لغز عاجل هل حدث هذا من قبل حامل واختفاء الحمل بدون نزيف

[رهينة]

والله يابنات اني فعلا مدري وش اسوي بعد انتظار عشر سنوات
رحت المستشفى تعبانة وتبين من التحليل للدم اني حامل بس انا ماصدقت
وقلت عيدو التحليل وقالت لا اسويلك اشعة احسن وقالت حامل في اربعة اسابيع
وبرضوة ماصدقت رحت مستوصف ثاني وسويت تحليل دم وقالت فية حمل
رحت مستوصف ثالث وحللت وقالت الدكتورة فية حمل وفتحت ملف عندها وقالت بعد15يوم راحعيني عشان اشوف النبض ونتابع الحمل واعطوني مثبت وحمض الفوليك وفتمين سي وبكيت انا وزوجي من الفرحة وقلت لا اهلي واهلة وصديقاتي وبكا الجميع من الفرحة وزملائة فرحو
وبعد 15 يوم حطت الدكتورة الاشعة على بطني قالت مافية حمل ياهوة
قالت لازم تشربي مويا كثير وشربت مويا وماضهر شي وقالت نسوي تحليل
وطلع مافية ماقدرت ايش اقول لزوجي بس ارسلتة رسالة ذكرت فيها بالله وقدرتة
والله المسكين قال اهم شي انتي واحنا المفروض مانتكلم
بس كان يقول ايش اقول للناس واهلي
وانا رضيت بامر الله بس جلست افكر فين طار الحمل والدكتورة تقول حتى كيس الجنين مافية
افتوني في امري وهل هاذي حالة نادرةام لا

اناماكان في بالي الحملولي فترة مااخذ ولا علاج

آآآآآآآآآآآآآآآآآآآآآآآآآآآه يابنات صح اني احتسبتها عند الله
بس اخر الليل انفجرت ابكي وسمعني زوجي وهو نايم وجلس يهديني ويقول استغفري وهذا امر الله

قوللي اروح المستشفى والالا قالت الدكتورة وهى محتارة
بعد 15 يوم تعالي ووقفي المثبت اذا فية حمل ماراح ينزل دم واذامافية حمل راح ينزل دم
ايش رايكم

 

[واحات]

الله ايفرج همج,,,,


ويرزقك الذريه الطيبه الباره المؤمنه الصحيحة المعافاة التي تكون لك عونا في دخول الجنه


آميــــــــــــــــــــــــــــــن

 

[فرحات]

الله يكون في عونج....

 

[همسة حزن]

صدق الله يعينك....شي غريب.....لكن ما بعد الضيق الا الفرج ....إن شاء الله

 

[احب الله]

اختي العزيزة : الله يرزقك الذريه الصالحه:

سبحان الله قد يكون امتحانك لك ولزوجك فاحتسبو واكثرو من الاستغفار والدعاء

واذا لكم خير في اولاد الله سبحانه وتعالى كريم وله حكمة لا نعلمها نحن البشر وهو اعلم

اكثري من قرأت سورة نوح عليه السلام

 

[نسائيات]

يا سبحان الله
كيف الكل اكد الحمل وفجاءة ما يظهر حمل
اختي المفروض انكم كنتم تتكتمون على الموضوع لحد ما تكملين 6 اشهر ويثبت الحمل وبما انك بكر بطنك ما بتبان لحد الشهر السادس راح تبدا تكبر وتظهر
اختي يمكن احد صابك بعين من كثر الفرحه
يمكن انتي معيونه او يمكن سحر سبحان الله
مره سمعت قصة ساحر يمني تائب يقول الجن عشان يعاقبونه قتلو اولاده حتى زوجته كانت حامل واختفى الحمل من بطنها تخيلي
ممكن تدورين قصة الساحر اليمني يمكن تحصلينها في موقع نبيل العوضي طريق الايمان او اي موقع ثاني لانها قصه معروفه ومصوره في قناة المجد ايضا يعرضها الساحر ويقصها بنفسه

 

[some1]

أنا على ما أعتقد حبيبتي إنه لما عملتي التحليل كان الهرمون مرتفع عندك ، بمعنى أصح ، انه في هرمونات كثيرة في جسم المرأة ويمكن عند عمل التحليل كان هذا الهرمون مرتفع مما أدى لوجود قناعة عندهم بوجود حمل ،

رزقك الله الذرية الصالحة ، وربنا كريم صدقيني

 

[العزيزة الغالية]

