لكل بنت إماراتيه تدخل

[ملكة الكون]

بنات الامارات انا من السعوديه وبنجن على حكي الامارات واتمنى تعلموني كلامكم
يعني مثل مدلعتنه ارمسيله وكل حكي الامارات ابي اتعلمه ولو سمحتو الي تكتب
مثال علشان افهم
مدلعتنه---يعني مدلعته وكذاا

 

[الشحرورة]

ياااااااااا مرحبا مليوووووووون بج

ختية رابعي بنا إماراتيات وتلاقائيا بتتعلمين الرمسة

 

[الشحرورة]

وانا فازعتلج

 

[أميرة بأخلاقي]

تســـلمين الغاليـــــــة :in_love: :icon26:





خلاص افا عليــــج تآمرين امر :shiny: حاضرين لج ...



بس قولي لي شو بغيتي تتعلمين بالضبط .. يعني مثلا كلام نقوله للمديح ( للثناء ) او لأي شي ثاني ...



تفضـــــــــــلي و انا تحت امرج اختيــــه ..









اختــــــــــــــــــــــج

:bye1:

شمـــــــــــــــا من دبـــــــــــــــــــي

 

[ملكة المحبه]

هــــــــــــــــــــــــــ:icon26: لا وغـــــــلا الغاليه ...ماعليج زود فديتج..... بس آمري بالكلام الي تبينه ونحنا معاك

وأنا بعد احب كلامكم واااايد

 

[متضايقه]

بالعكس انا احب اللهجه السعوديه فيها دلع وصوتهم نعوم وحلو..

 

[ملكة الكون]

كل شيء بلهجتكم ابي اتعلمه مدح زعل خبال هبال اي شيء منكم حلو

 

[لو يموت الحزن]

ههههههههههههههههههههههههههه ه ه ه ه

 

[المحبة لربي الله]

مب كل الرمسة الاماراتية شرات بعض شي منه مودرن وشي منه تراثي وحلاته الجديم الي من صوب بوظبي والعين


والرمسة الي ياية من صوب الشمالية بعد حلوة وممية وينعرفون باسلوبهم المميز ويديييييييييييييييييي



كله كوم ورمسة هل الخيمة كووووووووووم ارمسي عادي عقب مدي اخر شي بتستوين خيماوية في دقايق


وما بنسى الفجيرة وكلباء تعيبني رمستهم احباسمعهم وهم يرمسون احس عمري من عالم ثاني

الله يحفظ الامارات واهلها

 

[المزن]

http://www.niswh.com/vb/showthread.php?t=12399

 

[شـغـف]

ربي الله.. يعني بقت دبي هاااااه..

فديتج احنا بعد رمستنا غاوية.. بر دبي وديرة (فيهم اختلاف بسيط) ويجننون بصراحة..

يا بنات أنا أطري الرمسة العربية الأصلية!

شوفي يا ملكة الكون..

من النت صعب إتعلمين.. لأن النطق وااايد غير..

تعرفي لج ع إماراتية وبتعلمج..

الله يوفقج..

 

[المحبة لربي الله]

اميرة مانسيت هل دبي تراني شملت اهل الامارات الشمالية دبي والشارجة وقلت رمستهم حلوة ومميزة

 

[بسبوسه]

هوووب هوووب هووووب ,,,,,
ستوب ,,,,نقطة نظاااام :e076:


ضعنا احنا معاكم بالطوشة


انا بعد من زمان ماني عارفة شنو يعني ارمس وشنو يعني اروم وما اروم وحجي وايد :c028:


اسمع ام خماس تقوله في المسلسل ودي اعرفه



لو سمحتو يا امارتيات ضموني معاكم في ليستة المتعلمات

ويا ليت مع رمسة ,,,,اقصد مع كل كلمة ترجمة





ودمتم سالمين حبايبي:a194:

 

[المحبة لربي الله]

هذي بعض الكلمات ومعانيها







ارمس :اتكلم :اتحجى

اروم :يعني اقدر :استطيع

ماروم :ماقدر :ما استطيع

اتريي \ترييني \اترياج :اصبري :استني :انتظري

شعنه :شحقه :ليش

تتحير \اتحيرنا :تتاخر اتاخرنا

غاوية :حلوة \جميلة \زينة

بطران:لكل يعرفها اعتقد

طفران:متضايج

متواقع \متواقعين:متهاوشين \زعلانين


اهزب : نازع
والي تبه تعرف معنى كلمة معينه تكتبها ونحن ما بنقصر وبنترجمها خخخخخخخخخخ كانه نرمس بالهندي:harhar1:

 

[بسبوسه]

ربي الله حبيبتي

شنو يعني عسب ؟

وشنو يعني ودرنا ؟

 

[رسيل1973]

منكم نتستفيد


تحياتي

 

[ملكة الكون]

ماعندنا امارتيات بالرياض حتى في المدارس اكثر مااكثر الله الكويتيات بس ابي امارتيه ودخلت الجامعه وخلصت مافيه امارتيه000000
حنا يالسعوديات نموووووووووووووووووووت على اهل الامارات من ربي واي ديره ثانيه عادي بالنسبه لنا وحتى اذا سافرنا وشفنا اهل الامارات قلوبنا تتحرك معاهم ونحس بعد من شباب وبنات الامارات بالسفر يحبون بنت الرياض
وحنا نموت بحكيكم ودقت الرقبه 000000000000

 

[ملكة الكون]

طيب وش معنى ازقريه

 

[وجدتها]

فديييييييييييتكم .....انتو ما طلبتو شي بس الرمسة......نحن حاضرين وزاهبيين

ورد على استفسار بسبوسه....عسب>يعني عشان

ودرنا>يعني تركنا

واختي ملكة الكون سالت عن كلمة ازقريه>يعني ناديه

وجدتها....وجدتها.....وجدت سعادتي بالصلاة على النبي محمد

 

[قرمووشة]

ملكة الكووون يبالج تشوووفيين حاير طاير .. بتتعلمين كم من كلمة .. بس اذا تبين رمستنا صح شوفي رسوم الفـــريج .. على الأقل تعرفين كيف تنطقين الكلمة عدل ..

أنا بعطيج كم من كلمة من عندي ..


العطر: عطر أو لوشن ..

غاويه: حلوة..

حدري: دخلي..

ليش: ليش .. شعنه..

السرير: الشبريه..

ما أحبها: ما أدانيها...

اذا مثلا تبين تقوولين هل بنت دلووعه .. تقدرين تقوولين هل بنت بزيه ( ب مفتوحة و ز عليها سكون و ي مفتوحة بس شديها )

الجاي: جاهي..

تذكرين: تحيدين .. ( ت مكسورة)

واجعتني، وهزبتني يعني هزئتني . ما ادري اذا المعنى صح 100%


هذا اللي في بالي الحين ...