لجمالك بعد الحمل وبعد الولادة تفضلي هدية لكم

[@ميموالسوله@]

السلام عليكم ورحمة الله وبركاته
كيفكم ياحوامل ويانفساء اتمنى لكم الصحه الجيدة
المهم في خلطات حلوة ومافيها خرابيط وسهله وش رايكم بنزلها لكم
عشان تستفيون منها
صراحه حلوة انا كتبت اغراضها في ورقه بس اولد بخلي زوجي يجبها واشتغل عليها في الاربعين لانو يمكن اولد في نص رمضان وطفش مرره بتسلى فيها

 

[@ميموالسوله@]

للامانه منقوله من منتدى عالم حواء من عضوة اسمها عابرة سبيل خلطاتها مرره روعه وغير كذا صادقه ورخيصه وخاليه من المواد غير المعروفه نبداء

 

[@ميموالسوله@]

والحين نبدأ موضوعنا .. بسم الله ..

الكل فينا يحب يكون له رموش طويله .. كثيفه ..
خصوصا البنات اللي مو مشعرات لان رموشهم تكون خفيفه ..


المشكله:
بالنسبه لي انا رموشي خفيفه لكن بالمسكره تكون معقوله .. بس عندي مشكله بسيطه ..
عيني اليمين رمشها اقصر من عيني اليسار .. و توضح اكثر بالمسكره ..
فتطلع عيني اليمين شكلها اكبر من اليسار و هم في الاساس نفس الحجم ..
بس سبحان الله فرقت عشان الرمش اقصر ..


بعض الحلول ذات فائده قليله و بطيييئه :

خلطة الودتس ..
تذوبين شحم خروف و تحطين بعلبة ماسكرا و قبل النوم تحطينه ..

ايجابياتها: تطول فقط ما تكثف .. لكن يبيلها صبر نتايجها بطيئه ..
سلبياتها: اذا نزلت على عينك تصير فيها حراره و تدمع العين ..


الاثمد ..
كنت ابيه بس ما حصلته للأسف ..


زيت الخروع ..
ايجابياته: يطول فقط ..
سلبياته: نتيجه بطيييييئه جدا ..


زيت الخروع + زيت الزيتون ..
جربته اول الايام بعدين سويت عليها اضافات ..
( وهي الخلطه اللي راح اتكلم عنها بإذن الله )



ملاحظه/ يا بنات اللي تقول ان زيت الخروع مو زين انا اقولكم السبب الحقيقي ..

1) زيت الخروع مررره مفيد و لانه مركز نخلط معاه زيت ثاني يخفف تركيزه شوي
فيصير اذا دخل بالعين ماله ضرر بإذن الله ..
2) زيت الخروع او اي زيت تحطينه على رمشك و دخل بعينك معناته ان طريقة حطك غلط غلط غلط ..

راح اوضح لكم الحين ..


الرمش الاعلى .. اذا حطيتي الزيت من تحت الرمش لفوق راح ينزل الزيت على العين
و يسبب لك دموع و احيانا ألم .. واحيانا راح يبهذلك و بيتناثر قطرات من الزيت على المرايه او على التسريحه

الطريقه الصحيحه .. ( يعني حطيه على الرمش من فوق وليس من تحت ) ..

اما بالرمش السفلي .. فعادي حطيه زي المسكره ..

-- يــتــبــع --

 

[@ميموالسوله@]

.
.
.

راح اقولكم الحين عن الخلطه اللي حولت رمشي اليمين و صار تقريبا زي رمشي اليسار ..
غير كذا رموشي كلها صارت اطول .. و اكثف .. بشكل وااضح .. ولله الحمد ..



ماراح انسب هذي الطريقه لي .. لان اكيد غيري قالها كثير .. وهي عموما متعارف عليها ..


المكونات:
1) نواة تمر ( 10 حبات )
2) زيت زيتون
3) زيت الخروع



اول شي ناخذ تمر .. ومين فينا ماياكل تمر يوميا ..

بعد ما ناكل التمر ناخذ منه النواه ( الفص بداخل التمر ) ..

نقعيها في ماء مايل للحراره .. عشان لو بقى شوي تمر عالق ينزل .. و عشان نشيل الغلاف الشفاف منه ..

ملاحظه/ مافي داعي احد يسوي مخترع .. فقط افتحي صنبور المويه الحاره و خذي منها ..

الين يبدأ الغلاف الشفاف بالخروج ..

عاد انتي تأكدي بيدك من خلو الغلاف الشفاف ..

بعد كذا حطي النواه في مقلاة البيض عشان نحمصها ..

و شغلي النار عليها ..

هنا بدت تتحمص ..

