السلام عليكم ورحمه الله وبركاته منتدى بلقيس اشكر كل القائمين عليه وحابه افيدكم باللي تعلمته و دفتري ابو 60 ورقه مليان تعليمات ونقاط مهمه اذا حابين اكمل كملت ان شاء الله
اذا ارضيتي الله ان شاء الله سيُرضي عنك زوجك والناس ( ادعي دائما اللهم ارضى عني )
اذا خايفه على زوجك من الحرام او تبين تملكين قلبه استودعيه الله بهذا الدعاء التحصيني بعد صلاه العصر والفجر قولي ( اللهم اني استودعتك قلب زوجي وبصره ولسانه وفرجه فإحفضه لي يامن لاتضيع وائعه )
الفكره الذاتيه اللي في عقلك اللي انت ماخذتها عن نفسك تلقائي زوجك والناس راح يأخذوها عنك لانك بهالطريقه ترسلي لهم اشارت طاقه سلبيه وهم يستقبلونها و نفس الشي لو ارسلتي لهم طاقه ايجابيه يستقبلونها فأي وحده تختارين اكيد الايجابيه فدائما حدثي نفسك واشعريها انك حلوه وخلوقه ومحبوبه وزوجك يحبك :20:
الله الله بالثقه في النفس لاتسالين زوجك ايش رايك بلبسي والا انت مرتاح معاي والا انت ماتشتاقلي ليش والا تحبني كل هالاسئله تنم عن فقدان ثقتك بنفسك وقدرتك على احتواء هالاشيا ء واذا قال انت حلوه مو تقولين الله يعز المكياج لا حبيبتي قولي ادري ياقلبي اني حلوه __ بكل دلع وغنج :24:
استقبال الزوج عند عودته وتوديعه قبل خروجه لها اثر طيب على قلبه :32:
فجري طاقاتك الانثويه وتدلعي لاتقولين لنفسك ما اعرف اتدلع او بحاول او مولايق علي هالكلمات تاثر عليك سلبا حسب علم الطاقه قولي لها تدلعت وبتدلع زياده على زوجي حبيبي وموصعبه مع التدريب والهمه انا شماليه كنت اعتبر الدلع سخافه << ايام زمان الله لايردها خخخخ بس كيفت نفسي وعودتها على الدلع وكل الانماط تحب الدلع وما اتوقع رجال يكره الدلع :30:
لاتمدحين اي امراه على وجه الكره الارضيه عند زوجك ترى انت الخسرانه يا اما انه راح يتعلق فيها او اذا كانت من محارمه والاقارب كل شوي يقارنك فيها حتى لو ماصرح المراه الذكيه تمسك لسانها بالذات وهي راجعه من عرس خخخخخخخخخخ:2:
لا تقتلين اي حشره قدام زوجك ولاتركبين السلم :19: تغيرين اللمبه وبيني خوفك من هالاشياء ولا تعلي صوتك ابدددد لان هالاشياء تفقدك ثلاثه ارباع الانوثه
تقول الدكتوره ناعمه لاتطيحي الميانه مع الرجال معنى هالكلام بعض الامور ماتنقال قدام الرجال مثل سوالف ايش ايصير في الولاده والا طريقه تضييق والا الدوره غزيره اليوم والله لينقرف :30:
اذا انتقدك زوجك في تصرفاتك او طريقه معاملتك له او للاطفال انتبهي للنقد وغير من نفسك ترى هالنقد افضل مليون مره من انه يلجا لزواج ثاني او للحرام لاسمح الله مثلا انتقد صوتك العالي او حتى انتقد حاجه تشوفينها بسيطه مثلا قالك ليش تلبسين خاتم في السوق معناها اثرتي غيرته على طول قولي يوه جزاك الله خير ذكرتني وشيليه في الشنطه طبعا نقده يكون في غير معصيه الخالق
الفرمونات استغليها لجذب زوجك اكثر من روعه سوي بحث في هالقسم اكتبي كلمه فرمونات
لاتصري على السوالف مع الزوج طوال اليوم، الرجل بطبيعته صامت، وذلك نظرا لصغر حجم الغدة التعبيرية لديه اذا تبين تسولفين سولفي مع صديقة لك وابتعدي عن زوجك ، فهو رجل يختلف عنك في كل شيء، وهولا يتكلم الا لايصال المعلومه واذا كنتي تبين زوجك يتكلم اسكتي انتي وشوفي كيف راح يبدا هو بالكلام :10:
