للخبيرات في ما يخص النفاس او الاربعين

[zinab uae]

السلام عليكم خواتي انا قرب موعد ولادتي .. و بيلس فترة نفاسي في بيتي
( يعني انا وريلي ) .. وانا بكرية عمري 21 و ما اعرف كيف اتصرف .. طول فترة الحمل اخذ معلومات بسيطة من الحريم اللي فالمستشفى و اربيعاتي اللي ما القى عندهم الخبرة الكافية والمعلومات الوافية .. امي متوفية رحمة الله عليها قبل حملي .. و انا اكبر خواتي و المتزوجة الوحيدة بينهم .. و اهل ريلي معاملتهم وياي جافة وقاسية وايد وفشلت في التواصل معاهم .. خصوصا مع امه اللي محتايتنها بهالوقت .. اتمنى انكم تساعدوني و الله يشهد اني وحيدة ومالي غير الله و محتاية معلومات عن اللي يستوي بعد الولادة و فترة النفاس او الاربعين .. و معلومات عن اللي لازم اسويه وما اسويه .. و كيف اعامل زوجي و البيبي وكيف اهتم بنفسي وبصحتي و نفسيتي .. اعتبروني اختكم والله يشهد اني بدعي لكل وحدة ترد علي من كل قلبي و بدعوات صادقة وباذن الله مستجابة. والله يرزقني ويرزقكم بالذرية الصالحة باذن الله .. ويسهل علي و على كل حامل بالولادة و يرزق كل محرومة بالذرية يارب العالمين .. آمين . انتظر ردودكم خواتي .. احبكم في الله?

 

[مستعده]

وعليكم السلام والرحمه
والله يسهل علينا الولاده السهله الميسره..انا نفس وضعك وزيدي عليهم عندي طفل ربي يحفظه ..
ابساعدك ياللي سويته بنفسي

اول شي شوفي غرفه بالبيت فيها تلفزيون عشان تحطين البرامج المفيده او تحطين قران اي شي مايحسسك بالوحده ..وسرير لك ولطفلك وبجمبك كومدينه حطي فيها هيتر و يانسون كراويه بابونج كلها من الصيدلية نظيفه تجيك مثل ورق الشاي ليبتون..قرفه زنجبيل وسكر نبات طبعا ممنوع الشاي والقهوة والسكر العادي عشان ماينمغص بطن النونو..جيبي علبه حطي فيها كميه حلبه مطحونة عشان اي أكله تاكلينها تحطين عليها ملعقه كبيره من الحلبه ولا تكثرين عشان مايصير الاكل

 

[مستعده]

مايصير الاكل مر.وكمان جيبي عليه فيها فلفل اسود مطحون تحطين رشه اقل من الحلبه ع اي أكله تاكلينها..حطي في الكومدينه كمان كريم لحلمة الصدر عشان وحفائظ اصدر..جيبي صندوق لغيارات الطفل يجي بلاستيك تحصلينه بسنتر بوينت وكمان بالاماكن الشعبيه عبيها حفايظ لنونو ومناديل مبلله واكياس حفايظ وكريم التسلخات لهايه مناسبه لعمره واغراض السباحه ومحلول مطهر لسرته وقفليها وتكون يجنبك وكل ملخلصت الحفاظ عبيها مره ثانيه..وكمان اعزكم الله زباله لها غطا صغيره بالغرفة ترمي حفايظ البيبي فيها وكل مارحتي حمامك شيلي الكيسه لعرفتم حتى لو مو مليانه وارميها ف زبالة الحمام ..كمان بنفس غرفتك حطي كل ملابس طفلك وملابسك بشنطه حجم وسط..

طبعا المفروض تكونين حاطه بالفريزر تمرة النفاس بعلب وهي عباره عن تمر معبوط منزوع النوى مخلوط معه رشاد وحبك البركه وشوية كراويه ..كل يوم بعد الفطور تأخذين اللي يكفيك باليوم تدفينه ع الفرن او المايكرويف وضيفي عليه ملعقة سمن فارم او زبده..وكمان تشربين قشر قهوه معها ضروري تنظف رحمك وتضوق وتشيل الكرش وطريقتها خذيها من النت او اذا حابه اشرح لك مو مشكله

 

[مستعده]

لا تشيلي هم ملابس البيبي وملابسك خلي زوجك يوديهم المغسلة طبعا وبالنسبه لملابسك الداخليه اول اسبوع اشتري كلوتات الدوره اللي تنلبس مره وحده وتنرمي لين ترجع صحتك شوي وتغسلينها بنفسك ياقلبي
كمان احرصي تتحركين بشووووووووويش ع اقل من مهلك ولا تصارخين بقوه ولا تكحين بقوه وتلبسين سروال داخلي وشراب ثقيل وشحاطه عشان مايدخلك برد

وووووو اي استفسار باْذن الله راح أساعدك لان ماوضحتي بالضبط وش اللي تبينه بس ماحبيت اطلع من غير ماساعدك بشي
وتكفين أدعي لي

وانصحك بمقاطع رولا قطامي ع اليوتيوب أفادتني بشكل مو طبيعيييييييي وكمان كتاب موسوعة الفراشه اشتريه راح يفيديك بكل شي من قبل الحمل لين تولدي لين يكبر النونو ويصير عمره ثلاث سنوات..

