مبذرة جداااااا لدرجة إني أوصل لـــــ

[فقاعة]

​

مشكلتي باختصار اني ارلي شهرين اقرا بمواضيعكم واحاول ادّخر
لكن النتيجه
ما يوصل اليوم العاشر من المعاش ( والله العظيم ) الا وماعندي اكثر من 30 دينار
بنات ىنا من بديت اشتغل وآنا امنيتي اعني اقدر ادّخر
معروفه بالتبذير وجان زين على سنع او على شي يسوى
ايام الجامعه طاحت بإيدي 200 دينار .. ( مادري عاد 200 كويتي جم بالاماراتي )
تآمنون بالله ماذكر اني طلعت منها بشي غير بدي من مانجو مخطط ابيض واسود جني مسجونه @@
والله ماذكر وين راحو
وكل كورس الجامعه كانت تعطينا 800 دينار .. ونفس الطريقه بيومين تروح في المجهول
امي تقول الله مو مبارك لج بفلوسج .. لازم تسمين وتتصدقين
صرت اسمي واتصدق .. نفس الشي .. معناته الداء والبلا مني
الحين توظفت .. لازم اييب سيارة خلاص سيارة الجامعه بتموت
كانت سيارتي التيما .. والكل يقول لي يبي بي ام ولا مرسيدس
وكان خاطري بجاقوار ولا جيب لكزس
بس قلت لأ .. السيارة وسيلة وليست غايه ..
وآنا مشاويري وين يعني؟ من المدرسه لي البيت والعكس وكل نهاية اسبوع السوق ومطاعم
يعني ما تنهلك
فا يبت سيارة مجكنمه وقسطها 80
المعاش صار يصفالي منه 777 دينار
المعاش نزل يوم 24
الحين والله شاهد ماعندي الا 19 دينار
شنو الحل؟ والله احس كلش ماكو تدبير
هالشهر قولوا طلعت بشي
نظارتين ماركه طبية وشمسية وثلاث ساعات ماركه
بس الشهر الياي؟
ماني عارفه ادبر للأولويات
مع اني ودي اسوي مشروع
جربت اكسسوارات ونجح نبسبة 75 %
بس الحين وقفت علشان انشغلت بالتدريس
ساااااعدوووووووني الله يوفقكم ويسهل دروبكم يا غاليات

 

[هموسهـ]

حبوبه حطي لك حساب توفير بالبنك


وخلي الحساب او النسبة اللي تنزل فيه من الراتب تلقائي


وإنسي انه في لك حساب توفير


وخلي بطاقة الصراف عند الماما او احد موفر


وبالتوفيق


^__^​

 

[فقاعة]

تسلمين اختي هموسه

انتي الوحيده لقيتيني ويه يزاج الله خير غاليتي

فعلا فكرت في حساب التوفير

بس ما فكرت بمسألة الماما .. فكرت افتح حساب وما استلم الكرت او استلمه واكسره بحيث ماقدر اسحب شي الا لو رحت للبنك وسويت معامله


بارك الله فيج حبيبتي

 

[*مشاعر مكتومة*]

اهلا وسهلا بكِ يالغاليه وحياك
ربي ,,​

بالنسبة لك تبذرين بالشكل هذا لانك بدون هدف يعني ماانتي راسمة لك خطة وحاطة مشروع ببالك اي انسان يكون بيده مال وماهو عارف وش يسوي فيه اكيد بيطير منه ومايدري وين راح لكن اول ماعليك هو انك تنظمين ميزانيتك شوفي الاولويات اللي تحتاجينها ووقفي عن شراء الكماليات حتى تستهلكين اللي عندك صدقيني تلقينك بعدين من نفسك تستغنين عن اشياء كثيرة ومثل ماقالت هموسه الله يحفظها افتحي لك حساب توفير تلقائي ينزل فيه ولاتاخذين بطاقة صراف .
وافتحي لك مشروع ماشاء الله فتحتي مشروع ونجحتي في خلي هذا حافز لك لبداية مشروع اخر وربي يوفقك ويسعدك .​

دمتِ بخير غاليتي..​

​

 

[فقاعة]

