ما اعرف كيف اقول حق زوجي

[غض النظر]

السلام عليكم ورحمة الله وبركاته

شحالكم يا بنات

والله انا صارلي فتره ادور على سلسله ذهب باسم الله

زوجي يايبنها لي هديه انا الحين بعدني مملكه

اخاف يسألني عنها والله ما اعرف شو اقوله

هلكت وانا ادورها ما اعرف وين حطيتها صح كان المفروض احطها بالخزانه

لكني انشغلت واحيدني قلت حق امي تحطها بس امي قالت اني ما قلت

لوو كانت حيالله سلسله ذهب ما يهمني بس لانها هديه من زوجي

والله ما اعرف شوو اسوي شوو تنصحوني

اخافه يفكر اني مب مهتمه

سلام

 

[مملكه الانوثه]

ياحبيبتي صارحيه

الرجل يحب الزوجه الصريحه وان شاء الله تلقين ذهبك قبل ماتصارحينه

 

[ميلاد الغلا]

ليش كل هالخوف

لاعااادي وإذا قالك وينها قولي مخبيتها ماألبسها اللا في المناسبات الكبيره


لين إن شاء الله تلقينها

 

[انوثتي فخري]

عاااادي حبيبتي
ما اطن حيسالك عنها وانشاء الله تلقينها قبل يسالك
ودوري عليها وانتي ترددي اللهم اهدني الى ضالتي وان شاء الله حتلاقيها
باذن الله ..​