ماني قادره انسى.....؟؟؟

[مفـــاهيم الغلا]

السلام عليكم ورحمة الله وبركاته
اخواتي حابه اقول لكم اللي فخاطري مالي الاالله ثم انتم تعبت وانا اكتم راجية من المولى عز وجل ان القى منكن ردود شافيه ومفيده
اتمنى من الاستاذه ناعمه الله يبارك في عمرها ترد علي وتنصحني وتحلل شخصيتي انا وزوجي...

ومن هنا تبدأ قصتي :

تزوجت وانا صغيره وعمري16 كنت ببيت اهلي انطوائيه ومكتئبه احس ان مااحد يفهمني واحس بالظلم وخصوصآ المراهق محتاج لاحد يحتويه,,,
محتاج كلمه حلوه,,,
سوء المعامله اللي كنا نلاقيها كالسب والتهزئ حتى امام الناس اثرت علينا وعلى ثقتنا بأنفسنا اللي لحد الآن اخواني واخواتي يعانون منها من امي وابوي لان المرض مأثر عليهم الله يشفيهم حسبنا الله على كل ظالم...
طبعآ كنت احب الدراسه ومتفوقه وطموووووووحه مرررره وكانت عندي مواهب القراءه والاطلاع واحب اكتب واعبر والمدرسه بالنسبه لي كل شي وشخصيتي بالمدرسه شي ثاني واجتماعيه ووو....
المهم وانا بثالث متوسط انخطبت ووافقت بارادتي بدون ضغط من احد والمفروض اساسآ البنت بهالعمر ماتستشار بهالامور لانها ماتعرف مصلحتها ومو مؤهله لخوض هالتجربه
شنسوي كل شي قسمه ونصيب...
تزوجت وانا بأول ثانوي ياااااااه ماتتصورون قد ايش كنت جاهله بالحياة الزوجيه وللأسف مالقيت من ينصحني ويوجهني حتى امي الله يسامحها وادري ان الجهل له دور بالذات في مجتمعنا كل شي عيب
حتى النظافه الشخصيه واشيااااااء كثير كنت جاهلتها...
اول ماتزوجت انصدمت كل شي حولي تغير وانتقلت من مدينه لأخرى وابتعدت عن اهلي مع انو الحمدلله ربي رزقني بزوج طيب وحنون
ودرست بهالمنطقه لكن ماتأقلمت أبدآ ماعجبتني وتركت الدراسه وكل احلامي تبخرت
للأسف بعد مااكتشفت اني حامل!!!
حملت على طووووووووول تعبت مره نفسيتي كانت عدم
واهل زوجي متشددين وكانو اول ماتزوجنا مركزين علينا بس ينتقدون ويتكلمون كرهتهم وساءت نفسيتي اكثر
زوجي كان جاهل بالاشياء هذي الحمل والوحام يعني ماحد اهتم فيني
لدرجة اني بس انام شهيتي عدم !!!
عاد تعرفون مع الحمل المفروض اني اتغذى زين واهتم بنفسي اكثر
كنت ابكي داااااايم ومااتحمل من زوجي شي والحمدلله عدت شهور حملي على خير وجبت بنت زي القمر الله يحفظها كان عمري 17
بس ماانتهت معاناتي بعد الولاده نفسيتي كل مالها تسوء وماحد داري عني
حتى بنتي احسها مظلومه
اصارخ عليها واضربها وهي لساتها صغيره ماحسيت بعاطفة الامومه وبعد فتره اكتشفت انه جاني اكتئاب بعد الولاده
كنت مررررررره جاهله
حملي الثاني الحمدلله كان احسن بكثير والحين صار لي 7سنوات من تزوجت
وفي يوم من الايام كنا جالسين انا وزوجي ونتابع برنامج عن الحياة الزوجيه
وذكر الآيه"وخلقنا لكم من أنفسكم أزواجاً لتسكنوا إليها وجعلنا بينكم مودة ورحمة "
قال زوجي لااراديآ اي موده ورحمه؟؟؟
انا انصدمت وهو استغفر وكان ندمان على كلامه
انا ظلت بقلبي موقادره انسى ليش قالها؟؟؟؟؟؟؟؟
ومره قبل 4 سنوات تقريبآ سافروا هو واخوه عند اختهم لانها كانت مريضه وراحو يزورونها في نفس المدينه اللي اهلي فيها
وانا ماتحملت فراقه ماكنت اقدر انام افكر فيه دايم وارسل له رسايل مايرد علي