لاتتخلي عن هواياتك وصديقاتك بعد زواجك اذا لاحضتي الرجال مايتخلى عنها بس حنا مسكينات من نتزوج نكرس حياتنا لها المخلوق وهذا اكبر غلط اصلا الرجال يعتبر المراه جزء مكمل لحياته فقط اما المراه للاسف فتهيألها ان الرجل كل حياتها صح ببدايه الزواج موكذا بس بعدين الرجال بيرجع لربعه وهوياته فسوي مثله :2::1:
من تعلق بحب غير الله عذُب به حبي زوجك بحدود ولا تبينين له انك ماتقدرين تعيشين من غيره لانه اذا اقتنع بها الشي ماراح يراعي مشاعرك ابد بيسوي اللي يبيه وفي قراره نفسه عارف انك ماراح تتركينه لانك ببساطه قلتيله ما اقدر اعيش بدونك :20:
لا تتنازلين للرجال عن اي حق من حقوقك دراسه وظيفه او مصروف على قد (حاله طبعا ) خاصه لو كنتي شارطه عليه في عقد الزواج ليششششش لان الرجال اذا شافك تتنازلين كل شوي راح ترسلين له اشارات سلبيه وهي انك ايضا ممكن تتنازلين عنه بسهوله هو لو فكر بغيرك بيقول ياما تنازلت اكيد ماراح تعارض زواجي وبيستغرب رفضك وراح يسوي اللي براسه
اذا كنتي تكرهين احد من الناس فإاحتفضي بمشاعرك بعيدا عن زوجك والناس علشان ما ياخذ وعنك فكره موحلوه مثلا لاتقولي اكره فلان والافلانه ومنها تجذبينهم يعرفوا عنهم اكثر :33:
لاتبخلي على نفسك باللبس والعطور والاثاث في حدود المقدره طبعا لانك اذا استخسرتي في نفسك عطر غالي فلاتلومين زوجك اذا استخسره فيك :34:
لاتخلين حياتك محصوره على الرجال ويصير هو محور حياتك واهله والمشاكل عيشي لنفسك وحبي نفسك وعيالك وتغيري علشان نفسك واكشخي علشان نفسك ومارسي هواياتك واقراي القران مره قرات ان احد الصحابه لا اذكر اسمه اتى من الجهاد واخذ يقبل المصحف ويبكي ويقول اشغلنا عنك الجهاد سبحان الله وحنا ايش اللي مشغلنا لو كل يوم تقرين صفحه كم حسنه تصير عندك :32:
يتبع والقادم احلى واحلى
بنات يمكن اسلوبي مو حلو في الكتابه لاني مو كاتبه اصلا بس يشهد الله حبيت افيكم زي ما استفدت انا
وفي نهايه الموضوع راح اشكر كل عضوه استفدت من مواضيعها بالاسم علشان تقرأو مواضيعهم
قالت ام الرائعه نغمات النجاح ( من دن دن غنى )ومعنى هذا ان الرجال اللي يجيب طاري العرس يبي يعرس وهو يجس نبضك بالدندنه علشان كذا لاتسمحين له يدن دن بعدين يوصل لمرحله الغناء ترى خلي لك موقف صارم خليه يعرف رد فعلك من بدري عطيه نظره قويه وقولي له ماراح تلقى عندها ازود من اللي عندي وترى اذا انت شفت حالك وتزوجت انا بعد بشوف حالي واتزوج واعيش حياه جديده مثلك الموضوع كله اقطع عرق وسيح دمه مافيه مجال تاخذين الموضوع بمزح والا تدافعين عن نفسك لانك لو دافعتي راح تحسسينه انه ناقصك شي فعلا والله يابنات اعرف وحده عقيم وزوجها قال لها ابي اتزوج ابي عيال قالت موافقه بس بشرط عطني ورقتي قسم بالله لهم الحين فوق العشرين سنه مع بعض مع ان اهله يزنون عليه بس هو خايف يفقدها
طرنا والا وقعنا الرجال تزوج علشان الجنس خليك مبدعه حتى لو عندك برود مثلي معليش علشان ماتخسرينه وحسسيه انك مستمتعه معه ومارسي علشان متعتك انتي وهذا من اسرار العشيقات (الله يصلحهن )ولاتنسين حركه حلب الرجل وهي ممارسه تمارين كيجل اثناء الجماع وهو من اسرار الاندونيسيات (الله يصلحهن بعد ) و حافضي على راس مالك وضيقيه وافضل طريقه للتضييق هي تمارين كيجل وممكن تسوين عمليه تضييق بعد ولادتك ولاتحسسين زوجك انك ماتحبين الجنس او تنقرفين من شي ترى بيروح يدور على اللي تبيه
