ماهي قناعتك حول الانماط

[ارااام]

مساء الخير حبوبات
بنات من فيكم مثلي مااستوعبت الانماط او بمعنى اصح مو مقتنعه فيها ماادري هل انا صح او لا وهل فعلا لو عرفت نمط زوجي ومشيت عليه راح اريح دماغي اولا
لاني بكل صراحه احسها مثل الي بيروح امتحان وتسربت له الاسئله وحفظها نصا بدون فهم فاذا تغير صيغة السؤال تورط يعني عندي قناعه ان العشره واكتساب الخبره هي الي بتعرفك على شخصية زوجك وايش يحب وايش يكره يعني مو مسالة انماط تعرفينها وتمشين على اساسها
ماادري يمكن اكون غلطانه بس ابي اعرف في احد مثلي والالا

 

[اماراتية دلع]

و انا مثلج ممكن الانماط تعتمد عليهم 25% بس لا غير البيئة الي عايشين فيها التقاليد العادات الثقافة الحب بين الاثنين في اشياء وايد تغير الشخص

ثانكيو يا قلبي الله يسعدج

 

[ارااام]

ويسعد قلبك امارتيه وكلامك سليم ميه الميه

 

[القلب المهموم]

انابصراحه مثلكم ماؤويد الانماط ولافكرت ابحث فيهالاني اعرف نمط زوجي من خلا ل عشرتي له ايش يحب ايش ياكل ايش يشرب ايش نوع اسلوبه ايش نوع تعامله معي شكراااا ارااام عالموضوع وعسى ماشر غبتي عن المنتدى كثير

 

[ليمونة فوشية]

معنى كلامك انك مو فاهمه وش الانماط اساسا ..
ابحثى اكثر ماراح تندمين ..
انا معاك العشره لها دور كبير جدا .. بس معرفتك لنمطه تختصر عليك عشرين سنه لقدام ..
مثلا لو زوجك جنوبي ويحب الالتصاق وانتي شماليه ومو معطيته وجه ولا على بالك ان هالشي مهم عنده ممكن تبدا من هذه النقطه الخلاف ..
والعكس اذا كنتي جنوبيه وزوجك شمالي ...
انا حبيت اجيب لك مثال بس انا اشوف ان معرفة الانماط شي جدا مفيد حتى مع الناس حولك اهلك صديقاتك وغيرهم ..
اما اذا انتي مو مقتنعه فيهم يمكن ما عرفتي تحديد شخصية زوجك صح عشان كذا تشوفينها بدون فايده وتضييع وقت ..
والانماط لا تنفصل عن العادات والتقاليد واحسها تندرج تحتها يعني الجنوبي في السعوديه اكيد يختلف عن الجنوبي في امريكا .. فهمتي قصدي
يعني كل نمط اكيد تحكمه عاداته اللي تربى عليها بس تعلمك لها يسهل عليك مشوااار طويل ومتعب ..


موفقه حبيبتي

 

[ام فيصل و دانه]

انا مع ليمونه فوشيه وحبيت اضيف

الانماط مش ايش ياكل وايش يشرب وايش يحب لا الانماط اكبر من كذا

تعرفين كيف يفكر ووش الاسلوب الامثل لاقناعه ووش الاسلوب الامثل لاسعاده واسعادك واهم شي تفهمين ليش هو يتصرف كذا وتتبعين معاه اسلوب يناسب نمطه بحيث تغيرين طريقته من غير مايحس ولا يزعل

مثاااااااااال انا زوجي جنوبي كان يكذب على الطالعه والنازله وصرت ما اقدر اقول لاحد سالفه هو قالها لي لانهاا كذب وزعلت و وعصبت وعاتبت وصرت اقاطعه بالايام ما اتكلم معه وش بقى ماسويت ماخليت شي وقريت ان الجنوبي عاطفي ويجي بالدموع ووالله بكيت مره وحده ومن بعدها ما كذب زوجي ابد يقول لما اجي بكذب اتذكر دموعك