نحركها شوي و نقلبها عشان الحراره تنتقل بسرعه لجميع النواه ..

هنا تحمصت اكثر .. و بدأ مثل الزيت يطلع منها ..

-- يــتــبــع --
​

 

[@ميموالسوله@]

.
.
.
بدت تتحمص اكثر واكثر ..

حسيتهم يقولون ارحميينااا حراام عليييك ههههههه ..

الذمه و الضمير و الاخلاص فالشغل ههههههه ..

هنا بعد الانتهاء نخليهم شوي يبردون و نروح نضبط باقي المقادير ..

هذا زيت الزيتون + زيت الخروع ..

لاني كنت مسويه المقادير من قبل راح أبين لكم شلون وزعتهم .. نص العلبه زيت زيتون و النص الثاني زيت الخروع ..

ملاحظه/ انا تركت مساحة ربع من العلبه عشان نقدر نضيف نواة التمر

-- يــتــبــع --

 

[@ميموالسوله@]

.
.
لو يكون عندك مطحنه إلكترونيه راح يسهل عليك الشغل .. لكني للأسف ماعندي ..
فنرجع لـ قديمك نديمك لو الزمن اغناك .. هههههههه ..

نسوي اختبار للنواه .. نطحنها ..

ملاحظه/ اذا تكسرت بضغطه بسيطه حلووو .. اما اذا كانت قاسيه مره فإرجعي حمصيها ..

بعد طحن جميع النواه ..

نفتح العلبه ..

و ناخذ اصغر ملعقه و نبدأ نعبي العلبه ..

ملاحظه/ لو تاخذين ورقه و تصفطينها بالنص و تحطين فيها النواه المطحونه بيكون اسرع لك تسكبين المطحون فالعلبه ..
لكن انا ما احب هالطريقه لان ممكن الورقه يكون فيها بكتيريا صغيره ههههههه ادري وسوسه ..

لما نخلطه كيف تتوقعون شكله ..

..
أكيد اسود هههههههه وردي مثلا ؟!!!

تاخذين فرشه مسكره قديمه .. تنظفينها زين و تخلينها جنب المنتج ..

ملاحظات مهمه///

1) لا تنسين الطريقه الصحيحه بوضع خلطة الزيت على الرمش .. (ذكرتها في البدايه) ..
2) الخلطه هذي فقط لاحظت عليها تطول .. لكن بالكثف الحين اقولكم ..
3) شي اسمه مسكرا مسحته من حياتي الا في المناسبات الكبيره ..
بديل المسكره .. الفازلين .. تاخذين شوي بصبعك و توزعينه زي طريقة المسكره و ليس طريقة وضع الزيت ..
و الفازلين هو اللي كثف رموشي لاني احطه يوميا للدوام بدل المسكره ..
4) لنتايج احسن .. رجلي العلبه قبل ما تحطين منها لان المطحون راح ينزل تحت ..


----------------

النتايج :

مدة استخدامه:
مره وحده في اليوم .. قبل النوم ..
و الفازلين يوميا الصباح او في أي مناسبه بسيطه او زياره ..


كيفية استخدامه:
ذكرت في بداية الموضوع الطريقه الصحيحه للاستخدام ..
خلطة الرموش >> الطريقه المذكوره في بداية الموضوع
الفازلين >> حطيه بصبعك ثم على طريقة المسكره وليس طريقة وضع الزيت ..


النتيجه:
ولله الحمد .. رموشي تقريبا صارت متساويه .. حتى بالمسكره صاروا تقريبا نفس الشي ..
رموشي صارت اطول .. و اكثف .. ولله الحمد ..


مدة النتيجه:
تقريبا 3 اسابيع ..
ملاحظه/ احيانا اسحب كم يوم لاني اضطر انام خارج البيت وما تكون عندي العلبه ..
( يعني اقل من 3 اسابيع .. لاني لاحظت بعد مرور اسبوع و شوي انهم بدوا يتساوون )


السعر المستخدم كله:
جميع الاشياء متوفره في كل منزل بإذن الله ..


--------------

ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

 

[@ميموالسوله@]

بديت بالرموش لانها سر جمالنا الحين الشفايف وممكن نبداء فيها هذي وحناء حوامل لاني ناويه ابداء

 

[@ميموالسوله@]

طبعا كلنا نحب يكون عندنا شفايف ناعمه و مايله للوردي شوي ..
و سمعنا عن الفازلين انه يفتحها و كل يوم نحط فازلين قبل النوم .. صح ؟!!

طيب في الحقيقه هو: ان الفازلين هو بيشيل لك القشور و يجدد لك الطبقه في الشفايف ..
عشان كذا تحسين انها تصير ورديه .. لكن هو لا ..