يسلمج ربي ويخليج حبيبتي مشاعر مكتومه

بصراحة آنا افكر بمشروع ثاني

وبإذن الله بطلعكم عليه جريب

المشكله على قولة اختي اني اشري الشيء كأنه ماراح احصله وراح ينقرض من الارض

العطور كل شهر لازم اتشرى 4 عالاقل

الحين عندي تقريبا 9 عطور والله العظيم وتوني استوعب

لمن ينزل المعاش اكون متقشفه جدا لدرجة اني انطر يوم قبل لا اروح السوق اخاف اطير المعاش بهاليوم

ان شاء الله بطبق مسالة حساب التوفير واعلمكم

تحياتي حبيباتي وبارك الله فيكم

 

[*مشاعر مكتومة*]

خيتو الله يحفظ نعمته عليك احمدي الله واشكريه فبالشكر تزيد النعم ..
احسن شي ان الواحد يطور نفسه للاحسن ويرتقي بها للأفضل..

​

 

[دلوعة مملكتنا]

مراحب ياقلبي
والله انا مثلك ايام الدوام ..


بس شنقول مافيه هدف مثل ما قالت الغالية مشاعر ..



انا للحين ولين يومج هذا سويت لي مشاريع وربحت ولكن اطير كل شي بيوم ..


والاخت سنافية تزع على العايلة كاملة .. مدري ليش اتلم من الل حولي دوم ...



الله يهدينا .. ونرتب امورنا ..



خلنا نجرب قضية الهدف وان شالله نفلح ..

بس ما اعتد لان تو اختي مستلمة جمعية 50 الف وكانت مقررة تاخذ باص تأجره ..


وشوفوها الحين قاعدة تطير كل يوم 2000 والا ثلاثة ..

لان للحين مالقت الباص المناسب ..


شوفو لنا خطة مكوووووووووووكية خخخخخخخخخخ للضار على الاسراف والتبذير بغير فايدة ..


وين ياقوة امراة ..

وينج يامشاعر .. انقذونا

 

[فقاعة]

اي والله كلامج صح

وبليز بنات انقذونا

puse

طاح العشا .. حياكم ;q

تسلمون بنات

بس فعلا ... من الحين بقعد اخطط للمعاش بالضبط

 

[العنود 44]

بنات موضوعكم على الجرح بس يمكن مشكلتكم تهون يم مشكلتي لاني مااشتغل ربة بيت وماعندي مصروف غير اللي اخذه من زوجي هو مايقصر الحمدلله لكن فشله لين اخر الشهر مايكون عندي شي وكل الفلوس تقريبا رايحه على اشيا تافهه بقولكم الشهر اللي فات قسمت المصروف يعني خليت فلوس طلعة اليهال بروحهم على جنب بحيث اني مالمسهم بس حق طلعة اليهال وفلوس حق العشا مرتين بالاسبوع من برع بعد على جنب وحطيت فلوس النثريات بعد على جنب والحمدلله ظبطت بس هالشهر الفلوس طارت بسرعه مالحقت اقسمه <<اللي يقول ورث هههه وماني عارفه شسوي شوفوا بنات احنا لو جمعنا في اليوم الواحد 20 ريال يعني بالشهر 600 ريال يعني 600 ريال بالشهر حلوين صح ولا لا والله فكرت اشتريلي حصاله واجمع كل يوم 20 ريال وماامسكهم شرايكم تسوونها خلونا نتشجع ويا بعض ونحط شرط اللي تزخهم تحرم نفسها الشهر الجاي من اي شي تشتريه لها شرايكم بنوتات خلونا نشجع بعض وبعد علشان ربي يبارك لنا فيهم ناخذ حصاله ثانيه ونحط فيها ولو ريال واحد كصدقه بس شرط كل يوم نحط باللي نقدر عليه شكر لله وربي يزيدنا واياكم من خيره

 

[فقاعة]

امي تنصحني بالحصالة .. بس هم ما اضمن نفسي .. راح افلس وافجها

آنا اقول ابطل حساب واستلم الكرت واكسره .. علشان تصير صعبه علي اسحب شي

واسوي تحويله دايمه من كرت الدوام

والله عفيه عليج ماشالله العنود ..