الله يكون في عونج .........ويرزقك بالذرية الصالحة آمين يارب
وصدقيني ان الله سبحانه يكتب لج الخير دايما ....والصراحةموقف ومشاعر صعبه ..بس اصبري واحتسبى الأجر من الله لانه سبحانه يقدر الامور في الاوقات المناسبة

 

[رهينة]

.جزاهاالله خير كل من شاركتني معانتي وردت علي
وانا فعلا تسرعت بس من الفرحةوالله قلت حياتنا بتتغيير وتنتهي ايام الملل والروتين والمشاكل
تصدقون حتى نفسي زوجي يتزوج خلاص تعبت من المستشفيات والمرجعات ودي اعيش لوحدي حرة واروح دور الفتيات واحفض القران واشغل نفسي بالذكر مع الداعيات

 

[فراشه]

الله يكون في عونك ويرزقك الذرية الصالحة..

باقولك قصة وحده تعرفت عليها يمكن تكون نفس المشكلة..

أنا كنت في حملي منومة في المستشفى لمدة أسبوع، والغرفة اللي جنبي كانت وحدة في أشهرها الأولى

مثلي.. سألتها انتي عندك مشاكل وحام بعد مثلي؟ قالت لأ.. قصتها غريبة مثلك بالضبط..

هاذي ثالث حملة لها، وفي الحملتين السابقتين كانت من توصل للشهر الثالث يختفي الحمل..

المستشفيات مافادوها بشي.. ومرة من المرات سمعت عن اختصاصي (أعتقد في أبوظبي)

ويوم راحلته قال لها أن اختفاء الحمل له سبب (أعتقد يتعلق بارتفاع الهرمونات ما أذكر والله)

وعطاها أبرة، وصارت لازم تاخذ الأبرة بشكل دوري وتتنوم في المستشفى علشان الراحة ويراقبون

حالتها لحد ما تكمل الشهر الخامس..

عاد أنا بعد أسبوع طلعت من المستشفى وما أدري شو صار معاها..

صحيح المعلومة اللي حطيتها يمكن مامنها فايدة.. بس دوري على اختصاصيين في أمراض النساء والحمل

واعرضي حالتك عليهم.. ترى العلاج موجود بإذن الله..

والله يوفقك..

 

[سوبر ناني]

الله يفرج همك

 

[رهينة]

اللهم امين الهم اجزهاكل خير ويسر امورها كل من دعتلي وشاركتني محنتي وارزقها من حيث لا تحتسب يارب العالمين اللهم استجب
اللهم استجب
اللهم استجب
اللهم استجب
اللهم استجب
اللهم استجب
اللهم استجب
اللهم استجب

 

[ام الحلوين]

اللة يرزقك الذرية الصالحة ويعوض عليك

 

[اهات الصمت]

حبيبتي

والله بكيت من قريت موضوعج

بس انا مثلج بالضبط



اسمعي زين قصتي


كنت رايحه العياده على اساس ابتدي خطة علاج بعد توقفي عن العلاج ما يقارب سنه وشي
ورحت وانا فيني العادع عشان الدكتوره هيه طلبت مني اول لقاء لي فيها تكون فيني مادري المهم رحت
ثاني يوم فيها

وكان وقت مغرب اذن الاذان ياحبيبتي وقالت النيرس الدكتوره بتصلي وبتشوفج
وطبعا انا ما علي صلاه قعدة اشوف النيرس تصلي وانا رافع ايدي واقول ياربي ساعدني ووفقني هالمره
ونزلت دمعه من عيني مسحتها ورجعت ادعي طول ما النيرس تلصي

بعدها قامت النيرس وقالت دخلي ععلى الدكتوره
دخلت عليها

وعاينتي حالتي وسوتلي صوره
وقالت انا شاكه بشي
خفت قلت شو يادكتوره طمنيني الله يطمنج


قالت لا لا لازم اتاكد اول شي روحي سوي فحص بول ودم
سوت الفحصين وانتظرت النتايج

وانا قاعده بعد شويه دخلت على الدكتوره والا هيه فرحانه وقالت بعيد اسويلج صوره تعالي
قلت وش صااير
وست الصوره وفعصت لي بطني
وهيه تقولي من متى فيج الدوره وانا اقولها هذا ثاني يوم

قالت ياحببتي مبرووك انتي حاامل

بكيييييييييت من الفرحه
وقالت بعطيج تسوين فحوصات دم ثانيه في المكان الفلاني
قلت اوكي

وقالتلي حتى ممنوع تاكالين الاشيا مثل التمر وما اذكر اشيا وممنوع الجماع وغيره
قلت زين
وطبعا طلعت منها ووقفت الدوره على طول لانها عطتني مثبت

