ماادري أفرح والا لاااااا؟؟؟

[RORY]

بلقيسيات ابي شوركم بموضوع مررررررررره مهم بحياتي
انا جتني وظيفه معيده في جامعه انا بنت طموحه بس اللي مخوفني اني توني متزوجه بس سنه ونص وخايفه لو قبلت بالوظيفه اقصر مع زوجي وعيالي بعدين انشالله وخايفه ارفض اندم طول عمري اني ضيعت الفرصه :8::8:
عطوني رايكم وبسرعه تكفون لازم خلال يومين اودي اوراقي
ويهمني خصوصا رأي الموظفات وصاحبات التجربه
وجزاكم الله الف خير

 

[جيانة]

ياقلبي أنصحك بالاستخارة..اختاري إنك تروحين للوظيفة واستخيري على هذا الأساس وانتظري النتيجة..إن كان ربي رايدها لك بتلقين الطريق متيسر قدامك وأمورك تمام وإن كان مالك بها نصيب بتلقين شي يصدك ويزهدك فيها..
فيه أحسن من استشارتك لرب العالمين؟؟وهو أدرى بمستقبلك..
ودعواتي لك بالتوفيق يارب وسعة الرزق

 

[فجرا جديد]

اول شي استخيري

ولمن ربي يسهلها لك

سوي جدول اعطي كل طرف حقه واهم شي حق زوجك لاتضيعينه وبلنسبه لشغل البيت جيبي شغاله بالساعه تخلص شغلها وتروح انتبهي تجيبين وحده من برى ياكثر مصايبهن

وبالنسبه لشغل المعيده اعتقد مو كل يوم تداومين وكمان دوامك مو طول اليوم اظن بس وقت محاضرتك

اهم شي الترتيب في حياتك وخلي تعاملك مع زوجك احسن من اول وافضل بالنسبه للدلع واللبس والنظافه عشين لا يشوف تقصير في اشياء ثانيه

لان اكثر ما يخوف الرجال من شغل حريمهم هو اهمال حريمهم لهم

وربي يوفقك للخير والصالح ويسعدك دنيا واخره

 

[بنت بالقيس]

الله يوفقك ويهديك للي فيه خير لك

على ماقالت اخت جيانة
الاستخاره اولا
وثانيا اذا زوجك راضي اقبلي
والله يوفقك.​

 

[ملكة في قلبه]

يعني تتوقعين الموظفات مقصرين بحق أزواجهم ؟؟ مدري لمتى النظره هذي !!!!!!!!!

 

[الجروح]

أختي ما خاب من استخار

وخير من تستخيرينه هو الله تعالى ..

وبصراحة الدنيا كل مالها بالغلا والأسعار نااااااار

وبالنسبة لزوجك وبيتك أعملي لك جدول ينظم وقتك

والله يوفقك لما فيه الخير والفلاح

 

[ذكريات لاتنسى]

نصيحة لك اختي لاتفوتك الوظيفه ... والله بعد الله لك عزوة ترى الرجال مالهم أمان

 

[هالدنيا عجايب]

مالك ألا شهادتك وحاولي توفقين بين الأثنين عادي ماراح تخسري شي بس هالله هالله بالوظيفه والله هي سندك لأي ظرف في ذا الزمن ومدام زوجك موافق عادي قولي أي بكل بساطه
الله يوفقج ويختار لك الخير

 

[RORY]

التقديم على الوظيفه من كم شهر وانامع كل خطوه استخير ولاحظت بدون مبالغه ان الوظيفه لاحقتني بكل مكان مع اني ماتحمست مره كنت اقول الله يكتب الخيره ومع هذا سبحان الله انا الوحيده المقبوله من المتقدمات هل هذا يعني ان فيها خيره لي؟

 

[RORY]

يعني تتوقعين الموظفات مقصرين بحق أزواجهم ؟؟ مدري لمتى النظره هذي !!!!!!!!!

