لو بنتك صار لها هالموقف كيف تتصرفين ؟

[ابي الدفا]

اسعد الله اوقاتكن بكل خير
انا عندي بنت تدرس بالصف اول متوسط هادئة جدا بشهادة الجميع ومؤدبه وخجوله صار لها موقف الاسبوع الماضي جاءت من مدرستها لاحظت انها في شئ في خاطرها تعرفون البنات حساسات خصوصا في هذا السن المهم انا تجاهلت لانها دائما تحكي لي عن يومياتها بالتفصيل لما جاءالليل حكت انها متضايقة وشوي بكت بكاء من قلب سالتها قالت لي :ان المعلمه االي في الفصل رسلتها الى الفصل الثاني علشان توصل دفتر لوحدة من البنات المهم تقول راحت لما وصلت الى الباب تقول دقيت الباب تستاذن من المعلمه الي عندهم طبعا المعلمه هاذي تدرس بنتي يعني تعرفها تقول ان المعلمة قامت تهاجمها وما خلت كلمه الا وقالتها علشان هالدفتر قامت بنتي انسحبت من عند الفصل وهي متفشلة لانها هزاتها قدام البنات من غير سبب علشان هالدفتر قامت بنتي رجعت ونزلت الدفتر ومشت تقول وشوي تجي المعلمه تلحقها بالدفتر وترميه في وجهها في السيب قدام البنات من غير اي مقدمات وتقول رجعت الفصل وانا منكسرة ومتحطمه وانا ماسويت شي ولا بينها هي والمعلمة اي حاجة بالله وش رايكن يا بنات كيف اتصرف مع هالمعلمه؟ارجو الرد مشكورين

 

[H.M.S]

روحي المدرسه وتكلمي مع المدرسه ..
صدق معلمات آخر زمن .. اجل وشو له معلمه اذا هذي اخلاقها ..
والله كلمة معلمه كبيره عليها ..

 

[غلاهم انا]

ااااااااااه قسسسم بالله اني مت من القهر
شوفي لاتسكتين روحي اشتكي المدرسه عند المديره
خير ان شاء الله تبي تكره البنت في المدرسه هذي

 

[ابي الدفا]

المديرة عندها خبر لكن وعدتني انها بتشوف الموضوع لكن صار عندها ضرف وغايبه هالاسبوع والمشرفة ما عندها سالفة لكن شكلي بروح عندها واكلمها وش رايكم؟

 

[مسك المدينه]

انا البارح شفتها بس من القهر ماقدرت ارد لاتخافين فوقها اللي اقوى منها والله مااحد تجبر الاكسر الله خشمه

 

[ابي الدفا]

اليوم رحت وسالت عنها وما كانت موجودة وسالت بعض المعلمات واخذت رايهم وسبحان الله كلهم يقولون يمكن بنتك مخطيه يمكن رمت الدفتر يمكن ...............المهم عرفت انهم يتحامون وان مافيه كلمة حق حسبي الله عليها

لها يوم عل كل حال اشكر تفاعلكم معي الله لا يذوقناحزنهم

 

[Roooza]

شوفي حبيبتي عديها المره هذي موعشان سواد عيونها لا بس خلي بنتك تتصيد لها ولما تجي تغلط عليها مره تانيه تشهد عليها بنات الفصل عشان لما تشتكي يكون معاك دليل او شوفي يمكن يكون لها ضحايا غير بنتك خلي بنتك تشوف الفصول التانيه او حتى صاحباتها وتوحدوالشكوى حراااااام السكوت اذا عدت ع بنتك غيرها بيكلها تصرفي بس بذكاء ولازم يكون بيدك دليل:33:

 

[chooclt]

اششتكي عن المديره على طوووووووووووووووووووووووووووووووووووووول بردي قلب بنتك

 

[الدلع لى]

انتظري لغاية ما ترجع المديره و روحي تكلمي معها في المشكله و المعلمه و بنتك يكونو حاضرين في الأداره بس لازم ما تهملي الموضوع عشان خاطر بنتك حبيبتي

 

[ام ياسر الدوسري]

اشتكي للمدير حشا هذه ماهي بمدرسه هذه فرعون اعوذ بالله منها ومن شرها حبيبتي لاتهملي هذا الموضوع والله محد راح ينفعك اهم شي بنتك لاتحزن وكمان الي زايد الطينه بله ان بنتك هاديه وخجوله او انا اقولك خلي جوزك يشتكي للوزاره

 

[همسة حزينة]

انا ما ارضى الا اروح للمدرسه وانا المعلمه واصور لها موقف بنتي لو كان مع بنتك ؟؟؟؟

لا تسكتي يالحبيبه هالعمر مؤثر جدآآآآآآآآآآآآآآآآآآآآآ على البنات

 

[يابعدها سماي]

مشاء الله الله يحفظ لك بنتك وشي رائع إن بنتك تشكي لك احسن من تكتمها​

رايي من راي البنات تروحين للمديره لما ترجع ​

لكن شوفي ايش راي بنتك نفسها هي ادري بمعلماتها وكيف يعاملونها ​

بس لاتناقشين ولا تروحين للمعلمه نفسها ترفعي عنها عشان ما تضايق بنتك​

 

[•мš.رشـّا.| ▐|✿]

انا رديت على موضوعك هاذا قبل

وبرضوا اعيد واقول وربي لو اني منك لامسح فيها بلاط المدرسه

وش هي مفكرة بنات الناس حقل تجارب لاستعراض شخصياتها عليهم ..!!

اتحداك لو انها مو جبانه بس تستقوى على اللي اصغر واضعف منها

انا قد صار لي موقف مع معلمه مشابه

استاذنت منها على الاساس اروح اشتري مويا قالت لي تفضلي وفتحت لي الباب ولمى جت جلست تهاوش

وتقول انتي قليله ادب ليش مااستاذنتي وظربتني في مقلميه !!

بس ماسكت لها خليتها تعرف قدرها وتعرف ان الله حق وفوق هاذا اعتذرت لي

بعض المعلمات لمجرد انهم صارو معلمات يفتكرون انهم صارو ملكات ويتحكمون في كل شي كل شي

وفعلا صار التعليم وسيله لكسب المال وينسون الهدف الاساسي من التعليم وينسون انه رساله ساميه

بنتك بسن حساس حسسيها ان وراها ام لايمكن تقبل الغلط على بنتها ورجعي لها ثقتها اللي فقدتها

حليها على الاقل تقول للبنات اللي هي انهانت قدامهم >امي اخذت لي حقي !!

 

[الطله الحلوة]

للاسف خساره في بعض المعلمات وين ميثاق اخلاقيات التعليم وين القدوه

 

[عطر اللحظات]

لاتستكين بعض المعلمات معقدات ومليانات عقد

ذقت منهم وذاقت اختي بعدي

لاتسكتين روحي المدرسة او قددمي شكوى

لان السالفه بتظل بخاطر البنت مسكينة تفشلت

 

[H.M.S]

تدرين ..
يمكن يكون عندها حاله نفسيه والا شي ..
اتقي شرها ..
لاترجع تتعند لبنتك ..