مالي بعد الله غيركم...ساعدوني

[شــروق]

السلام عليكم.....


بحاول اختصر قصتي....وع فكره ياكثر ماطرحت لكم من مشااكل والحمدالله اجد حلول مريحه.....


انا متزوجه لي اربع شهور....اهل زوجي مايبووني عنده 3 خوات مو متزوجات...اذا جيتهم يوضحوون

اني جايه مثل الهم ع القلب...والله يابنات يجيبون لي قهووه بايته وفااكه واشربها حياء من امه وزوجي...

انا بقولكم شي...انا احب زوجي وهو يحبني صح تصير مشااكل ......



ومرتين كشفته خاين وعديتها وبديت صفحه جديده.....وانا سبق وقلت لكم لو اشوف وحده وياه ع سريري...والله ماطلبت الطلاق.....لاني مابي اتطلق ولا ابي ارجع بيت ابوي....


قبل شهر ونص سافرنا انا وزوجي بس 3 اياام....ورجعنا واليوم اللي رجعت فيه بيتي

رحت لــ امه وسويت معاي صنية حلا...وقهووتي ورحت...تخيلووو يابنات اخواته

جابو لي قهوه مو قهوووتي.....ولا جابو من حلاي بس قهوتهم بدوون اي شي ثااني....

وعديتها...ولا كلمت زوجي با الموضووع.....ونسيت السالفه

المهم يابنات امه تبي تسوي عمليه وبيتهم في الدور الرابع...وقلت لها تكفين يا امي تعالي عندي

انا بيتي مريح ولاهو في الدور الرابع عشان العمليه ماراح تخليك تطلعين الدرج....وافقت امه

وتخيلووو قبل كم يوم اتصلت عليها وقلت لها متى موعد العمليه عشان اعمل حسابي لك...واجيب لك سرير....

يابنات قالت لالالا ماني جايه عندك ابي اقعد في بيتي اريح لي....واخذت السماعه بنتها الوقحه

وقالت اقول ياشااطره امي تجلس عندنا...وانتي ماندري عنك انت وش من الحريم...عشان نخلي امي تجي عندك....وقفلت الخط في وجهي....قليلة الادب

المهم جاااا زوجي وقلت له اللي سووته اخته....وقال انتي مااحد قالك نطي عليهم وتبن تااخذين امهم من عندهم,,,,,,,

وجلست ابكي وصدمني...وقلت له انت تدري ان امي مو موجوده ولا عندي ام يا الظالم ابي احس اني بنتها....


وجلست ابكي بنات صدمتني امه جررحتني ....ادري ان خواته مايبووني...وشفت ها الشي بعيونهم

وانا با الزفه....تخيلووو يابنات ماكو احد دخل بيتي من تزوجت غير امه بس....

وانا سالت اخوهم...ليش اخواتك كذا يعاملوني...قال تبين الصراحه...هم مايبوني اتزوج لانه ماكان احد يوديهم ويجيبهم غيري....


وهم شايفين انك انتي اخذتيني منهم....قلت له انا شفتهم ماايحترموونك وروعوني يابنات اسلووبهم

مع اخووهم ....كله قلة تقدير وقلة احترام.....

كم مره يفشي اسرارنا لهم....لكنه يقول انه ماعاد يقولهم شي....

واليوم راحو اخواته مع ولد اختهم وسافروو يتمشوون..وولد اختهم صغير عمره 19....

المهم اتصل ع وحده منهم...وهو هنا با البيت وقال وينكم ومتى وصلتوو...وليش مااقلتو لي انكم راايحاات....


تخيلووووو تخيلوووو....وش قالت له....اقوووول مالك شغل فينا ويوم ساافرت انت واللي تزوجتها هاذي ماقلنا لك ليش تروح وليش توديها.....

فارق عننا انت يا اللي من تزوجت هاذي وانت نسيت امك وسحبت عليها وقفلت في وجهه....

وزوجي انقهررر وولع وقال قالت لي كذا كذا...وقال انا عمري ماانقصت ع امي شي...وكل يوم اجيها

ولاقصرت معها.....وانا اقووله مادام انت سنع مع امك خلاص ماعليك فيهم....وانا لاتحسبني سمعت شي....

ابي اطنش كلامهم...وهو يقول واعترف لي وهو معصب...ترى خواتي يكرهوونك اي يكر هوونك

وداايم يقولون لي لاعمرها تدخل بيتنا مانواطنها بعشت الله...واذا بتجي غصبن عننا...

تعالو قبلها بمووعد......

ونااظرت فيه وعيوني كلها دموووع وقلت له ادري من غير مااتقولي ...وانا كنت اتمنى نصير عائله وحده....

وقمت رحت غرفتي...وجلست ابكي....وهو خرج لخواله...وجاااا وانا اشتغل با المطبخ ودخل غرفته

وناااااام...ولا كلمني.....