 

[قوة امرأة]

حبيبتي يوم يكون لج حاجة لاتروحين انتي تشترينها وصي خواتج او امج او خوانج وعطيهم سعر الغرض


وثاني شي ضروري يكون عندج نوت بوك وتسجلين كل فلس وين راح ^_^

 

[rorona]

شلونج اخت فقاعة..

امبين انج مدرسة .. يعني عندج التزامات التدريس...

بس والله لو تسوين مثلي راح يمر شهر في رصيدج على الاقل 100 دينار...
مع اني ادارية وراتبي توه يوصل 600 دينار وام اربع اطفال...
تدرين شنو قررت..
قررت ان مو كل مناسبة اروح لها مو كل طلعة اذبح عمري بالمشتريات... اشتري اللي يبقى لي اليوم ودوم...
مو كل موضة اشتريها.. ما اكشخ جدام الناس على حسابي والناس قاعدة تخش فلوسها للايام الجاية..
انا راتبي كان 500 ومايبقى منه شي واخذ من زوجي.. بس قعدت مع روحي وشفت ان الناس مو نفسي تشتري بهبل...
قلت اشتري اشياء واتبادل مع خواتي ورفيجاتي باشياء بيني وبينهم..
الحين توني هالشهر فتحت حساب توفير 150 دينار عل وعسى اقدر احافظ عليه...
وانتي بعد اقعدي مع نفسج وشوفي الحاجات الضرورية والاشياء اللي تشترينها من غير ماتحتاجينها...
واي شي تبين مني حياج...

 

[قوة امرأة]

الهمني هذا الموضوع لفكرة موضوع جديد يساعدنا للحد من التبذيررر

اعتقد لو كنا ندخل هذا الموضوع بين فتره وثانيه لتذكير فقط بتكون خطوة إيجابيه وتساعدنا على التفكير قبل الصرف و التبذير

هذا هو الموضوع

http://www.niswh.com/vb/showthread.php?t=112077

 

[غلى روحي mm]

كلنا فالهوى سوى مادري ليش الفلوس تطييير ولا اوفر تصدقين عالاقل فلوسج راحت بماركات انا ماشتري ماركات وطااااااااااااااااااايره الفلوس اصلا لازم نحدد لنا وين نصرفها الفلوس في ماركات والا في ... او في......
المشكله اننا في نعمه ومانقدرها المفروض نتصدق لان في مالنا حق للفقراء وللسائل والمحروم وبعدين مانقص مال من صدقه لا تبخلين من مالج للصدقه لانها مابتنقص منها بالعكس بتزيد وتنفعنا فاليوم الآخر اللي عندها خطة تنقذنا فيها ياليت والا وش رايكم نتشارك على خطة نبدع فيها ويمكن تنفعنا بتكون مقسمه للمتزوجات والعازبات وفيها كل خطتنا والاهم التطبيق قوم تعاونوا ماذلوا..

 

[فقاعة]

بارك الله فيكم بنات

وشكرا على الرابط المفيد جدا
غلا روحي اي والله ترى مره ومره مو كل مره ماركات... المشكله بالبركه وإن شاء الله استعين بالصدقه .. يزاج الله خير حبيبتي

قوة امرأة تسلمين يالغالية

رورونا .. تسلمين يالغالية مايامر عليج عدو



اشكركم على التواصل

 

[أنفاس الأمل]

الحمدلله رب العالمين عالنعمه
والنعمه زواله اذا ماقدرنا نحافظ عليها
انتوا تشتغلون وعندكم راتب ومب قادرين توفرن لكم كمن فلس لليوم الاسود

بس الحمدلله احمد ربي واشكره 1000
مع انه هلي اللي يعطوني مصروفي وما اقصر على عمري بشي
بس مو معناته اني لازم كل شهر انزل السوق اخذ كل شي لان السوق مابيطير واحنا يابنات عيال نعمه يعني
الحمدلله كلنا شايفين الخير من يوم ما استوينا

