ما رايكم فما فعلت .. بزوجي الخاين ؟؟؟

[همسة ود]

لا اعلم كيف ابداء ..

ولكن ... عانيت لمده 3 سنوات من زوج خائن متعدد العلاقات من ايام زواجي الاولى ولازال ...

حاولت بكل الوسائل ان انهي المشكله ... ولكن دووووووون جدوى ...

واجهته مرتان وفي كل مره يبكي ويعتذر وانه لن يعود ... وكله كلام في الهوى ..


لكن اتعلمووون .. ما ذا فعلت كحل اخير ...

لان لم تعد تختلف معي ... حتى لو طلق فانا لا اريده ...


بداءت امثل عليه دووور الخائنه ...


نعم اصبح يشك فيني باني اخووونه ...


طبعا اعوذ بالله يستحيل اسوي هالشي ...


لكن اصبحت امثل عليه كل ما كان يفعله هو من افعال الخيانه


الاتصالات من الارقام الغريبه تاتيني اشكال الوان ...

امسح سجل الاتصالات اول ما اشوفه ..

دائما جوالي على الصامت ..


فاتورتي ارتفعت بشكل مفاجي ولاول مره الى الف ريال ...

امثل اني اخاف يمسك جوالي ولا اريد ان يلمسه ...


حتى البلوتوث بجوالي .. سميت نفسي ( لذة انتقام )

حتى تصل اليه رساله .. اني خنتك لانتقم


بداء يجن ... يفتش في جوالي ودائم يسالني عن الارقام اللتي تردني

ودائم يتصل يسالني ... ماذا تفعلين ؟؟؟؟

حتى اني اكتشفت انه يتصل على الارقام اللتي تردني من جواله دون ان اعلم .. ولا اعلم لماذا :smoke1:


على كل حااااااااااال ...


لا ادري هل ما فعلته صحححححح ام خطاء ...


بصراحه ... يجتاحني شعور بالسعاده حين ارى الحزن في وجه ... اشعر باني استرديت حقي منه

وذوقته ماكان يذوقني اياه ..



لكن اتمنى كل وحده تخبرني برائها هل من الممكن ان ما يحدث ياتي بنتيجه ايجابيه ...

خاصه اني لم اعد ارى ارقام الساقطات في جواله ... واصبح يهتم بي ..

ولكن الشك يقول لي بانه اظهر شريحه اخرى ...

مجرد شك وانا لم ارى شي ؟؟؟


بالله اخبروووني ما رائيكم​

 

[ميرة_82]

اختي سامحيني بس ما احس هذا الحل الرجل اذا شك صعب يهدى ويخف شكه والغلط عمره ما ينحل بغلط

 

[سمكة صغيرة]

والله الحركه الي سويتيها قويه
ودائما الرجال ماينظرو الى نفسهم بالغلط الي يسونه
المهم حاولي انك تعدلي علاقتك معه
لانه لو هو خائن ومتعدد العلاقات يمكن يصيبك مرض والعياذ بالله
فتاكدي اذا هو ترك هالعلاقات
اتمنى لك التوفيق والسعادة

 

[غاده الهاشمي]

الهاشمية

مرحباااا ملايين يا أخت همسة ود

كل عام وانتي بخير وشهر كريم علينا وعلى الأمة الاسلامية

قريت موضوعج وتفاجئت بردة فعلج... ضحكت ... لانه موقف (مفرح محزن)
مفرح لانج رديتي اعتبارج ... على حد قولج:flex:
محزن لانج عشتي ايام مررره مع هالشعور (الخيانه):tears:

شوفي عزيزتي .. الحمد لله ان زوجك ماتهور باي رده فعل هذا طبعا لانه حاسس بأنه غلطان من ساسه لراسه عشان جي سكت ...
حاولي الحين توضحيله الصوره وتقوليله الصدق ,, :surrender:
لانه مهما كان ... ترا الريال شرقي وتفكيره (اسمحيلي ) على قده ومتى مافلتت أعصابه تهور بشي انتي مابتحبينه ..صبرتي 3 سنوات وان شاء الله ربي يهديه واذا شفتي انه معند الجئي للحل الأكبر (أهلج) وخلي ريال عاقل راكز يكلمه وينصحه ..
خلاص وقفي التمثيليه ومافي داعي لها
الله يكون فعونج:no:

