للي عنده خبره بالعقارات واسعارهم ..يرجي المساعده

[f6mi-uae]

السلام عليكم ورحمه الله وبركاته

كيف الحال يا بنات بلقيس ..

انا بصراحه افكر جديا ومن فتره املك عقار بدبي استوديو او غرفه وصاله ,,,,

وانا موظفة في قطاع حكومي فمن عنده خبره بخصوص تمويل ...اذا بيمولولي المشروع ...

انا حصلت بالجريده اليوم استوديو بسعر 371 واخر ب 445 جاهز للاستلام علما انى اريد استثمرها يعنى للايجار فكيف الترتيب وبشوف افضل طريقه للحصول على العقار ...علونى ما احب الالتزام المادي الكبير وطويل المدي فشو تنصحونى خواتى ....كيف حصلتو عقار بدبي ...

انتظر ردوكم بفارغ الصبر

وهل توجد اسعار حلوووه

 

[ام الدلوعة]

العقارات كل يوم يرتفع سعرها
انا اشتريت الشقه من مكتب وساطه بس طبعا ياخذ ارباح عليج في مكاتب يبيعون لج الشقة بدون فوائد يعني تدفعين دفعه اولى وثانية والباقي اقساط على حسب انتي كم تقدرين تدفعين كل ما كان القسط الشهري اقل كل ما طالت المده
اذا انتي راتبج عالي وماتحتاجين تصرفينه كلة ادفعي اقساط كبيرة وبتخلصين بسرعة

 

[f6mi-uae]

شو تقترحين عليه مكاتب اوك

 

[ام الدلوعة]

يعتمد .. في منهم يغشوون

بس شي طبيعي الواحد يوم يشتري من المالك مباشرة أكيد أحسن ما تجوفي في الجرايد يوم يحطون (من المالك مباشرة من دون أي وسيط)

بس فبعض الاحيان في ناس يضطرون يشترون من وسيط عشان الدفعات .. لانهم مرات يسهلون الدفعات ويقسطونها باسعار اقل وعلى مدى بعيد لكن السعر يكون وايد اعلى يعني اذا الشقة تكلف مليون بتكلفج مليون ونص ...

بس اللي عنده سيوله احسن يدفع دفعات كبيرة ويخلص بسرعه لصالحه

 

[f6mi-uae]

للرفعع

 

[ام بشاير]

السلام عليكم

الغالية شوفي اذا عندك حساب وراتب في بنك دبي الاسلامي راح يسهل امورك روحي قسم السيدات او قسم التمويل اذا كنتي من ابوظبي ويسوون لك دراسة جدوي يأخذون منك تقريبا 2300 درهم وبعد اسبوع يردون عليك طبعا انتي اتقولين لهم انك امحصلة شيىء وتريدين تشترينه وكل التوفيق لك اذا حبيت حاجة ثانية من عيوني
تحياتي
ام بشاير