مرره عاطفيه ورومانسيه وارسل له رسايل بس مايرد وماشفت منه تجاوب صرت بارده كنت محتاجته
بجنبي ...
محتاجه حب وحنان...
المهم زارو اختهم ورجعو ماطولو كثير وبعد مارجعو بكم يوم صار موقف عمري مانسيته ولا راح عن بالي
صدمه قويه بالنسبه لي ..
طلع من البيت وترك جواله وقتها كانت اختي موجوده عندي اخذت الجوال والله ماكان في نيتي افتش
فتحت الرسايل وحصلت رسايل كثيره كلها حب وغزل من واحد مسميه باسم رجل
انا شكيت في امره لا والطامه الكبرى نفس الرقم قاعد يدق
اخذت الرقم ودقيت من جوال اختي طلعت وحده
يااااااااااااااااااااااااالله انصدمت ..انهرت ماني قادره اوقف على رجولي
معقوله الانسان اللي حبيته ووثقت فيه وماعمري شكيت فيه يخونني مع اني اتوقع ان له ماضي عريق
كان يروح مجمعات وعمله بمستوصف يعني اختلاط بس قلت ماضي ماعلي منه ...
من الصدمه دقيت على ابوه والحمدلله انه مارد رجعت دقيت على ابوي واختي تحاول تهديني بس مافي فايده وقلت له بالسالفه نصحني وحاول يهديني
طبعآ زوجي ماكان موجود الدنيا شابه نار وهو موداري
اول ماجا من برى ماصبرت كلمته عن الموضوع وانهرت قدامه وكلمه ابوي وهزأه هو انصدم
دق على اخوي بدون ماادري وقال له عن الرقم زي اللي يقول
ساعدني قول انك انت اللي ارسلت من جوالي
وقعد يحلف لي انه برئ وان اخوي اللي استخدم جواله
انا ماصدقت مومقتنعه بكلامه وكسر جواله قدامي وحاول يراضيني
وفعلآ هدأت ورضيت بس للحين مومصدقه ومن بعدها طاح من عيني وصرت اشك فيه لدرجة اني انقهرت اللي تسرعت ماشفت الرسايل الصادره
وياترى كان يكلمها ومن وين جاب رقمها وتساؤلات كثيره ماغابت عن بالي ...؟؟؟
اعوذبالله من الشيطان الرجيم
واحيانآ افاتحه بالموضوع مع اني ادري انه غلط ... وادري ان ردة فعلي كانت غلط
لكن وربي غصب عني انجرحت موقادره انسى ...
وصرت افتش بجواله واشك فيه وكذا مره الاقي صور حريم واواجهه كالعاده يحلف ويصرف نفسه
وكمان الاقي بالبلوتوث اسامي بنات ونفس الشي
وقصص مثيره وجنسيه في الملاحظات
ومره لقيت بالسياره رسالة حب من وحده واجهته وانا منهاره قال وحده في عمله المستوصف حاولت تتواصل معاه وتعطيه الرسايل عن طريق خويه لانه من جماعتها وحاولت تاخذ رقم جواله
بس مااعطاها وجه وبعدها اختفت البنت ماصارت تروح المستوصف
مااقتنع بكلامه اقول معقوله في كل مره يطلع برئ مااصدقه ابدآآآآآآآآ...
ومشكلتي اذ افي قلبي شي اقول له وغيرتي وشكي يدري عنها وانا خايفه ادمر حياتي بنفسي
مع انه من فتره ماشفت منه شي
بس موقادره اداوي الجرح القديم ؟؟؟؟؟
تعبت احيانآ اقول مهما كان هو انسان ويخطئ ومجرد تسليه مستحيل تكون العلاقه اكبر من مكالمه ورسايل لان زوجي موجرئ و يخاف من رب العالمين بس لحظة ضعف
واحيان افكر في الماضي واوسوس واختلق مشاكل
آخرتها امس كنا مستانسين وقاعدين نسولف عن ممثل قال صايع قد شفته كذا مره بمجمع يغازل
طبعآ قبل الزواج واللي قاهرني انه مايرضى نروح مجمعات كبيره
مع انه قبل كان يرووووووح انا تنرفزت وقلت يعني انك صايع وش اللي وداك المجمع قال العب بس
وتهاوشنا زعل وقال والله بكره لاروح المجمع الفلاني واتمشى ماتقدرين تمنعيني
هو ماراح بس يبي يقهرني ...