أستودعك الله

 

[أم عبدالله5]

الاخت مستعده ما قصرت جزاها الله خير انا مثلك ما اعرف وفي نفاسي الأول ما اهتميت بنفسي وحصلت لي مشاكل لكن في نفاسي هذا إن شاء الله راح يكون اهتمامي غير وفي موضوع استفدت منه كثير هنا في المنتدى لاخت اسمها أم الفيصلي ناوية اطبق نصائحها إن شاء الله وخدي دفتر وقلم وسجلي الحاجات لي محتاجاها ولي لازم تعمليها في تلك الفترة وخليه جنبك عشان تلقيه أمامك كل ما احتجتي شي وحضري كل شي في شهرك التاسع انا في الثامن وبدأت اشتري الأعشاب والحاجات لي راح احضرها عشان ألقاها جاهزة بعدين بس اطلع من الفريز واسخن وأهم شي مثل ما قالت اختي مستعده دفي نفسك وراسك لا تخليه من غير منديل لا يدخلك البرد الله لا يوريك انا تهاونت اول مره وعانيت من البرد في راسي فتره طويلة وربنا يسهل عليك وعلينا يا رب ويرزقنا برهم

 

[zinab uae]

شكرا اختي مستعده ..
بدعيلج من قلبي دام رديتي علي والله يعلم اني محتاية اعرف وايد اشياء عن النفاس .. واصعب شي انج تكونين وحيدة و محد يساعدج او يعلمج .. انا ان شاء الله ناوية اسويلي جدول صغير واحط فيه كل اللي لازم اسويه .. وبعد لازم اروح العطار واشتري الاعشاب اللي نصحتيني فيها .. و الله ايسر لي و لكل مسلمة يارب العالمين..♡

اختي ام عبدالله5 .. الله يقومج ان شالله بالسلامة يالغاليه و مشكورة على ردج .. والله انا بعد خايفة وايد و ترا التفسية تلعب دور كبير و انا نفسيتي من اول زواجي لين اليوم تصعب عالكافر .. بس الصلاة والدعاء والاستغفار و قراءة القران وبالتوكل على الله يهون هذا كله وماشوفه الا تراب .. مشكورة حبيبتي بدعي لج وللاخت مستعده باذن الله دعوات مستجابة ..
و الله يسهل علي وعلى كل مسلمة ان شاء الله..?

 

[zinab uae]

و انا عندي كم سؤال الا اسئلة قد شعر راسي ههههه .. لأني قريت كم موضوع وخذيت كم معلومات بس مب متأكدة من صحتها .. ياليت تساعدوني خواتي ..

اول شي ابا اعرف كم يوم بتم فالمستشفى وانا جهزت اغراضي واغراض البيبي ..وعقب بقولكم شو جهزت و اذا ناقص شي خبروني ..

و بالنسبة للي ابا اعرفه .. متى اسبح بعد الولادة على طول ولا بعد يوم وهل استخدم الصابون والشامبو ولا لا .. لاني سمعت ان الشامبو يضر؟!!
و هل عادي اروح الحمام - عزكم الله بعد الولادة - للحدثين ولا هالشي يضر الخياطة ؟ .. ومتى احط الفوط الصحية بعد الولادة مباشرة ولا ؟!

وقالتلي وحده يزاها الله خير ان الماي والملح يطهر المنطقة الحساسة .. بس اي نوع من الملح .. قالتلي ملح مغربي .. !!
وفي وحده نصحتني استخدم زيت الزيتون بعد ما اطلع من الحمام - عزكم الله - عشان تلين الخياطة فهل هذا عادي واللي استخدمته ابا اعرف كيف احطه؟.. وسمعت انه شي ادوية تخفف الم الخياطة .. ابا اعرف شو هي الادوية ابا اسماءها وابا اعرف متى احطها؟

وشو اللي لازم اكله او اشربه في فترة التفاس .. قالولي ابتعد عن الاكلات اللي فيها بهارات .. فهل مسموح اكل اي شي او كل شي ولا لا .. لانه وايد اكلات اشتقت ابلعها ههههههه

وجارتي يزاها الله خير قالتلي البس المشد عشان الكرشة او الهوا اللي بيدخل فالرحم ! ابا اعرف متى البسه و هل البسه طول فترة النفاس و طول اليوم ولا شي فترة معينه !؟ والمشي اكيد مفيد بس متى امشي يعني بعد الولادة على طول ولا بعد يوم او يومين ..! و هل شغل البيت يضر ولا عادي انظف واغسل لان ماعندي خادمة ..