و اقول ذاك اليوم ليه ما اضرب عصفورين بحجر ؟!
ملاحظه/ مادري اذا فيه قبلي ذكر هالطريقه .. مع اني متأكده ان فيه .. لكن اتمنى عالاقل اني افيدكم


طبعا الخلطه مافيها دم غزال هههههه عشان اريحكم من بقع اللون ..



كل المطلوب هو:

- فازلين (مافي تحديد كميه .. هو حسب حجم العلبه اللي عندك)
- الروج السحري (تلاقينه في محلات بوريالين او المحلات الرخيصه مايتعدى سعره 5 ريال )

ملاحظه/ فيه نفس الروج السحري بـ نكتار وسعره 80 ريال .. مافي اي فرق ابد غير بالشكل

- علبه صغيره فاضيه (انا استخدمت علبة ظل و نظفتها عدل )



نقص من الروج السحري قطعه صغيره ..

ملاحظه/ ممكن تزيدين كمية الروج براحتك .. لكن انا ماحطيت كثير عشان يصير شكله وردي طبيعي



و نضيف عليها ملعقة فازلين ..

ملاحظه/ كمية الفازلين المستخدمه تكون حسب حجم العلبه اللي بتستخدمينها يعني مو شرط ملعقه وحده .. ممكن يكون نصف ملعقه ..



و نبدأ بالتخبيص .. (انا احوس و اشتغل بيدي عشان احس بقيمة اللي اسويه)

و كذا يكون شكله ..

و هنا نعبيه في العلبه ..

شوفوا شلون مرتب و حركات .. ممكن حتى تاخذينه معك أي مكان ..

-- يــتــبــع --

 

[@ميموالسوله@]

عشان ما تتوسخ يدي و انا احط على شفايفي اخذت فرشاة ألوان مائيه ما استخدمتها ..

و قصيتها على الشكل اللي ابيه .. لانها تكون مره طويله ..

و بس .. حطيها على شفايفك و نامي ..
وفي الصباح بتشوفين شفايفك صايرين وردي طبيعي ..
وممكن اذا تبين تزيدين اللمعه تحطين .. مرطبات من بودي شوب ..

وبسس ..




ملاحظه/ اذا بتسوين الخلطه لا تسوينها على صحن زجاج ..
الافضل على صحن بلاستك .. ليه ؟؟؟


عشان ما تتبهذلين وانتي تغسلين الصحن زيي ههههههههههههههه ..

---------
النتايج :

مدة استخدامه:
انا يوميا قبل النوم .. (لكن انتي على راحتك) .. بس يكون قبل النوم اهم شي ..
لان الفازلين معروف انه يسمر بالشمس ..
واخاف يطلع الفازلين فوق شفايفك و تسمر المنطقه فوق الشفايف و تدعون علي ..


كيفية استخدامه:
حطي بالفرشه على شفايفك وبس ..


النتيجه:
مرررره ناااايس ..
1) تعطيك نعومه من الفازلين لانها تجدد الطبقه فوق الشفايف ..
2) الروج السحري يعطيك لون طبيعي ..


مدة النتيجه:
اول ماتحطينها على شفايفك بتشوفين ان شفايفك صارت ورديه و تلمع كأنك حاطه كلوز ..
ممكن حتى تحطينها في البيت اذا جاك احد .. او مع زوجك ..

--------------

ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

 

[@ميموالسوله@]

مهم لنا بعد الولادة وعععععععع خطوط بيضاء وبنيه بالسيقان والفخذ والبطن هذي لها رووعه شكلها

حبيباتي انا أأومن و بشده بهذي المقوله ( لكل داء دواء) ..
انتي فقط توكلي على الله ثم حطي في بالك هالمقوله ..


مين فينا ما يعاني من الخطوط البيضا .. اتعبت الكل .. ( الا من رحم ربي ) ..
يعني تلاقين عندك لو خط صغيييير ما يبين بس ودك تقشعينه .. تحسينه ينرفز ههههه ..

في معلومه عند البنات خاطئه .. و هم انهم ما يفرقون بين السيلوليت و الخطوط البيضا ( السترتش ماركس ) ..
على بالهم كلهم واحد .. عشان كذا حبيت اوضح لكم بصوره ..


هذي الخطوط البيضا + الحمرا .. اما السيلوليت فهو شي ثاااني ..

طبعا غالب هالخطوط تتركز في الفخوذ - البطن - المؤخره ..


من التجارب اللي جربتها ..


كريم افالون .. Strech Mark cream

نفس هذا بس اخذته عصار ..

