للي عندها شغاله الرجاء الدخول

[شمعه حياتي1]

سلام اخواتي

في سؤال غريب شوي وغير متداول في المنتديات اتمنى ماتستغربو بس مهم جدا


لما تجيكي الشغاله خاصه في هلوقت اللي الكل عارف انو مافي شغالات وبلقوه ومحتاجينهم مع رمضان

مثلا

لما تجيكي الشغاله مو فيزا طبعا

كيف تتصرفي معاها

من ناجيه ترتيب البيت كيف تنظمي وقتها وطريقه شغل البيت


يعني كيف تعلميها شغل البيت


وخاصه في رمضان


عارفين ليش كتبت الموضوع


لاني من جد تعبت ماادري انا اثقل طلبات عليهم ولا مريحتهم لانهم ما يجلسو شوي ويروحو


مااعرف


عشان كذا ودي اعرف ايش هو روتين كل وحده تجيها البيت اول مره


ايش تقولها وتعاملها كيف

وسؤال تاني


ساعات اقول خلاص مع حملي وضيق الوقت ومافي شغالات ووووو راح ارضي باي شي



تجيني وحده ماهي وسخه نظيفه بس شغلها مو قد كذا عشوائي يعني لو بعلمها راح اتعب


اتركها وقول خلاص ريحه ابو علي ولا عدمه ولا اعلمها وعلي قولهم احلل قروشي بس لو دققت معاها

اخاف ططفش ماااااااااااااااااادري كيف اتصرف ساعدووووووووووووووني



اتمنى الاقي حلول تساعدني لاني من جد محتاااااااااااااااااااااااااااااااااااااااااااااره

 

[ايس فراوله]

ياعيوني من يوم تجيك امسكيها ووريها البيت والحمامات وانتي بكرامه بعدين وريها
منظفاتك اللي تستخدمينها وقولي تقومي الساعه مثلا8 وتبدئي بالحمامات تغسليها بعدين مسحي السيراميك بالمنظف الفلاني والحمام بالفلاني وتضف المطبخ اذا فيه شي وعطيها الكوي اذا فضت وخليها تفطر بعدين سلميها الغسيل وبكذا تعرف نظامك وكمان حطي الصابون حق المواعين انتي وقولي كيذا سوي وترتاحين بعدها لانها تكون على اساس ماشيه مو ملخبطه ولا تفضى كثير تجلس تفكر وتخربط........ادعي لي تجي شغالتي بتكمل 4 شهور وانا حامل بالتاسع ورمضان الله يعين بس

 

[شمعه حياتي1]

الله يعطيطي العافيه انا اسوي بلضبط اللي قلتي عليه طيب بلنسبه للشي الثاني لما احس انو ماتعرف اشياء زيالكوي مو تمام او تنظف لاكن بدووون ترتيب

الاقي تمسح بلمنشفه الاماكن واماكن مامسكتها كل شوي بموال وجوزي يقولي طنشي واحمدي ربك والله ماتلاقي وانتي حامل ورمضان

او يشوفني اعطيها الاوامر مثلا تحت الكراسي ووو يقولي عدي بس انا دمي حار احب كل شي بلملي بمكانه تماااام ومقهوره علي المبلغ اللي بتاخذه

 

[الجواااان]

ياااختي لاتكونين دقيقه ..... لان ذا الزمن ماعاد فيه شغالات يبردون القلب

 

[غروري سر حضوري]

عزيزتي اذا كان عند اهلك واو اخواتك شغاله كويسه وديها الها تعلمها وكل شي تكتبه علشان يثبت واذا رحتي لبيتك خليك وراها وفهميها بس بهدوء هم برضو غلابه واصبري عليها اختي تجلس مع شغالتها شهر تعليم وماشاء الله الحريم يودو شغالتهم لم شغالتة اختي تعلمهم بس اختي ماشاء الله بالها وسيع والشغالات الي يجوها يشتغلو بذمه
الله يقومك بالسلامه

 

[حرم الأمبراطور]

نصيحه لا تعطين الاوامر لشغالتج قدام زوجج ..تبينين في عينه انج متسلطه وهيه تبين سندريلا المسكيينه...
...كنس البيت والتمسيح وغسيل الحمامات الصبح لما يكون موموجود....وانتي تكونين على راسها تفهمينها بالطيب والصبر....وقبل الظهر توقفين معاها في المطبخ تعلمينها ادق التفاصيل في التنظيف والترتيب والطبخ ..ومن الافضل يكون مطبخج من الاصل مرتب ونظيف عساس تنطبع الصورة في عقلها وتخليه دايما زي ما شافته اول مرة ....
ولما زوجج يكون رجع يكون شغلها الكوي وغسيل الملابس بحيث تكون بعيد عنكم وياخذ الرجال راحته في بيته ...و يكون كذا شغل البيت مرتب والخدامه ماتجي تهز طولها قدامج وقدام زوجج ...وانتي في فترة الصباحيه او لما تكونين فاظيه علميها اساسيات الكوي ..وكيف تتعامل مع الكوايه تخفف على الحراره في الملابس الخفيفه والحرير وكييف تزيد في الملابس الثانيه وكللل هالامور ...بس اعرفي ان مااااتتكلمييين كثييييير وتعطيييين معلومات كثيييره مره وحده ...لان مخهم ماااايجمع كل المعلومات مرررره وحددده ....فيوم خليه لتعليم اساسيات تنظيف وتمسيح وكنس البيت وترتيبه وانتي اتابعيها ...واليوم الثاني للحمامات ..والثالث للمطبخ ...والرابع للكوي ...وبكذا مخها راح يبرمج ويحفظ المعلومات عدل لان المعلومات دخلت بالتدريج ....وخليها تصحى بدري عشان تخلص كل شي وتنام الساعه 9 او 10...لاتسهريها ..
دايما لماتعلميها شي ..خليها تطبقه ..وبعدين ارجعي شوفي كيف طبقته ...اذا سوته صح قوليلها انتي شااااطرة ...او اي كلمة مدح تفهمها ..واذا غلطت من اول تطبيق ناديها وارجعي نبهيها عل الاغلاط بصبر وبهدوء من غير عصبيه ..( :
والله يوفقج ..

 

[زوجي حبي]

الله يعينك

 

[أمة البارئ]

يأختي الله يعينك
هناك فرق بين الإيجار والدائمة
الإيجار دلعيها شوي علشان ماتروح وتخليك
أنت المحتاجة أولا وأخيرا
وياليل إذ راحت من وين تلاقين غيرها

 

[واحة وفاء]

ماعاد فيه شغالات مثل اول

اول كانو كحتاجين ماده ويدورون رضا المدام

اللحين شبعن وتعودن على السفر ويدورن اللي يطفش المدام


المهم تعوذي منها كل يوم وليله وقولي اللهم اكفنيها بما شئت