وسمعت ان حريم أول يحطون حصى و انهم يحرونها يسخنونها ويحطونها عالبطن .. ابا اعرف فوايدها واذا صدق تشل الكرشة ولا لا ..؟ واللي تعرف تخبرني وين القاها وكيف يحطونها يعني وقت النوم او وقت اللي اكون يالسة وهل يصير احطها واربطها بشي ولا لازم اكون عاقة ملابسي؟!!
وهل الحصاة هاي تشل الكرشة اللي تستوي بعد الولادة ولا لازم اسوي اشياء ثانية عشان تشلها؟؟

وكيف ايلس بعد الخياطة فالمستشفى او فالبيت.. وهل عادي افتح ريولي شوي مثلا او ايلس ريل على ريل .. لأني حركية وايد ماحب ايلس وايد وماعرف ارقد على جهة وحده .. ^دودة هههههه

وسمعت من بعض الحريم اللي فالعيادة وياي يحطون تحاميل مغربية عشان تضيق وتزيل الالتهابات و الافرازات؟ .. اللي تعرف شي عن التحاميل هاي تخبرني .. و بالنسبة للمساج او التدليك.. يصير اسويه بعد الولادة و متى اسويه اذا كان عادي؟ .. وسمعت انه حريم اول اييبون مراخه ومن التدليك اللي تسويه يرد الرحم لمكانه .. فهل هالكلام صحيح ولا لا .. لاني سمعت ان الرضاعة هي اللي ترد الرحم لمكانه ..! فاللي تعرف تخبرني اكثر.. و وين احصل مراخة او الحرمة اللي تمسح عالبطن في عيمان (الامارات)؟

المشروبات العشبية مثل المرمية و القرفة و الينسون والحلبة تضر وقت النفاس ولا لا ؟ .. لاني سمعت انها تدر الحليب ومتى اخذها اذا كانت مفيدة وكيف اشربها مثلا احطها فالحليب ولا فالشاي!؟

ولأني مدمنة صالونات ? يستوي اسير بعد ما اطلع من المستشفى .. واذا عادي اصبغ شعري و اسوي حمام مغربي ولا يضر؟ و لأني احب الكعب يصير اول ما اطلع من المستشفى البسه ! .. لا تضحكون لانه واحشني حيل .. واتخبل كل ما اسمع كلمة كعب او اشوفه ..??

ابا ردودكم الحلوة يالغاليات واللي عندها معلومة ماعرفها تخبرني
يزاكم الله كل خير والله يسهل عليكم وعلي ويرزقنا الذرية الصالحة كاملة الخلق والخلقة بأذن الله.. ?

 

[skin care]

موضوع ممتاز، انا أيضا لسه والده من أسبوع عقبالك اختي تولدي بالسلامة يارب وانا رديت عشان تدعي لي وانا لي الشرف اتعلم منكن اخواتي والاخت مستعدة جزاها الله خير وفت وكفت، هضيف إضافة بسيطة،داومي على شرب الحلبة مع العسل الاسود لانه بيغير طعمها وبتبقي أحلى ودفي نفسك كويس ويكون الاكل دجاج بلدي بالشوربة الدافيه، وسمعت حب الرشاد ممتاز بس لسه ماستعملتوش، وسمعت ان الملح خطر في التنظيف من تحت علشان الخياطة،،اجعلي الملح في أوقات غير النفاس ويارب تولدي بالسلامة بس اهم شئ المشي امشي كتير قبل الولادة عشان انا قصرت في هذا الشئ وتعبت وأيضاً ادهني حلمات صدرك بكريم بانثينول عشان قصرت في هذا واشعر بالألم الآن وانا برضع والله يهون عليا وعليكي يارب، اختك من مصر

 

[zinab uae]

مبروك حبيبتي skin care الله يخليه لكم ان شاء الله و يجعله من الصالحين يارب الف مبروك .. مشكورة على هالمعلومات الطيبة فعلا انا بعد سمعت انه حب الرشاد مفيد بعد الولادة بس بعدني ما لقيت عنه معلومات كافية ..
اما عن الحلمة اول مرة اعرف انه لازم احطلها كريم .. يعني الرضاعة الطبيعية تسبب ألم ؟ .. انا سمعت انها تسوي تقرحات اذا كانت الحلمة فالوضع الخطأ وقت الرضاعة يعني مب كلها في فم البيبي ..
و بالنسبة للملح والماي .. قالتلي حرمة في العيادة اللي اسيرلها الله يجزيها خير انه لازم استخدمها لأنها تطهر وتشيل الجراثيم ..
بس لازم استخدمها بعد ما اربي يعني - عزكم الله - بعد كل مرة اسير فيها الحمام لازم اتشطف اخليها في غرشة ماي كبيرة ويكون هالشي يوميا ..
واذا كان فيه خطر مثل ما قلتي اختي شو استخدم غيره .. هل الديتول ينفع ؟؟