 

[سلى الطارش]

طبعا الي سويتيه غلط واكبر غلط الغلط ماينحل بغلط اكبر لانه الحين ماعاد بيفكر الا في الشك والغيرة الي بتذبحه والريال يقولو دايما من سنة جدي انه ذهب مايعيبه شي والحرمه واعليه زجاج اذا انكسر صعب تصلحيه فالحقي نفسج وصارحيه وقوليله انك تبيه يحس فيج وانتي بريئه من كل الي سويتيه وانه مجرد تمثيل عشان يحس فيج هذا رايي وانتي حره

 

[هند بنت عتبة]

احس ان الامر الي سويتي غلط بس ممكن يكون زوجك يكون غير ويرجعلك والله مادري

انا عن نفسي لو فكرت اسوي مجرد مقلب ممكن اخرب حياتي كلها

والناس تختلف باطباعها

 

[الفنوديه]

بصراحه احس ان موقفج وتصرفج غلط وعذريني

بس نصيحه لوجه الله ادعيله بالهدايه مب تنتقمين مهما يكون زوجج ويمكن يكون قريبا مخلص وتتخلصين من خيانته

اقري قصة انهن ثلاث فقسم القصص والحكايات واقري عن استراتيجيات الزوج الخائن شوفي زوجج من اي نمط شمالي شرقي غربي او جنوبي حاولي تدرسين عن شخصيته حلي الامور بود لانه مثل ماشكيتي فيه وخليتيه الحين يشك فييج بيتم طول الوقت يشك وبيرجع للخيانه ....

فكري عدل....فكري مره ومرتين وعشر قبل ما تتصرفين اي تصرف غلط

والله يوفقج

 

[ناناسي]

كفوووووووووووووووووو عليج والله صج مره

 

[Attractive_Girl]

حبيبتي همسة ود هذه ليست حل انكي تجعلي زوجك يشك بكي لانه اولا خطأ وثانيا حل او مخدر مؤقت لمشكلة الخيانة عنده
فيه طرق اخرى لحل المشكله ولكن فى البدايه يجب عليكي اكتشاف اسباب المشكله واسباب خيانته لكي ابحثى جيدا عن الاسباب و حليها بعقل و حكمه اكثر...الله يهديه لكى انشالله عزيزتى

 

[الغلا2]

احسك صلحتي الغلط بغلط اكبر منه
وشلون تقدرين تعيشين وزوجك اصبح يشك بخيانتك
اعتقد انك راح تتعبين وخاصه انك ماانتي خاينه
الله يهديك

 

[ربي رقيبي]

الله يعينك عللى ما بلاك,بس ما راح اقول انه الي سويته غلط لان والله قهر بس انا مع الاخت "الهاشميه"صارحيه وتوكلي على الله وباذن الواحد الاحد راح يرجع لصوابه بس جيبيها بطريقه تخليه مايرجع للخطاء
والله معك

 

[أم مصرية]

احس ان الامر الي سويتي غلط بس ممكن يكون زوجك يكون غير ويرجعلك والله مادري

انا عن نفسي لو فكرت اسوي مجرد مقلب ممكن اخرب حياتي كلها

والناس تختلف باطباعها

وافقك فى الرأى

 

[همسة ود]

مرحبا اخواتي


قريت ردودكم المختلفه ..

بس حبيت اوضح ان زوجي علاقاته ما تعدت الهاتف على ما اظن .. والله اعلم

اما بالنسبه اللي تقوول ان الرجال ما يعيبه شي .. والمره من اي شي تروح السمعه

انا وش سويت اصلاااااااااا... ولاشي :smoke1:


الحمد الله مازلت الطااااااهره .. العفيفه ... الشريفه

واتحددددددددااااااااااه يمسك علي شي واحد ... لاني بختصار ما سويت شي ...


اما من ناحية اصارحه فما عليش ..

هالانسان ما تنفع معاه المصارحه ..

صارحته مرتين ... وتمنيت اني ما صارحته .. اهانه ما بعدها اهانه

يشوفني ابكي واتالمم من كل قلبي ... ويرجع يكلم هالحقيرات

انا ما عند استعداد اعيد التجربه مره ثانيه ....


