ماما انا ايش ابغى اقول

[ام فارس الصغير]

السلام عليكم كيفكم يا بلقيسيات
اناعندي ولدي عمره 4سنوات ونصف
كان في الاول يحفظ الحروف والارقام ويتكلم لغة عربية فصحى من افلام الكرتون
لدرجة ان اغلب الناس يقولون ما سمعتوا فلان وهو يتكلم ...روعة كلامه ..ومن هذا الهرج
انا مااشك في احد
بس في شهر رمضان بدأت عنده التأتأة ....كنت اقول ممكن من البلاي ستيشن لانه يتفرج على اشرطة ضرب وقتل ودم وسباقات سيارات...
عند خواله ...
وماقدرت امنعه لانه يبكي بكاء هيستيري لين يروح عندهم


المهم في موضوعي
التأتأة وطريقة علاجها
لانه مرة يحزن
مثلا بيقول "ماما انت زعلانة مني "
يقول "ماما اااااااااااااااانت ااااااا
وبعدين يحط يده على فمه ويبكي يقول ماما انا ايش ابغى اقول
وحاليا انا اكمله الكلام
يبدأ بنص الكلام واذا وقف انا اكمله
ما الحل ؟؟؟
هل التأتأة طبيعية في هذا السن او لا
والروضة دخلته العام وتعقد من المراجيح وطلعته
ما ادري اش الحل
ياليت احد عنده حل يفيدني​

 

[miss homa]

الله يعينك..الطفل اللي كذا يوجع القلب
ولد اختي لما تضربه والا تخاصمه
يصير يتأتأ كذا​

 

[دانة القصيم]

ياعمري والله رحمته

شكله عين ماصلت على النبي

حاولي تقرين عليه

ومايشوف شر

 

[انتوا سموني]

هلا أختي....

بنتي عمرها الحين 5 سنوات وشويات بس قبل كم سنه كانت مثل ولدك كلامها بالفصحه من كثر ماتشوف

براعم وفجـــــــــأأأأأأأأ ه جاتها تأتأه مو طبيعيه حتى أنا اتعب اذا جيت أسمعها من كثر ماتاخذ وقت علشان

تقول اللي تبيه /،وحتى أخواني صار يعايبون عليها ويقلدونها يظنون انها تستهبل ونا كنت اهاوشهم وأقول

لهم : حرام عليكم لا تعايبون عليها ،،، يقولون : اصلا بنتك تستهبل هي مو كذا

حتى انهم مايخلونها تكمل جملتها على طووول يقلدونها وهي مسكينه ياعمري تتأزم عندها الحاله

بس بنتي جتها من روعه لأنها في يوم كانت جالسه في غرفة الجلوس تلعب مع بنات عمتها وكانت

اللمبه مطفيه وهي كانت سرحانه بعروستها ( دميتها ) تلعب فيها وفجــــــــــــــــــــــــــــــــــأه .....

رن جرس الباب وهو صوته عااااااااالي ،،،،، هي ياعمري فززززت وارتاعت وصارت تبكي بشكل مو طبيعي

وجلست اهدي فيها واقرأ عليها لحد ماهدأت .......... ومن بعدها وهي تتأتـــــأ

لكن الحمدلله الحين عدت الحاله لأني قريت في كتاب بعض السلوكيات عن كيف تتعاملين مع طفلك

المصاب بالتأتأه ... وعلى حسب الحاله اذا كانت حاله وراثيه أو حاله عرضيه مثل بنتي ... واللي أذكره

من السلوكيات: 1- لا توضحين لطفلك أنه مختلف عن غيره وانه مصاب بمشكله .... لأنه راح يفقد الثقه

بنفسه وتزيد عنده الحاله

2- اذا تكلم وخذ وقت طووووووووويل أبدا لاتتضجرين قدامه لأن حساس مرررره ويدرس حركات غيره

فهو اصلا متضايق من مشكلته فلا تزودين عليه ,,, وحتى لا تشغلين نظرك عنه بحكم انه طول عليك

وهو يتكلم

3 - وهذا بالنسبه لي أهم نقطه لأني كنت اسويها على بالي اساعد بنتي وأثاري أزود حالتها وهي

مهما أطال الطفل في حديثه إليك لاتكملي كلامه بحجه مساعدته أو انك تعرفين مطلبه دعيه هو بنفسه

يحاول حتى يتوصل إلى مراده <<<<<< شفتيني حافظتها بالحرف الواحد

4- لا تخلين احد يعايب عليه او يوضح له انه في مشكله بأي طريقه كانت

5- خليه يغني لك قدامك وقدام أبوه وأخوانه بصوت عالي مثل ( الإذعه الصباحيه) .. لأن احسها مرررره

فعاله هذي الطريقه

6- تعب من نفسه أو انه حاول يستعجل في كلامه علشان ماتملين منه قولي له : لاتستعجل حبيبي

بشوي شوي تكلم أنا هنا بأقعد لين تخلص ماراح أروح

ووووووووووووووووووووبس ...... الله يشافيه ويحفظه لك

أيه على فكره ... ترا يبيلك وقت علشان تروح منه التأتأه ....... اصبري وطولي بالك عليه

4 و 5 و 6 من اجتهادي ................

معليش شكلي طولت عليك ^ ، ^​

 

[ام فارس الصغير]

شكرا لكن اخواتي يا اللي رديتوا على
اما الضرب انا ما اضرب عيالي
خاصة ولدي هذا لانه حساس مرة وكمان ماشاء الله مطيع
يعني مايحتاج هو حبيب امه
بس التأتاة هي اللي مضايقتني
يعني ما يحتاج اني اعرضه على دكتور
لاني افكر اوديه

 

[ام مصعب]

ممكن وراثه الشي وممكن عين حصينه الله يخيله لك

 

[RedRose]

انصحك تقرأي على ولدك وتشربيه موية مقرئ عليها هذا اولا

ثانيا وديه لدكتور بالعكس مافي شي يمنع وما في احد رح يفيدك اكثر

وهذا رابط قد يفيد ان شاء الله
http://www.niswh.com/vb/t157174.html

بالتوفيق​

 

[ارنوبة زوجي]

ولد جيرانا كذا ماشاءالله بدا يتكلم وهو صغير وفتره كذا بدا يتاتا بعد ماصارله موقف خاف منه مره شوفي يمكن خاف من شئ

 

[ام الاميرين]

بنتي تجيها التاتاة ادا شديت عليها بمسؤليه جديدة بس ارجع اضمها واعطيها الامر باسلوب حنون تروح منها التاتاة وانا اتوقع نفسي لاني اشوف اميرتي الصغيره عمرها 5وكم شهر الله يحفظ عيالي يارب

 

[مشاعل666]

حبيبتي الأمر عادي جدا لاتقلقين ​

ولدي عمره ست سنوات وبدأت فيه التأتأة وعمره 4 سنوات ​

بسبب سفر ابوه للعمل في الخارج لمدة سنه ​

تجي وتروح من بعض المواقف ​

اول شي عالجته بالرقيه الشرعيه ​

بعدين صرت احفظه السور قصيرة من القرآن ​

وبعدها خليته يجلس قدام المراية ويردد القرآن والأناشيد ​

للعلم فكرة جلوسه قدام المراية جبتها من استشاري نطق في الكويت​

والله يفرحك فيه ان شاء الله ​

 

[ام فارس الصغير]

شكرا لكن جميعا اخواتي