بالعكس الانماط لعبت دور في حل المشاكل بشهاده الجميع هنا او تقلليها وزياده التفاهم بين الازواج هذا وحنا بس اللي نقرأ اتوقع لو الرجال يقرأون كان ماصارت مشاكل نهائي بفضل الله ​

 

[احلىحلاوه]

صراحه انا اشوف العكس بالنسبه لي استفدت من معرفةالانماط بشكل كبييييير واتغيرت حياتي 180 درجه لاني صرت اعرف كل تصرفات زوجي وتفسيره للامور وايش الاشياء الي تشده وتجذبه والاشياء الي ماتعجبه صرت اتقبل منه اشياء ماكنت اتقبلها لاني عرفت انه هذي طبيعته مثلا زوجي جنوبي كنت كثير اتنرفز من كسله و كثرةالتسويف عنده وغير كذا كنت اتنرفز من بطئه في اتخاذ القرار وعدم احساسه بالمسئوليه نوعا ما
معرفة الانماط خلتني افهم زوجي واتفهمه وادخل الى عالمه صرت اعالج هالامور بدل ما اسوي منها مشكله
هذي من وجهة نظري واختلاف الرائي لايفسد للودقضيه

 

[حب بلاحدود]

أنازوجي شمالي غربي قبل يعايرني أم دمعه وخلك قويه وسترونغ بعدماعرفت النمط عرفته يكره الدموع لأنه مايفهمها

 

[نجود1404]

بالعكسسسسسسسسسسس

ريحتني وفهمتني أشياء كثيره ماكنت عارفتها
الله يعافيهم على توضيحها

صدقيني لو تعرفين نمط زوجك
بتلقين اشياء وأشياء كانت غااااااااااايبه عنك

 

[ارااام]

مشكورين لكل الي مروا واتحفونا بردودهم بالنسبه لي انا تقريبا فاهمه للانماط من قراتي والحمدلله ماعندي اي مشكله في فهم شخصية زوجي من قبل اعرف الانماط يعني من ناحية اننا نتكلم عن نمط احس زوجي شمالي بس مو النمط الي خلاني افهمه وافهم التصرف المناسب له يعني من خلال العشره عرفت اشلون يفكر وش يبي من غير حتى يتكلم عرفت اشلون اراضيه والاسلوب الامثل في حل المشاكل عرفت حتى اذا صادق معي اولا وهالشي قبل مااعرف الانماط يعني الي ابي اقوله ان الانماط ماجابت شي غير المسميات فقط وهذا من وجهة نظري الخاصه واعتقد حتى لو مشيتي عالانماط الا مايصير تصادم في البدايه والا كيف بتعرفين نمطه وهالشي نفسه يصير حتى لو مامشيتي عليها والعبره في الاخير من تستفيد من اخطاءها في فهم نفسية ورغبات زوجها وعدم تكرارها

 

[sesebombom]

والله انا كمان مو مقنتعه بالانماط وما عرفت احدد نمط زوجي والمشكله انه في فتيات مالكه او متزوجه جديد وعارفه نمط زوجها .....
اخواتي انت ممكن تعاشري زوجك 6 او 10 وما تعرفي تحددي شخصيته لانه ممكن يتعامل بكل موقف بطريقه شكل
وما اظن انه كل الشماليين مثلا.....مثل بعض اكيد فيهم الي بيطلع عن القاعده
او الجنوبيين كلهم مثل بعض........

 

[اخاف الله...]

انا مقتنعه فيها 100%
ومن دراستي لشخصية زوجي وفهمي للشخصيه وبحثي فيها قدرت افهمه كثير وتغيرت طريقتي معاه 180درجه حتى هو صار يقول صرتي تفهميني من نظرة عيوني
بصراحه ارتحت كثير وعرفت امور كنت فاهمتها غلط اوبمعنى اصح كنت ظالمه زوجي فيها بس الحمدلله فهمتها بالوقت المناسب
فيه حريم مساكين سنين وهم فاهمين ازواجهم غلط ولو كنت مستمره على وضعي السابق كان ما تهنيت بحياتي وراح عمري كله وانامتضايقه وافهم الامور على حسب تفكيري انا مو تفكيره هو

