مااااااااااا أقدر استحمل خلااااااص

[الرمش الأسير]

يا بنات مشكلتي بكل بساطة زوجي يومياً يحب ينرفزني بموضوع الزواج من ثانية
لكن الامر تطور إلى زعل وقعد يقول لي هذي شرع الله والزواج حلال
ودايماً يلمح بضحك وبعدين يتحول الموضوع إلى مناقشة حادة وزعل
آخرتها أمس قال لي إذا بتزوج بتزوج لبنانية ان شاء الله
انا انصعقت قلت له نعم شنو شنو
ضحك لي وقال مافيها شي حلال
قلت له اوكي اذا جا اليوم اللي تفكر فيه انك تتزوج قول لي
قال ليه ؟؟ قلت له : علشان اروح بيت اهلي
قال هو على كيفك بجيبج بالمحكمة .. قلت له شتبي فيني بتجيك وحدة أحلى مني وجسم وكشخة
قال لي حرييييم ماهمكم الا نفسكم .... وبعدين مرت لحظة صمت بيني وبينه ورفع لي عينه
وضحك وقال لي لا تخافين ماراح اتزوج عليج
والله يا بنات زوجي يومياً يكرر الموضوع ويقول حرام البنات تارسين الديرة ومساكين
اصلاً زوجي مش مقتدر .. شاااااااااااااااسوي قولولي :shutup::shutup::shutup:
للعلم انا توني مكملة سنة زواج وعندي طفل​

 

[المهاجره]

وأنت متى ستعقلين؟؟
ماهو الشئ الذي لم تعودي تستحملينه في الموضوع
كل يوم يتحرش بك وأنت الى الان لم تفهمي
هل أنت مصدقه بأنه سيتزوج؟
الرجل مبسوط من غيرتك عليه
وكل يوم يستفزك
من أجل أن يرى ردة فعلك هذه
لأنك مجنونة به
ازعلي بدلع وليس بأن تقلبي الجلسة الى نقاش حاد
وأعملي مقارنه جميلة
تجملين فيها صورتك وتنشطين خيالة
بدل خيال المحاكم وجرجرتها
انت تجعلينه يفكر بالعروس بوصفها له بأنها أجمل منك:no:
والرجل مبسوط إنه حق له لذلك كل يوم سيعيد نفس الموال مادام هذه ردة فعلك
أقلبي الموضوع الى صالحك
تقولين كلمة جميلة
مثل
وتهون عليك أم عيالك بعد هالعشره
حبيبتك
روحك
- - -
بهذه الكليمات تحرقيه وبنفس الوقت يقتنع بأنه لن يحب غيرك

 

[شهــد]

حبيبتي ترى زوجش يحب يتغشمر معاش فلا تتعبين نفسش هي مجرد غشمرة ومزحة

حاب ينرفزك انتي سوي نفسه ومزحي وضحكي وسوي نفسش مو مهتمة

 

[ام عدي الهاشمي]

قال هو على كيفك بجيبج بالمحكمة .. قلت له شتبي فيني بتجيك وحدة أحلى مني وجسم وكشخة
يالله ممكن كلمتك هاذي بس تخليه يراجع حساباته ويعيد النضر في الموضوع خليكي واثقه من نفسك وردي عليه بكل برود وانك عارفه انه كله مزح في مزح

 

[الرمش الأسير]

جزاكم الله كل خير كل من رد علي
بس صدقوني لما يتكلم يتكلم بكل ثقة
وخاصة هالفترة كل ما يشتاق لي تكون بنتي مثل الحاجز
تبكي وتخليه يتنرفز ويقوم عني
مب عارفة شاسوي
ومشكلتي الثانية صار لي فترة ما البس له قمصان نوم ولا اسوي حركات
والسبب اني ما افضى ولاني ساكنة مع اهله وكم مرة امه تدخل علي وانحرج
وهي دايما ماتجي الا حزة مايرجع زوجي من الدوام ويكون مشتاق لي حده
شنو الحل قولولي​

 

[لحن المطر ~]

ما عنده يطلعج في مكان بروحج بس عنده القدرة انه يفتح بيت جديد ؟!!!!!