اما من ناحية اوقف التمثليه ... انا من راي ما راح اوقفها الين ينفجر ويصارحني


حزتها راح اقول .. ما خنت واذا مو مصدق اتحداك تمسك علي دليل واحد ..

انا سويت كذا عشان تحس بالعذاب اللي كنت فيه ...


للعلم زوجي .. جنوبي وغربي .. وعلى ما اظن ان الجنوبي شخص حساس مسالم

فما اظن انه بيتهور ويسوي شي كبير من دون ما يمسك علي دليل​

 

[همسة ود]

ياريت لو القى رد من الاستشاريات ينقذوني من اللي انا فيه :icon1366:

 

[تاج الاحزان]

والله يا عزيزتي فكرت اني اشرب زوجي من نفس الكاس وامثل عليه دور الخيانه الا اني ما قدرت لان زوجي عصبي جدا واخاف من ردود فعله لهذا سألت الله ان يعيشه مع عشيقته واشوفه يتعذب قدامي بقولك على سالفه مره دخل البيت ولقاني قافله علي المجلس وصار زي المجنون يبي يكسر الباب ولما فتحته صار يصرخ مثل المجنون ناظرته وقلت الي يخاف من شي يطلعه انصح اخواتي انهم ما يسون مثلك لان ردة الفعل قد تكون مختلفه ونهايتها الطلاق والله يسخره لك امين:icon31:

 

[همسة ود]

حبيبتي تاج


مليار في الميه الطريقه هذي ما تنفع لكل الرجال


زوجي نوعا ما عصبي ... بس ما يحب المشاكل


وبصراحه ماله وجه يقولي شي خاصه اني مهددته بالطلاق من قبل لانه يخوني

 

[امل الحياة]

لاتزيدين الجرعه في محاوله اثارة شكوكه خلاص ..ولاتصارحينه انج كنتي تلعبين باعصابه ..بالعكس خليه يحس انه كماتدين تدان ...
اهم شي خلج دوم مهتمة بجمالج وشكلج وكأنج سعيدة ...وادعي له بالهداية وان الله يبعد عنه بنات الحرام...
الله يصلح لج زوجج ويبعد عنه الحرام

 

[@ورد@]

اللي يلعب بنار تحرق اصابعه

 

[ثقتي عاليه]

هلا حبيبتي
يمكن انا الوحيده اللي اوافقج الفعل .. ليش احنا اللي نحترق ونتعذب ولهم الوناسه وراحه البال
نطبخ ونكنس ونكشخ ونربي الاولاد ووووو وبكل سهوله ينزلون من مستوانه ويروحون حق بنات والله يمكن مايختلفون عنا بشي .. ليش مو قهر هذا اللي يسوونه مو ظلم هذا مو حراااااااام ...على الاقل هو راح يتعاقب من الله بس انتي ولاشي لانج ماسويتي شي..بس نصيحتي خفي عليه ولاتزودينها اهم شي انج حرقتي اعصابه وخليلتيه يفكر ويحاتي على الاقل عوضتي دموع الدم والقهر يوم كان يهدج ويكلم عشيقاته صححححححح خليه يموت تلذذي بتعذيبه بس لاتزودينها
وقفي بعد كم يوم.. وبعد ماتوقفين زوديها بالكشخه والمكياج اللافت لازم يخليج محور حياته لازم يفكر فيج عذبيه عذبيه
وموفقه في الخطه

 

[ريموني]

غاليتي ,,

لا استطيع ان احكم على ما فعلتي لانه ربما يكون زوجك من الفئة التي يفيد معها المعاملة بالمثل .. وربما العكس !!

ولكن نصيجة لك في كلا الحالات .......

لا تبالغي بلعب دور الخائنة لانها ممكن ان تؤخذ ضدك !.......... يكفيه ان يشعر بانك قادرة على الانتقام ولديك كل المؤهلات

لذلك .....

وارى في سكوته وحزنه نوع من تانيب الضمير وصحوة ........ لذا تصرفي بذكاء وحكمة لا تقلبي الطاولة عليك

وتمكنيه من ان يمسك عليك ممسك ........ بل العبي بطريقة حذرة لتوصلي له شعور بما كان يقترفه سابقا .. لا اكثر من ذلك


موفقة