار بس انا اقوي عن جي وايد جاف دمعتي والحين اتغيرت استويت قاسيه مثل ما خواتي يقولون

 

[اماني النعيمي]

الله يعينج حبيبتي
مالج غير الصبر والدعاء

 

[مرسـى]

انزين خلاص جهزي شنطتك دامه هو جاي وروحي وياه..

وابكي جدامة..وقولي له انك ندمتي وتريدي تروحين وياه.

وبعد ما تستقري هناك عنده..فكري في المشكلة من جديد وحاولي تحليها برواااق

وهدوووووووووووووووء

والله يسهل لك أمرك آمين آمين

 

[جنون الغرابه]

مب طايع قلت له كذا مره بس مايبا بعده زعلان

 

[مرسـى]

الله يعينك حبيبتي . . اصبري واكثري من الدعاء..!! ..

وعيشي جوك عادي واهتمي بصحتك ونفسك..لأن هو الحين عايش مرتاح ودامه كتب كتابه تلقينه

بيهملك فترة لان عنده اللي يعوضه..واذا انتي تبينه ومصره ع الاستمرار وياه..وتحاتي انه يطلقك..مع رفضه لك..

ارسلي له بين فتره وفتره..انه ولدك لازم يتربي بينكم..وانك تبين تربين ولدك تربيه صالحة تكسبين من وراها

أجر من رب العالمين .. وقولي له من كلام التودد والبراءه وع نياتك ..

وان شاء الله لما ترجعين بيته .. حاولي تكسبينه .. وتخلينه باسلوبك وذكائك يوفق بينك وبين ضرتك!!

والله يوفقك

 

[ليتني احتويك]

الله يعينك لاتيأسي حاااااااااااااولي اذا انتي الغلطااااااااانه الله يعينك

 

[جنون الغرابه]

توه يا و شل ولدنا لانه صار له فترة محد من اهله شافه و وعدني يرده باجر ادعولي يرده باجر والله يوم شله مت من الصياح :tears: انا حاسه انه بيرده

 

[جنون الغرابه]

ادعولي

 

[الكوكب المشع]

كان الله في عونك

 

[جروحي كبار]

شسالفتك

 

[suhad]

لله يفرج همك
ويهدي زوجج امين