ما أعرف أتصرف مع هالمرة.....

[عيون عزيز]

باختصار أنا متزوجة من واحد كان مطلق بنت خالته وعنده بنت منها والبنت ساكنة مع أمها .....
هي الي طالبه الخلع بس مب لعيب في زوجي بس لأنها كانت راعية مشاكل ومدخله أمها في مشاكلهم وما عندها قناعة وما تحملت ظروف زوجي الي هو مطلقها من أكثر من ثلاث سنوات...
العلاقات بين أهل ريلي وبيت خالته كانت مقطوعة تماما طوووووووول هالمدة....
انا متزوجة صارلي سنتين وعندي بنوته وحامل وساكنة في بيت بروحي..كل أسبوع أزور بيت أم زوجي أسلم عليها,,,,,
وين المشكلة؟؟؟؟؟؟؟؟؟؟
ألحين تفاجأت أنا وريلي ان بنت خالته الي مطلقها والي هي الي طلبت الخلع وخالته جايين بيت اهل ريلي يبون العلاقات ترجع.....وصاروا يوميا يجون لبيت ام ريلي...
في شي في راسهم الله يعلمه وقلت لزوجي انسى انك ترجعها لذمتك...قال مستحيييييييييييل لأنها بهدلته فالمحاكم وما استحت من صلة القرابة الي بينهم وهي الي خالعه ..وقال اذا بنتي بترجعلي مع امها لا أبي بنتي ولا أبي أمها..متى ما بغت تعرس تبلغني عشان أخذ بنتي انتي الي تربينها عندج وأنا ما عندي مشكلة فالشي....
سؤالي ألحين ..... وأتمنى الكل يساعدني...
هل اذا زرت بيت أم ريلي وحصلت طليقة ريلي وأمها اسلم؟؟؟؟
شلون أسلم عليهم....؟؟؟؟ ما أقدر كلش ومابي أشوف ويه العلة طليقته لين ما أموت....الحمدلله بنت زوجي تموووووووووت علي وعمرها خمس سنين بس أمها مابي أتواجه معاها فأي ظرف...
زوجي وأهله يقولون مافيه مجال مقارنة بينج وبينها أبداااااا....هي صفر عالشمال بالنسبة لج من ناحية الشكل والجسم والمستوى والأخلاق((( مب تكبر اعوذ بالله بس صج انا مرة شفتها بالصور واستغربت شلون ريلي تزوجها؟؟؟؟؟؟؟؟؟
ريلي راااااااااااااافض انه يرجعها لذمته وما يبيها أبدا أبدا ,,,حتى أم زوجي تقول صج الله عوض ولدي خير فيج بعد ما بهدلته بنت خالته وكانت تعايره بظروفه...قالوا لها الناس اصبري بتتحسن ظروفه والخير بيكون كله لج انتي وبنتج بس هي قالت بالحرف الواحد(( هالحمار ما وراه خير كلش)) يا مال لسانها القص...
والحمدالله أول ما زوجي خذني اتحسنت ظروفه وشرينا فيلا تينن وعندي شغالتين وسيارة وانحلت ديونه والخير كله عندي بفضل من ربي وهو مرتاح معاي وااااااايد ((قولوا ما شاء الله)))
بعرف ألحين شلون أتصرف؟؟؟
مابي أشوف رقعة ويه بنت خالته معنه خوات ريلي يقولون بردي حرة أخونا فيها...بس خليها تشوفج لو ثانية وتشوف اخونا خذ من؟؟؟
يا بنات شوروا علي تكفوووووووووووون...اول مرة أحس اني متنحة وما عرف أتصرف:sad_1:

 

[ريحانه الجنه]