لازلنا متزاعلين تكفوووووووون انصحوني وجهوني محتاجتكم

 

[دمعة الغيمه]

انتي لاتذكريه بالماضي وبس حتى تنسين وينسى لانك اذا ماوثقتي فيه وظليتي تشكين فيه راااح يقع باللي ماتبينه وهي
المغازل والخيااانه حاولي تنسيييين

 

[طبعي كذى]

الله يسخر لك زوجك ويكفيكم شر بنات الحرام​

 

[مفـــاهيم الغلا]

انتي لاتذكريه بالماضي وبس حتى تنسين وينسى لانك اذا ماوثقتي فيه وظليتي تشكين فيه راااح يقع باللي ماتبينه وهي
المغازل والخيااانه حاولي تنسيييين

مشكوره يالغلا الله يسعدك وينور دربك
جزاك الله خير عالرد ربنا يسخر لنا ازواجنا ويعفهم عن الحرام
اسأل الله ان يعينني على النسيان ويحفظ لي زوجي

 

[مفـــاهيم الغلا]

طبعي كذا
آمين يااااااااااااااااارب الله يجبر بخاطرك

 

[مفـــاهيم الغلا]

وينكم املي في الله ثم فيكم ليه مارديتو علي؟؟؟؟؟؟؟؟

 

[احبةb]

حاولي تنسين اذا كان بتعشي معاة وحاولي تكوني معاة فرفوشة ونكتي علية وغيري روتينك اقرئي كتب شوفي الهواية الي تحبها اشغلي نفسك فيها وحاولي دائم تكوني قدامة ممبتسمة والله يوفقك

 

[حزن الحجآز]

صباحك .. نعمة النسيان ..

حبيبتي ..

لازم تنسين علشان كتاكيتك الصغار ..
وكمان
غيري من شكلك وسوي نيولوك ..
واهم شي تعوذي من الشيطان لانك اذا مانسيتي راح تكرهيه وهذا يهدم الحياه الزوجيه .
وخاصه ان بينكم اطفال
الله يخليهم لك .. ويرزقك نعمة النسيان ..

محبتي

 

[سديم العنزي]

وربي قصتك تحزن ..
لاتحاولي تذكريه بماضيه ..
الله يسخر لك زوجك ويحفظ لك بنتك ويصبرك

موفقه خيتي

 

[مشكلتي قمر]

الله يعينك من جد مشاكل الرجال ماتخلص الله يعينا عليهم

 

[مراحل عمري]

ياحبيلك
وربي صاير لي موقف مشاااابه لموقفك .. ونفس الشي يحاول يطلع نفسه زي الشعره من العجين


المهم
لازم ننسى..لانو لو فكرتي بالموضوع
زين جت ردت فعله حلوه صح الموضوع مو سهل
بس جت ردت فعل انه متمسك فيك ماسكت وطلع
والا قال ليش تفتشين جوالي.. او اي تصرف بايخ
بيني وبينك انبسطت لما شفت زوجي ضعيف وخايف من ردت فعلي
شي حلو
ضمنا ان شاءالله انو بيحبونا ومايستعنو
نجي للمشكله هي ضعف الدين عندهم .. اللي مايردعهم
زي ماقلتي احس انهم يتسلون لا اكثر
لازم ننسى وندعي لهم ونذكرهم بربي كثير ونستغفر كثير
جربي مره قولي له اطلب تنقل عملك اداري او اي شي خارج نطاق التعامل مع البنات السافلات