ابي اعرف شلوون اتصررف مع اهله واخووواته....ابي تصرف حكييم...قهرووني حسبي الله عليهم

 

[~أحزاان العمر~]

أختي افهمي علي

اقدر اقلك ماعليك فيهم وهذول مايستحون ومن هالكلاام

بس كل هذا ماراح ينفعك

حبيبتي سوي نعهم كل خير حتى خواتة حاولي تتقربين منهم

خليهم يعرفون وش كثر انتي حابتهم وحابة جلستهم

تعاليلهم بالكلام الحلو حاولي تاخذيهن معك السوق

الهدية تقرب بين الناس اخذيلهم هدية

النبي عليه الصلاة والسلام قال(تهادو تحابو)حاولي قد ماتقدرين تكسبيهم

صدقيني راح يتغيرون معك للاحسن بس يعرفوك انتي وش كثر طيبة

وتبيهم

وادعي ربك يزوج خواتة ان شاءالله يارب يسخرلهم ربي ازواج

وتخلصين

بس ابدآ لاتحاولي تقطعين زوجك عن اهلة

وهذا امتحان من ربي لك اخذي بصدر رحب وتحملي

وربي يعينك ويصبرك ويحنن قلوبهم عليك

تقبلي مروري

 

[عمر حياتي]

الله يساعدك

 

[شــروق]

كيف اتودد لهم...واخذهم للسوق وهو يكررهوني....ويقولون له اذا تبي تجيبها غصب...تعالووو بموعد...

انا مستحيل افكر اخليه يقطع امه...انا اخاف من الله اني امنع الولد من والدته....وهو اصلا ماراح يسمع لي...

مهما يكون هذي امه.....مو قادره ارووح بيتهم ثااني واخااف انجررح اكثر

 

[شــروق]

وووووينكم بليز

 

[الماسة 2010]

اتصلي على خطابة تجي تخطب البنات ولا تعلمينها من انت ولا يدرون من بعيد لبعيد الله يزوجهم وتنفكين منهم دعواتك بتسخير زوجي وشفاء بنتي

 

[حياتي كله]

شوووووووفي راح اقولك حل بيريييييييييحك ان شاء الله اذا مشيتي عليه

اول شي - بما انهم مايبونك خواته ابتعدي عنهم وجنبيهم بالعربي ( كانهم مانخلقو )

اهم ماعليك كرامتك ياقلبي ,,
واكببببببببر غلط ترا تقولين لزوجك خواتك سوو وقالوو ... لان اهو ماله حول ولاقوه انتي زوجته وهذليك خواته.

النقطعه الثانيه _ حاولي يكون بينك وبين امه احترام بس يعني سالفة انك تقولين تعالي وكذا اتركيها

وزوجك حاولي تكسبينه بصفك ولاتبيين له انه متضايقه من شي


وادعي ربك يصخر لك زوجك ويحنن قلبه عليك

واكثري من الاستغفار الله يفررررج عليك يارب

 

[مطنشه]

ليتني مكانك لو ادري ان اخوات زوجي ما يبغون الحمد لله جات منهم اسحب سيفون عليهم وعلى ام جابتهم وواححط رجل رجم واكبر المخده وسااااااااااابع نووووووووووووووووومه واذا سئلو عني اناظر فيهم بنص وطرف عين واقوزلهم فارقن عني

 

[ايام غربه]

حبيبتي ماعليك منهن ترى الطيبه انشاء الله تغلب خليك طيبه مع امه اهدي لها اكسبيها وزوجك انتبهي تسبين خواته قدامه لانك تقولين يوصل لهن بالعكس دائما وصيه على خواته وخليه يعاملهن بالطيب بيني طيب اصلك له هو حتى لو سبوك هو بيدافع عنك وبيعرف نيتك لهن وبالنهايه اعرفي كيف تكسبي زوجك هن بكيفهن خليهن يتكلمن من وراك لايهمك .............

 

[يعشق دموعي]

اللهم اكفينهم بما شئت

الدعاء ان ربي ينصرك عليهم

ويحنن قلب زوجك


والله يعين

 

[ابرار القمورة]

ياقلبي عليك اسحبي عليهم سيفووون قلعتهم وام زوجك زوريها في المناسبات وانتي واقفة وزوجك وخلي زوجك يروح لامة لوحدة اذا بيطول عندها بس انتي لاتطولين وباالنسبة لاخواتة لو تشترين لهم ذهب ما راح يحبوك وراح يشوفوا انك طيبة وضعيفة ويتمادوا عليك وخليك قوية وانا اختك ولا يهموك الغيرة ذابحتهم الله لا يبلانا شكلك مشاالله عليك طيوبة وقلبك ابيض والله يوفقك في حياتك