مابقدر يجيب اهله يخطبوني تكفون شوروا علي اقبل ولا لا

[صغيره ع الجراح]

اسعد الله جميع اوقاتكم بكل خير
خواتي العزيزات ابيكم تشورون علي شسوي بشخص خطبني ويقول لقريبته اللي كلمته عني انه مايقدر يجيب اهله وقت مايجي يخطب

وانه بيجي بروحه ومعاه اخوه او رحيمه لكن الحريم ومن اهله محد منهم بيجي ولا حتى والده بالرغم من ان علاقته معاهم تمام

يتحجج بالبعد وان اهله بعيدين عنا لكن بنفس الدوله يعني هم بالشمال وانا بالغربيه
انا مو مرتاحه لهالطريقه واحس امه وخواته اذا ماجوا قلة قيمه لي

انتوا اشرايكم الله يسعدها اللي تشور علي لاني خايفه ومدري شسوي

 

[رحلة الحب]

ليه ما بده يجيب اهله معاه معناته هو مو شايف حاله فيكي

اختي بس فيكي تسالي الشاب و تستفسري منه سبب عدم

رغبته في احضار اهله معاه ؟ و لهالدرجه مستخسر فيكي

اهله الحريم ؟ حتى لو بيحبك و مشتريكي انتي مو رخيصة

قولي له اذا عنجد بده اياكي و مشتريكي يجيب اهله عندك

يعني لو بده يخطب وحدة غيرك كان بعت الحريم لعندهم

نصيحتي الك ما تقللي قيمتك , اذا هو مستخسر فيكي

اهله انتي ما تستخسري نفسك اله و مية واحد يتمناك

و اتوكلي على الله

 

[عاشقة الرمنسيه]

لالالالالالالالالالالا
حبيبتي لاتوافقي لاتغللي من قيمة نفسك
واذ يبقيك وجاد في خطبته خليه يجيب اهله
يمكن اهله مو موافقين بعدين تطيحين في نارهم
ويهينونك لانك رضيتي بخطبه ناقصه

 

[دلع بلقيس]

انا في نظري انك تطلبين هالشي بنفسك ويكون شي اساسي ..
لأنه بغض النظر عن قيمتك وتقديرك .. فيه شي ثاني انا في نظري اهم ..
اللي هو انك انت تشوفين اهله وهم يشوفونك وممكن من خلال اهله انت تعرفين اشياء كثيرة عنه وعنهم.
وحتى ول ماكانت اشياء كثيرة.. حتى لو كانت اشياء قليلة او معلومة وحده بس ..!!
يعني خليهم يجون لاااااااازم وضروري والا كنسلي كل شي ..
واذا طلبتي انهم يجون .. اتمنى انك تطلبين هالطلب عن طريق امك بحيث تكلم اهله وتقول لهم تعالوا اتفضلوا عندنا ودنا انشوفكم.
او انك تطلبين منه انهم يجون واذا سأل عن السبب تقولين له اننا نبغى نتعرف عليهم ويتعرفون علينا..
والله يوفقك يارب

 

[صغيره ع الجراح]

عسى الله يوفكم جميع وشاكرتلكم ردودكم الطيبه

وانشالله بميزان حسناتكم