ما أحبك .....!!!

[محارة لؤلؤ]

السلام عليكم

انا عندي بنتين الكبيرة عمرها خمس سنوات والصغيرة عمرها ثلاث سنوات ... بصراحة بنتي الكبيرة انطوائيه شوي واحيانا خجوله واحيانا لا .. ما تعلميني باللي يصير معاها يعني احيانا تبكي وما تقول وش فيها لحد ما تطفشني والا انها تقول خلاص خلاص ...

بنتي الصغيرة كانت بالمرة جريئه وتضحك وتلعب ما همها في احد ومن خلصت عمر السنتين صارت مرره خجوله وتزعل وتبكي كثير ...والحين من خلصت ثلاث سنوات من قبل شهر تقريبا...

صارت دائما تردد ..

أنا ما احبك ..إذا خاصمتها

ماما تحبيني؟ ..اذا ما رديت عليها

..ماما اختي ما تحبني.. .اذا اختها ما لعبتها معاها

انتو ما تحبوني..هذي الكلمه قالتها اليوم قطعت قلبي

احيانا اكون مشغوله او شي فما ارد عليها ..او اقول لها مثلا لا اذا خربت شي فترجع تقول كذا

بس اللي قطع قلبي انتوما تحبوني استغربت .اول مرة تقولها ..

مع اننا نحبها وندلعها بس هي شوي عنيدة وما تسوي الا اللي تبغاة ..يعني ما تلعب مع اختها حتى احيانا اختها تبكي عشان تلعب معاها .. تخرب العاب اختها خاصة المكعبات تهدمها وتهرب وهذي مسببه لنا نار بالبيت ..تمل بسرعه من أي شي ... تقلد اختها في كل شي أكل لعب حركات ..

كمان مرة كلمتها بصوت قوي ,, قالت ماما لا تقولين بقوووه ...االصراحة انصدمت صرت اخفض صوتي شوي اذا كلمتها هي او اختها ..والله اني احبهم حتى اني صرت احضنهم واقول لهم اني احبكم .. حتى اذا تضاربت هي واختها اقول بوسوا بعض وسووا حبيبي يعني يضموا بعض ..

بس ليه تقول لي كذا على طول ما احبك ..وما تحبوني ما ادري ليه ...

 

[أ.نجوى ناجي]

جاوبت على استشارة مشابهه منذ قليل واخبرت ان الطفل الذي يكرر مثل هذا السؤال يلفت الانتباه له لانه يحتاج لحنان وحب ولين , بالاضافة الى اني لاحظت انك عصبية اختي من كلامك عن البنت الاولى ولحوحة ( اعذريني في التعبير ) يعني مثل حدث موقف لبنت من بناتك تجزعين او تتحدثين بصوت عالي او تسألي الطفلة بإلحاح ماذا حدث فبالتالي الطفلة تكره هذا الاسلوب والصوت العالي والصريخ , غيري في طريقة التعامل معهما اختي واشركي والدهما في الامر فدوره مهم جدا يمتدحهما ويلعب معهما ويحتضنهما وهكذا