لقمة اليتيم كبيــــــــره!!

[القادمه بقوة]

السلام عليكم ..

بنات كنت اقرا مشاكلكم واتفاعل معها بس ماتوقعت بنزل موضوع لي هنا وافضفض

بس اضطريت .. بنات انا عمري 24 سنه .. انخطبت لولد خالي اللي امه مطلقه وخالتي هي اللي مربيتهم كلهم وكانها امهم ..خطبتني له وكنت اظن عشان اني بنت اختهم وقريبه منهم احسن من الغريبه
بس طلعت تبي تزوجه لان كلن يدري ان فيه( مرض الالتهاب الكبدي الوبائي البائي) ومحد بيزوجه من نفس ديرته وانا بديره بعيده عنهم ويتيمه وامي الله يرحم بحالها مالها اي قيمه عند خالاتي
حتى يوم خطبتني خالتي قلت بفكر كانت تهوش ليه افكر وهذا ولد خالك احسن لك من الغريب
وكانت حريصه اني اوافق ويوم قلت لا مو مرتاحه قعدت على راسي وكانت الوحيده اللي تعطيني راي
وكل اللي حولي يقولون خذي رايك بنفسك لكن مو مرتاحين لبعدك ..ويوم سالت خالتي عن مرضه عصبت قالت اصلا طلع سليم يوم سوا تحاليل ومافيه شي وفهموا اهلي انه طيب ..ويوم سوينا الفحص
شفت الورقه مكتوب فيها المرض ويبيلي تطعيم قبل الزواج وكانت الكملكه بكرا بس سكت كنت بحالة ذهول وصمت وقلق مدري وش كان يسكتني وليه هالصمت ..كل ماصلي استخاره يضيق صدري
للموضوع .. وللمرض .. لكن كنت اقول قريبي احسن من الغريب وهو طيب وهادي وانا عصبيه ينفع لي .. لكن بعد الملكه ضاق صدري زياده عجزت افرح بس كنت اقول يمكن طبيعي عشاني بدخل حياة جديده ..وافكر بالمشاكل العائليه واحس موقفي ضعيف من كل ناحيه
احسهم استغلوا يتمي وضعف امي وانهم هم اللي يقدرون علي لانهم متحكمين في حياتنا كلها
وخوفس اكبر من تحكماتهم في حياتي لانهم يتحكمون في حياة عيال خالي وخاصتن خالتي ذي
لانها زي امهم ..لكن بعد الملكه طلبت مهر نفس مهر حريم عيالهم هناك وقامت قيامة خالتي
ليه اطلب هالمهر وش ابشتؤي فيه انا عاد وبنعطيكم مهر كذا واحمدوا ربكم بعد
هنا انا خلاص قفلت معاي انا من البداية حاسه اني مضحيه لهم وراح اخذ تطعيمات لمدة 8 شهور
وش ملزمني !! وبالنهاية مايقدرون اي شي اسويه ..ولا مو من حقي اطلبهم شي بعد
لو انا غريبه كان حرصوا على رضاااي لكن الاقارب عقارب قلت من البداية ودام مادخلنا
ولا شافني ولا شفته ولا تخسرنا خليني افضها واريح عمري من مشاكل الاقارب اللي ماتخلص
وهم يتحكمون في حياتنا من اوول اجل بكرا لا صار حتى الولد ولدهم وش بيستوي ؟!

قلت مابي هالزواج كله وهالقرب بعد ..تعبنا من مشاكل الاقارب من صغرنا مع عيال ابوي
وجننونا والحين بيصير هالشي مع خوالي ..

احسني افضفض ..شاركووني ..قراري صح ..وتكفون اذا بتلوموني ع خفيف لاني خلاااص

انلمت لين قلت الرحمه يابشر ..

 

[عذاب السنين]

مرحبا


اتمنى تكونى بخير يااارب

بدايه أنصحك ما تدفعين نفسك لعلاقه أنتى شايفه بدايتها كيف ؟؟

مشاكل وبلاوي ولا تتشرطين في المهر ومريض وحالته حاله وووووو وش حادك ؟؟

خلاص مايبي لها تفكير حاسه أنك رافضه هالزواج قوليها بالفم المليان لا مانى موافقه

خليهم يزعلون أهم شي راحتك أنتى وبس

وبعدين أنتى أستخرتى وبرضك منتى مرتاحه ؟؟؟خلاص لا تحملين نفسك فوق طاقتها

والله يكتب لك الى فيه الخير والصلاح

دعواتك لوالديّ بالمغفره والرحمه

 

[أم المهندس]

صراحه انا لو مكانك كان أنهيت الموضوع قبل لايطيح الفأس بالراس

والباب اللي يجيك منه ريح سده واستريح خصوصا انه شخص مريض

وكونك يتيمه مو معناتها انك تكوني ضعيفه ذي حياتك وصدقيني ماحد راح

يعاني غيرك

قرارك سليم وأسال الله عزوجل انه يعوضك بأحسن منه يااااااااارب​

 

[my first love]

حبيبتي اذا مو مرتاحه واستخرتي ولا ارتحتي لا تجـــــــــاملين قولي ماني موافقه والى يزعل ماعليك منه اهم شي راحتك وحياتك وانتي الي سويتيه صحيح ولا يضيق صدرك ولا شي ربي بيعوضك احسن منه والناس ماينسلم منهم اهم شي استغفري وادعي ربك وقومي الليل والله يوفقك ويرزقك الرجل الصالح يـــــــــــــاااااااااااااارب

 

[كنز الاسرار]

الله يكون في عونك اختي
واتمنى الاخوات يفيدونك

 

