لو سمحتو ساعدوني بنتي بدأت أكرهها

[om miral]

السلام عليكم ورحمة الله وبركاته............
انا عندي بنت عمرها 7 سنوات و ولد عمره 4 سنوات بنتي مررة متعبتني معاها مرة عنيده وما تسمع كلامي الا بالقوة او اذا صرخت او ضربتها احس المعامله معاها مرة صعبه طول اليوم وانا معصبه منها تبغى كل شي على كيفها في كل الاشياء ومهما سويتلها او اشتريتلها ملابس او العاب مايعجبها وتبغى زياده وطول اليوم مشاكل مع اخوها الصغير وطولت لسان حتى لدرجة اني اذا جيت اضربها تمسك يديي وتكلمني باسلوب عصبيه و نرفزه واذا تبغى من اخوها شي تكلمو باسلوب الامر انا مرة تعبت معاها اذا كلمتها بالسياسه اتمادت في الشي واذا عصبت بالقوة ترد عليا حتى لما اخرج سارت تفشلني قدام الناس باسلوبها كل شي مو عاجبها وتبغى كل شي تحت امرها مع الكبار والصغار وطولت لسان معاهم مع انها في المدرسه ماشالله ممتازة وماحد يشتكي منها وتخاف من المعلمه بس في البيت العكس واحسها مرة تقلد اي احد في الكلام يعني مثلا تتدخل في مواضيع الكبار وتتكلم زيهم واشياء مهي عارفه معناتها تقولها احس انها اسنفذت كل طاقتي وبدأت اكرها من تصرفاتها ......
الله يخليكم ردو عليا انا مرة ملخبطه ونفسيتي تعبانه

 

[متاهات الحياه]

اختي إبعدي عن الشده قليلً وإستخدمي إسلوب التطنيش يعني اقعدي العبي مع اخوها وطنشيها وهذا يكون بعد الاخطاء يعني كالعقاب
وياليت انه فيه احد يفيدك اكثر
والله يعينك

 

[om miral]

جزاكي الله خير

 

[ام متعب33]

لا لاااا لا تلعبين مع الصغير وتخلينها بتكرهه وبتغار منه وبتصير تضربه

شوفي يالغاليه استخدمي معها اسلوب الثواب والعقااااب يعني عندك كرتونه او لوحه او اي شي علقيه واكتبي اسمها واسم اخوها وجيبي استكرات نجوم
وقوليلهم اللي يسوي الاشياء الزينه ويصير عاقل ولا يسوي غلط احطله نجمه واللي تصير عنده 10 نجوم اجيبله هديه والهديه تكون ككاو والا لعبه بسيطه بوريالين مايقصر خخخ

واللي يسوي غلط احطله اكس ومايروح معنا للملاهي آخر الاسبوع
فيه ملاحظه مهمه لو سويتي هالطريقه اذا وعدتيهم بشي اوعدي بشي تقدرين عليه لا تكذبين معهم ابد لأنهم ماراح يثقون فيه ابد

شفتي هالطريقه مره حلوه يصير فيهم تنافس انهم يحصلون على النجوم

يعني قوليلها اذا رتبتي سريرك اعطيك نجمه واذا قلتي انشالله اعطيك نجمه واذا اكلتو صحونكم كلها اعطيكم نجمه وهكذا

بس للي يزعلني احطله اكس وازعل عليه
وخلك رااايقه دايم حاولي تتجاهلينها لما تصارخ لاتناظرين بعيونها بتحس انها مالفتت انتباهك

وبتمل مع الوقت وتبطل هالاسلوب

واحد من عيالي الله ياهو كان مجنني بس شريت لعبه وحطيتها فوق الدولاب وقلتله اللي بيرضيني ويسمع كلامي ويصير عاقل بياخذ اللعبه تشوفينه قمه بالادب هههههه وهو كان بعمر بنتك الله يحفظها لك
جربي الطريقه ولاتفرقين بينهم ابد بالمعامله

وعلميني اذا نفعت معك ^_^

 

[ز هر ة اللوتس]

انا مع ام متعب جزاها الله خير
ايااااكى و التفرقه بين الاطفال
و اللى قالته ام متعب انا جربته مع ولدى وبنتى و بصراحه جابت نتيجه ماشاء الله
بس فكرتها الاخيره انى اجيب لعبه و احطها فوق الدولاب ماجربتها بس بجربها مره عجبتنى ههههه
الله يهديها لك يارب