مشكورة مرة ثانية على ردج الطيب .. الله يهون عليج فترة النفاس حبيبتي سمعت انها صعبة بسبب نفسية الحرمة بعد الولادة و تقلب المزاج .. بس ما اظن غير ذكر الله يهونها ويهون كل شي .. الله يسهل علي و على جميع المسلمات يارب .. والله يرزقج باخوانه واخواته يارب العالمين .. آمين?

 

[zinab uae]

السلام عليكم خواتي ..
ابا ردودكم محتاية نصايحكم و اجاباتكم ع اسئلتي ?
وعشان خواتنا يستفيدون .. ?
بليز ابا ردودكم الطيبة خواتي ربي يجزي اللي ترد ع موضوعي بالجنة ?

 

[مستعده]

و انا عندي كم سؤال الا اسئلة قد شعر راسي ههههه .. لأني قريت كم موضوع وخذيت كم معلومات بس مب متأكدة من صحتها .. ياليت تساعدوني خواتي ..

(أبشري ياللي اقدر عليه ومابي الا دعوه ربي يسهل ولادتي ويسخر لي والديني وزوجي )
اول شي ابا اعرف كم يوم بتم فالمستشفى وانا جهزت اغراضي واغراض البيبي ..وعقب بقولكم شو جهزت و اذا ناقص شي خبروني ..

(اذا ولادتك طبيعيه يوم وخروج بس اذا عندك امكانيه ناديه اجلسي بالمستشفى اربع ايام عشان يختنون البيبي اذا كان ولد ويعتنون فيه مضبوط اول ثلاث ايام ويكون زوجك يتعامل مع طباخه للأكلات الشعبيه يجيب لك لغرفتك بحافظه كل ماجعتي تنادين ممرضه تكلم المطبخ يسخنونه لك انا كذا عملت في ابني الاول )

و بالنسبة للي ابا اعرفه .. متى اسبح بعد الولادة على طول ولا بعد يوم وهل استخدم الصابون والشامبو ولا لا .. لاني سمعت ان الشامبو يضر؟!!
و هل عادي اروح الحمام - عزكم الله بعد الولادة - للحدثين ولا هالشي يضر الخياطة ؟ .. ومتى احط الفوط الصحية بعد الولادة مباشرة ولا ؟!

(شوفي اذا بدك نصيحتي هما راح ينظوفنك أساسا من تحت قبل لا تروحي غرفة التنويم وراح يقولون يلا مدام شاور انتي ارفضي عااااااادي راح ياخذوكي تروحي الحمام ويدخلون معك ويجلسونك مشان تتبولي تكرمي ويكونو ماسكينك من إيدك مشان لا سمح الله ماتدوخي وتطيحي ويغسلونك بيتادين ويشرحون لك كيف لأنك بكريه ويتأكدو مافي نزيف وبيطلبو منك الملابس اللي بدك تلبيسها ويلبسونك الكلوت وإنتي جيبي شورت ضاغط بس أوسع منك بنمره بيمسك لك الحفاظ ومريح تحسب انك ملمومه والحفاظ من عندهم كبيره والبيجامه ويرجعونك سريرك ويلبسونك جراباتك وسكارف تلفيه ع رأسك ويغطوكي وبيجيبو لك اكل خفيف حاول تغصبي كلي اللي تقدري عليه وبعدها احلا نوووووومه <<شرح مفصل ?

صحيتي من النوم تكوني مجهزه بشنطه قاروره مويا صحه فيها منقوع مره تشربي منها رشفة غطا وتوزعينه ع خشمك لان بعض الممرضات متعطرات وهذا يسبب الم مو طبيعي بالخياطه..آه نسيت لازم توصين زوجك اول ماتطلعي من غرفة الولاده يحط ع خشمك غسول المره وتطلبي من الممرضات يضمون رجولك جمب بعض ميشان مايدخلك برد انتبهيييييييي


اذا طلعتي من المستشفى بالسلامه جهزي لك دراي شامبو تحصلينه بالصيدليات والهايبر الكبيرة تغسلين فروة الرأس من غير مويا لمده عشر ايام ماتتروشي بس اكيد تغسلين اباطك ورقبته ووجهك يعني بتشلحي ملابسك اللي فوق وبفوطه مبلله بمويا دافيه وصابون تتشطفي..هو الشاور عادي لو كان عنا حدا بيساعدنا لان لازم تمشي ع اقل من مهلك ماتباعدي بين خطواتك بس بضروفنا هاي محتاجين نستغنى عن شغلات بلكى البوبو بيكي او ايشي وإنتي بالحمام ولساتك مخيطه وتعبانه !! اخاف يدخلك برد .