ياسلام اول وحده ترد عليكي
حبيبتي لاتعطي الموضوع اكبر من حجمه والسلام لله مو لها
يعني عادي لو جيتي وشفتيها هيا ولاامها سوي نفسك عادي وطبيعي انتي راح تسلمي ع ام زوجك وراح تمدي يدك لها هيا وامها واذا ماتبغي المواجهه اتصلي لام زوجك قبل لاتروحي بيتهم واتاكدي هيا عندهم ولالا واذا كنتي ندهم وجات فجاه ادخلي اي غرفه واجلسي فيها كانك مب موجوده ولكي حريه الاختياااااااار
(طبعا الحين هيا تبي ترجع لانه ماشاء الله الظروف صارت حلوه وفيه ماده وشكلها انسانه ماديه )

 

[إرتـــدآد]

إذا رحتي سلمي وخليك عادي وكنك ماتشوفين احد

الله يزيدكم من خيره ويفتح عليكم ويشرح صدرك يارب
بس لاتخلين التفكير فيها يعكر حياتك
ثاني شئ لاتجيبين طارئ لها عند زوجك لازين ولاشين
اهم شئ انك ماتذمين فيها قدام اي احد واهم شئ زوجك

هذا اللي اقدر افيدك فيه يالغاليه
ويارب كن بعونك
قولي هاذا الدعاء/اللهم اكفنيها بماشئت /ردديها

مع السلامه
ارتداد
سبحان الله وبحمده سبحان الله العظيم عدد كل شئ

 

[عيون عزيز]

حبيبتي ريحانة شكل عيونج فيها ملح للحين سهرانة ..
أمزح معاج....عدل كلامج وهاي الي أحسه,,, لأن زوجي ظروفه تبدلت 180 درجة..أول زواجي عانيت بس صبرت وبسرعة ربج فرجها...
فديتج أنا ما عندي شك أبدا انه بيرجعها معنه بنت خالته بتموووووت ويرجعها.... لأن تقدموا لها ناس بس بنتها متعلقة في امها حيل...عشان جي مب قادرة تتزوج كللللللللللش.....
يعني يا تعنس يا زوجي يرجعها لذمته وهاي باذن الله من ساااااااااااابع امستحيلات غير انه زوجي عايفها مرة ولا يجيب طاريها أبد.....
مشكورررررة يا ريحانة بس بعد للحين مترددة...

 

[عيون عزيز]

ارتداد ماااااااااا أقدررررررررر......
مب قلة ثقة في نفسي بس غيرة في قلبي...مادري ليش صج ما عندي سالفة؟؟؟؟؟
أحس اذا شفتها بنتف شعرها....
تخيلي اذا بنت ريلي طلعت معانا نلعبها ونمشيها اذا جينا نرجعها لبيت أمها أحصل طليقة زوجي واقفة ورا الباب مسوية روحها تنطر بنتها وهي كاشخة...ريلي يضحك يقول طالعي كشخة العنز...عقب شنو؟؟؟؟
يقول قبل أتمناها بس تحط كحل بعيونها وتلبس نفس الحريم تقول منت ريال ليش ألبس لك؟؟؟؟
تحملني مثل ما أنا...
حتى تخيلي زوجي لما كنت نفاس ياب بنته تشوف أختها((بنتي)) ولما يه الليل يبي يرجعها لامها زوجي قال تعالي معاي عشان أرجع بنتي قلتله أنا نفاس ما صارلي أسبوع ..أم ريلي قالت روحي مع ريلج خل تنبط جبودهم ,,وصج رحت وحصلتها منخشة ورا الباب ..شكلها انجت لما شافتني مع ريلي...

 

[الشك باليقين]

ادخلي بيت ام زوجك واذا وجدتيها القي سلام الله عليهم وبس وسوي نفسك كأنك لا تعرفيهم واذا عرفتك بيهم ام زوجك لا تعطي اهتمام بتنغاظ اكتر منك وكلمي زوجك امامها بحنية ودلع ووريها انه مبسوط معاكي بالعكس احسك في موقف قوة مش ضعف بس انتي اعطي الثقة لنفسك

 

[شهد الحلوه]

لااااااااااتفكرين فيهاا ابداااااااااا
ولاتذمينها عند رجلك ولاتمدحينها خليك محايده
والسلام ان شفتيها سلمي وعادي الحمدلله
اهم شي شيليها من بالك علشان ماتنكد عليك عيشتك وبس