 

[دبدوبه شيك]

بصراحه علم رائع جزاها الله خيرا ناعمتنا على نقله لنا والبنات فيي المنتدى ماقصرو كفو ووفو \
انا جنوبيه وزوجي غربي جنوبي وبصراحه كان يزوعجني فيه امور كثيره تسبب بيناتنا مشاكل بس الحين الحمدلله عرفت نمطه واسلوبه وتفكيره وخلاص ماعاد صعب بالنسبه لي صار كتاب مفتوح والحمدلله

 

[سارونه الاموره]

انا مملكه ثلاث اسابيع واحس اني فهمت زوجي كاني عارفته من عشر سنين!

والفضل لله ثم الانماط .. وهو بعد مساعدني في فهمه كثير


شمالي غربي ..وانا نفسه ..

 

[ارااام]

هلابكم خواتي منورين
واختلاف الراي لايفسد للود قضيه

 

[رحـى]

مساك عسل يا حلوة ,,
الحمد الله كثيراً و بلا عدد,,الأنماط ساعدتني في إسعاد حياة روحي,,و إرتحت نفسياً و عاطفياً الشيء الكثير,,
و جزيل الشكر للإستشارية ناعمة الهاشمي ,ولجميع الملكات اللي شرحوها بالتفصيل,,
و ككل الأنماط,,تتأثر بالعادات,و البيئة,و التربية,و السلوك,,
وإنتي كملكة,,تشوفي رد فعل زوجك الغالي,وتقيسي عليها,,
وبكل مرة,,تقرأيها,,راح تلاقين فائدة عظيمة,,
إلهي يسخرلك زوجك الغالي بكل خلية فيه,,ويعشقكي بكل جوارحه,,اللهم آمين يارب,,

 

[ارااام]

مشكوره رحى عالدعوه الحلوة
بس تدرين انا اذا بصنف زوجي فهو شمالي غربي بلا منازع
وانا ولله الحمد استطعت فهمه والتعامل معه على حسب شخصيته وهذا ماينفي وجود مشكلات ولكن الحمدلله بسيطه جدا لاتذكر وفهمي له ليست بسبب الانماط ولكن من خلال معاشرتي له وايضا لان شخصيتي تقريبا مقاربه لشخصيته كثيرا الا انها على انوثه بالطبع هههههه

 

[فديت دار الحي]

انا وااااااااااايد استفدت من الانماط .. جزا الله خير اللي ارشدني لهالمنتدى والله لولاه جان حياتي بتكون جحيييييييييييييييم
عرفت نمط زوجي و تعاملت معاه حسب نمطه والله والله العظيم بنات تغير 180 درجة

 

[شماليه متطرفه]

بالعكس الانماااط اختصرت علي وعلى وحده من خوااااتي شي كثيييييييييير
الله يجزاها ناعمه عن بنات المسلمييين خير جزاء
صح ان التربيه والعاداات والتقاليد لها دوووور كبييير
خصووووصا الشمااالي الشرقي الله يبعده عنا
احس انه معاناه بكبره واتعاطف مع زوجاااتهم
ويزيد تعاااطفي اكثر اذا كااان سعوووودي
يعني شمااالي شرررررقي +سعوووودي=بيئه صحراويه ومافي عواااطف ولاشي
=========
اختي بعد عرفت من الانماااط اشياء كثيره فالجنس من ناحية الملابس
والعطورات
وفعلا تكووون مطااابقه لهوى زوجها
وش يبي و وش يحب
بالعكس الانماااط خياااال للي فهمها صح

 

[سهام العز]

اما انا بصراحه عجزت لا افهم الانمااط
سويت بحث وطلع زوجي شرقي جنوبي
بس فيه صفه تتكر دائما بحنوبي الشرقي وهي انه فوضوي هذي الصفه بعييييييييييد كل البعد عن زوجي
بصراحه احترت وعجزت لا افهم الانماط
بس اقدر اقول اني فاهمه صفات زوجي بحكم العشره تقريبا 8 سنوات
اعرف وش يحب وش يكره مع اني تعبت معه لني شماليه غربيه