..لكل وحده زوجها يستخدم النت..

[Unhealed Wounds]

السلام عليكم ورحمة الله وبركاته

شحالكم يا خواتي وعساكم بخيير

هذا اول طرح لي في هالقسم

انا دخلت المنتدى عسب استفيد منكم وجي لحياتي المستقبليه ان شاء الله

وكل العنااوين لاحظتها عن خيانة الزوج و 90% من مستخدمي الانترنت

.............

انا لي خبره طويله ع الانترنت وقابلت وتعرفت ع كذا نااس

وسمعت واايد حريم يتشكون وجي ..عسب ريايلهم

اذا تبون تعيشون حيااه حلوه مع ازواجكم وجي

لازم الانترنت يكون برع حياتكم الزوجيه

لانه والله هذا هو ابليس بكبره ترااه..لانه فيه كل وساائل الانحراف

فيه طرق سهله عسب التعرف ع البناات...ومواقع الاباحيه وصح انها محظوره

بس خبركم عتييج..في براامج تكسر البروكسي وتفتح هالموااقع الإباحيه

..وتبون الصدق طلعت الزوج مع الربع برع اهون عن قعدته ع هالانترنت

..واذا الزوج واايد كاان مجاابل النت بغير داافع العمل ..عرفو انه وراه شي

....................

في منكم ما يعرفون عن الانترنت وبلاويه ووحليلكم ع نياتكم وتقولون

زوجي صاد عني او ما يعطيني حقي...لييييييييش لانه حصل شي يشبع رغباته

وعاادي تكون منوعه ..ع الانترنت ( المواقع الاباحيه وتتفرع:محادثات جنسية, كاميرا الويب , الافلام والصور..وإلخ) مع اي بنت ما محترمه نفسها سواء عربية او غربيه او الصدمه الكبيره خليجية..وهذا وااقع يا بنات ويا حريم...

....................

فالي قريب بتتزوج لازم تتناقش مع خطيبها او مليجها عسالفة الانترنت من الحين

تقول له ..لو سمحت يا فلان انته شريكي لمدى الحياه..واذا انت من النوع الي تستخدم النت

فانا ما ابيه يدخل في حياتنا لانه فيه واااااااايد بلاوي ..وقولي اوراق اللعبه مكشوفه ترى

وانا ما بقصر عليك باي شي..وشوفي شرات ما تراقبين عيالج..وتكونين مسؤوله عنهم

قولي له استخدم النت بس للظروره فقط و وكل مره حسسيه انج وااثقه فيه

وكل ما تشوفينه يتاخر ع الكمبيوتر اكثر عن سااعه ادخلي له وييبي له عصير او حلاوه

و اونج تقصدين انج مهتمه له وهو تعبان من الشغل ع النت وجي..

ومنها بتريحين فضولج في نفس الوقت اذا دااخل مكان غلط او لا....

ويفضل انه في البيت يكون جهااز وااحد..عسب لو كان لج بروحج وله بروحه..بتصير بلاوي زرق

...............

وحااولي بقدر الامكاان تسوين اشياءات..ونشاطات لج وله ,,و مع العيال

لاتخليه هو يمشيج او انه يخوفج..لاتنسي انه رب العالمين مسوي مساواه بين الرجل والحرمه

والدموع وضعف الشخصيه ودريها من حياتج..اذا صرتي زوجه خلج وحده قويه

وشرات ما تفرضين سيطرتج ع عيالج سوي جي تقريبا لزوجج بس مب انج تمسحين هيبته

لا..الزوج له احترامه بس اضني عرفتو كيف تخلون شخصيتكم...

...........

والحريم الي رياييلهم ما مسوين لهم سالفه وحارمينهم من حقوقهم

تقريبا طبقو الي كتبته فوق^^..

.......

وتبون الصراحه الثقه العمياء ما تنفع مع الريال...الا الي تشوفونه ما مقصر وجي..

......

واذاا الزوج واااااااااااااااايد تماادا معااج او شي ..وتحسينه خبر خير ما مسوي لج سالفه

روحي رمسي ابوج وامج..عسب يتفاهمون مع اهله..لانه ما بيسمع لج

وجي بتكسرين هيبته وبيستحي ع حاله شوي لانج فضحتيه مع اهله ...

وهو بعدين بيقول محد بيستر علي خير حرمتي...

......

ويا خواتي كل كلمه كتبتها هي وااقع..وفي نفس الوقت اقتراحات

لاني هالاشياءات شفتها في حياتي وسمعت عنهااا... وبعد عشتها

وابي احميكم منهاا او اساعدكم ع الاقل شوي.

....

واكرر واقول..لو تبون تعيشوون مرتااحين ومافي قاصر..

نسو ازواجكم النت..او حطو له حدود من حيث الاستخداام..

واذا تبون توضيحات لاشياءات ثانيه ما بقصر معااكم

لانه كلنا خوات
والسموحه ع الاطاله..وان شاء الله أفدتكم

 

[ورود ماتت]

حبيبتي مشكوره بس زوجي عنده 600 جوال طبعا ابالغ بس كتير الي عنده وموقادره اخد ارقامها عندي واحد بس رقم سري والباقي كم حاولت اعرف ما قدرت ؟؟؟؟؟؟؟يسلمو على الموضوع

 

[TOoOoOFe]

مشكـوره حبيبتي ع هالـطــرح الــرآئــع ..