وقالتلي وحده يزاها الله خير ان الماي والملح يطهر المنطقة الحساسة .. بس اي نوع من الملح .. قالتلي ملح مغربي .. !!
وفي وحده نصحتني استخدم زيت الزيتون بعد ما اطلع من الحمام - عزكم الله - عشان تلين الخياطة فهل هذا عادي واللي استخدمته ابا اعرف كيف احطه؟.. وسمعت انه شي ادوية تخفف الم الخياطة .. ابا اعرف شو هي الادوية ابا اسماءها وابا اعرف متى احطها؟

(افظل ملح الملح الفارسي تأخذين قارورة مويه صحة صغيره وتذوبين فيها ملعقه وسط من الملح وتكه صغيييره غسول المر عشان مايرد خيوطك ويأملك والمر مضاد حيوي لما بتيجي تتشطفي منه بيدك وتصبين من بعيد لبعيد منتااااز بس هذي اعمليها اذا رحتي بيتك ..لان غسول وسبريه بودرة البيتادين يكفي وراح اقولك طريقه كتيييير رائعه اشتري غسول الدش المهبلي جديد ومعقم وبتحطي فيه غسول البيتادين مع مويا دافيه وتكبسي عليه من فوق المنطقة الحساسه وتحت بس انتبهي مو جواااا !! بعدين تشطفي بمي دافي ونشفي منيييييح بكلينكس ناعم وبعدها من بعيد رشي سبريه البودره بيتادين لانه مضاد ويساعد ع التأم الخيط بسرعه حطي في الحفاظ كريم ميبو لانه يزيل اثر الخياط وكمان اطلبي من الدكتوره تصرف لك مرهم اسمه ريالوكين ممتاااااااااز مسكّن الم قوي جدا للجرح وتحسين المنطقة كذا فريش وبارد مع كل غيار ..وآخر عشرين يوم من نفاسك تشطفي بغسول قشر الرمان لتضووووويق والتنشيف مرتين باليوم بسسس لا تزودي اي شي )

وشو اللي لازم اكله او اشربه في فترة التفاس .. قالولي ابتعد عن الاكلات اللي فيها بهارات .. فهل مسموح اكل اي شي او كل شي ولا لا .. لانه وايد اكلات اشتقت ابلعها ههههههه

البهارات الزايد والفلفل الزايد والثوم الباذنجان والكوسه والزعتر والنعمنع والملوخيه البقوليات والملفوف ممنوع لانه بتغير طعم الحليب للبيبي وتسبب له غازات ومغص .كل شي كليه بالعافيه

راح اكتب لك جدول مرتب للاكل اذا حابه )

وجارتي يزاها الله خير قالتلي البس المشد عشان الكرشة او الهوا اللي بيدخل فالرحم ! ابا اعرف متى البسه و هل البسه طول فترة النفاس و طول اليوم ولا شي فترة معينه !؟ والمشي اكيد مفيد بس متى امشي يعني بعد الولادة على طول ولا بعد يوم او يومين ..! و هل شغل البيت يضر ولا عادي انظف واغسل لان ماعندي خادمة ..

المشد الأندونيسي الاصلي افظل شي البسيه من اول يوم عادي مايسبب التصاقات ولا هبوط بالرحم انا سالت استشارية ماليزيه رااااائعه البسيه طووووول اليوم بس اذا جيتي تنامي فكيه وخذي لك مقاسين مثلا واحد لارج والثاني سمول ع حسب جسمك لان بالبدايه راح يظل بطنك كانك حامل وبعد تقريبا أسبوعين او اكثر راح يخف فا تلبسي المشد الأصغر ..وطبعا شغل البيت يضر اول أسبوعين راحه تامه اذا مافي خدامه أجار خلي زوجي يجيب اي عامل يجي البيت بوجود زوجك طبعا كل اربع ايام ينظف ويطلع بس يكون لابس قلافز ونظيف ..المشي ظروري مثل ماقلت ع اقل من مهلك لمده خمس دقايق مو اكثر يساعد ع إلتآم الجرح بسرعه ويحرك الدوره الدمويه )

وسمعت ان حريم أول يحطون حصى و انهم يحرونها يسخنونها ويحطونها عالبطن .. ابا اعرف فوايدها واذا صدق تشل الكرشة ولا لا ..؟ واللي تعرف تخبرني وين القاها وكيف يحطونها يعني وقت النوم او وقت اللي اكون يالسة وهل يصير احطها واربطها بشي ولا لازم اكون عاقة ملابسي؟!!
وهل الحصاة هاي تشل الكرشة اللي تستوي بعد الولادة ولا لازم اسوي اشياء ثانية عشان تشلها؟؟