 

[الصداقه]

حاولي انك تحرميها من الشى اللي تحبه من الخرجه معاكي من اللعب في العابها المفضله عندها وادعيلها با الهدايه

 

[الحب والعطاء]

والله زي بنتي نفس اسلوب بنتك وبشركي بنتي عمرها عشرة سنين واذ تكلمات قدام الناس تكذبني وتبدا تتكلم والله اني صرات ادعي الله في اليل والنهار ان الله يهديها

 

[أسماء زكي الدين]

الأطفال ربنا يحفظهم ويهديهم ما هم إلا مرآة تعكس تصرفات الأهل

يعني إذا ركزتي شوية في تصرفات بننتك ستجدينك ووالدها تتصرفان معهما بنفس الشكل لكنها طورتها قليلا ...

في مشكلات الأطفال الوقفة تكون بتعديل سلوكياتنا نحن يعني علاج مشكلاتهم في إصلاح ذواتنا وتصرفاتنا معهم ...


ابنتك طبيعية جدا ترد على حالة الاهمال التي تستشعرها فقد تكون احتياجاتها منك غير ما تعطينها أنت

كلام ام متعب ممتاز وستلاقي منه نتيجة رائعة ...

كذلك يجب أن تعمدي على إذابة جبال الجليد بينكما ...

ابدأي بـ احتضان ابنتك فور استيقاظها من النوم حتى وإن صدتك - وهذا طبيعي فهي ستحاول حماية نفسها من الانجراف للاستسلام لك لأنها ستخاف أن تعودي لغضبك ورفضك لها وهذا مؤلم جدا للصغيرة ...

واحتضنيها وقبليها قبل النوم كل يوم واحكي لها قصة ..

أوجدي وقتا في اليوم - خاصة وأنها في إجازة وستمل جلسة البيت - لك ولها وأخيها ايضا قوموا فيه بعمل معا كصنع كيكة ولا تنبهيها على الأخطاء التي ستحصل ولا تؤنبيها على الفوضى التي ستكون
ويوم مثلا لونوا معا في رسمة واحدة ...
ويوم هاتوا صلصال واصنعوا أشكالا معا مثلا حددوا سنقوم بعمل مزرعة وكل واحد يعمل حيوان أو طبق فاكهة مثلا وكل واحد يصنع قطعة من الفاكهة ... ولا بأس من الضحك على الاشكال التي ستخرج ...

العبي معها لعبة ... والله أنا بأحب لعبة السيدة والكوافيرة (طبعا أنا السيدة دائما وبناتي الكوافيرات وأخليهم يدهنوا لي رجولي بالكريم هههههههههههه أو شعري بالزيت .... وفي الأخير أعطيهم بقشيش وهمي ههههههههههههههههه خفت أدفع لهم مرة ما يرضوا إلا كل مرة ياخذوا وخفت كمان من جنون ارتفاعه الأسعار ...

 

[om miral]

جزاكم الله خير يا اخواتي
و اشكرك يا ام متعب على كلامك بس المشكله اني جربت الطريقه هادي معاها واستجابت لها فترة وبعدين خلاص ما عاد سار يهمها شي ورجعنا لنفس الموال الله يهديها بس

 

[@مالكة القلوب@]

كلا اختي اسماء حلوو برضوو الاطفال يبغى لهم سياسة ...الله يعين عليهم

 

[ملهمة النجوى]

أكيد طالعه على أحد ,, شوفي أحد من العائله فيه أحد مثلها
الله يهديها لازم الشيطنه هع هع

 

[صمت المجروح]

اخذي معها اسلوب التطنيش ف الكلام السيئ ولا كانك تسمعي وف الكلام السليم بالتشجيع وجربي وشوفي ​

 

[اكسير الحياه]

ردي ليس كبقيه الردود هو سؤال؟
غيرك مالقي نعمه
ياخيه تكرهيها وهي بها السن
اجل بكره ايش يصيرررررررر
بنتــــــــــــــــــــــــــــــــــــــــــك
بكره تكبر ومتلقاك الام الصديقه
بلله وين ترررررررررررروح
اذا ماحست بلامان عندك
الاشكال
عندك
ابحثي عن طرق
مو اوامر وضرب



































هي اغلى ماتملكين
اهتمي
لكلامي

...............ولاتهميلها وتداركي الامر مبكرا

 

[خيــآل]

سوري اختي عندي سؤال كيف كانت تربيتك معها من صغرها هل كان سياستك قمعيه ام تفاهم وحب

وثواب وعقاب

ارجو ان لاتعتبريه تطفل بس انا ام جديده واحب اعرف لأن الكلام شي والتطبيق صعب معهم

البنت باين قياديه وذات شخصيه مستقله

 

[غاده 2]

والله يالغاليه انا عااانيت وعااانيت من ابني 8 سنواات ليين شفت نجووم الظهر ...
ويوم شفتها صرت ادور عن حل جذري يغير فرمتة هذا الولد من البدااايه وقريييت وقريت وماالقيت احسن من هذا الكتاااب ...






