ليــش الخيانــة ؟؟

[أم غايـــة]

السلام عليكم و رحمة الله و بركاته ،

خواتي يتني اليوم رسالة من أخت لكم في المنتدى و هي محتاجه لمساعدتكم و استشارتكم لحل مشكلتها و راح أنقلها لكم مثل ما وردتني ...
-----------------------------------------------------------------
ما أدري من فين أبدأ حاسة نفسي مخنوقة والكلام يضيع مني والله وليس كافيٍ للتعبير ..والتقليل من شأني لا يمكن شرحة بمجرد الكتابة أختي زوجي اليوم نسي جواله وشد إنتباهي رقم مسجل باسم (ريم)وأصلاً هو ماسحة من الأسماء وجدته في سجل المكالمات وكان متصل عليها أكثر من عشرين مرة وآخر مكالمة قبل 3أيام ومسجات متبادلة بينهم هذا في السجل ولكني لأأعرف محتواها طبعاً كانت ممسوحة .

وعلشان أتأكد أتصلت على الرقم وردت بنت آآه لم أعد أدري ماذا أفعل هل هل أغلق الهاتف أم أكلمها وأسألها ماذا تريد ..الغريب أنه كان له علاقه قبل فتره مع وحده ودائماً يطلب مني أن أسامحة دون أن أفتح الموضوع مع ان العلاقه إنقطعت بينهم من سنتين وأقسم لي ألا يعود لألاعيبة ثانية ودائماً يسألني هل أحبه أو هل أغار عليه ويذكرني بلي سواه ويقول والله العظيم كنت غبي وأكون غبي لو دورت غيرك ..كان ضميره يأنبه الأخ ولكنه خدعني ثانيةًً الآن شاهدت عدد مكالماته ممسجاته ولا أعرف محتواها المهم إنه قاعد يكلم و يراسل بنت
وهي أيضاً .

بعد أن أتصلت عليها ردت وقمت بإغلاق الهاتف ..وبعدها إتصلت هي ولكن رنه واحدة متأكدة طبعاً أنه سيكلمها.

زوجي يرجع من عمله العصر ..أتمنى أن أعرف قبل أن يعود كيف أتصرف هل أواجهه أم أسكت وأسوي نفسي غبيه وماني فاهمة ولو أني متأكدة ماراح أستحمل أشوفه فهو لا يستحق تعبي وإجهاد نفسي من أجله ولكن من أجل أولادي وظروفي الخاصة .

----------------------------

يزاكم الله خير خواتي و حاولو توجهونها التوجيه الصحيح إلي ما يدمر حياتها . و الله يكون في عونج أختي صاحبة المشكلة
​

 

[ام شهد]

الله يكووون بعووونج ...ما ادري بصراااحة شو اقولج...بس قبل ما تواجهينه تاكدي اذا هو يكلمها ولا لا

يمكن يكون عميلها في البنك...لمصلحة معينة يا اختي...ولو كنت انا مكانج بسوي جذه واذا لا سمح الله تاكدت انه يكلمها ما بسكت له وكل وحدة ووضعها مع ريلها الحل اللي بيمشي معاي يمكن ما ينفع معاج...انتي يا اختي الغالية ادرى بريلج وشو الاسلووووب اللي ينفع معاه...وصلي يا اختي واستغفري وادعي ربج ولا تحاولين تتشتتين من ردودنا لان نحن مب في وضعج وحتى اللي ريلها خانها شخصية ريلها ممكن تكون غير ..شوفي الانسب معاج الغالية وان شاء الله تطلع مب اللي في بالج وطمنينا عليج الغالية والله المستعان

 

[أم غايـــة]

بصراحة .. كتبت مشكلتج و كنت محتارة مب عارفة بشو أنصحج .. بس أنا بقولج لو كنت مكانج ..

أنا و الحمدلله واااااثقة من حب زوجي لي و هو طبعا حاله حال وايد من الأزواج يكرهون حد ينبش في أغراضهم بس أنا ما أقدر شيطاني شاطر من أشوف موبايله لازم اعرف شو أخر مكالماته و مسجاته و هالشي غلط طبعا بس زين انه ادبني و حط رقم سري على موبايله ههههههههههه .. المهم قصدي إذا شو ما سويت أحس إنه ما راح يزعل ممكن يعصب بس عادي مصيره راح يهدى ..

بنصحج ب 3 نصايح و شوفي إنتي شو النصيحة الأنسب لج .

1 - إذا قدرتي واجهييه و قوليله إنج شفتي في تليفونه اسم ريم فمنو تكون هالحرمة ؟؟؟

2 - ممكن تقولين إن تليفونه رن و لما انتبهتي شفتي طالع على الشاشة اسم ( ريم ) .. بتقولين إنه مسح اسمها .. بقولج ردي خزني اسمها و خليه يشك إنه أصلا ما مسح اسمها !! و امسحي وقت اتصالج لها .

3 - ممكن تقوليله إنج سامعة من برع إن زوجج على علاقة مع وحدة اسمها ريم .. واستوضحي السالفة منه ..