شو حصاه !! صرنا هسه خيمه مو اوادم ههههههه المشد ومشروب قشر القهوه وخبزتك اسمر مو ابيض وتبعدي عن النشويات مثل رز الكبسه والمعجنات والمكرونات تطلعي مثل الفل)
وكيف ايلس بعد الخياطة فالمستشفى او فالبيت.. وهل عادي افتح ريولي شوي مثلا او ايلس ريل على ريل .. لأني حركية وايد ماحب ايلس وايد وماعرف ارقد على جهة وحده .. ^دودة هههههه

ممنوووووع وانتبهي عشان تطلعي من الأربعين مبيضه الوجه عند زوجك مو مليان هوا ووقت ال.....انواع الأصوات !! دايم منسدحه ع ظهرك اى تقلبي يمين ويسار الجلسه ماتطولي فيها يادووووب رضعه للبيبي ولاكلك وتكوني شوي مريحع ظهرك بمخدات ع ورا ع الاقل اول عشر ايام

وسمعت من بعض الحريم اللي فالعيادة وياي يحطون تحاميل مغربية عشان تضيق وتزيل الالتهابات و الافرازات؟ .. اللي تعرف شي عن التحاميل هاي تخبرني .. و بالنسبة للمساج او التدليك.. يصير اسويه بعد الولادة و متى اسويه اذا كان عادي؟ .. وسمعت انه حريم اول اييبون مراخه ومن التدليك اللي تسويه يرد الرحم لمكانه .. فهل هالكلام صحيح ولا لا .. لاني سمعت ان الرضاعة هي اللي ترد الرحم لمكانه ..! فاللي تعرف تخبرني اكثر.. و وين احصل مراخة او الحرمة اللي تمسح عالبطن في عيمان (الامارات)؟

بلاش تحميلات وإذا اهتمينا بحالنا فش التهابات لأنك راح تطلبي من الدكتوره تعملك خياطه تجميليه عموما الكل بيعملها من غير طلب بس لتأكيد والمساج اعمليه اخر اسبوع حلو كتييييير .والرضاعه هي اللي بترجع الرحم لمكانو وحلو كمان تعملي كاسات هوا اذا بدك

المشروبات العشبية مثل المرمية و القرفة و الينسون والحلبة تضر وقت النفاس ولا لا ؟ .. لاني سمعت انها تدر الحليب ومتى اخذها اذا كانت مفيدة وكيف اشربها مثلا احطها فالحليب ولا فالشاي!؟

شاي قهوه ممنوع لانه بينتقل للبيبي وبيسهر معك ههههههه كل اللي قلتيه ممتاز ماعدا الميراميه بتنشف الحليب

ولأني مدمنة صالونات ? يستوي اسير بعد ما اطلع من المستشفى .. واذا عادي اصبغ شعري و اسوي حمام مغربي ولا يضر؟ و لأني احب الكعب يصير اول ما اطلع من المستشفى البسه ! .. لا تضحكون لانه واحشني حيل .. واتخبل كل ما اسمع كلمة كعب او اشوفه ..??

المساج الحمام المغربي وووو اخر اسبوع من الأربعين

ابا ردودكم الحلوة يالغاليات واللي عندها معلومة ماعرفها تخبرني
يزاكم الله كل خير والله يسهل عليكم وعلي ويرزقنا الذرية الصالحة كاملة الخلق والخلقة بأذن الله.. ?[/QUOTE]

 

[أم عبدالله5]

زينب استخدمي محلول البيتادين الطبي في التشطيف بعد الولادة على الأقل اول ثلاثة أيام بعدها عادي تستعملي الماء والملح العادي ما منه ضرر إن شاء الله هذا لي عملته في نفاسي الأول
والجلوس في المستشفى على حسب ممكن يوم أو يومين

الاستحمام كل شعب وليه ثقافته في هادي الناحية المهم بالنسبة لي اول أسبوع ما اتسبح بس انظف نفسي اغسل تحت الإبط والصدر وبين الافخاذ وانشف نفسي كويس مهم جدا تنشفي منيح وفي اليوم السابع اتحمم لكن ما تطولي وما تجلسي في البانيو يعني دوش واقف ما يزيد عن ثلث ساعة أو نص ساعة الشامبو عادي استعمليه

