لو تتغير طريقة النصح كان شباب كثييير فاقوا...الله يخليكم تعالوا

[قلبي النازف]

السلام عليكم

ان شاء الموضوع يكون شدكم

انا عندي موضوع اتمنى من الكل يبدي رايه وراح اكتبه بالعام عشان يوصل للقلوب اكثر

ابغى اتناقش معاكم اليوم عن طريق بعض الدعاة الله يهيدهم مع الشباب لأنه الشباب

هذولي اليام مستحييييل يجوا بالتعنيف والقوة والصوت العالي

والله اقولها من تجربتي الشخصيه واشوف اختي وصاحباتها وبعض صاحباتي

يعني مثلا اقرب مثال امس كنا في المكتبه

انا من النوع المنقب واختي وصاحبتها لا مهم كذا بس باحاول معاهم شوي شوي بالترغيب

واحنا بندور على صاحبت اختي مرت وحده وبصوت عالي تقول لأختي الحجاب ستره

بالله وش هذا هذا مررره احراج اختي كرهتها وهذا الشي اللي ينفر البنات والشباب من نصح زي كده

انا كان نفسي وقتها ارد كمان بصوتي واسمع المكتبه زيها ترى صوت المرأة عورة بس قلت اعوذ بالله منك ياشيطان

احس زي هذولي الناس اللي يهدوا اللي احاول ابنيه واوصله لقلوب هذولي البنات

يعني قربي منها قوليها صراحة شكلك ماشاء الله يجنن لاتخلي الكل يشوفه وبعضهم عيونهم قويه

ماتسمي وبعضهم عيونهم قذرة وزي كده واللله حتى لو مااقتنعت في وقتها ماراح تنسى الأسلوب ابددددا

وكل ماتلاحظ احد يطالع فيها راح تفتكر هذا الكلام وبالتدريج راح تغطي

اما صاحبت اختي نرفزتها وحده خلتها ترد عليها صاحبت اختي مرررره متحررين مستحيل في يوم وليله

تتغير اتربت على كده لو الإنسان يتغير بين يوم وليله كان محد تعب

المهم جاتها وحدهه تستهبل تقلها انتي فين؟؟

قالتها نعم

قالتها انتي من فين البنت قالت مكه

تقوم تعطيها محاضرة انتي عارفه انو الذنب ......................الخ

البنت عارفه كل هذا الكلام يعني هذي الإعادة ماراح تفيدها بش بس الأسلوب هو المؤثر

قامت البنت قالت طيب اناعارفه وانا اللي بآخذ الذنب انا عارفه انو رد البنت شويه قوي

بس اسلوب الآدميه نرفزني انا

ياجماااعه هذولي بناااات في سن المراهقه والله انا كنت زيهم واللي اقنعني اغطي الأسلوب الرائع في الكلام

وتوصيل المعلومة وكل اللي احرجوني خلوني انفر منهم ومن كلامهم

اللين اتعرفت على وحده الله يعطيها العافيه ورتني انو الدين مو زي هذولي الناس يصوروه واذا غلطتي

ربك غفور رحيم

اتمنى من الك يفكر في اسلوبه ويراجع نفسه عشان الشباب لا ينفروا اكثر

تحياتي

 

[زوجي وبس]

اضم صوتي لصوتج