هذا إلي أقدر أقولة لج حاليا .. و وافينا بأخبارج بلييييييييييييييييييز حبيبتي أوكي .

و نصيحة أخيرة حاولي ما تنفعلين و تعلين صوتج و تضاربينه بعد ما تتواجهون .. اسمعيه أول شي و بعدين فكري بعقل و قرري كيف راح تصرفين وياه .

 

[أم غايـــة]

عفان الله .. تقريبا فوق 40 زيارة .. و ولا وحدة كتبت منكم نصيحة أو على الاقل دعوة تحسسون الحرمة بإنكم خواتها و واقفات معاها في محنتها !!!!!!!!!!!

 

[عســـــولة]

الله يفرج همها

في بعض الاحيان المواجهه تجلب المشاكل بين الزوجين

وان كان زوجج على علاقة بها من قبل واجهيه بأن اتصال ورد للهاتف مثل فكرة الاخت ام غاية

وسيشك في نفسه ولا يستطيع قلب الموضوع عليك

 

[ام دودي و رودي]

والله صعبه الله يعينها بس ما اقدر انصحها بشي لاني الله لا يقوله صارلي هالموقف بستخف وما بفكر اقول لاحد بس بذبحه واطبخه ذبيحه واعزمها لها
الله يصبرها وننتظر الرد من اهل الخبره

 

[ام مها]

للة يصبرك ويهون عليك

 

[عزيزة نفس]

أختي أم غاية
تقولين إنها أخت من المنتدى طيب ليش ما كتبت استشارتها بنفسها
على العموم قولي لها تقرأفي استشارات الخيانة وما أكثرها هنا لعلها تجد حلا يناسب مشكلتها والله يعينها ​

 

[Rooma1]

هلا بام غالية....تسلمين على جهودج الطيبة....
المشكلة انه الرياييل انخلقوا وعيونهم تحب الحريم....يعني نقطة ضعف...
اذا كان زوجها ضعف بس ما حب ها الانسانة يعني في أمل ينصلح الحال...
ممكن يتصارحون وتقوله كل انسان ممكن يضعف ...وانا باسمع لك للنهاية ....
بس خبرني منو ريم هذي :sly:

 

[أم غايـــة]

شكرا خواتي على جهودكن .. و هي أكيد قرأت نصايحكم لها و الله يكون في عونها و يصبرها ..

بالنسبة لسؤال الاخت عزيزة نفس ..... صراحةهي ما كتبت مشكلتها ( على كلامها ) إن زوجها يعرف اسمها المستعار فالظاهر و الله أعلم يا يدخل المنتدى لفضول في نفسه أو إنه يجلس معاها لما تكون على النت ..

و احتمال هي ما تبى حد يعرف بمشكلتها عسب جي لجأتلي و طلبت مني أكتب عنها ..

و أنا ما عندي مشكلة في هالشي طالما بساعد وحدة من خواتي في الله

 

[أم غايـــة]

راح أنقل لكم الرسالة إلي وصلتني من الأخت إلي طلبت مني عرض مشكلتها ​

اختي أم غاية ما أدري وشلون أشكرك على الخدمة اللي قدمتيهالي فجزاك الله عني كل خير أختي الكريمه..
وأشكركل أخت رد ودعت لي ............
أعتذرعن عدم الرد عليك يا أم غاية لكن والله غصب عني لأن الأب توب تبعي تعطل وما قدرت أدخل النت ..

بالنسبه لمشكلتي ..فأنا تسرعت فيها لأني من كثر الشك اللي فيني ما قدرت أستنى الين ماأفهم السالفة وأكيد إنكم عا ذريني ..
وعلشان ما قدرت أشرح لكم ذاك اليوم وش اللي حصل بالضبط خلوني أفهمكم حبه ..حبة ..