بس تصرفاتنا تدل وكأنه اول مره ندخل مول ومانصدق ناخذ الاولي والتالي

بس الحمدلله الحمدلله رب العالمين
المصروف اللي يعطوني اياه هلي يبقى لاخر الشهر ويمكن بعد لبداية الشهر الجديد
وااشتري العطورات والدخون والبجايم والبدل والشنط وافصل العبي بس بإعتدال
كيف ؟؟؟؟انا اقولكم
قبل كنت اقول لازم كل شهر اخذ هاللاشياء كلها
بس الحين من سويت لي جدول للميزانيه الله بارك لي بمصروفي
وماقمت اخذ فالشهر الا الشي اللي ناقصني العطور والدخون مثلا اذا عندي 4او 3عطورات بس كافي بيتمن وايد لاني مب من النوع اللي يتعطر برع اللهم ادخن ملابسي وعباياتيي واحس توفيرر واستخدم عطورات ماماتي تجيني هدايا
من خواتي او حريم اخواني او اخواني
فحسيت انه ماله داعي اصرف على شياء عندي منها اساسا ما هو فائض
والملابس بالمناسبات اخذ فالاعياد والعزايم ومب من كثر العزايم اللي تصير عندنا وايام التنزيلات اخذ البديهات والتوبات والبناطلين اخذ ممكن لسنه جدام ولاني فالكليه ملابسي اغلبها عمليه
ولاني ما اطلع وااايد ولا اسير اعراس ومريحه دماغي من هالسالفه فما اصرف على هالامور مع اني من عشاق الموضه ولبسي مرررره حلو وصديقاتي واهلي يثنون على هالشي ولان عندي افكار فاللبس ممكن البس اليوم التوب وبعد بكره البسه واالبس تحته قميص بكم طويل واضيف عليه اكسسوارات عقود وغيره
وكأني لبست شي جديد ولو تلاحظون حتى الاجانب يسوون كذا دكتوراتي فالكليه الاحظ عليهم يضيفون 100 حركه للبس واحد يحسسونك انهم كل يوم بلبسون لبس
حلو الابداع والتكنيك والتوفير بعد
بس مايخالف بين كم شهر اكافئ نفسي وانزل السوق اخذ شي بعد انا في حاجته لاني حاولت خلال الاشهر الماضيه اني ادخر وفعلا ادخرت
والحمدلله لازم اخصص جزء للصدقه منه ولها السبب في فلوسي فيها بركه

حاولو تسوووون كذا بنات بتلاحظون بعد كم شهر انكم خلاص تبرمجتم على النظام الجديد
انا عندي وحده ن صديقاتي لو تشوفونها فالكليه تقولن ايش هذي ماتعرف تلبس او ايش
تحسينها مبتخله على نفسها
بس والله يوم اروح عندها البيت وبحكم انها صديقتي حيل تراويني ملابسها وشنطها وعندها اشياء كله تقولي ماعجبني ولا مره لبسته ويوم سافرت شريته اقولها خافي ربك كل هذا عندك وبعد تشترين زين مايبين عليكِ
تقول ما احب البسهم
سبحان الله في ناس عندهم هوس شراء وبس عادي عندهم لو مايستخدمون الاغراض

اسمحوووووووولي طولت كثير

 

[فقاعة]

أنفاس الامل

بارك الله فيج اخيتي

كلامج نفس كلام اختي ... تقول لي .. السوق ماهو طاير؟

هالشهر شريت ثلاث ساعات دكني واسبريت وايليت ماركه ونظارتين جيفنتشي بس وحده طبيه والثانية شمسيه

تالي اكتشفت اني عندي ساعة شانيل بس قديمة وايد ونظارة فرساتشي ونظارة راي بان وشانيل بس من ايام الجامعه

وموضتهم راحت .... الله لا يغضب علي يابنات والله اني مو راضيه عن نفسي

فكرت اعطي احد معاشي ويعطيني مصروفي

بس اعرف نفسي بفور عليه وآخذ معاشي لأني ما اتحمل يعجبني الشي وما اييبه

بس الحين سويت لي جدول

ماكو عطورات هالشهر خلاص عندي 8 تقريبا او 6

ولا اكو ساعات ابد ولا نظارات

مفكرة اروح اسوي اسناني .. ( بس معاشي بيطير على ضرس واحد لو سويته في خاص .. والعام ما يسوي تلبيس اسنان

ابي تكون اسناني بيرفكت .. لا تقولون فساقه .. بس فكرت اني لو سويتها في الخفجي .. قريب من الكويت .. وماراح تكلفني اسناني كلها مع الزيارات اكثر من 500 دينار