اذا كنتي تتمنين صفه تكون في زوجك ترى موصعب هالشي الصفه اللي تبينها ناديه بها ومع الايام يكتسبها مثلا قولي له كل ما جاب اغراض البيت احبك ياكريم كرريها ومع الايام بيصدق انه كريم او مثلا زوجك مايحبك بالقدر اللي تبينه ناديه دايم ياعاشقني تعال وهكذا وهذا يسمونه ايحاء عودي لسانك على الكلام الحلو لزوجك لاتكونين بخيله ودلعيه بإسم دلع طبعا بينكم اما عند الناس لا
حثي زوجك على الطاعات ولاتنسين ان الدال على الخير كفاعله مثلا اكفلوا يتيم وحثيه على طاعه الله ثم والدينه والاحسان لهم ترى الدنيا دواره وراح تكبرين في عينه و اسرار بيت اهل زوجك لاتطلعينها برى لان الضرر يرجع عليك زوجك بيشيل في قلبه عليك ولا راح يسامحك وانت خذيها من باب الستر على المسلمين واسكتي وحتى اسرار بيت اهلك وعيوبهم لاتقولينها لزوجك علشان مايستغلها ضدك بعدين
طلعاتك وروحاتك وهدايا زوجك وحياتك الماديه وسوالفكم الحلوه ,وتدليع زوجك لك احتفضي فيها لنفسك لان التباهي فيها ماراح يفيدك بشي اولا ممكن يجيك عين او حسد ثانيا تدخلين الحزن على قلب مسلمه محرومه من هالشي ثالث شي يقول المثل المصري داري على شمعتك تئيد
الابتسامه ومفعولها الساحر ابتسمي لزوجك اذا اقبل عليك وللناس بعدترى الرجال يحب المراه المرحه لانها تبعث في نفسه المرح والنكديه يهرب منها
اذا واجهتك مشكله مع زوجك عامليه حسب نمطه مو اي نصيحه تطبقينها مثلا الجنوبي عاطفي جيبي راسه بالعاطفه والشمالي يحب المره المستقله عنه الثقيله مثال من حياتي انا زوجي كذاب بشكل موطبيعي على اشياء ماتسوى وزعلت وعاتبت ويوم قريت في المنتدى ان الجنوبي عاطفي ويجي بالدموع بكيت بصدق وقلته اخاف اصير ماعاد اثق بكلامك انا حبيبتك ليش تستخف بعقلي تاثر وقال دموعك غاليه ووعدني وشوي شوي ترك الكذب حتى صار يهاوش اخوانه يقول لاتكذبون خخخخخخخ
أغلب المتزوجات يطفش زوجها من كثرت 0 وين كنت وين رحت ولاتروح واجلس عندنا وهالنوع من المحاصره تعتبر وسيلة ضغط على الزوج يهرب منها ويطفش بالعكس خليه يروح مع اصحابه او يزور اهله ولاتحددين وقت وتقيدينه وبعدها راح يجيك ممنون ومبسوط مافيه مثل الحريه ومره قرات ان الدكتوره ناعمه تقول ان حرمان الزوج من اصدقائه واهله سبب رئيسي لاتخاذه عشيقه ( كتبتها على شكل نقطه ماعندي شرح )واذا جا زوجك يطلع اهتمي بمظهره وعطريه راح يعطيه شعور انك تهمك صورته عند الناس تبينه مميز لانك اكيد مميزه وفيها ايحاء عن رضاك بطلعته وبيروح وهو مرتاح وبيجي مرتاح واي طلب بتطلبينه بيقول حاضر مو تقعدين تدقدقين عليه وتزعجينه اشغلي نفسك
تثقفي في هوايات زوجك وناقشيه فيها مثلا هوايته القنص اشتري له كتب عن هجره الطيور واقري مواضيع خلي عندك خلفيه وبكذا تثيرين اندهاشه ويعجب فيك اكثر او مثلا السيارات خلي عندك خلفيه عنها ممكن تسألين اخوانك
