لو اهل زوجك قالوا حنزوجوا الثانية(مزح)..ايش تكون ردة فعلك؟؟

[حبيبة رامي]

بسم الله الرحمن الرحيم..


سبحان الله والحمدلله ولا اله إلا الله والله أكبر..


كيــــــــــف حالكم؟؟؟ايش الاخبار ان شاءالله بخير...


بدووون مقدمات :icon30:باقولكم...



صار لي موقف يوم الخميس....


وقعدت يومين بعدها افكر بردة فعلي:sadwalk:

هي صح ولا خطأ؟؟...


وقلت لااااازم ولاااااااااااابد

تشاركوني فيه:blow: يابنات بلقيس....


الموضوع أو الموقف كالتالي...


يوم الخميس كنت عند اهل زوجي كالمعتاد...


وبعد الغدا واحنا جالسين بامااااااااان الله...

زوجي قام لبس اتكشخ وخااارج الدوام...

وقال لي...


ياللا في امان الله انا رايح الدوام...قلتله مع السلامة..<<<طيب اخلصي:icon31:..


على خرجته شافه الاخ الاصغر:thumbdown: لزوووجي...

وجا عند الباب..قال الله الله على العريس<<<قصده زوجي...


قال يافلانة<<<اللي هي انا...

قلت نعم...قال خلاص لازم ندورله وحدة ثاااانية....



طبعا انا :busted_red: وكذا:santa_1: وكلللللللللللل الشياطين اتجمعت براسي...

ونفسي اصك وجهه بالباب...


لــــــــــــــكن ردة فعلي كانت....


بكل بروووود.... (وهوا يلقى)...<<<يعني مافي احد مثلي...

واهله كلهم موجودين امه وابوه واخواته...

قال افاااااااا... قال خليه زي فلان<<<هذا اتزوج الثانية له فترة بسيطة...

قلت فال الله ولا فالك... اللهم حولينا ولا عليناااااااااا...


طبعا هوووووووووووووو انكتم هووووس ولا حس...

كان بيتعشى فيا اتغديت فيه:essen:


ايش رااااااااايكم...



وانتو بعد قولو من مرت بمثل هالموقف؟؟؟...وايش كانت ردة الفعل؟؟؟؟...

أو ايش بتكون ردة فعلكم لو مريتوا بهالموقف؟؟؟..........


احترامي لكم...
واعتذر للزوجات الثانيات:blush-anim-cl:..

​

 

[مجنونةM]

هههههههه
ردك كان حلو

انا لسى مملكه
ويارب مايصير لي كذا
لأني بابكي على طول هههههههه

يسلمــــــــــــــوو
ويارب ازواجكم مايتزوجون عليكم وحده ثانيه^_^

 

[حبيبة رامي]

اميييييييييين يارب..


انا كنت مثلك...وكنت اعصب واتنرفز بسرررررررررررعة لدرجة اني ابكي وابوز...


واهل زوجي استغلوها وصار على الداخل والخارج يوقولولي كلام يرفع ضغطي..ويشعلل الغيييرة...

ومرة وحدة من اخواته قالت عصبت عصبت <<< بتريقه وضحك..

من بعدها انكشفت النوايا وحطيت حد..

هم طيبين والله لكن في اشياء الاغلب انها لازم تصير من اهل الزوج لو مزاح يختبروكي فيه..

شوووكرا على تواجدك

 

[دلع و سنع]

انا زوجي يقول ابتزوج قدام اهله بيقهرني وارد بكل برود ايه تراني محتاجه شغاله !!!!!!

 

[بعدني عروس]

بصراحة انا ماقالولي
حتة اهو ابدا
بس لو صار معي مثل هالموقف
بقولهم

الشيخ الي بيملك لزواج الثاني
هو نفسة الي بطلقني منة

اصلا هو لو يلف الدنيا كلها ما بيحصل شراتي
صح بو فلان والا؟:santa_1:؟؟

عاد حطية يقولي عكس كذا ليلتة بظلم:essen:

 

[ام بروكي]

انا صار لى هذا موقف كثيرر معاهم فى بداية كنت اعصب بس بعدين صار الوضع عادى تقول امة اطلبى طلاق منة واختة تقول تعرفى على واحد قبل ماتطلاقين علشان بسرعة تتزوجين اجلس اضحك عليهم على حالة نفسية عندهم حمداللة والشكر فى الاخير قلت لهم مشكلة ولدكم يمووت فى ترابى مافى احد يستحملة مثلى بذات انة مطلق زوجتة الاولة من هنا قفلوا على موضووع حسبى اللة عليهم

 

[لاريسيا]

بالعكس ردة فعلك اعجبتى......:icon30:

بس لو انه مكانك باسكت وبابتسم وباوضح له ان الموضوع ماهمنى<<<< عشان ما يكررها مرة ثانية ويغثنى

وفى نفس الوقت باطرش مسج لأبو الشباب:santa_1: (زوجى) وباوضح له استيائى <<< مايفكر انى مو مفتكرة والموضوع مايهمنى او ما غار عليه لانه بيزعل او بحط بقلبة

وجهت نظر


:icon26:مع حبى لاريسيا:icon26:​

 

[ياربي استجب]

اهل زوجي عسل مستحيل يفتحون موضوع كذا
وهو زوجي عارف الحدود واكيد بيرد ويمدحني انا متاكده
بس باخذ الي تقول كذا ع جنب وافهمها ان مال موضوعها اي داعي وباحرجها...