شرايكم؟

ماعندي التزامات الشهر الياي ويبقالي 300 دينار

بس ساعدوني علشان ابي ايمع للحج باذن الله ... وابي اسوي عملية ليزك لعيوني عالصيف

ادري بتطقوني

بس بنات هالاشياء الثلاث اهي الاساس (الحج- الليزك - الاسنان )

وما تنسيييييين يافقاعه زيارات الصالونات ... ما تكلفني اكثر من 60 دينار

واحيانا عشوات مع الاهل وريوق .. اعتقد تكاليفها شهريا 50 تقريبا !!!
رتبوني حدي ضايعه​

 

[دلع بلقيس]

السلام عليكم..

عزيزتي.. فقاعه <------يبدو ان من اسمك نصيب من التبذير اللي عايشته
لأن الفقاعه مليانه وكبيرة بس فجأة تنفجر وتصير هواااااااااء..

شوفي أنا راح اقول لك شي وهو:
انت الآن وصلتي لمرحلة بدأت تكتشفين انك على خطأ وبدأت تعرفين مشكلتك.
وهذا نصف الحل للمشكلة انك تعترفين بخطأك..

وبعدها وصلتي لمرحلة أحلى وأحلى وهي انك حددتي الاشياء اللي تبغين تسوينها خلال هالسنة..!!

لكن

قبل ماتقومين بتحديد الاشياء اللي تبغينها
قومي بتحديد الاشياء اللي تشترينها وماتبغينها وحطيها في نوت

وبدل ماتحطين لك نوت بالاشياء الناقصة حطي هذي النوت بدالها..

وزين ماسويتي في العطورات والساعات
بس
أنت قلت مافيه عطورات ولا ساعات هالشهر!!!
ليه بس هالشهر وانت عندك ساعة ماركة
و8عطورات

أنا اجلس على عطرين 6شهور أقل شي!!
بس انا من النوع اللي مايحب أكثر من رائحة وعطرين احس تسبب لي التشتت!!
(لكن ما استغني ابدا عن دهن العود والبخور)

لذلك أنت هالثمان عطورات راح تكفيك مو بس هالشهر

راح تكفيك سنة كاااااملة قدام
ولا تقولي لا
لأنك لو مادخلتي محل العطورات وجلستي تتفرجين كان ماشريتي
لذلك..لاتدخلي محلات العطورات ابدا خلال ست شهور اقل شي!!

والنظارات يبدو لي انك ماسكة عمرك واحسن من غيرها..

أما بالنسبة لخطوة تحديد اعمالك السنوية القادمة فهذا شي مررررة حلو ويدفعك لتوفير أكثر.
خذي ورقة وقلم واكتبي كم قيمة الحج وكم تكلفة اسنانك وكم تكلفة الليزك <---- زخليه آخر واحد لأنك توك شاريه نظارة!!! :bleh:

وبعد ماتحسبين تكلفة هالثلاث اشياء
شوفي كم يبي لك توفرين في الشهر الواحد عشان هالاشياء الثلاث تحققينها في السنة الميلادية اللي احنا فيها.
مثلا الليزك 7000ريال
الحج7000ريال
الاسنان 10000 ريال
والمجموع 24000ريال

قسمي فلوسك على الشهور الباقية من السنة
24000÷10=2400ريال توفير كل شهر عشان تقدري تسوي الاشياء الثلاث اللي انت اخترتي تسويها هالسنة.

قومي خذي حسابك وسوي له امر مستديم كل شهر على حساب أمك يحول تلقائي 2400ريال(مايعادله بالدينار الكويتي)..
وبعدها أمك لو تموتين مارح تقولي لها عطيني فلوسي وقولي لها اذا قلت لك قولي لا..ولاترضى وتعطيك.
(وصدقيني انت اذا وصلت حدك ممكن راح تقولي لأمك خلاص هالسنة ما ابغى اسوي ليزك)
(والا يتكنسل الحج على آخر كم شهر ويصير مافيه فرصة للحج..تقومي تزنين على راس امك تعطيك الفلوس)