اللي زوجها رومانسي وتعلمت من المنتدى حابه اهمس في اذنها ( حدثي نفسك قولي انا رومانسيه جدا خاصه قبل النوم ولاتحسبين الرومانسيه تلصقين في الرجال ضم وبوس لا حبي الاشياء الرومانسيه دايم اشتري شموع معطره وملونه واشكال قلوب وعبي البانيو وحطي زيت اللافندر واسترخي واشتري قوالب ثلج لها اشكال قلوب هذه اشارات للزوج انك رومانسيه واهتمي بالفواحات والورد واذا فيه مجال ازرعي ورد جوري في بيتك
بالنسبه للمشاكل اليوميه لاتعقدين الحلول واخذيها ببساطه لان الرجال مو مثلنا هم دايم يختارون الحلول الاكثر بساطه بطبيعتهم افهمي هذا الشي واكبر دليل انه يزعلك وبعدين يجي بعين قويه يبي الجنس خخخخ هذي طريقتهم في الاعتذار
كوني صاحبه رأي مو يجيب لك المنيو في المطعم تقولين ما ادري اي شي والا يقول وش رايك بكذا تقولين ما ادري هالكلمه احذفيها وخلي لك راي لان الرجال يحب زوجته صاحبه راي وكيان مستقل وليست تابعه له نفس رايه والا ماتدري
طريقتك اللي تعاملين بها زوجك راح يعاملك بها مثلا تجراتي وقلتي كلمه في ساعه غضب تاكدي انه راح يقولها لك اذا زعل لانه يتعلم منك اجل ليش اسمه شريك حياه ( مجربه انا هالشي )
سجلي عندك نقاط ضعف زوجك علشان تستغلينها وقت الحاجه مثلا نقاط ضعف الجنوبي الدموع /الاحتضان والحنان ايضا المدح امدحي رجولته/الانوثه الطاغيه/ استمعي اليه بإنصات يتبع
تقول الغاليه دره الكون الرجل لايحب المرأة التي ليس لها اهداف وطموحات في حياتها الرجل لايحترم ولا يقدر المرأه التي لا تعطي قرارات حتى وان لم يقتنع بها بس المهم انك تقررين !! الرجل يحترم ويقدر المرأه التي تكون قراراتها مدروسة ولديها عقليه مفكره مدبره ,,, حتى يستطيع الاعتماد عليك في كل شيء وايضا يفضي لك بمشاكله كي تجدي حلا لها !!
على قوله الرائعه سله فواكه بالامارتي خاويني واخاويج .. اخذريلج واخليج فعلا انتبهوا يالمتزوجات من خرابات البيوت والمجالس الملغومه والتلميحات ابي اسال سؤال المتزوجه ليش تصادق بنت هل هي بتفهم عليك وعندها مشوره لحل مشاكلك طبعا لا واذا كانت صديقتك من قبل الزواج لاتجيبين طاري حياتك مع زوجك اذا سالتك قولي الحمدلله وبس الحين طايحين بموضه التسأل عن الحياه الخاصه بعدين التلميح انهم عادي يتزوجون متزوج وشوي شوي يسالون عن زوجك بالصريح انتبهي وخليك فطينه اسحبي على هالاشكال وابعدي:30:
يقول استاذ علم اجتماع معدد ان المراة يجب ان تمتلك ثلاثة اشياء اذا فقدتها فيحق للرجل ان يتزوج عليها مرة واثنتين وعشرة.... اول هذه الامور:ان تمتلك جمالا ولو كان قليلا ثانيها :ان تكون نظيفة واكرر ان تكون نظيفة ثالثا: الا تكون غبية ... 100% هالكلام صح
الرجل عزيزتي مخلوق بصري أكثر مما هو سمعي لهذا هو ينزعج كثيرا من المرأة الثرثاره
المدح والشكر الله الله بالمدح ترى الرجال يتخبل على المرأه اللي تمدحه اعرف وحده تقول خالي يجنن ودايم امدحه في البدايه صادقني مرره وبعدين صار يقول والله لو انك مو بنت اختي لااتزوجك تقول قلت له واذا رفضتك قال والله ما اطلع من بيتكم الا وانتي معي امدحي زوجك بكرمه امدحيه برجولته واشكريه على كل شي ترى الرجال كل ماشكرتي كل مازاد خيره لانه يحس بالتقدير:24:
الحياه الزوجيه اخذو عطا مو تقصرين في حقوق زوجك وتبينه يوديك ويشتري لك اذا جاينام هيئ له الجو وعلمي اطفالك الهدؤ وقت نوم ابوهم وقصري على التيفي واهتمي بوقت الوجبات ترى الجوع يخلي الرجال يعصب وتفنني في الطبخ حتى لو عندك خادمه الزوج يحب ياكل من يدين زوجته واكرمي ضيوفه ولا تتأففين منهم
تجنبي العتاب في لحضات الصفاء والرومانسيه لاتخربين الجو ولاتقعدين تتشكين هو مايقصد بها الجو انك تفضفضين وتخربينها عيشي اللحضه واستمتعي
تقبليه كما هو ليشعر بالارتياح والقبول.. موكل شوي مطلعه فيه عيب وشغاله نقد في نقد تأكدي محد خالي العيوب وخففي نقدك واستبدليه بإسلوب التعزيز عززي في زوجك الاخلاق الحلوه وشجعيه والعيوب الصغيره تغاضي عنها او استخدمي اسلوب حلو حسب نمطه اما العيوب الكبيره مثل البخل استخدمي سلاحك سواء كان كيد النساء او نقاط ضعفه اللي مايقدر يقاومها مع الدعاء ان الله يسخره لك وكثره الاستغفار واستخدمي اسلوب الايحاء اذا جاب اغراض لك قولي الله لايحرمني من كرمك وخيرك
اذا لاحضتي ان المشاكل ماتفارقك واللي تطبقينه من المنتدى ماجاب نتيجه راجعي نفسك وحاسبيها وعدي ذنوبك وتوبي مثلا تسمعين اغاني لاتقولين حاجه بسيطه لاحبيبتي الاغاني تقطع الرزق وتلم عليك الشياطين ومن ترك شيئا لله عوضه الله عنه اتركيها لله حتى لو كنتي مدمنه بدليها بسماع القران و ترى اكثر شي يفرق بين الزوجين هي المعاصي لانها سبب دخول الشيطان بينهم
هل تريدين ان تكوني جذابه اساس الجاذبيه هو الغموض وهو = الصمت ـ يفضلها الرجل لأن هذه المرأة تخبئ ما تشعر به ولا تدلي بأية معلومات عن بيتها أو زوجها أو عن الآخرين ، مما عرف باسم" الثرثرة النسائية اليومية " من نقل أخبار الناس الأمر الذي يجعل غموض المرأة اساس الانجذاب من قبل زوجها لأنه يجدها موضع ثقة وأكثر تأثيراً على الآخرين ويحاول اكتشاف سر غموضها فيبدأ بالحديث هو يتبع
الرجل لا يحب المرأه التي تلتصق به وتخنقه بحبها , , يريد قليلا من المساحه ,, كي يستطيع أن يبادلك الحب ,,
لازم تعرفين هل زوجك سمعي والابصري والا حسي من كلامه اذا كان اكثركلامه اسمعي او شوفي او احس وبناء على ذلك اجذبيه مثلا كان سمعي كثري كلام حلو او بصري تكشخي او حسي الله الله في الطبطبه والمساج والحضن وممكن يحمل صفتين بصري حسي مثلا
يقول الدكتور طارق الحبيب ""عندما تبدأ بالمقارنة بين إنسان تحبه وبين شخص آخر فأنت بذلك قد فتحت الأبواب للمشكلات المحتمل وقوعها لأن أغلبنا يريد أن يكون محبوبا لدى الآخرين كما هو عليه .." هذي همسه للزوجه اللي تقول لزوجها ليش ماتسوي مثل زوج فلانه !!! طيب وش شعورك لو هو قالك صيري مثل فلانه !! اترك التعليق لكم
لغه العيون مين يصدق ان العيون تحكي طيب جربي وشوفي تأثير النظرات على الزوج بس خليها تكون مليانه حب ورضى ودلع
اذا واجهتك مشكله مع زوجك لاتفتحين الدفاتر القديمه المطويه حتى لوكانت تتشابه لانك لو فتحتيها معناها شايله بقلبك وحاقده وطوال هالسنين تمثلين الرضى يعني !!! انتبهي خليك في الحاضر ولاتزيدين الطين بله
هالجزء اللي تبي اكثر معلومات تبحث عن علم الطاقه واليه عمل العقل الباطن بس انا جبت لكم الزبده اللي تنفعكم في الحياه الزوجيه
دائما بقدر مانستطيع نحاول ان نتجنب الاشخاص السلبين لانهم يمدوننا بطاقات سلبيه مثل الحاسد الافضل ان نختار اشخاص يبثون فينا روح حب الحياه والتشجيع وغيره من امور تجلب السعاده والرضا