الحمام ممكن تروحيه بعد الأربعين
والفوط اول ما تولدي تحطي فوطة لأنك راح تكوني مثل الحائض
بالنسبة للأكل كثري من الشوربات لتفادي الإمساك وقللي البهارات لأنه كل لي تاكليه ينزل مع حليبك للطفل واللحم مهم جدا ليك
بالنسبة للرشاد قرأت كثير عن فوائده وناوية استخدمه إن شاء الله طريقته مع التمر تلقيها في النت
المشد ما عندي علم إن شاء الله البنات يفيدوك
المشي بعد الولادة ضروري بس بشويش انا في الغربة وأول ما طلعت الغرفة كانوا الممرضات يمرو علينا ويقولولنا نقوم نمشي في الرواق ما اعرف عن بلادنا العربية ايش نظامهم
التحاميل الأفضل ما تستخدميها كثير أطباء يحذرون منها
الممرخة بعد الأربعين ممكن تجيبيها
وبالنسبة لفتح رجلك اوعي تعمليها تفتحي الخياطة على العموم راح تخافي لوحدك بعد الولادة وتبطلي تتنططي هههههه
المرمية ما تشربيها لانها تنشف الحليب اذا كنت ناوية ترضعي طبيعي والحلبة اول 20 يوم فقط وعموما راح اجيبلك رابط الموضوع لي ذكرته في أول رد ليا واستفدت منه كثير وناوية اطبق هذا النظام وفيه معلومات وافية عن الأعشاب الأفضل انك تاخدي ورقة وقلم وتدوني النقاط المهمة لك
الصالون بعد الأربعين روحي والحمام نفس الشي والكعب البسيه اذا حابة يصير عندك نزول بالرحم (امزح) ممنوع طبعا لأنه يسبب نزول الرحم
هذا لي عرفت اجاوب عليه وإن شاء الله البنات يفيدوك أكثر

 

[أم عبدالله5]

ماشاء الله الاخت مستعده معلوماتها مفيده و وافية حتى انا استفدت منك اختي جزاك الله خير

 

[أم عبدالله5]

http://www.niswh.com/vb/showthread.php?t=207557

هديتي اليكم كل شي عن خراب الرحم (التوسع ) وعلاجه
هذا الموضوع لي استفدت منه تابعي ردود الأخوات تستفيدي أكثر بإذن الله ما اعرف اذا الرابط يفتح أو لا لاني اكتب من التلفون لكن اكتبي في قوقل العنوان وراح يطلع الموضوع وتستفيدي إن شاء الله

 

[zinab uae]

السلام عليكم ورحمة الله وبركاته ..
شكرا على ردودكم خواتي♡

اختي مستعده مشكورة على هالمعلومات عسى ربي يسهل عليج ولادتج ويسخرلج والدينج وزوجج وربي يسعدج دنيا وآخرة اللهم آمين..

سبحان الله سمعت شيخ يقول الدعاء في الخفاء مستجاب .. الله يستجيب لكل دعواتي لكم خواتي والله يسهل علينا وعلى جميع المسلمات يارب العالمين آمين..

مشكورة وايد عالشرح بصراحة هذا اللي كنت ادوره .. وان شاء الله بطبق نصايحج وبدعيلج من قلبي يالغالية ..
و اذا عندج جدول للاكل ياليت تكتبينه لي لأني فعلا محتاية له .. وبغيت اسألج شو هي المره وهل منقوع المره القاه جاهز ولا اسويه ؟ وغسول قشر الرمان وين القاه عند العطارين وهل استخدمه طول فترة الاربعين ؟ والمعلومة اللي عن العطر بأنه يسبب ألم بمكان الخياطة يعني لازم ما اتعطر وانا في المستشفى!؟؟؟

والله الشكر شوية عليج اختي مستعده ربي يحفظج ??

اختي ام عبدالله5 مشكورة يالغالية على ردج وان شاء الله بطبق اللي قلتيه لي خصوصا عن الشاور ههههه لان البعض قالولي لا تسبحين الا بعد 10 ايام واللي قالولي اسبحي بعد الولادة بكم ساعة وحيروني والشامبو والصابون قالتلي وحدة لا تستخدمينه يضر ومن هالكلام ..

و الكعب مابلبسه ان شاء الله دام انج قلتيلي هالمعلومات اللي نشفت ريقي ههههه .. وعن المشد انا عندي الاصلي اللي فالصيدلية شريته ومطاطي بس مادري ان كان نوعه جيد او لا والمشد الاندونيسي بصراحة ما اعرف وين القاه !؟
والرابط اللي فوق ان شاء الله بحفظه عندي وبقرأ اللي فيه ومشكورة لأنج طرشتيه وانا جد هذا اللي احاتيه..ولج دعوة من قلبي ياقلبي..

وياليت تعطوني الطريقة الصحيحة لشراب الحلبة لأني ماعرف فالاعشاب واذا كانت الحلبة جاهزة كمشروب اخذها من العطار او لازم انا اللي اسويها.. وعن الرشاد بدور معلومات عنه وبكتبها في موضوعي عشان خواتنا يستفيدون..

