مؤثرة للي زوجها بيسافر(قصيد عتاب)

[خواطر السنين]

للأمانة القصيدة منقولة مع بعض التغيير لكي تناسب حالتي؛فليسامحني المؤلف..
طبعا زوجي بيسافر بالعيد سوريا <<:icon28: فأتمنى أن تدعون إنه يهون تكفون الله يسخر زوجها لها اللي بتدعي لي..
إليكم القصيدة..

أنا زعلانة منك حيل وشلت بقلبي لك عتاب
وأتمنى تحملني مثل مااتحمل عتابك..​

ترى بعض الصراحة جرح وثقل ونرفزة أعصاب
أبي تسمع لو تسمح كلامي وتمسك أعصابك..​

تعاهدنا أنا وأنته على إنا نكون أحباب
أنا أتنفسك أهواك وفيني تموت وأحيا بك..​

وش اللي غيرك فجأة؟؟ تكلم وأذكر الأسباب
أنا كلي غدى مجروح من غرسات أنيابك..​

رغم قوة الخطا منك تحملت الألم وماصاب
ويوم أفضيت لك عتبي قفلت بوجهي جوالك..؟!​

وأنا مهما قسى قلبي بكلمة حلوة منك ذاب
أحسك جزء من روحي ولا أتحمل غيابك؛؛​

لكن ماارتضي ذلي ولو كان الهوى غلاب
إذا ماكان ترضا بي حشا لايمكن أرضا بك..​

ألا ياقسوة الصدمة ماتحسب لي أي حساب
تكسرني كغرشة عطر بعدما تعطر ثيابك..!!​

أمانة قول وش بقيت للعذال والأغراب؟
إذا هذا معي طبعك أجل وش حال أغرابك..؟​

تمرد كان يحلى لك وسافر بسكة الأجناب
ترى ماهنت إلا من حضن بحشاه عيالك..​

أنا جيتك بطيب الطيب وفيك الطيب أبد ماجاب
أبي تعذرني هالقسوة لأن الطيب ماجابك..​

:tears:..:tears:..:tears:​

 

[birda]

جميله القصيده وتبرد خاطرك بس ما راح تلين قلبه اذا تبينها تلين قلبه ترى راح تعصبه زيادة .... الريايل ما يجون باللوم حتى لو غلطانين يعني يجي بها الطريقه روح استانس يا حياتي بس تمنيتك تقضي العيد معانا انا وعيالك جذي حتى لو راح يحس بالذنب ويعوضوك

​

أنا زعلانة منك حيل وشلت بقلبي لك عتاب
وأتمنى تحملني مثل مااتحمل عتابك..

يعني بدل زعلانه قولي:
ياألله أحبك حيل بس بقلبي لك عتاب

لكن ماارتضي ذلي ولو كان الهوى غلاب
إذا ماكان ترضا بي حشا لايمكن أرضا بك.

الشطرين هذول احذفيهم ماله لزمه ادري يبرد الخاطر بس هذا راح ينرفزه لانه زوجك وحبيبك اللي هو ستر غطى عليك ما بينكم مين يتذلل لثاني وان كان اسمه تودد وليس تذلل تؤجرين عليه ...عموما يعتمد ع ليش تبين ترسلين الرساله انا افترض انك تبينه يقعد معاك انتي والعيال

اذا تبينه يعصب ويتمادى ارسلي ها لبيتين

أنا جيتك بطيب الطيب وفيك الطيب أبد ماجاب
أبي تعذرني هالقسوة لأن الطيب ماجابك..


ممكن تقولين
أنا جيتك بطيب الطيب يا أصل الطيب والاحباب
أبي تعذرني هالقسوة أحبك ما تحمل غيابك

أظن اني كسرت الوزن في الشطر الاخير بس مومهم المهم انه يلين وممكن يسافر وهذ اللي أظنه بس لو أرخيتي وقلتيله الكلام اللي فوق بيحس بالتأنبيب انشالله .....الله يسخره لك حبيبتي

أدعيلي ربي يشافيني ويعطيني اللي في بالي ...اتمنى ما كون طولت عليك...تحياتي

 

[مسرعه بشويش]

تسلمون ابدعتو بالتغيير هههههههههههههههههههههه

 

[خواطر السنين]

أشكر كل من قرأ الأبيات..وجزيل الشكر والامتنان للأخت birda أسأل الله العظيم رب العرش الكريم أن يشفيك شفاء لا يغادر سقما اللهم ياحي ياقيوم برحمتك وبعزك وبحق قولك الكريم ((واذا مرضت فهو يشفين)) اشفها شفاء عاجلا واجعل ما أصابها طهورا..اللهم وأعطها ماسألتك وماتتمناه في حياتها وبارك لها فيه يارب ياكريم..
والشكر كذلك موصول للأخت مسرعة بشويش على مرورك الكريم..

 

[جوري وعنبر]

يعطيكي الف عااااافيه

دومتي لنا
​