لاتبكين ابدا قبل النوم ( ترى موزين )) ولاتفكرين في اشياء حزينه ابد بالعكس قبل النوم فكري بأشيا حلوه وتتمنينها واقرأي ايه الكرسي :29:
اذا حسيتي نفسك مضغوطه او زعلانه اول شي تعوذي من الشيطان وصلي ركعتين
ثاني شي استرخي وتعلمي فنون الاسترخاء وابسط طريقه تستلقين على ظهرك وتسكرين عيونك وتتخيلين شاشه سوداء مكتوب عليها شي مثلا ايه الكرسي او سبحان الله ولا تفكرين في شي ركزي على الشاشه السوداء والكلام المكتوب كرري قراءته لمده 5 دقايق اذا ما اعجبتك سالفه الاسترخاء
خذي ورقه وقلم واكتبي كل اللي قاهرك واذا خلصتي اقرأيه وولعي بالولاعه ببدايه الورقه وخلي عينك عليها لحد ماتتفحم
فيه نوعيه من الناس مُتسقطه يعني تدور عليك الزله يمكن تعانين من هالناس مثلا من حمولتك او غيرهم تحاول تستفزك او تسوي مشكله من مخها الفاشل
انا اقولك الحل !! الحل بسيييييييييط جدا جدا لاتعطينها مجال تحقق اهدافها و اهدافها انك تعصبين وتحزنين وتقطين عليها كلام علشان تروح تتبكبك عند الناس وتقول فلانه( اللي هي انت) قالت وتستوي مشكله اختاري وحده من ثنتين يا تسكتين او تبتسمين بثقه بتكونين يالغلا خربتي عليها المشروع خخخخخ جربو وشوفو انا مجربته مع وحده وتااااااااااااااابت تتعرض لي وترى الدافع غالبا يكون حسد وترى السكوت يقهرها اكثر حنا نسميه حقران
طلباتك ومشاويرك اعرفي متى تطلبين مو الرجال توه جاء من الدوام مابعد يغير ملابسه تستلمينه تراني ابي السوق تبينه يقول حاضر !!!!!!!!!! !! وبعد ماتختارين الوقت المناسب اختاري الطريقه المناسبه اللي هي الطلب المباشر قولي حبيبي بكره ابي السوق مو تقولين وش رايك لو والا اذا انت فاضي حبيبتي الرجال مايفهم الا الاسلوب الواضح والمباشر لانه ابسط اسلوب خليك واضحه في تحديد الطلب
استفيدي من الالوان وتأثيرها على النفس اللون البرتقالي يساعد على استثاره الهرمونات الاتثويه واللون الاصفر من يرتديه فهو بالطبع واثق من نفسه اللون الرمادي يقتل المشاعررر ويجيب البرود ابعدي عنه واللون البنفسجي لون روحاني ولكن كثره النظر فيه تجلب الحزن ... ابحثي اكثر
فيه اشياء تزيد التقارب بين الزوجين واولها الاشتراك في عمل ديني مع بعض مثلا تقرأون مع بعض سوره الكهف كل جمعه تمشون مع بعض تحت المطر
يقولون الفاضي يعمل قاضي لاتخلين الفراغ يدخل حياتك اذا ماعندك اطفال اشغلي نفسك بشي مفيد لك في الدنيا والاخره خليك على طول انيقه يقولون الزين مرحوم خخخخ واهم شي البساطه في كل شي لاتبالغين وغيري ستايلك من وقت للثاني
لغة اللمس .. أجمل اللغات يالله مفعولها عجيب الطبطبة، مسحة الرأس، احتضان ومسك اليد وغيرها من لمسات يجهل الكثير أهميتها في صحة العلاقة الزوجية. اللمس . . بأطراف الأصابع .. يوصل آلاف المعاني لانها تتصل بأنسجة عصبية حساسة تنقل المشاعر والأحاسيس
اذا جا وقت النوم لاتخلين حبيبك ينام لحاله كوني معه حتى لو مافيك نوم على الاقل لحد مايغفى خلي النوم في مخه يرتبط بحضنك وريحه عطرك ولمسه ايدك وبعدها ماراح يستغني عنك ابدددددددد