وعندي سؤال بخصوص البيبي .. هل المشروبات العشبية مثل (المرقدوش) تفيده عن الغازات والامساك ولا ماتفيده؟ .. واذا عادي اشربه ماي ولا لا ؟؟ لأني سمعت انها تضره من ناس وناس يقولون تخلطين شوي من المرقدوش ويا الماي العادي وتشربينه عشان الغازات!

لكم دعوات في القلب ومن القلب خواتي ربي يحفظكم..♡♡♡

 

[مستعده]

جزاك الله خير ام عبدالله ع الدعوه الحلوه ?

 

[zinab uae]

السلام عليكم ورحمة الله وبركاته ..

خواتي لي صديقة عطتني نصيحة حبيت اقدمها لكم ومقابلها بس ابغي دعوة حلوة من القلب .. وان شاء الله تستفيدون منها واللي هي :

قراءة سورة مريم يوميا خصوصا مع قرب موعد الولادة و اكل الرطب او التمر 7 حبات لأنه يسهل الولادة سبحان الله
.. و عند آلام الطلق او المخاض عليكم بقراءة سورة الزلزلة
.. و بعد الولادة ادعو بما تشاؤون وقد ما تقدرون لأنه سبحان الله في هاللحظة الدعوة مستجابة بإذن الله.

واعتقد هالمعلومة في قوقل وانا قريتها قبل لكن هي ذكرتني فيها ونصحتني اطبقها الله يجزيها خير في الدنيا والآخرة والله بدعيلها بكل صلواتي والله يسهل علينا يارب ويهون علينا الم الطلق آمين??

 

[ليالي شرقية]

ماشاء الله عليكم....خبيرات
الله يحفظكم ويقومكم بالسلامة يارب
حبيبتي زينب
افتكرت كم شغلة وماحبيت أطلع من غير مافيدك
ـ إذا أنت محتاجة تصبغي شعرك فالأفضل أن تسويها قبل لا تولدي أهون من الصباغة في النفاس
ـ ابتعدي عن المرامية واكليل الجبل لأنها تنشف الحليب مثل ما قالت أم عبد الله ....هذي تستعملينها وقت ماتبغي تفطمي عشان ما يصير عندك احتقان
ـ ـ وهاذي كنت أسويها ـ الأيام الأولى اللي ماتقدري تمسي مكان الغرز جيبي اسشوار وحطيه عالدافي ونشفي المنطقة ـجفاف المنطقة جدا مهم ـ
ـ بالنسبة للشاور ما فيه مشكلة خصوصا أيام الحر ـ ما أتصور نفسي عشرة أيام بدون استحمام ـ ومعاك زوجك ؟!؟!؟!
فقط لاتتأخري ـ عالسريع ـ والموية تكون ساخنة ـ تدفي جسمك وتساعد في ادرار الحليب ـ وتنشفي زين وممكن تحطي سخان بالحمام عشان يدفى قبل لا تدشي وكمان بعد ماتطلعي نشفي شعرك زيييين بالاسشوار واتغطي زييين وناااامي ـ نومة العوافي ـ
ـ ابتعدي عن الأعشاب للبيبي جهد المستطاع ماتستعملينها الا للضرووووورة ورجاءا كمية قليلة ـ أكياس البابونج تباع في الصيدليات ـ ولاااا تضيفي عسل ـ لايصلح للأطفال أقل من سنة ...والماء اذا تشوفينه محتاج ـ بس شوية ـ مقدار ملعقة كبيرة في الشهور الأولى

 

[zinab uae]

اختي ليالي شرقية ..
اشكرج على ردج ومرورج الطيب .. واشكرج وايد عالنصايح ..

بخصوص صبغ الشعر بصراحه اخاف يضر وانا في التاسع ..
اما عن التنشيف اول مرة اسمع عن السشوار.. اذا ما عندي شسوار (عندي سيراميك هههههه) يصير استخدم فوطة او كلينكس؟ واي نوع استخدم؟ وكيف اتأكد ان المنطقة نشفت يعني يصير ألمسها؟

وعفوا بس ابغي اسأل ليش استخدم اكياس البابونج وليش استخدم العسل مثل ماذكرتي .. ياليت توضحيلي يالغالية ..

ومشكورة مرة ثانية ويزاج الله خير و ان شاء الله خواتنا فالمنتدى يستفيدون من المعلومات والنصايح هاي♡♡♡

وعندي سؤال خواتي ..
سمعت ان المسك مطهر للمرأة .. وانا اذكر موضوع قريته قبل ان الرسول اللهم صلي وسلم عليه وصى فيه .. اذا في وحدة تعرف عن المسك اي معلومات تخبرني وان كان يصلح للنفاس وكيف استخدمه ?

 

[مستعده]

ياعمري زينب دمعت عيوني من دعواتك لي اميييييييين ويسهل عليك ويقومك بالسلامه يارب ?

أبشري بس أفضى اكتب لك الجدول