 

[ام ميار]

حبيبتي سلمي عليها عادي و اعتبريها صفر على الشمال

و اذا زوجك كراهها فليش خاااايفة منها

 

[نعومه كول]

اختي لاتتحاملين عليها واجد حرام عليك
هم يحرضونك عليها هما اتضررو منها بس انتي ايش ضرك منها
مايجوز لكم تقولوا عنها كذي حرام
حتى لو اخطات مو مبرر للي تسوونه
انا شايفه انها ماضرتك

 

[هالةالقمر]

ما شاء الله
ما اعتقد ان في رجل ممكن يرجع لزوجته بعد ما زلته واهانت كرامته وخصوصا انه اهل
وهو متاكد انها ما فكرت ترجع الا لما تحسنت اموره يعنى راجعه لفلوسه مش علشانه
وما دام عرف الفرق بينك وبينها عمره ما حيرجع نفسه للهم والمشاكل برجله

انتى اهدى كده واتفرغى لزوجك ولا تنكدى عليه
واذا كان على المقابله
ادخلى عليها براس مرفوعه وكل ثقه
ولا يهمك منها
وخليها تعرف انها ما تقدر تنافسك

 

[سمو الأميرة]

حبيبتي عادي ما فيها شي ..
خليها تشوفج و تنقهر و تشوف الفرق بينج و بينها و تنسى ترجع لريلج ..
اذا تميتي تهربين من المواجهة بتمين طول الوقت على نااااار .. واجهيها و خلاص افتكي من حرقة الأعصاب ..
و نصيحة لا تطرينها بالسوء .. الغيبة مب زينة ... تراها جذيه تاخذ حسناتج .. انتبهي من هالشي

 

[ALBDEWEYA]

وين المشكلة؟؟؟؟؟؟؟؟؟؟
ألحين تفاجأت أنا وريلي ان بنت خالته الي مطلقها والي هي الي طلبت الخلع وخالته جايين بيت اهل ريلي يبون العلاقات ترجع.....وصاروا يوميا يجون لبيت ام ريلي...
:sad_1:

أختي
مما يريح النفس أن يتوقع الإنسان جميع الإحتمالات فهو يجعل الإنسان يفكر كيف يتصرف
ألم يخطر ببالك أن زوجك قد يرجع طليقته وخصوصاً أن لديه منها أطفال ؟؟؟؟؟ توقعي ذلك !!!!!!!!!!!!!!
أما موضوع مقابلتها فأعتقد أنه ليس مشكلة
هي الآن مثلها مثل أي إمرأة أخرى فتعاملي معها على هذا الأساس

 

[hanoOoy]

اللي خلا زوجك يتجرا ويطلق ام بنته ويتزوجك تاااكدي انه ممكن يطلقك انتي ويرجع زوجته

فلا تفرحي بمصيبة غيرك حرااام عليك هي ماضرتك بشيء ولاجااك منها شيء المساله بين زوجك وبينها وانتهت بالطلاق لكن انك تسبينها معه او تجيبي سيرته قدامه سواء مدح او ذم مو من صالحك لان الرجال لايؤمن لهم جاانب وترا بالنهاية بنت خالته ولو صدق اهل زوجك مايبونها ماكان استقبلوها
وانتي وش دراك يمكن بعد احد يخطط من وراك بانهم يرجعون لبعض وانتي ماتدرين لكن انتبهي تسبيها لانها بتااخذ من حسناتك ولانه حرام تتكلمي بانسانه مااضرتك بشيء ولاتنسي انتي قلتي بعظمة لسانك حال زوجك تغير يعني ممكن يلعب بعقله احد ويقوله رجعها وانت الحين ماشاالله عندك بيتين ومو عدله بنتك تتربى عند غريب لو تزوجت امها

فخليك حذرة من هالنااحيه

 

[يعشق هواي]

أختي من الخطأ أن تنعتي المرأة بهذا الشكل أولآ هذا غيبة فإن كانت فيها فقد اغتبتها وان كانت ليست فيها فقد بهتها أي ظلمتها