وخبرت زووجي مع اني كنت متردده وااايد لانه مش اول مره احمل وينزل

وما تتصورون اشكثر الفرحه اللي فرحتها
في اللي فرح بخبر حملي وفي اللي ماقالي مبروك حتى


بعد عشر ايام موعد التحليل ورجعت لها ثاني
سوت لي صوره وهيه مليون علامة استفهام عندها
وتقولي وين روحتيه
قتلها انا من طلعت من عندج ماصارلي نزيف ولاشي

وسوت لي فحوصات ثانيه وثالهث وقالت مافيه حمل
وحولتني على المستفى الحكومي ( توام )

رحت وسولي فحوصات وكل شي وبعد كل شي وتصوير وغيره
قالت لي الدكتوره النسائيه انه كان فيه حمل عندج وحجمه اقل من ثلاثه سانتي >>اتخيلي
عشان جيه ما بنسويلج عملية تنظيف وبينزل طبيعي مع توقفج عن دوا التثبيت

اعتقد اسمه
دوفاستن >>ياربي يكون صح
ووقفت من الدوا ونزل النزيف وياربي لا يوريكم
عذاب × عذاب × عذاب
وكنت ما ابكي من الالم لاكني من خيبة الامل
بكيييييييييييييييييييييييييييييييييييت وااايد

وزوجي طبعا مش انا اللي خبرته
خليت اختي تتصل فيه وتقوله

وكان في الدوام وسكر عنها وعلى طول ياني البيت لاني كنت رايحه مع السايق
وقالي عادي مش مشكله وهذا قدر ونحن راضين ومؤمنين الحمد لله

وانا ما كنت قادره اتحمل من الصياح حسيت اني اريد اموت استغفر الله ساعتها

بس زوجي قالي شوفي ياحبيبتي
على الاقل نحن الله فرحنا بخبر الحمل لو عشر ايام وحلمنا وعشنا ليالي حلوه ونحن نحلم

قال في ناس حتى من هالاحساس الله حرمهم
يعني نحن بخير


وهذي قصتي
لا تستغربين حببتي
والله يرزقني وياج

انا بعد من عشر سنوات الحييييييييييين
وبعدني انتظر
السنه هذي مقرره اسير الاردن بس بالاجازه الصيفيه لاني بالجامعه

وان شالله الله ييسرلي ويسرلج ولكل وحده
اميييييييييييييييييييين

 

[رهينة]

الاخت آهات الصمت والله فعلا بكيت وانا اقراء قصتك
الله يعوضنا انا وانتي ويرزق انا وانتي وكل من تريد الذرية
آمين يارب العالمين واكيدان الدعاء اللي ندعيةربي يردبه عنا مصايب ثانية سبحانة

 

[اهات الصمت]

امييييييييييييييييييييييييييييييييييييييييين
يااااااارب

 

[ام خالد99]

الله يرزك كل محروم بالذرية الصالحة
امين يارب العالمين

 

[sensitive lady]

اللهم ارزق كل المحرومات و بالأخص اخواتي -رهينه و آهات الصمت -الذريه الصالحة واجرهم في مصيبتهم واخلف لهم خيرا منها والله انا جربت شعور الحرمان من الاطفال 5 سنوات وجربت الاجهاض بعد طول الانتظار و لذا انا حاسة فيكم وايد واتمنى تحملون عاجلا غير آجل وبما انكم من الامارات في دكاترة ممتازين واذا تبون بقولكم وين تعالجت وكيف؟

 

[الحنونه]

اسأل الله العظيم رب العرش العظيم ان يرزقك وايانا الذريه الصالحه
اسأل الله العظيم رب العرش العظيم ان يرزقك وايانا الذريه الصالحه
اسأل الله العظيم رب العرش العظيم ان يرزقك وايانا الذريه الصالحه
اسأل الله العظيم رب العرش العظيم ان يرزقك وايانا الذريه الصالحه
والله يكتبلك الي فيه الخير.......

 

[دنيا]

حبيبتي الله قادر على كل شئ

واستغفري كد ما تقدرين

بس بقولج شئ فيه بنات يطول عندهم هالشي لين الدكتوره ما تشوف الجنين

ولو كان ( لا قدر ) الله حمل كاذب هو بروحه بينزل ( الكيس ) واللي يصيرلها حمل كاذب مره ما يرد الها

مره ثانيه ..........بس ان شاء الله يا رب انج تكونين حامل وتقر عينج وعين ريلج بشوفت البيبي

واذكري الله ولا تيأسين من رحمة الله ولا يرد القضاء الا الدعاء

ننتظر اخبارج