[نور الدنياء]

حبيبتي طالما انك استخرتي وما ارتحتي هذااااااااااااااا كفايه
وطالما الولد مريض وحابين ينكبونك فيه اااش حادك وهذا وانت عاااااااااااااااررررفه
اش حادك عشان ضاغطين عليك
خذا قرارك واصري مهما صار
حبيتي
شوفي احد يحبك ويخاف على مصلحتك اخوك عمك خالك خالتك
وقوليله رايك وخذي موقف
وقوليلهم ماااافيه شي يجبرني اخذ واحد ما ابغاه ولاتجيبين سيره انه مريض الا للشخص الا راح يساعدك عشان مايقولون عليك كلام
واذا اضطريتي طلعي ورقة التحليل
حبيبتي اصري والزواجه باينه من اولها اكيد راح ينعرف تاليهااااااااااااااا
الله يوفقك انفري بجلدك

 

[يعشق هواي]

اختي الكريمه قبل كل شئ

لماذا شرع الله لنا الإستخاره ألم تسألي نفسك هذا السؤال

انه علاقة ربانيه قويه بعبد الله وكأنك تستشيري ربك بموضوعك وقد اعطاك الله رده


طالما انك تقولين انك منذ عملتي الإستخاره غير مرتاحه اذن لاتوافقي

ويكفي أيضآ مارأيته منهم ولو انا مكانك لاأقبل نهائيآ

والله الموفق

 

[القادمه بقوة]

جزاكم الله خير

ارتحت الحين اكثر

بصر ع رايي ولا همني احد خل الدنيا تقلب علي وش استفيد لا بكرا جيتهم باكيه كلن بيصك بابه

 

[البوشية]

والله تقدرين تنفذين بجلدك هذا الزواج فاشل من اولتها

 

[اغلى جواهر]

ماشاء الله عليك عاقله وفهمتي منهم وش المقصد وما يحتاج لك اي شئ مادام استخرتي وما ارتحتي هالشئ توضح لك اكثر من اي شئ ولا تكوني ضحية خاله متسلطه وزوج مريض تعيشيين في مشاكل كل يوم وانا من رايي انك تفسخين العلاقه وتوضحين اسبابك ان كان قريبك او بعيدك اهم شئ مصلحتك وعليهم ان لا يظلموك لانك يتيمه وماعندك احد يساندك او يساعدك

والله يسعدك بزوج صالح يارب

 

[noosa khan]

من حقك انك ترفضي ولا احد يستغل ضعفك وبالفم المليان اوقفي قدامهم وقولي ما ارتحت استخرت ونفسي ما ارتاحت وبس ولا تحاولي تظهري حيرتك وترددك واعلمي ان الله معك

 

[القادمه بقوة]

جزاكم الله خير

بس ادعوا لي

 

[محرومه من زوجي]

شوفي حبيبتي من البدايه مو مضبوط الزواج
لكن الله يعوضك بزوج صالح

 

[ياربي انصرني]

الحمدلله انه خيرك الخيرة الحسنه والله واضح ان الزواج غير متكافئ

الله يعوضك ويرزقك بافضل منه ويرزقه بالزوجه الصالحه

 

[بدون جراح]

أختي نصيحتي اذا تم الزواج خليك قويه من الحين والمهر لا تتنازلين عنه

واي حق لك لا لا لالا تتنازلين لا تهون عليك نفسك من الاول واقرئي عن هالمرض

اتوقع انو اذا اخذتي التطعيمات ماعليك خوف بأذن الله تثقفي عن المرض وعن الحياه

لا يهزك يتمك ولا عجز امك كم وحده اهلها بخير وفوق راسها ومع ذالك انتكبت بعيشتها علشان سوء التصرف

واذا الرجال كويس حاااولي تكسبينه وابعدي عن جرحه حتى اذا ماصار نصيب الله يكتب لك مافيه خير لك

 

[غيرهم كلهم]

انا مع الاخواات

خليكي على رايك ولا يهمك

وان شاء الله ببعتلك ابن الحلال الي يستاهلك

واليتم مش عيب ولا حرام فلا تنزلي من نفسك عشان يتيمة

بالعكس ان شاء الله بكرة بعوضك باحسن

 

[ليتني احتويك]

لالالالالالالالالالالالالالالالالالالالالالالالاتستعجلي مو انتي استخرتي وماااااااارتحتي خلاااااااص ليش ماترفضي اشتري راحتك وربك ادره بلي فييييييييه خيييييييييييييييييير لكِ الله يووووووفقك خليكِ قووووووووويه ولاتخاااااافي منهم

ما احد بيقطع رزقك منهم

الله يكووووووون بعووووووونك وطمنيناااااا موفقه

...

 

[همس الياسمين]

الله يوفقج ويحفظج ...
التخلص منه في هالفترة أسهل من بعد الزواج ... الشي المبني على ظلم وتزييف حقائق عمره ما يستمر !!​

 

[فتاة الشوق]

نصيحتي اختي انك تكوني قوية وما تضعفي
وكوني مصرة على رايك
لن ينفعك احد اذا انتقل لك المرض
وشكلها من البداية الزواج فاشل وتحكم خالتك واضح وضوح الشمس
حاولي بكل الطرق ان تنفصلي عنه وتاكدي "من كان مع الله كان الله معه:..
الله يوفقك

 

[أم هوبي]

نصيحه لك ولكل فتاة لاتتنازلن عن حقوقك خذي حقك كامل ولاتضعفين وأذا ماأرتحتي من أول لاتجازفين وتدخلين نفسك بمشاكل أنتي بغنى عنها .