اقريه لين تتعبين وكرري قراءته لين تستوعيبينه وتطبقي كل المفاهيم اللي فيه ..
صحيح ان الكتاب مو سلس لانه مترجم ...
بس مفيييييييد حتى النخاااع ....
وان شاء الله تدعين لي ..
بس لا تخلين الكتاااب اشتريه بأقرب وقت واقرأيه بتمعن ...


اشوفك على احسن حاال ....:37:

 

[عّذبة آلِرٍوَح]

كلام ام متعب صحيح
والله يصلحهاا ويخليها لك

 

[ساحرة العيوون]

باختصار احرميها من الشي الي تحبه اذا سوت شي غلط

وكافئيها بحلاوة او شوكولا او اي شي تحبه اذا سوت شي صح

وبس

 

[دمعة حواء]

الحال من بعضه بس بنتى9 ولدى3صارت تغار وتقلدة وعقلها صار صغير واخبارنا كلها عند الناس ولقلت لها لاتعلمين هدة جدتى بس

 

[fofa yanaso]

اهلنن
بنتك زي اخويا الصغير نفس العمر بالضبط
ماما تقولي دايما السبب تربيتي لو (انا الي ربيت اخواني الصغار ) بس جاتني فترة دحين احسو فاقد حنان
فسرنا نعوضو على طول لما يكون عندنا بالبيت كل شويتين اقوم احضنو اذا كان مار من جمبي ابوسو و اذا سوا اي شي اتحمس معاه و اسمع لكلامو و اتجاوب معاه كتير و لما يكون في بيت ماما نفس الشي
و بالنسبة لانو كل شي لازم يكون زي ما هو يبغى نفع معايا اسلوب النقاش حاليا يمكن عشان اخويا الله يحميه ذكي و يفهم الطاير فسرت اتناقش معاه عن سبب رفضو انو يسمع كلامي و كدا الين يقتنع بنفسو انو انا صح و مع الوقت دحين سار يسمع كلامي من غير ما اتجادل معاه
و اذا كان معند مرة كتير اسيبو و اسوي الشي الي انا ابغاه و اسيبو يزعل زي ما يبغى الين يهداء و يرجعلي اقوم اسوي اني حزينة و اقلو عمري ما اتصورت ولدي الي كان يناديني ماما من كتر مايحبني و كنت ارضعو و احممو البسو يزعلني كدا يقوم يتأثر بكلامي شوية ^^"
حبيت انقلك تجربتي
و يمكن في تصرفات غلط بعملها فنبهوني عليها عشان اتعلم منها
سوري على الاطالة

 

[om miral]

اشكركم حبايبي على اهتمامكم لموضوعي انا من جد ماخليت ولا طريقه الا واستخدمتها معاها بس الله يهديها
اختي اكسير انتي تحسبيني وصلت لدي الدرجه من فراغ او اني حملت فيها بسهوله انا جلست اربعه سنين الين ما حملت بكيت ليل ونهار عشان ربي يرزقني بطفله او طفل عشان كده انا زعلانه عليها ما ابغاها تكون اخلاقها سيئه او عصبيه.
اختي خيال انا تربيتي يمكن تكون شديده شويه و فيها ثواب وعقاب لكن بنتي احس مافي شي مرة تحبه اني اقدر احرمها منه وتتأثر لانه احتمال من كتر مانلبي طلباتها ماعاد سارت تفرق بين الشي اللازم واللي مو لازم يعني في النهايه اتساوى كل شي عندها وهيا زي ما قلتي شخصيتها مستقله و انقياديه تحب الاوامر و تبغاني انفذها عشان كده انا لازم اكون شديده معاها لاننا عايشين في زمن مره صعب وكله بلاوي فلازم الطفل يتأسس على الدين والالتزام و التربيه الصحيحه