لا بالعكس حبيبتي بس انا جديده على عالم المتزوجين ويهمني اسمع راي اصحاب الخبره مثلك

 

[حناااان الكون]

لا خاب من أستخار ولا ندم من أستشار


أستخيري الله ووكلي أمرك لله وحده وشاوري أهلك وزوجك ... ونصيحه لوجه الله لا ترفضين الوظيفة ​

 

[ام روق]

ماخاب استخار ولا ندم من استشار​

​

استخيري أولا واقبلي الوظيفة لأنها سندا لق بعد الله وقوة ​

​

وإذا خايفه من التقصير إنا موظفه وعندي ثلاثة أطفال والحمد لله مااقصر عليهم .​

​

الله يوفقك لما فيه خير الدنيا ولأخره.​

​

 

[نور1199]

يااختى طال الله عمرك
الوظيفه امان بعد الله
لان معظم الرجال غدارين مهما تسوين له مايبين في عيونه زي البسس تاكل وتنكر
ممكن لا قدر الله يتزوج عليكي او يتغير عليكي ومايصرف عليكي انتى وعيالك لاتفكري في دلحين خلي لكي نظرة اعمق من كذا فكري في بكرة
ااذ الواحدة مستقلة ماليا تقدر تاخذ قرار الانفصال بسهوله لان الوظيفه تقوي ظهر الواحدة مننا طبعا بعد الله
لكن اذا ماكنتى موظفة لو سوي فيكي ايش ماسوى بتصبري لانك مالك دخل انتى وعيالك فين بتروحي بتروحي لاهلك ؟؟ الواحدة بعد ماتتزوج تصير ثقيله على اهلها تصير ضيفه
لكن ااذ اتوظفتي تقدري تستقلي لحالك
وذاذ خايفه على زوجك انك تقصري في حقه لاتخافي بس الخبطة اول شهر وبعد كذا عاادي مررره الطبخ اطبخي من بليل اتعلمي طبخات سهله وسريعه او اطبخي يوم الاربعاء وحطيه في الفريزر حق الاسبوع كله والغسيل اغسلي الغسيل كله يوم الخميس الصباح واكويه عشان ترتاحي يصير عندك الخميس والجمعة كله فااااضيه تسوي فيه ايش ماتبغي
ونصيحة لاتجيبي شغاله مامنهم خير واسمعي القصص الى في المنتدى

 

[ana ajnn]

استخيري والله يكتب لك الخيره المباركه

 

[ديمة مطر]

حبيبتي ,,

من وجهة نظري اذا زوجك مغنيك وحياتكم الماديه كويسه ولاانتي بحاجه المال!!

بيتك وزوجك وعيالك اولا فيك!!!!!!!!!!

لان يااكثر مانسمع مشاكل الموظفات مع ازواجهن وكله بسبب الراتب اللي تقول مصاريف البيت كلها علي واللي تقول مااخذ صرافتي <<ومشاكل لاتنتهي

يعني اشتري راحة البـــــال.....

وطبعآآآ قبل هذا كل عليك بالاستخاااااره

الله يوفقك للصووواب...................................

 

[مازال عندي امل*]

الله يوفقك

والعمل الاكاديمي اخف من العمل العادي كمدرسه وغيره

استخيري وتوكلي على الله

واللي فيه خير ربي يسهلك اياه

 

[-موج-]

الاول بالتوفيق ان شاء الله..ثانيا استخيري حبيبتي واذا كان زوجك يشجعك فان شاء الله راح تشوفين الامور غير شكل يعني ان شاء الله تكون سهله الظروف مع الوظيفه..وان كان زوجك له رأي ثاني فانت اسمعي منه وناقشيه وبالاستخاره ان شاء الله تتيسر الاوضاع لصالحك بكل الاحوال..

 

[مصاصه بالفراوله]

لا تفوتي الوظيفه
و رتبي نفسك
و مو شرط كل متزوجه مهمله في ناس بيوتهم مثل الساعه
و اخر حلاوة وهم موظفات
بس على الاهتمام و الوعي​

 

[دياالا]

الوظيفة اهم شئ لاتفوتين الفرصه

 

[i can do]

اول شي استخيري ..

ثاني شي .. الرجال يحب الرأه المثقفه .. العامله ,,
انتي اقلبي الوظيفه احسن لحالك ...