ماذا افعل؟؟؟؟؟؟؟؟؟؟؟؟؟

[((الطموحه))]

السلام عليكم ورحمته الله وبركاته
كيفكم بنات
اكتب لكم وانا حزينه تعبت من الاهمال هالحين لي اربع ايام متزاعلين انا وزوجي وبسبب موضوع بسيط
يمكن بالنسبه لي(اعتذر عن ذكره)
اول ماحصلت المشكله اعتذرت وما عطاني وجه (ولقطت وجهي )
في الفتره هاذي ماحد يكلم الثاني واذا بغى شي يرسل العيال صايرين همزه وصل
وام زوجي عندي في هالفتره وقالت تأسفي للمره الثانيه وانا احترمها ورحت مر ه ثانيه وقوبلت
بالرفض من جديد وحسيت اني اهنت نفسي وجلست ابكي بحرقه من الي حصل بدون ماحد يدري
ام زوجي قالت الى متى قالها انا مرتاح وهي مرتاحه
والبارحه قلت خلاص لازم احب نفسي
لازم اجزم واترك الكسل
طول عمري اهتم بالغير واخر شي انا
علموني وشلون احبها اكثر من الناس
تعبت من الاهانات
ساعدوني الله يعافيكم
انا اكتب واذا خلصت قمت مسحت الموقع من المحفوظات لانه يفتش وشو ادخل من وراه
احاول ادخل في اليل اذا طلع​

 

[وردة الريف]

اهلين اختي معليش انتي تقولين اهنتي نفسك00 اللي تتاسف لزوجه وتحاول ترضيه ماتعتبر أهانت نفسه بالعكس سوي المستحيل علشان رضى زوجك وتأسفي مره ومرتين لين يرضى عليك وغيري من اسلوبك معه (وزوجك هو جنتك ونارك)الله يوفقك أنشاالله ويسعدك

 

[حبيبت رشيد1]

الله يهديه لكي ويحنن قلبه عليك ويبعد عمكن الهموم ويسعدكم مع بعض

 

[((الطموحه))]

حبيبيتي وردة انا ماقصدت اني اهنت نفسي لما اعتذرت لا فهمتيني غلط
انا و اهو زعلان علي والله ماقصرت في واجباته
بس هو انواع التجريح يقول لامه و اخته لما سالته بنتي سوال انك تحب تعمل وجدتي تعمل وعمتها تحاول تسوي عمل
وانا اسمع قاعد يتقهوى كل واحد له له هدف في الحياة يعني انا مالي هدف اسويه مع اني طموحه جدا واحب اكمل دراستي واحب اتعلم لغه وياما قلت له دخلني معهد ويقول بيتك ابركلك قلت خلاص جب مدرسه في المنزل ولا حياة لمن تنادي
وش تبيني اسوي قوليلي

 

[((الطموحه))]

مشكوره حبيبت رشيد
وجزاك الله خير على هالدعوه
امين

 

[دلع وحبي ولع]

مدري وش أقولك بصراحه بس إذا إنتي إللي غلطانه على زوجك إعتذري له ..
وإذا مو إنتي إللي غلطانه وفي قرارت نفسك متأكده من هالشيء ليش تعتذرين وبكره يتعود لما يغلط عليك إنتي إللي تجين تعتذرين بسبب وبدون سبب ..
وإذا غلطانه إعتذري منه وإذا على قولتك إستقبل إعتذارك بالرفض .. إصبري وإستغفري وإحتسبي الأجر ..
ومالك إلا هو .. بس نصيحتي إتركيه شوي يمكن يبي يأخذ راحته شوي !!!
بعدين إذا شفتيه رايق ومروق كلميه وقولي إللي بخاطرك .. يعني خلاص سامحني حبيبي والله ماقصدت إني أزعلك ..
إنت دنيتي وجنتي .. يعني من هالحكي عشان يلين معاك ويكلمك ويحن عليك .. وإنتي تكلمي كنك ماقصدتي إنك تزعلينه يعني على نياتك
وإنتظري يعني لا تقولين وتترجين فيه إلا يقبل إعتذراك إعتذري وروحي .. خليه يفكر شوي يمكن يفكر إنه زود الزعل شوي ويجي لك أن شاء الله ....
الله يسخر لك ويسخر لي يارب .. والجميع !!!
أتمنى أكون أفدتك بشيء يالغاليه ....

 

[* دموع الورد *]

غاليتي ( خيركم من يبداء بالسلام )

في وقت نومه اذهبي له وابكي وحاولي انك تحضنيه وتبكين

وحسسيه انك محتاجته وابكي من قلب

قولي له ما اتحمل الجفاء هذا

اعتقد راح يتجاوب معك ان شاء الله ،،

حبي نفسك بأنك تدلعينها يعني البسي انعم واحلى لبس حطي مكياج انتي اصلا لما تشوفي نفسك كذا

بتحسين براحه ونفسيه حلووة حتى اهو راح يلاحظ هالتغير منك

تمنياتي لك بحياة سعيدة ان شاء الله
​

 

[اخت فهد]

بماانك بادرتي للسماح وطلب العفو
وهو يقول مرتاح ان شاء الله الامور تنحل
سحابه صيف وتزول
او وسطي امه بماانها على علم بالموضوع
فرج الله لك

 

[عذابي عزتي]

اذا يحبك مابين المتزوجين كرامه انتي لا تعتذري بطريقه مباشره فيه الف طريقه تحننه عليك حاولي والله معك

 

[((الطموحه))]

مشكوره على من رد علي حسيت انه لي خوات التجاء لهن وقت الحاجه بعد الله
الله يعطيكم العافيه

 

[بيالة شاي]

حبيبتي ,,,,انت فعلا محتاجه تحبين نفسك وتعتنين فيها

ادخلي موضوع الغاليه (غربه) ...بعنوان دوره احبي نفسك

وهذا الرابط
http://www.niswh.com/vb/showthread.php?t=61828

 

[وردة الريف]

معليش ياقلبي اسفه اذا زعلتك بكلامي بس حطي بالك ان حياتك وسعادتك اهم شئ في هالديناء وتعلمي اللي تبين من الانترنت فيه مواقع روعه تقدرين تكونين مثقفه ازين من اللي معهم شهادات وهذاء كله بعزيمتك وارادتك اتمنى لك التوفيق انشاالله

 

[الجذابه]

الحين انتم متزاعلين ليه؟؟

هل الموقف يستاهل انك تعتذرين له؟؟؟؟

اللي فهمته انك تبين تدرسين وهو مايبي صح؟؟

طيب ليه وش اسبابه؟؟؟

فيه امور كثير ماوضحتيها عشان نقدر نساعدك...!!!!

كم لك متزوجه ؟؟

وبعدين مو على كل شي تعتذرين له .. اذا واثقه من نفسك وانك ماسويتي شي غلط ولا جرحه بشي لاتعتذرين..

والله يهديك ويهدينا لكل ماهو خير..

 

[ليل العيون]

اهلين حبيبتي

حاولي تنتظري حتى يهدى وانشاء الله راح يجي بنفسه

بس اقري سورة ياسين بنيه انه يرجع لك وانشالله راح الله يقر عينك بس لاتنسي النيه

 

[بنوته زعلانه]

الله يهديه وحاولي تتأسفين له بأي طريقة ولا دخلين الأعيال في الموضوع إنتي حلي مشكلتج بنفس وخلي أم زوجك تساعدج... والله يوفقج

 

[ام خلودي لودي]

الله يحنن قلبه عليك وينزل محبتك فى قلبه امييييييين

 

[مؤاسم الدهر]

الله يكون في العون