للذكيات فقط..... وكلكم اكيد ذكيات

[غربيه شماليه]

صبا ح الخير

مبارك عليكم الشهر يا بناااات

اليوم جايتكم وابي منكم خدمه لا هنتن :msn-wink:

انا اعااني من اهل زوجي بس في الاونه الاخيره خفت المشاااكل بقوه لدرجه ما تتصورونها بحكم اني طلعت عنهم

بس اللي صاير اللحين اني مع زوجي وهم جووا معنا (كلهم)

وصارت حياتي جحيم
بس مو من المشااكل و غيره >>لانهم يبون يمشون الوضع على اساس إنّا حبايب لييييييييييييييييييييش؟

:a115::a115::a115:

عشان يصيرون معنا بالرايحه و الجايه ....
مو يحبوني ؟؟؟
:c011::c011::c011:
بس مو علي هالحركااات
لاني عارفتهم و هو بعد عارفهم

طبعا من غير سؤال هم معنا بأي مشوار نروحه
واقصد بأي مشوار ((اي مشوار ))

لو ما هم كلهم على الاقل نفر وااحد منهم
>>>حلوه نفر ههههههههه:biggrin:

اللي ابيه منكم تعطوني حل لهالمشكله
صح اني اكتب وانكت >>>من الاسم وااضح غربيه

بس مقهووره


طلبتكن يالنشمياات الفطينات عطني حل

والسااحه لكن (تاركه المايك لكنّ )

 

[مزاجي وبس]

الله ييسر امرك بس ما فهمت كيف خرجتي من عندهم
ورجعو لك
وضحيلي عشان افكر لك بحل
ان شاء الله

 

[غربيه شماليه]

انا كنت ساكنه عندهم وبينا مشااكل لهالسبب و اضطر زوجي انه يطلع عن اهله من ورا مشاكلهم
وعلى فكره ما طلع عنهم لين شاااف بعينه

واللحين انا مع زوجي في منطقة عمله (انا وقت الدراسه ما اكون عنده لاني طالبه جامعه باقي لي ترمين على التخرج)
واللحين بعد ما رحت معه لحقونا بكيفه ما علي منهم
بس تصل لدرجة ان الطلعه مستحيل لحالي لا
تعبت من حركات القطيع
نطلع سوا و ندخل سوا
ليه طباين (يعني حريمه و انا مدري؟)

 

[غربيه شماليه]

شفيكم بنات بعد السحور دختواا؟؟

ردو علي بليز

بناااااااات ردوا علي


​

 

[يارب اجبرني]

عندهم اخ ثاني غير زوجك ؟؟؟؟ كبير ويسونك ونفسه طيبه؟؟؟

 

[يارب اجبرني]

عندهم اخ ثاني غير زوجك ؟؟؟؟ كبير ويسوق ونفسه طيبه؟؟؟؟

 

[الانسكاب]

الله يعينك و يصبرك ياااارب ..
طيب شلون جو معكم يعني سكنوا معكم الحين ولا كيف وضحي اكثررر

طيب تعذري بانك بتروحين للمستشفى او بينكم شي خاص بيني هالكلام لهم ولا خلي زوجك يلمح ..​

 

[غربيه شماليه]

عندهم بس شايل يده من كل شي
ولو عطاهم وجه هم اصلا ما يبونه يبوون زوجي حبيبي>>خربتها ههههه

يعني نكاااده بس ولا هم مالهم حااجه اصلا يعني يطلعون للسوق ما يشرون شي تمشيه بس
والمره الثانيه انا ما خلصت اغراضي عاد هنا يطلع عذر انهن يبغن اغراض لان المره الاولى ما شروا شي
وهلم جرااً بهالاعذار عشان يطلعون معي و زوجي ما يبي يضايقهم لحد يقوللي كلميه لانهم ضيوف عنده ويحترم امه ما يبي (يكسحهم)
و لحد يقول روحوا من دون ما يدروون لانهم بيدرون و بتصير فضيحتنا بجلاجل
مطلع حرمتك و حنا لاأ......

ابي حل
لاني ما تكلمت الا لما شفت انا بااقي خوااته المتزوجات خوات حريمهم ما يسترجون حتى يطلونهم الروحه معهم
وانا بالرايحه و الجايه معي كأننا سيامي

 

[أستغفررر الله]

حلو دام زوجك عارفهم
خليهم زي ماااهم حبايب
بس فهمي زوجك انك بتروحي لحالك لمشوار او السوق
واقفلي غرفتك
وقولي البيت بيتهم ماهم اغراب بيني له انك بريئه ولاتكثري سبهم
لانه بيجي اليوم اللي ياقف بوجهك ولايبي عليهم الكلمه
ولايدرون الاانتي لابسه عباتك وخااااااته من عند خشومهم
وبالتوووووووووووووووووووووفيق

 

[غربيه شماليه]

الانسكااب
والله يمكن ما تصدقيني مره كنت بروح اكشف كانت الدوره متعبتني مره
وقال زوجي يلله تجهزي بوديك
يوم ركبت لقيت 2 منهم معي بيروحين الجلديه !!!!!

يعني ما كوا فكه حتى في المرض معاك مرافق (يخافون علي )هههههه

هم عندنا البت مقسوم نصين هم بنص البيت اللي احنا مأجرينه نوع شقتين بنفس العماره

 

[ظبي الشمال]

نفس حالتي الله يصبرك...

 

[شروق مبتسم]

لمحت اسم الذكاء وجيت جري احم احم <<الغروور لاعب عليها خخخخخخخ
لا من جد الزمي الاستغفاار مع الدعااء وراح حيااتك
كلها تتغير للافضل عند تجربه

 

[الانسكاب]

امممممممم

يالبى روحك هدي بالك وريحي يعني هم بيستقرون عندكم دائماااا ..
اتوقع لين تبدا الدراسه وبيرجعون وبترجع حياتك مثل ما تبينها واحلى ..
صح ولا لا ..​

 

[رندا كووول]

اتحمليهم فتره وتعدي ..
واضح ان دمك خفيف علشان كذا وراك .وراك من زووود المحبه

 

[بنت*القران]

ياحبيبتي الله يعينك اتوقع يسووون كذا عشان مايبعدون اخوهم عنهم
ويتعود ع بعدهم وع ان حياته مستقلة يعني لورحت المريخ حنا معك
هذي سياسه...متحمسه مرة..

 

[زوجة الناظر]

الله يعينك

 

[وهج السكون]

الله يكون بعونك

بس كوني جريئه وفهميهم انك تبين تطلعين مع زوجك لوحدكىوتاخذين راحتك

عادي بالوجهة وقولي لهم انتم روحو في وقت ثاني

وخلي زوجك يقلهم مثلا لو يبون المستشفى قولي لهم روحو انتم وانا بعدين

ابي اروح وحدي مع زوجي

بس قولي لهم باحترام وباسلوب مهذب وما تكونين قليلة ادب في نظرهم

هذي وجهة نظري وكلمي زوجك به قبل كل شيء

 

[نيكولا]

انا رايي لا تطلعي اصلا ..قدر الامكان..

 

[غربيه شماليه]

بنات طيب اذا رحنا و خبينا عنهم الطلعه
حل و لا مو حل ؟

 

[سلايس]

حاولوا تخططوا للطلعة بدون ما يدروا..او خلي زوجك يوقفهم عد حدهم..انتي لك طلعاتك الخاصة واهله يطلعهم مشاويرهم في اوقات ثانية..