ماودك ان زوجك عنده اصحاب أف

[فتوو رايقة]

أهلين فيكم شرفتم موضوعي انا اليوم منقهرة من زوجي غثني بزوجة صاحبه انها موظفة وراتبها عشرة آلاف تسفر زوجها على حسابها وتشتريلة ساعات ونظارات ماركات غالية ومدخله عيالها مدارس عالمية يعني كذا مره يجيبلي سالفتها بس اليوم ماتحملت وقلتله تبغى تتزوج وحدة موظفة روح أزعجتني أف منهم ذولا الرجال اللي زوجته موظفة يبغى وحدة ربة بيت واللي زوجته ربة بيت يبغاها موظفة مايعجبهم عجب وكل واحد يحسد ثاني حبيت أفضفض وتفضفضون معايا مين اللي زوجها يمدح زوجة خوية و إلايتكلم عنها سوت وسوت يالله نبغى ردود نشوف الرجال وش يحسون فيه ؟؟

 

[تؤام روحي وقلبي]

الله يعيننا على الرجال هم كذا يحبون الموظفات

 

[أم رزونه]

لا تسويها مشكلة بس قولي له ترى أسلوب المقارنة ما ينفع ...
و وصية بالقناعة وأنه ما يناظر اللي رزقة ربه غيره ...
وبعدين طنشي وغذا فتح موضوع مقارنة بعدين قولي الله يسعدهم ...
ولا تهتمي للموضوع ...
اسكتي عنه وإذا ما شاف إستجابه منك بيسكت لحاله ...


مريت بنفس المشكلة (( المقارنات )) وبالنهاية سكت ما عاد يقارن ،،
كنت أقوله إذا قالت شي لا تقارني بغيري أنا ما يهمني احد ولا أقلد احد ...​

 

[فتوو رايقة]

يقول هذه مو مقارنة بس اعلمك ومو كل الرجال يحبو الموظفات فيه رجال يبغون يريحون روسهم وتكون زوجته متفرغتله وتقوم ببيتها وعياله كذا ولا كذا مايعجبهم شي

 

[دافية الاحساس]

لاتزعلين اختي وقوليله الموظفه ماتتفرغ لزوجها وبتكون مشغوله عنه وبينيله محاسن ربة البيت دامك بالبيت وخذي الموضوع زح عشان نفسيتك

 

[طيوووووفي]

الله يكون بعونك
اجل انا مزعجني يبغى اترس له البيت اطفال يبغاني احمل واحد ورا الثاني
وكل يوم يقول لي فلان معه خمس فلان معه ثمان وانتي بس واحد
مع اني توي طفلي ماكمل سنتين
وكل ما سمع باي وحده حامل فتح لي السالفة
واقول له روح تزوج
مع اني اموت ويتقطع قلبي وانا اقول له هالكلمة
اخاف بعدين يروح ويسويها

 

[الـخزآمى]

طيب انت عطيه بالمثل
يعني قولي له ان فلان ماخلى قاصر على حرمته ويسفرها ويشتري لها ساعات ماركه واطقم الماس وذهب ومعيشها بنعيم
وقولي له وحده بوحده
مثل ماتبي الموظفه انا ابي اللي يعيشني ملكه
وبعد خليه يسأل خويه سؤال...هل هو مرتاح وماخذ كل حقوقه كامله ومو ناقصه شي وخليه يحلف خويه بالله يقول الصدق​

 

[فداك روحي يايمه]

هههههههه الله يعينك اختي
هما كذا الرجاله يبغون ويبغون
الله يعينا عليهم والله ..