أنآ زوجـي مآيفتح النت كثير بس مرآت قليله للتسليه لمآ كـون عند أهلي لأنه يطفش بلحآله بس لمآ أرجـع أشيك وأشـوف شنو اللي فتحه بس تطلع مـوآقع ريآضيه هي اللي يفتحهآ وهـو مآيدري إني أقـدر طلع اللي فتحه من ورآه ولآ أبي أقـوله علشآن مآيمسح شي من اللي يفتحه ..

أمآ بالنسبه للجـوآل كآن عنده أثنين وببدآية زوآجنآ آن مقفل الأول من البدآيه ولمآ طلبته قآل شوفي كل اللي فيه كآن وقت طيش وأنآ الحين بفتح صفحه جديده وببدىآ حيآه جـديـده من غير طيش وعطآني الرقم السري بعد إلحآح مني لأنه كآن رآفض يقول أخآف تنجرح مشآعرك من المسجآت ويخيب ظنك فيني بس وعـدته إني مآزعل ولآ آخذ ع خآطري منه وقلت له أنآ ميقنه أنه كآن وقت طيش وأنت الحين رجآل متزوج وبآدي حيآتك بالصرآحه وبتمشي بطريق الإخلآص وأقتنع بكلآمي وفتحته وكل مسج أقرآه أحس بغصه بس مآبين له شي ولمآ مسحتهآ كلهآ قلت بآخذ الجوآل قآل ليش قلت لأنه صآر مآضي بالنسبه لك خلآص مآعآد لك لزمه فيه قآل خلآص خذيه وخشيته عندي وصرت أشيك ع الجوآل من فتره لفتره وسألني مره عنه من بآب الفضول فقلت له كسرت الشريحه وبعت الجوآل قآل برآحتك أنآ سلمته لك واللي بتسوينه فيه رآضي عنه والحمد لله ع كل حآل ..

 

[مشاعـر]

يعطيك العافية حبيبتي ...\

بس اعتقد , لو اي وحدة قالت لزوجها : حياتنا الزوجية مانبي الانترنت يدخل ومن هالكلام ماراح يوافق على كلامها ...

وبتصرفه هذا مايدل على انه راعي بلاوي ..

يمكن يحب النت ومايستغني عنه ..

مثلي انا ... احب النت ومااستغني عنه والحمدلله يارب ماعندي بلاوي ولا اعرف ذا الاشيا ابدا ..

شكرا ...

 

[بحرينية وافتخر]

اختي السالفه مو سالفه نت لااااااااااااااااا

السالفه سالفة ضميرررر


اللي يبي يلعب ما يعرف نت او لااا

حتى لو انقطع عن النت يعني ما فيه بناات بالشوارع بالمجمعاات فناادق رفقااء السووء الموباايل وغيره وغيرره


لا تحطوون اللوم على النت على طريقه الاستخدام


مشكورة اختي عالموضووع

 

[قلب غاليهاَ]

مشكورة اختي ..

بس اهم شي الثقة والصراحة والوضوح من البداية ..

محد من الطرفين راح يلجأ لشي ثاني سوى النت او غيره تلفون معاكسة اي شي ثاني

وكثرت الوسائل اللي الواحد يقدر يلجأ لها من وقت لثاني ..

بس اعتقد هاي اهم شي .. وعادي يعني لو يبا شي من النت وجي قعدي احذاه لي مايخلص شغله ..

واذا حدج مشغولة .. خليه بروحه وعطيه نوع من الثقة بس كوني ع اتصال وياه يعني من بعيد لبعيد

يحس بوجودج حواليه ... ع مايخلص من الشغلة اللي بالنت ..


وبس عسب مانظلم كل الرياييل يعني .. ان شاء الله مابيكون من ناحيتهم هالشي ..


واللي بيصون مرته .. قبل اكيد بيصون نفسه ومابيرضى هالشي ع اهله وع مرته بالاول والاخير ..


تسلمين حبوبة مرة 2 ع الموضوع .. ويعطيج الف عافية اختي ~

 

[Unhealed Wounds]

يا خواتي صح انها سالفة ضمير وجي

عيل ليش كل وحده تتشكى وتقول انه ريلي يرمس ع المسن او الشات

ولاتنسو انه ارقام البنات ياخذونها من المسن او الجاات

وبعدين ع الموبايل ترى..القصه مرتبطه

وخبرج عتيج سوالف المغازل القديمه في المجمعاات او الشارع او او او

ليش يجلب له الفضيحه لنفسه في الامااكن العامه..عسب جي اتخذ النت طريج له

وانا ما ارمس عن شي الا وانا عارفتنه..وشايفتنه بعيني..وعايشتنه...

وانا اكيد م ااقصد كل الريايييل ..لانه في الزين وفي الشين

انا بس ارمس عن الفئه الي تعاني
..............................

ترى قلت اذا يبي يستخدم النت او انه مدمن عليه لازم ضوااابط

عسب انتي ترتااحين بعديين وجي من الخياانااات او يطلع انه يرمس له وحده.

..............................
والاخت TOoOoOFe ما شاء الله على ريلج..حلاته الزوج وهو وااضح من البداايه

لانه صدق محترمنج ويحبج ويعزج كشف اسراره لج لانه يبي يرتااح ويعيش عيشه حلووه^^..

و على هالتصرف يستااهل كل خير ومكافئه^^..وربي يهنيكم ان شاء الله

...........................


وتسلموون خواااتي ع المشاركه والنقااش حلووو الصرااحه

عسب نستفيد ويمكن انطلع افكاار او نتيقظ اكثر^^..