(( اذكر وحده كانت تدرس معنا تقول اوف من خالي مايخلي زوجته تنام عندنا اذا جونا يروح يستاجر في الفندق لازم يفركش وناستنا نقول خلها يقول هذي مخدتي وش فيكم ماتفهمون ما اعرف انام بدونها )):40: (لا تبالغي في النوم عند اهلك علشان مايتعود عى بعدك )
اذا كنتي تقليديه في اللبس وقريتي في المنتدى وحبيتي تغيرين موب على طول من جلابيه الى شورت اكيد بينتقدك التدريج حلو ياقمر شوي شوي :22:
اذا كنتي مبتلاه في الدنيا بمرض او سحر او زوج مايخاف الله وضاقت عليك بما رحبت تذكري الجنه والاجر وتكفير الذنوب لك وتذكري قوله تعالى ( وبشر الصابرين ) واذا كنتي مظلومه تذكري ان هناك يوم قصاص ولا تفكرين تنتقمين ترى هذا من الشيطان وخلي البركه تعم بيتك شغلي اذاعه القران يوميا يتبع
تبين زوجك يفتح لك قلبه ويقول لك اسراره اتبعي التالي الرجل طفل كبير اغلب الرجال يحب يمارس طفولته يحب اللعب برش الماء او يشتري لعبه كانت في الزمان المغبر او يحتفظ بمقطع مغبر مثل فوازير ايام الابيض والاسود او يشتري المصاصه الملونه مارسيها معاه وانبسطي بتقولين وش دخل هذي بقولك هالشي يكسر الحواجز بينكم لو ضحكتي عليه وانتقدتي هالشي هل تتوقعين بيتجرأ يفتح لك قلبه !!!
إستمعي له بإنصاااات حتى لو موضوعه تافه اهتمي وشاركيه الحل والتوقعات
لا تنقدين طريقه كلامه انت سريع ..انت بطئ.. ليش تقول كلمه كذا ما احبها
قللي كلامك معه عن الناس وخليك غامضه وراح يضطر يتكلم
تقول الرائعه المهاجره الرجل شجره جذعها واوراقها له لكن ظلها وثمارها لك معنى هذا انه حينما تعتنين بزوجك كالنبته بصبر سيلوذ اليك من اقصى الدنيا و لن يجد الراحه الا معك وستجنين ثمار جهدك لك وحدك عندها لن يبخل عليك بشئ ...... الموضوع يحتاج صبر يا جميل:20:
السعااااااااااااااااده اذا كنت تعتقدين السعاده في المال والا في الزوج والا في العيال فانتي غلطانه هؤلاء زينه الحياه الدنيا فقط
سعيده يعني مرتاااحه بحياتك طيب اعرفي ان السعاده تتحقق بذكر الله وطاعته قال تعالى ( ومن اعرض عن ذكري فإن له معيشه ضنكا ) وقال جل وعلا ( الا بذكر الله تطمئن القلوب ) الله جلا وعلا دلنا على السعاده ايش نبغى اكثر ايش ننتظر يلا نبدأ يابنات نفتح صفحه جديده بيضاء احنا اللي نحدد معالمها
اول شي اشكري الله واحمديه قال تعالى ( ولئن شكرتم لازيدنكم )
ثاني شي اعطوا الله مايحب يعطيكم ماتحبون الله سبحانه وتعالى يحب ((سبحان الله و الحمدلله و لا اله الا الله والله اكبر ) ) وهن الباقيات الصالحات
اذكار الصباح والمساء حافظي عليها قال تعالى ( اذكروني اذكركم )
واستغفري طوبا لمن وجد في صحيفته استغفارا كثير تعرفين ايش هي طوبا !! هي الجنه الجنه الجنه يا اختي
قبل تحطين راسك على المخده قولي اللهم اني عفوت عن من ظلمني قال تعالى ((والكاظمين الغيظ والعافين عن الناس ..))
الزوج يحب كثيرا الزوجة التي يحبها أهله وينظر إليها كما ينظرون لها وبالذات الأم يحب الزوج ان تكون زوجته مشابهة جدا لأمه في الغرب اثبتت الدراسات أن الرجال المتزوجين عن قصة حب كانت زوجاتهم شبيهات جدا بأفراد العائلة من حيث المظهر والمخبر وان لم تكوني مهتمة بأهله فهو لن يهتم لأمرك يقول الدكتور صلاح الراشد اكثري من الثناء عليهم فانك بذلك تأسرين قلبه ان لم تستطيعي حب اهله فابحثي عن شاب يتيم لاقرابة له .
