ماعندي شخصيه

[املي لقاك]

سلام
كيفكم
ادخل في الموضوع مشكلتي اني ما عندي شخصيه واهلي يقلون لي انتي اصلا كيف نجحتي ويصرون انو انا اصلا ماعندي عقل ويقارنوني بفلانه وعلانه شوفي هم احسن منك .صرت احس كل تصرفاتي غلط والله صرت احاول ابين اني كبيره وعاقله واجلس في المسن مع الي اكبر مني علشان اقلدهم في كلامهم . واحاول اقلد خواتي في الكلام علشان ابين اني عقلي كبير والله طفشت ضاق صدري صرت احتاج لقراراتي بنفسي بس ما اقدر اقرر اي شي بنفسي اخاف يكون غلط . احس ماعرف اسوي شي وعقلي صغير ومافي احد يحبني حتى ربعي احس مو مره يحبوني احس احسن لوم ما اجلس معهم احس ثقيله عليهم حتى لم اجلس واستانس معهم احس اني ضيقتهم .

 

[فيض الحنين]

انتي كم عمرك ؟
:icon26:
وكيف شخصيتك الاصليه - يعني وش تحبين وماتحبين -
وكيف مستواك الدراسي
:icon26:​

 

[kly shmoo5]

هذا شي يزرعونه الاهل بطفل من هو صغير أنه ((غبي..مايفهم..دلخ....الخ))
يحسبون أنهم كذا يحفزونه انه يصر أحسن
بلعكس راح يصير للأسوء
يمكن راح يتخذ رفقاء السوء علشان بس يثبت أهميته في المجتمع
وهو يدري أنه هذا الطريق اللي يمشي فيه بغلط

لكن كل اللي باله أنه يثبت وجوده في المجتمع

وللأسف..
هذا هو اللي زرعوه فيتس أهلتس
معليتس من كلامهم طنشيهم ولا كأنك تسمعين لهم
أتخذي البرود قناع لتس ..طنشي..بيني أن اللي قدامتس غبي بنظراتتس
اذا أحد كذبتس بشي وأنتي تدرين أنتس ما سويتيه قولي:تبي تصدق أهلاً وسهلاً
ماتبي تصدق ..مني مضطره أخليك تصدق.
قوليها ونتي كلتس ثقه بنفس أظهري للي قدامتس أنتس منتس خايفه منه بلعكس
بيني له كم هو سخيف..وساذج..وغبي
راح يستسغر نفسه لكن لا تقولينها بصراخ صوت يكون هادي وبنفس الوقت واثق وباين

لا تكثرين الحلف
لأن كثرت الحلف يزرع بشخص اللي قدامك انك شخص كذااااااااب

اتخذي فتره وراح تلقين أن الكل راح يحترمتس
ولا ترمين نفستس على بنات هن ما يبغنتس
أجلسي لحالتس عادي تراه ما يضر
راح تلقين أن خوياتتس هن راح يرجعنتس بنفسهن

والله يوفقتس انشاء الله ويثبتتس

دعواتي لتس..

وأنشاء الله أكون افدتتس وافدت كل شخص عنده هذه المشكله

 

[املي لقاك]

فيض الحنين
انا عمري 16 في اولى ثانوي
مستواي الدارسي داايم نسبتي تكون تحت 90 وفوق 85
شخصيتي الاصليه احسها تتغير بين فتره وقتره يعني زمان كنت البنت الي تستفزني اضاارب معها وعصبيه واضارب مع بنات كثر هذا اولى متوسط اما الحين عقلت شوي يعني افهم اذا البنت تستفزني او لا احيانا ما ارد عليها بس احيانا انقهر لم اطنش احس نفسي ضعيفه ليش ما اوقفها لحدها بس اخاف من المشاكل . احب الوناسه والفله بس مو دايم اكون مع البنات لان في بنات يضايقوني . عندي صديقه مره تحبني احس هي الوحيده الي تحبني من جد من غير مجاملات فعشان كذا انا احبها اكثر من الباقين .

 

[املي لقاك]

كلي شموخ اشكرك على نصايحك

 

[الهيزعة]

بصرحه ماشوف فيكي شي
فيض الحنين
انا عمري 16 في اولى ثانوي
مستواي الدارسي داايم نسبتي تكون تحت 90 وفوق 85
شخصيتي الاصليه احسها تتغير بين فتره وقتره يعني زمان كنت البنت الي تستفزني اضاارب معها وعصبيه واضارب مع بنات كثر هذا اولى متوسط اما الحين عقلت شوي يعني افهم اذا البنت تستفزني او لا احيانا ما ارد عليها بس احيانا انقهر لم اطنش احس نفسي ضعيفه ليش ما اوقفها لحدها بس اخاف من المشاكل . احب الوناسه والفله بس مو دايم اكون مع البنات لان في بنات يضايقوني . عندي صديقه مره تحبني احس هي الوحيده الي تحبني من جد من غير مجاملات فعشان كذا انا احبها اكثر من الباقين .