 

[umkhalifah 7]

انا صار لي الموقف تدرون شو رديت ...قلت بذبحه وبذبحها وفالنهاية بذبح نفسي علشان لا أدخل السجن لاني مستعده أدمر حياتي بس علشان انتقم من وحده دمرت بيتي وحياتي وتراني مينونه وانتوا تعرفوني عدل وكنت اقولها بجددد بجد وبقوة لانه من الحب ماقتل ..ومع الايام خلاص ماصاروا يطرون الموضوع >>خخخ أختكم شريرة

 

[أنا و أنت ،،]

عجبببني ردج.. ولو كنت مكانج كان تقريبا رديت نفسج

كنت بقولهم.. أنا مكفية و موفية

خخخ أعصابي ثلج في هالمواقف.. بس حلو جذي عشان لا ينرفزج أكثر

 

[ام شوق1]

:shiny:
حبيبتي ردة فعلك مرة حلوة

 

[موهبه]

ردك كان حلو
انا بعد اهل زوجي كثير يستضرفون انفسهم قدامي ويقولوا زوجك بيتزوج ولا بنزوج ولدنا

ونفسي اتعلم رد يسكتتتتتتتتتتتتتتتتتتت

 

[بهجة القلب]

رووووووعة ردك:icon30:
بس الحمد للة ما قد قالولي شيء بالعكس اذا كنا نسولف في حريم وهو جا عرض احاول افهمهم انهم يسكرون الموضوع ونسكرة واحيان هو يستظرف نفسة ويبدى يستفسر ويقول عادي قولولي متزوجين او لا علشان ادورلهم عرسان ونشب علية كلنا ويقولولة وين تلقى مثل ام فلان
اللة يخليلي اهل زوجي ولا يحرمني منهم

بس المصيبة فيني انا اتنرفز واعصب علية:busted_red:
تصدقون الين ماقالي تراني انبسط اذا زعلتي وعصبتي
ويوم عرفت هالشيء منه خلاص ارد ببرود واقولة عادي حتى اذا تبيني اخطبلك راح اخطبلك>>>>>>>>مسوية قوية:showoff:

واقولة بس اذا خطبت انساني تماما وهذا من جد يعني تراك بتخرج من حياتي وما في امل >>>>>>>>>>على بالى:msn-wink:

 

[روح الضباب]

ببين لهم انه عادي

وبطريقه غير مباشره ان ولدهم مايقدر يستغني عني فديته

 

[قطـــــريه]

انا زوجي الي يقولها قدامي كضحك ويستااااااااااااااااانس لمن اعصب طبعا .. بس انا ما تصرفت نفس زوجته الأولى الي كانت تقوله عادي .. عليك بالعافيه " تتغلي " وفي الاخير تزوجني على راسها .. انا كل مره اعصب عليه واتنرفز واسوي روحي زعلانه وانا اصلا مب فارقه معاي وعارفه انه ماراح يتجرأ يسويها .. بس الريال يستانس لمن يحس ان زوجته تغار عليه .. اقوله انت روح بس وتزوج الثالثه الله يخلي الاكياس بختار كيس وردي وساطور ناعم وبقطعك حته حته و أوزع لحمك على إعيال الحته .. وليومكم يستانس كل مره فأحقق له هالوناسه ليش ازعل نفسي دام عاجبته السالفه هههههههههههههه

 

[ضوء المكان 1]

انا زوجي دايما يقول كذا يغيضني

واذا قالها قدام امه على طول هي اللي تدافع وتقول ما بيجي البلا الا على راسك وتطالع فيني لا ازعل

بس على طول اقول تحسبني بقعد عندك

واذا انا وياه على طول يتلاقي وحده زيي وبعدين فضي وقت لي وبعدين دور للثانيه وتراك تحرم علي لو تزوجت

وبسسسسسسسسسسسس يطالع بكل غرور بس اعرف وش في نفسه

 

[umm yusuf]

ياحياتي موقفك حلو الله يسخر لك زوجك

 

[حبيبة رامي]

ما نقول غير الله يكفينا الشرررررررررررر...


ومرررررررررررررررررررررررة شكرا على الردود الرااااااااااائعة

 

[سوسو2010]

انامر ع لي هذا الموقف وزعلت وحاولت اني اخفف من زياراتي لهم

 

[اسيرة عالمي]

بالنسبة الي راح اطنش لو صار معي موقف هيك
اكيد مش راح اهتم في الموضوع ولا حتى راح جاوب عليه ممكن اني اضحك واحكي نكته بعد هالكلمة ع طول