انا ما اقول لك اخدميهم والا تلصقي فيهم لا
اثقلي مو كل شوي طايحه عندهم خلك بعيد حبك يزيد خليك غامضه وسولفي في الموضوع المطروح ولاتفتحين مواضيع من عندك عن فلانه وعلانه بالعربي لا تحشين في احد عندهم واذا صرتي غامضه راح يحطونك فوق روسهم لانهم مايعرفون اللي بقلبك لكن لو دقيتي الميانه بيدوسون عليك لانهم عرفوا اللي بقلبك من لسانك
ولاتقعدين كل شوي تقولين اهلي عندهم كذا واهلي يروحون كذا ترى هالشي يفقدك احترامهم
واذا احتاجوا شي او مرض احد منهم او تنوم بالمستشفى كوني اول انسان جنبهم لان كل يعمل باصله حتى لو بينك وبين هالمريض او المحتاج حزازيه او حساسيه انسي وردي الاساءه بالاحسان وهل جزاء الاحسان الا الاحسان
ولمعلوماتك حسب علم الطاقه كل ماتعاملين الناس بطيب ترسلين لهم طاقه ايجابيه تجبرهم على الرد بالمثل مايقدرون يقاومونها ابد يمكن يقاومون مره او ثنتين بس مع التكرار اتحداهم يرجعون للاساءه مايقدورن بس المطلوب منك انتي هو الصبر
ولاتمزحين خليك جاده الزمن هذا ماعاد فيه مزح الناس صارت تدور الزعل والزله وكثره المزاح تُذهب ماء الوجه
ولا تتشرهين ليش ما عزمتوني ليش ما ارسلتو لي حبيبتي الحب مايجي بالغصب اهم شي الاحترام لي ش تحطين نفسك في هالموقف ايش تبغينهم يقولون نسينا وش شعورك وانتي منسيه !!!
وام الزوج عديها مثل امك يعني امك ماقد انتقدتك والا قالت كلمه منا والامنا هي هي هذي ام الغالي وقدري غيرتها مو تسولفين عن ولدها وتاخذين راحتك ترى الدنيا دوراه وش شعورك لو زوجه ولدك مستقبلا تسوي كذا ان الله مدك بالعمر
ومشي الامور البسيطه تغابي او عديها بمزاجك وخليك رايقه ترى زوجك ماله ذنب
وراعي الله في علاقتك معهم ولاتقولين ماينفع جربي كلامي اللي تعلمته من المنتدى وشوفي الفرق
تحكمي في عصبيتك وشوفي لها حل بأسرع وقت بالاستغفار والتسبيح وشواهي الزهورات مثل الخزامى والبابونج او شمي زيت الورد وبين فتره وفتره استحمي بالملح الطبيعي يخلصك من الطاقه السلبيه او استرخي في البانيو وحطي زيت الخزامى ( اللافندر ) روقي وتذكري العصبيه تنفر الزوج وتجيب لك الامراض
إمساك يد الزوج علاج للضغوط ..! سواءاً أكان الضغط الناتج عن العمل أو الأولاد أو حتى زحام المواصلات فإليكِ هذا الحل السهل .. قومي بإمساك يد زوجكِ لتشعري براحة فورية ..!
غرفه النوم على قد ماتقدرين لايصير فيها نقاش او زعل بالذات على السرير علشان هالمكان يكون للذكرى الحلوه اللي تتخلد في مخ الزوج واهتمي فيها وعطري المفرش دائما بعطرك انتي
المشاكل الزوجيه ملح الحياه وضروريه وصحيه ولافيه بيت يخلو منها ولكن متى يتحملها الزوج وتكون على قلبه مثل العسل ولايشيل بقلبه اقرأي هالسطور
(((يستطيع الزوج أن يتعامل بشكل أفضل مع الخلافات الزوجيه والنقاشات حين تكون حاجاته العاطفية مشبعة . ولكن , حين يكون محروماً من الحب الذي يحتاج إليه , يصبح دفاعياً ويبدأ الجانب المظلم منه في البروز , وبطريقة فطرية يسحب سيفه .)) اتمنى الفكره وصلت