والله يوفقكم ويسعدكم ويهنيكم ببعض

 

[ضياع أول حب]

الله يكون بعونك
اقري هالموضوع درر والله درر

http://www.niswh.com/vb/showthread.php?t=26615
الله يوفق كاتبته
ويصلح حالنا وحال ازواجنا ويردهم لنا

 

[سمراء وافتخر]

السلام عليكم

انتي يالغاليه ما زلت في جوامة الماضي موقادرة تنسين الي سواه لما كشفتيه اول مره وماول جرحج ينزف ويتجدد كل ما تكتشفين خيانه جديده فانت الحين شنو تسوين اشتري نفسك وصحتك بكره لاسمح الله صار فيك شي من القهر والزعل ما حد راح ينفعك فاذكري الله وتوكلي عليه وافتحي صفحه جديده معاه وي نفس الوقت خليك حازمه بادب ولمحي له اذا بس حسيتي انه يلعب وصار عندك دليل راح تسبين الجمل بما حمل وتتركين وتعشيين حياتك لانك تبيبن ترتاحين بدون هم وقرف وانك ما راح تسكتين عن اي حق من حقوقك ونفس الوقت انتي غيري من معاملتك يعني فرفشي وخليك دايم مبتسمه ودلعي نفسك حبي نفسك صدقيني لما تحبي نفسك راح يركض وراك واهم شي الدعاء وصلاه الحاجه وطمنينا عليك

 

[مفـــاهيم الغلا]

ياااااااااااااااااارب ياكريم تسعد وتوفق كل من ردت علي
ياااااارب اسعدها في حياتها وحقق لها ماتتمنى
والله الذي لا اله الا هو اني حبيتكم فيه وكلامكم ينحط عالجرح يبرى
نصائحكم كلها درر ربنا مايحرمني منكم
الله يفرج همي وهمكم وكل مهمووووم ياااااااااارب
ويجعل النجاح والسعاده حليفنا في الدنيا والآخره ....

 

[اني]

لا اتحاولين تفتيش اغراضه وادعي له بالهدايه

 

[فخر اهلها]

ربي يهديه لك ويهدي سرك وسخرهلك قادر ياكريم

 

[" أم المهند "]

الله يعيننا احنا الحريم ويساعدنا ياااااااااااارب اللي عندك نبذة فقط بس تبغييين الصرراحة زوجك اهون بكثيييير عن بعض الرجال انتي حاولي دايم تفكرين بحسناته وحااااولي قد ماتقدري تنسي سيئاته وتعوذي من الشيطان دايم لانه الحين مترصدكم خاصة وانتو زعلانين من بعض ... رووحي صالحيه واعتذري منه

 

[حبيبة ميرو]

حببتي لازم تنسين لانج قاااعهدة تدمرين نفستيج ونفست زوجك للدرجةانه راح يقهرك بس بروحته للمجمع

 

[س ر]

الله يهديه ويسخره للك وانصحك انك تقرأين قصص عن الدكتوره ناعمه ومواضيع القسم الذهبيه في قسم الزوج والزواج وتغيرين في تعاملك ونفسيتك وتتثقفين اكثر عن الجنس وان شاء الله بيتغير الى الاحسن
والله يصبرك بمصيبتك

 

[قلبي ملكك وحدك]

ياختي لاتخلي الماضي يطغى على تفكيرك وعلىالي صارلك والي شفتيه من زوجك

بماانتي قلتي انه حنون وطيب استغلي هالشئ فيه

حاولي تعلقيه فيك انتي زوجته ولاتنسي اهله مهما كانوا هم في الاول والاخير اهله

الرجال يبغى من يعامله بحنيه ودلال عامليه زي ماتعاملي اطفالك واكثر دلال بعد اكيد بدون ماتهيني نفسك

الرجال يبغى وحدة مب مهمله نفسها اهتمي بهواياتك وكوني رائك الخاص خليه لمايقعد معك ينعجب بسوالفك نوعي بافكارك خليك واثقة من نفسك

ويارب تنسي ويبعد الشيطان عنكم ولاتفرحي الشيطان فيكم