انتي سألي نفسج هالسؤال
اذا انتي ما اخذتي حقج الحين ورتبتي وقتج ونومتي بنتج قبل جيته بربع ساعة والا نصف ساعة
وتفرغتي له وحطيتي حد لدخول امه عليج

بتجي الثانية وبتسوي كل هذا وبتخليه يحط لها بيت وهو مستانس وفرحان ... وما راح تقول زوجي على قد حاله

اعذريني على كلماتي بس لازم تصحين لنفسج اول
وما تجرأ يفتح معاج موضوع الزوجة الثانية الا وهو شايف ضعفج

 

[passion]

والله انا استغرب بصراحة يعني مب قادر توفر لوحدة بيت واستقرار ويفكر يتزوج حبيبتي انا ما اعتقد زوجك يمزح زوجك يمهد لج الموضوع فكري مرة ومرتين وثلاث لازم تاخدين موقف يوفرلج بيت تعرفين معنى بيت وبعدين انتي مب ملزومة تستقبلي امه كل يوم حبيبتي حطي النقط ع الحروف لا تكونين ولا تمثلين دور الضحية فهميه نقطة وحدة وفرلي سكن واستقرار اشتغلي ع هالشي صدقيني وهو عارفج صح وعارف بتزعلين كم من يوم علميه ان زعلك غالي وله قيمة بس مب بصراخ والنكد ....... وطمنيني عليج

 

[فديتكe]

الله يسخره لك

 

[الرمش الأسير]

مشكورين حبايبي وكنت بقول لكم اني شارطة في العقد بيت بروحي
بس زوجي لين الحين ماتحرك
وامه دايماً تدخل في الملحق اللي خاص فيني وتتغدى معانا
لدرجة انها زعلت مرة عشان ما وديناها تتغدى معانا المطعم
مع انه ذاك اليوم كانت بنتها الكبيرة جايتها تبات عندها
وزوجي ما يبي يزعل امه​

 

[عزيزة.نفس]

يا بنات مشكلتي بكل بساطة
اصلاً زوجي مش مقتدر .. شاااااااااااااااسوي قولولي :shutup::shutup::shutup:

للعلم انا توني مكملة سنة زواج وعندي طفل​

زوجي يومياً يحب ينرفزني بموضوع الزواج من ثانية والله يا بنات زوجي يومياً يكرر الموضوع ويقول حرام البنات تارسين الديرة ومساكين

وتقولين بكل بساطة ؟؟؟؟

والله زوجكي من كلامكي عنه ناويله على نية وقاعد يمهد الطريق !!!!!!! انتبهي

وضحك وقال لي لا تخافين ماراح اتزوج عليج

هاذي تسكيتة ( واضحة ما يبالها كلام )
وكلمتكي هاذي >

قلت له شتبي فيني بتجيك وحدة أحلى مني وجسم وكشخة

هي أول شي بيفكر فيه تدرين ليش ؟ لأن الرجل يا قلبو يتأثر بالإيحاء وإنتي أوحيتيله إن اللبنانية أو حتى أي امرأة هي أحلى منكي وأكشخ منكي ( والله باكر لو يتزوج شيفة بيشوفها أجمل وأكشخ منكي ) الله يهداكي إنتي وش قلتي بس
عزيزتي
هناك سبب وراء رغبة زوجكي بالزواج ومن لبنانية سبب آخر
ربما يكون في الشكل وربما يكون طبيعة حياتكما وأنتي اعترفتي بذلك
لماذا لا تشغلين أم زوجكي ببنتكي ( اضربي عصفورين بحجر ) ولكن بطريقة ذكية بحيث انكي ما تبينينلها إنكي متضايقة منها ولا من بنتكي ( ان شالله تكونين فهمتي علي )
تمنياتي لكي بالتوفيق

 

[الرمش الأسير]

فديتكم والله
انا اليوم استغليت الفرصة ان ام زوجي مش موجودة
واول ما اتصل علشان يقولي شتبين عشا
اول ما رديت قلت فديييييييييييت هالاسم انا
قال فديتج انتي والله
ضحكت وفجأة قال وحشتيني شتبغين عشا وطلبت اللي ابغيه
وبسرعة عدلت نفسي بحركات بسيطة وسويت نفسي بنت دلوعة
لأن اصلاً ملامحي بريئة كأني طفلة بس مشكلتي تختوخة
ورحت عملت عصير وحركات
ولما دخل قال شمسوية انتي ياهل
قلت له اي ياهل انا توني صغيرة ومن حقي ادلع نفسي قام يضحك وهو مستانس
ولماا تعشينا وجبت العصير استانس عليه وقال ذكرتيني بأيام الخطوبة​