 

[زوجة الناظر]

مرة قال لي صديقي زوجته سفرته على حسابها


قلت ماشاء الله عليه متزوج شنب هههههههههههههههههه

**************
​

كان يقارن كثير



بان فلان ما يطلع الا لاهله بآخر الاسبوع مرة


مع انو اعمارهم بالاربعين وانا وقتها توني عرووس وبالطعش


ومرررررررة بعد سنتين انفجرررررررررت بوجهه وقلت انا توني صغيرة وماعندي اطفال


وراهم مدارس هم كلهم مررررروا بمرحلة الزواج وكبروا لكن لاتقيس تجربتهم الحالية على تجربتي


فقلت له اذا عجبك موضوع المقارنة انا بقااارن


انا متشحططة من شقة لشقة ملابسي مو اي ماركة


شوف خواتي عمامي خواللي اهلي كلهم ماشاءالله كيف عايشين وانا كيف عايشة


من بعدها حررررررررم شي اسمه مقارنة لانه هو الخسران ,,,

بس لو حسيت ان في مجال مقارنة


على طووول قارنت العين بالعين والبادي اظلم​

 

[نضوج أنثى]

لو فتح معاك السالفه مره ثانيه قولي له مين الرجال مو ناقص غير انه خويك يجلس في البيت وتصرف عليه كيف تسمح له كرامته زوجته تتحمل المصاريف اللي هو المفروض يوفرها لهم وبعدين الأرزاق بيد الله وانا ماعندي اعتراض على حكم الله رزقي ما جاني للحين

 

[رمقة وفا]

ياشين هالاسلوب. قولي احمد ربك متفرغه لك ولعيالك.

 

[المقتولة]

خخخخخخخخخخخخخ قولي له يعني تبيني اتوظف عشان اصرف عليك واسفرك على حسابي ؟؟ سبحان الله انقلبت الأحوال...

 

[حالمه ولكن]

قولي ماعنده كرامه ثاني مره اذا قال لك حرمتي سوت قول خلك رجال وتحمل مسؤليتك وش فايدته في حياتها

اذا هي تصرف عليه وع الله يقرفه اشك انه رجال انا اقرف من الرجاجيل اللي تشاركه حرمته بالمصارف

اجل كيف هذا مافرق عن المره مو ناقص غير يطبخ وينظف

ولا تعطيه فرصه انه يستفزك بهالموضوع خليك واثقه وابتسمي وقولي بصراحه انا عايشه بنعيم

الله يعين الموظفات اللي ماتلقى الاهتمام من زوجها الا اذا رمت عليه كم فلس مو انت فديتك مدلعني من غير مقابل

الله لايحرمني منك

 

[حزينه حد الجنون]

الله يعيين كلهم نفس الشاكله

 

[تلمي]

(لااله الاالله وحده لاشريك له)

 

[الداعية إلى الل]

السلام عليكم
قولي لو بشوري اخذت وزيرههههههههههه
امزح عليك
قولي كنت تكون في هذه الوظيفه شر الخيره فيما اختاره الله
ولعمل الاساسي للمرأه هو بيتها
والله سبحانه ألزم الرجل بنفقه مو المرأه تنفق عليه
قولي له مايستحي ياخذ من حرمته
الحمد لله ان ربي أمرنا ان نرضيه وحده سبحانه وهو الغني
فعلا رضى الناس غايه لاتدرك
الله يرزقك من حيث لاتحتسبي

 

[ليمون بالنعناع]

خير وسيله للدفاع الهجوم ... عامليه بنفس الاسلوب وقارني بينه وبين زوج صاحبتك ... وش فيهم الرجال صارو يتخلون عن مسؤوليتهم ويدورون من تصرف عليهم وربي عيب الي يسوونه ..

 

[المتفائله بالخي]

قوليله حبيبي هذي لانهااا مقصره في بيتها وعياله
وزوجهاا وتحاول إنها تكمل الشئ اللي منقصته
غير كذا كيف صاحبك تسمحله كرامته إنه ينصرف عليه انا أعرف الرجال هو يصرف بيته مو العكس

 

[الخط الفاصل]

البني آدم من تراب ومايملي عينه إلا التراب
القناعة كنز لا يفنى
كثرة الفلوس مو مهمة أهم شي بركتها

 

[الزوجة الصابرة]

الله يفرج همك