ولو مثلا صرتي زي مايقولولك اهلك راح تكونين خسرانه اذا صار معك شي يقولولك محد قالك تتغيران

 

[فيض الحنين]

حبيبتي املي لقاك ,

انتي بنت ذكية وشخصيتك قوية(واضح من كلامك) ...
وموب عيب اذا اخطئتي من قرار ,كيف بنتعلم اذا ,!!

حبيبتي واضح ان اهلك زرعوا فيك هالتفكير السلبي عن نفسك,
مافي انسان ماعندة شخصيه ,

انتبهي "لا تلقي بالً لكلامهم "

عامليهم بمايجب عليك,لكن لاتنصتي لكلامهم السلبي عنك.

انتي كبيرة الان كفاية,بتقدري تعرفي الصح من الغلط ,
والرسول صلى الله علية وسلم قدوتنا الاولى
تمثلي اخلاقه ونهجه وراح تكوني افضل شخص بالعائله ,الا بكل مكان تروحين له
واهم شئ وقبل كل شئ , حطي ببالك انك انتي قوية بالله
وانك شخصية مميزة مهما قالوا فيك ,والافضل انك ماتسمعين (اذا قدرتي).

دعواآآآتي لك بالتوفيق من الاعماق يااملي لقاك ​

 

[طلة شيوخ]

كلامي من كلام اخواتي والله يسعدك ويوفقك​

 

[سحابه خير]

ياعمري عادي انتي بالمراهقه وهذا شئ عادي انا كنت العن منك<<<يعني اردا منك
تدرين المشكله مو فيناالمشكله في التحطيم الي يلقاه المراهق من الاهل وبالذات اذا كانوا مايعرفون وش التغيرات الي من الممكن يمر فيها الابناء <<<الزبده لا تخافين صدقيني انا يوم كنت كبرك كنت متردده واخاف اتكلم قدام الناس وووو واشياء انقد على نفسي يوم اذكرها بس مصيرك بتكبرين وكل شي يتغير>>>بس تكفين لا تعقدين نفسك وتحرقين دمك والي بياكلها في الاول والاخير انتي بتجيك الماعده والقالون كله من التفكير والعصبيه يوم كنت كبرك كنت اتمنى القى احد يعلمني ان هذي تغيرات لازم يمر فيها كل احد تصدقين بعض الاحيان افكر تفكير مدري وشلون احس ان فيني مرض نفسي والله يوم اذكر ذيك الايام اضحك على حالي

 

[يابعدها سماي]

لو تتغيرين وتقلدين لهم فلانه وفلانه تلا قينهم يقولون ليه تغيرتي شخصيتك اول احسن !!!

بكل الحالات غالبا الناس ما يعجبهم لذالك لا تسعين لرضا اي انسان عدا والدينك
ولو انت متضايقه من شخصيتك اسعي لتطوير ذاتك بنفسك حتى تكون عندك ثقة كبيرة في نفسك
لا تظنين ان فيه ناس كانت شخصياتهم رائعه من مولدهم !! ابدا !!
الشخصيه وتكوينه ومعالمه تحدده الحياة وخبراتنا فيها ومدى قدرتنا على التأقلم معها!!

لذاك خلي لك قرارت واضحه في الامور اللي تخصك
حتى لو غلطتي في اختيارك وفي قرارك لا تيئسين وتتحطمين
وكلنا نغلط ونتعلم وهذا المهم بدون لا تغلطين مارح تتعلمين ابدا

استمتعي بحياتك بطريقة اللي ترضي ربك اولا ونفسك ثانيا
تأكدي كل ما زاد عمرك زادت خبرتك وزادت شخصيتك تحسناً او العكس (حسب قدرتك على الانسجام والتعامل مع الظروف )
ممكن انك تستفيدين من خبرة اللي أكبر منك سن
لكن لا تقلدين احد ابدا ولا تحاولين تحاكينهم في تصرفاتهم لانهم لما كانوا بسنك الاغلب مثلك شخصيتهم ما نضجت النضوج التام

عيشي سنك وحياتك ولا تحطمين نفسك بنفسك بسبب كلام الاهل او غيرهم
اعتبري نفسك ما تسمعين شي وبنفس الوقت طوري نفسك وتعلمي كل جديد ومفيد لك

طوري نفسك عن طريق طرق تطوير الذات والثقة في النفس​

 

[املي لقاك]

شكرا لكم حبيت نصاءكم كثير ورفعه كثير من معنوياتي ان شاء الله تلقونها في ميزان حسناتكم