 

[عزيزة.نفس]

فديتكم والله

انا اليوم استغليت الفرصة ان ام زوجي مش موجودة
واول ما اتصل علشان يقولي شتبين عشا
اول ما رديت قلت فديييييييييييت هالاسم انا
قال فديتج انتي والله
ضحكت وفجأة قال وحشتيني شتبغين عشا وطلبت اللي ابغيه
وبسرعة عدلت نفسي بحركات بسيطة وسويت نفسي بنت دلوعة
لأن اصلاً ملامحي بريئة كأني طفلة بس مشكلتي تختوخة
ورحت عملت عصير وحركات
ولما دخل قال شمسوية انتي ياهل
قلت له اي ياهل انا توني صغيرة ومن حقي ادلع نفسي قام يضحك وهو مستانس

ولماا تعشينا وجبت العصير استانس عليه وقال ذكرتيني بأيام الخطوبة​

ايه كذا
عفية على الشطوورة
الله يهنيكم يا قلبو

 

[haven]

صح كلام الاخوات دايمن خذي الموضوع بجديه اكثر؛؛
وخليج واثقه من نفسج يعني بدل ما تقوليله روح خذلك وحده احلى مني
قولي له روح اتزوج بس تاكد انك ما راح تلاقي وحده احلى مني او وحده تحبك وتهتم فيك اكثر مني

 

[مياسة الحب]

دايما كوني على ثقه بنفسك وبقدراتك
وربي يهديه ويسخره لج انشالله

 

[ضوء الصباح]

الله يهديه لان موضوع الزواج ينرفز الزوجه وهو كل شوي يغثج بهاي السالفه وانت وحليلج على طول تتضايجين بس على فكره الحركه اللى سويتيها وايد حلوه والله يهنيكم ويسعدكم​

 

[بنوته كلها حزن]

تدرين ان ريلي كله يقولي جذي بس اهو يحب يقول عشان يشوف ردت فعلي ويستانس لمن اعصب واذا عصبت اقعد اطقه واقوله اذا قلت هالشي ياويلك واهو يموت من الضحك صدقيني ريلج شكله نفس ريلي يبون يشوفون ردت فعلنه ويشوفون شكثر نغار وشكثر نحبهم حبوبه لاتتضايقين ولا شي واخذيها بضحك وغشمره
والله يبعدكم عن المشاكل وانشالله مايتزوج عليج ريلج ولا ريلي

 

[hopes]

ذكرتيني بأم زوجي الله يرحمها
كانت تبينا نوديها معانا اي مكان تبي تطلع00 وزوجي كان بالعكس هو اللي مايوديها ويقولها نبي نطلع لحالنا وانا ماكنت احب يزعلها
ومرة دخلت علينا واحنا نايمين بدون ماتطق الباب :shiny:
الله يرحمها
وزوجي زيك دايما يقول بتزوج
يقول مافي رجال مايتمنى يتزوج ثانية وثالثة بس انه مايبي المشاكل
وهو يقول اللي في خاطره
لكن انتي حاولي تنومين بنتج وقت قعدتكم
والبسي ملابس تغريه وخليج لابسه فوقها روب عشان لو دخلت عليكم امه :busted_red:
وحاولي تشوفين حل لموضوعها وخليه يتحرك في موضوع البيت قوليله عشان تاخذون راحتكم ودام انج مشترطة خلي اهلج يذكرونه
لاتخلينه يفكر او يحتاج للزواج الثاني لبي احتياجاته ورغباته ولاتخلين شي يضايقه قبل مايسويها صج
هالأيام الزواج الثاني مايحتاج فلوس
اسهل شي مسيار والعروس هي اللي بتعطيه فلوس عشان يتزوجها
الله يستر علينا ويرضي ازواجنا عنا يااااااارب