ثم من قال ان الجمال هو المقياس وانتي اساسا سمعتي من طرف واحد اهل زوجك في حين لاتعلمين ماحدث ولا يعلم الا الله
اذا كان القاضي وهو قاضي لايحكم الا لما يسمع من كلا الطرفين فكيف تحكمين فقط من طرف واحد

كيف تطلب الخلع من ابن خالتها الا لسبب قوي وقوي جدآ

اذا ذهبتي فسلمي عادي ولا تجعلي من امرها حساسيه

هي راحت بحال سبيلها وهو ايضا وهاهو تزوجك وهي ستتزوج ياغاليه

فانسي انها كانت زوجته ولا تخربي بيتك بيدك


فرج الله الهموم ورزقك كلآ من سعته

 

[*روعة*]

شوفي حبيبتي
انتي مومضطرة تقابليها
وفي حالة قابلتيها سلمي عليها وخليك معاها عادية جداً
لأنه بعض الناس اذا حسّ انك تحاولين تغيضيه بيستخدم نفس الأسلوب معاك
شيليها من راسك اسلم لبيتك وحياتك
وانتبهي تحاولين تبيني لها اشياء حلوة عن حياتك مثل ماقالوا بعض الأخوات
بتكونين قاعدة تعلقينها فيه أكثر
عقلك براسك وانتبهي لحياتك

 

[غدير الكويت]

خليها تشوفج و تنقهر و تشوف الفرق بينج و بينها و تنسى ترجع لريلج ..
اذا تميتي تهربين من المواجهة بتمين طول الوقت على نااااار .. واجهيها و خلاص افتكي من حرقة الأعصاب ..
و نصيحة لا تطرينها بالسوء .. الغيبة مب زينة ... تراها جذيه تاخذ حسناتج .. انتبهي من هالشي[/QUOTE]
كلامها عدل

 

[**دلوعة بابا**]

شوفي حبيبتي
انتي مومضطرة تقابليها
وفي حالة قابلتيها سلمي عليها وخليك معاها عادية جداً
لأنه بعض الناس اذا حسّ انك تحاولين تغيضيه بيستخدم نفس الأسلوب معاك
شيليها من راسك اسلم لبيتك وحياتك
وانتبهي تحاولين تبيني لها اشياء حلوة عن حياتك مثل ماقالوا بعض الأخوات
بتكونين قاعدة تعلقينها فيه أكثر
عقلك براسك وانتبهي لحياتك

:icon30::icon30::icon30:

 

[ريمتو]

غريب امرج .... ليه متحامله عليها هالقد..... هي ضرتك بشي!!!
خلاص زوجك وطلقها .....واللي صار بينها وبين زوجك كان قبل لاياخذج....يعني كلش مالج دخل فيها
ومفروض ماتفكرين فيها وتخلينها شغلج الشاغل مادام انتي مطمنه انه زوجج مايبيها وماله داعي تتكلمين قدام زوجج ولاتذمين فيها....واذا رحتي بيت اهل زوجك وهي كانت موجوده سلمي عليها بشكل عادي زي ماتسلمين ع البقيه....ولاتراقبينها

 

[RedRose]

اذا شفتيها شلمي عادي وخليك واثقة من نفسك ولا تحسسينها انك مقهورة منها والا كارهتها ولا شي

بس قللي من لامك ,, لا تتكلمين كثير عشان ما تعرف شخصيتك ولا تعرف عنك شي ,,, عشان تكونين غااامضة

ولا تجيبين سيرة لزوجك ولا حياتك ولا شي يخصك ,, تكلمي مع انه في مواضيع عادي بعيد عن اي شي يخصك

واللخ يسخر لك زوجك ويخليه لك

 

[RedRose]

تصحيح الكلمات اللي فوق ( ما طلعلي تعديل )

شلمي == سلمي

لامك == كلامك

تكلمي مع انه في مواضيع ( خخخخخخخخ ما ادري كيف انكتبت هذه) == تكلمي مع ام زوجك في مواضيع عادية

اللخ== الله