لاااااااا..مافيه هالحركات <----- خليك عند كلمتك ووفري
وصدقيني اول مايعدي الشهر الاول راح يكون صعب يعدي بس اذا عدا بتحسين بانتصار خيالي وشعور رائع..
وكذلك الشهر اللي بعده واللي بعده راح تخف عندك صعوبة عملية التوفير واااااجد بإذن اللـــه’’

وانت اصلا راح يبقى لك من راتبك كثير..(مايقارب 7500ريال)
لأن راتبك 10000ريال
واللي يكفي ريوق وغداء وعشاء
مع اني ما اشوف هالاشياء لها لازم وانها من التبذير .. بس عاد انتم وحياتكم ما اقدر اقول شي
كل واحد ينام عالجنب اللي يريحه

بس
اللي اقدر اقوله انك انت تطبقين هالخطة وراح ترتاحييييين بإذن الله,,
لأنك تعرفين فلوسك وين تروح وتحسين بالانتصار لنفسك ولنفسك بس

تحياتي’’

 

[فقاعة]

اختي دلع بلقيس

احبك في الله

والله كلامج اراحني جدا

بسويله برنت

يزاج الله خير حبيبتي

 

[ملكة مصر]

حبيبتى فقاعه اهلا بك

بصراحه فكرتينى بنفسى زمان
زمان ده مش من بعيد ولا حاجه من كام شهر بس
انا بنت وحيده لا اخت ولا اخ والحمد لله زوجى ماديته جيده
اخذ المصروف من امى على اعتبار انه من ميراثى من والدى رحمة الله عليه
ولا ادرى فى اى شيىء صرفته ذهب مع الريح
وزوجى دائم ينتقدنى وكنت اقول له معلش سبحان الله دى فلوسى
لكن بصراحه طلع عنده حق فعلا
تفاجئت بقريبه لى دخلها اقل منى بكثييييييييييييييييييير
ولكنها تصرف كل شيء فى مكانه
الصحيييييييييييح فتحت مشروع خاص بها وماشاء الله عليها ما شيه تمام
وانا اتسرعت وبعت قطعة ارض ب 40 الف
تعرفى بقت دلوقت بكاااااااااااااام ب2 مليون
والله على ما اقول شهيد
حبيبتى لازم تقفى امام نفسك وتخلى حسابك فى البنك باسمك مش باسم اى حد حتى ولو كانت والدتك
هذا الأختبار الحقيقى
ومن شهر تقريبا او اقل كانت اجازة نصف العام وكنت فى السابق اصرف واجد لا شيىء فى حصيلتى
لكن الحمد لله اخذت دورات وذهبت لطبيبة الريجيم واخدت برنامج 3 شهور واشتريت طلبات الريجيم من ادويه فورا
حتى لا يذهب المال مع الريح ذهبت لأختصاصية شعر واشتريت الزيوت بمجرد خروجى من عندها فورا
حتى طلبات الأولاد وفرت فيها والله
فاين ذهب المال فى علم ورشاقه وحيوية وجمال شعرى وهو تاج كل انثى
وبصراحه دلوقت عندى مناسبه
حقول ياريتنى ما صرفت عشان اجيب فستان استايل وقيم لالالالالالالالا
شوفى فكرتى
فكرت فى فكرة فستان وصممته على قدى حشترى قماش
وافصله وبشرط انا بتحدى نفسى حشترى قماش مش غالى نهائى
ومعاه شنطه وحذاء وطرحته طالما فيه انسيابيه وبساطه وشياكه فى نفس الوقت يبقى ليه لأ
وحوفر اللى كنت حشترى بيه ماركه من محلات المحجبات
واخد بيه دورة كمان
غذاء العقل لالالالالالالالالالالالالالالالالالالازم والله
ولو طورتى نفسك من الناحيه دى حيكون عندك نهم غير طبيعيى فى حب التعلم

وعلى فكرة طالما لبسى شرعى ومتناسق بشياكه وشخصيتى قويه بكون ملكه

الماركات مش مهم والله

انا معك انها لازمه فى بعض الأحيان لكن لو مشتريتش اموت يعنى لالالالالالالالالالالالالا




غيرى تفكيرك ده وحتشوفى كنى غلطانه ازاى