زوجي كان مسافر من جدة للشرقية سفرة عمل يعني كان عندة دورة المهم كان له قريب هناك دايما يجلس عنده لو كان مسافر ..
أناماني متعودة على التفتيش على جواله طبعا يعني عاااادي وهو بعد مايهتم فيه ودايما يخلية عندي في البيت وعادي أخدته وما كان قصدي أني أفتشه والله..وحتى هو ياخذ جوالي وما بيننا أي خصوصيه ..لكن شدني الرقم الغريب كما ذكرت لكم وان من النوع الشكاااااك وما أثقق فيه صحيح متأكدة من حبه لي والحمد لله ولكن في موقف هز ثقتي فيه وكان يكلم وحدة ولكن من جوال آخر وإعترف لي أنها كانت نزوه وإنه ماعاد بيرجع لها أبد ..المهم بعد مارجع شفت الرقم وما كان تفتيش:dunno:ما أدري ليش جلست أقلب فية إلين ما لقيت الرقم ..وكتبت لكم مشكلتي على طوووول لأني كنت أبغى أسمع أي كلمه منكم تطمني وإلا تنصحوني فيا في هالوقت ..كنت مصدومة ..لكن بعد ماجا ما قدرت أسكت ..وأول شي ما سويت غدى ..هين يبي يأكل من يديني وهو يكلم غيري حااااامض على بوزه:icon28:
وما كلمته ولا كلمة ولا طالعت حتى في وجهه:harhar1:إستغرب ليه أنا أسوي معاه كذا وهو تاركني في الصباح والضحكة شاجه الحلج..وبمجرد ما سألني قلت له كوووووووول اللي يدور في راسي واللي مخططة له من الصبح ..قلت له من هي ريم هدي اللي قاعد تكلمها ..المهم جلس يحلف ويحلف إنه ما بينهم شي ماكان يبغى يقول لي السر ..وجلست على هدا الوضع الين اليوم الثاني ما أكلمة ولا أعطيه وجة فقط أقوم بكل واجباتي تجاهه لكن مزح وكلام مافي ..بعدين ما قدر يقاوم.:msn-wink:.قال والله العظيم ما بيني وبينها أي شي ولو عرفت السالفة تجلسين تضحكين على عمرك ..وتخجلين مني على اللي قاعدة تسوينه فيني وانا مقهوره من كلامه:shutup:طيب إذا كان مالك أي علاقه فيها من هي ..من تكون ريم هذي ريحني وقولي وإلا قسما بالله ما أجلس معك ولا دقيقيه ..إنت ليش على بالك إني غبيه وتبغى تسكتني بالكلمتين اللي قلت لي إياهم..وأخيرا نطق وقال وأكيد إنكم تنتظرون تعرفون السالفة وآخيرأً أنا بقولها لكم ..

السالفة إن قريب زوجي هدا كان عندة خادمة إندنوسية الله لا يوفقها سحرت زوجته سحر صرف يعني سارت ما عاد تطيق زوجها وهو نفس الشئ لكن إدا إبتعد يحبون بعض جدا وكانت عند أهلها تقول أحبه لكن إدا شفته يتغير الوضع وطبعا إكتشف الشغاله هدي من فتره وسفروها ولكن بعد ما بغت تدمر بيتهم ويقول كانت تغريه بالكلام وحتي في طريقة مشيتها إدا كانت زوجته بعيدة عنها ويا بنات إنتبهو من الشغالات المهم ..قريب زوجي ما خلى شيخ ما راح له وكلهم يقولن سحر لكن يبغى له وقت الين ما يطلع ..ويابنات عندنا الشيخ العبيكان أفتى بجواز فك السحر بالسحر الله يهديه طبعا غلط لأن فيه الرقيه الشرعيه ..المهم زملاء قريب زوجي دلوه على وحدة عرافه في البحرين مشهوره أسمها (ريم السيف)راحو لها قالت لهم أنا مش عرافة أنا عالمة فلك لكن ممكن أقدر أساعدكم ههههههه شرالبلية ما يضحك .
المهم قالت لم عن مكان السحرر وتواصلو معاها بعد ما رجعو السعوديه بالمسجات وطبعا إستغلت قريب زوجي وطلبت فلوس أكثر لأنها قالت لهم معلومات جديدة بعد ما رجعو عن طريق مكالمات الجوال ..طبعا رفظ ولكنها إستغلت أسمه وأسم أمه وأسم زوجته وأمها وتقدر تدمر حياتهم وتنهيها إاذا ما نفذ اللي تبيه لحد ما إستغلتهم وأخذت اللي تبيه ..والحين الحمد لله زوجته رجعت له بفضل الله ثم الرقيه الشرعيه وليس بفضل الساحره اللي إستعانو بها.
وهذي يابنات حكايتي.

بالنسبه للأخت اللي تقول ليش ما كتبت مشكلتك بنفسك أقول لك إني ما كنت متأكدة وماأبغى زوجي يدري أني كتبت هذي المشكلة لأني أبغى أتصرف صح لأنه يشوفني وأنا قاعدة أتصفح المنتدى وأي موقع أسجل فيه لازم يدري لأنه هذا شرطه أول ما وافق يدخل النت البيت وأكيد ما أبغاه يشوف مشكلتي في المنتديات لأنه بيزعل وما بيثق فيني ويمكن يسير يتابع كل مشاركاتي ..والحمد لله طلبت من أم غايه تعرض مشكلتي هنا وما قصرت جزاها الله عني ألف خير


يابنات إنتبهو من الشغالات فتشوهم وراقبوهن لا يغركم الشكل لأن السحر يجملها في عيون أزواجكم ..ولا تعتمدون عليهن في رعاية الأطفال رجاااااااااااااااءً:bye1:

 

[ام عنود]

ام غايه يزاج الله الف خير...

في ميزان حسناتج ان شاءالله...

ما اقدر ازيد على الي قالوه الخوات...

بس ياليت الاخت اتجرب طريقه من الطرق الي ام غايه ذكرتها في ردها للمشكله...

لو سمحتي ام غايه...

قوليلنا شو صار معاها...