ماعرف شلون احل هالمشكلة

[ahzan gulb]

السلام عليكم ورحمة الله
اشحالكم جميع؟؟؟


عندي مشكلة وهي اني مالجة من سنة ونص على ابن خالتي وزواجي باذن الله بعد شهرين
وعمري انا وهو 20 سنة
المشكلة اني للحين احس اني ما فهمت زوجي ابد ولا اعرف كيف اتعامل معه وانا وايد خجولة يعني ماقوله كلام حب واااااااااااايد مشاكل بيننا يعني هو يحس انه مظلوم وانا احس اني مظلومة هو يحس اني ظالمة وانا اس انه ظالم

اسلوبه ورده يخليني معرف اتكلم معاه او اخاف اقوله اللي بخاطري
واصلا انا من النوع الهادي جداااااا يعني معرف اسولف معه وهو جذي يتضايق ويعصب مني

خاطري اتغير والله ماشي بقى على عرسي
احسه اللحين متضايق مني ولاحتى مهتم لي وكلامه صاير ازفت عن قبل
وفي امور بالعرس ماتفقنا عليها وهو للاسف لان بيننا مشاكل رافض يقبل بهالاشيا والمشكلة اذا ما سواها بيتوقف زواجي واهلي من صوب وهو من صوب وانا بروحي احاتي احس تعبت من هالاشيا
يعني هو تعود يتركني ويزعل مني بالاسابيع عادي عنده وكله يقولي انتي السببببببب صحيح يمكن انا مقصرة بس تقصيري لان خجولة ولاني بصراة معرف اتعامل معه احس ارتباكي يضيع كل شي

بس هو اسه قاسي شوي معاي وكل مرة اقوله اذا تضايقت مني خبرني بس هو ما يقول لين الحين احسه حاقد علي او كارهني
ويوم اقوله خلاص اذا انت ما تباني اتركني وانا مابى منك شي وبتحصل اللي تسعدك
يقول ما قلت مابيج لكن والله اسلوبه وكلامه يقول هالشي بشكل واضح

خاطري الين قلبه واتغير شوي للاحسن لاني ناوية بنهاية هالاسبوع احسم الامر
ابي اكون رومانسية واقول كلام حلو واسلوبي يصير حلو عشان اشوف اذا هو بيتعدل او لا


بس كيف تعبت من اسمع النصايح واقرا طرق ويوم ابدى كل شي يفشل بديت اس بالاكتئاب!!!!



ارجو منكم المساعدة والدعاء لي بظهر الغيب