النتيجه:
استعملته لين خلص الكريم و كأنه كأنه كأنه انطفت لمعة الخطوط البيضا شوي ..
ممكن يفيد اذا اخذتي كريم ثاني و ثالث .. مذكر المده اللي استخدمتها ..


كريم بانثينول ..

النتيجه:
استخدمته لمدة شهر وخفت الخطوط بنسبة 5% بس ..



زيت الزيتون + ليفه خشنه:
هذي طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه الخشنه و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
استخدمتها 3 مرات صارت تعورني مررره اذا انقلبت حمرا ..
و طول اليوم اتألم .. مع ان بشرتي مو حساسه .. فـ وقفتها ..

ملاحظه/ تختلف البشرات فـ هو يضبط معها بس معي ما ضبط ..


زيت الزيتون + ليفه عاديه (ناعمه):
هذي ايضا طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه العاديه (ناعمه) و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
مذكر المده اللي استخدمتها لكن ..كانت مع كل شاور ..
لكني ماشفت نتيجه ابد


------

هنا حطيت ستووووووب .. الوقت يمر و الخطوط ثابته ساكنه لا حرك ولا شي ..
و بديت اشتغل بهالبحوثات .. كثير يمدح كريم زبدة الكاكاو .. و الشيا .. و زيت جنين القمح ....الخ ..

خلاصه بحوثاتي كانت .. اكثر الاشياء اللي تجيب نتيجه هي:

- زبدة الشيا ( لها دور في تخفيف الخطوط البيضا و التنعيم)
- زبدة الكاكاو ( لها دور في تخفيف الخطوط البيضا )
- الكولاجين ( يجدد لك طبقة الجلد التالفه )

ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..

لقيت زبدة الشيا في لوكسيان - الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..

و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..



اللي بقوله لكم ما بيكلفكم شييي .. كل اللي تحتاجونه شيئين:

- كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..



ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..

و كريم فازلين المدور يحتوي على ( زبدة الكاكاو + زبدة الشيا ) مع بعض ..

انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..

يعني الاختصار المفيد هالصوره تعبر ..

----------------

النتايج :

مدة استخدامه:
عندي خطوط بيضا في:

صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..

كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم

حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي

ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..


الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..

الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..


النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%

مدة النتيجه:

صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)

ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)


السعر المستخدم كله:

33 ريال ونص ..

كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..

للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..

ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
--------------

عذرا:
حبيباتي ماكان ودي اقلل من قيمة الموضوع لكن..

الردود المتوقعه من بعض العضوات:
ملاحظه/ بعض الردود كانت حقيقيه موجهه لي و لبعض الاخوات في مواضيعهم ..

- وش عندها ذي تتفلسف علينا كأن عندها سالفه
- نصااااااابه اصلا مافي شي يوخرها غير الليزر لا و يخففها بس
- اللي يقولك استخدمي (........) كذب كذب كذب انا استخدمته ولا جاب اي نتيجه
- دكتورتي تقولي مالها حل وفقدت الامل
- انا جربت كل شي ولا فاد
- انتي مجنوونه حبيبتي شوفي الامر الواقع هذي بلوى من ربي
- انتي تستهبلين ولا مين قاص عليك انها تروح
- انتي شكلك ماتشوفين زين و على بالك انها راحت روحي شيكي نظرك
- بنت خالة عم جد ام خال ابوي تصير اختي من الرضاعه قالت ان دكتورها قال الليزر بس يخففها

و انا اقول لكم ستووووووووووووووووووووووووووب من هالاسلوب السلبي ..
خلوا عندكم امل بالله و توكلوا عليه .. ليه التحطيم !!!
و اللي تقول انا جربت كل شي ولا فاد!!!!! طيب انتي جربتي اللي قلت لك عليه ولا فاد ؟؟
لا تحطمون بنات عندهم امل .. بـ جملة ( الليزر بس يخففها ما يوخرها) ..

للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..

-----------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

و أي سؤال حاضره حبايبي

 

[@ميموالسوله@]

بصراحه .. القدم بالنسبه لي اهم منطقه فالجسم ..
ما ادري ليه عندي احساس ان اذا كانت القدم ناعمه و مو خشنه و موحدة اللون
هي اللي تبين انثوية البنت اكثر من يدها ..

هذا رأيي طبعا ههههههه عندي عقده مع الاقدام ..
لكن بإذن الله اليوم بتكون هي نهاية المعاناه عندكم .. مثل ما انتهيت من 97% منها ..
-------




طبعا اغلب البنات يكون عندهم بقع في القدم من الشوزات (وانتوا بكرامه) او الجلسه على الارض ..
و غالبا هالاماكن تكون هذي :



1) خلف القدم .. (اليرقوب) .. ( خف بنسبة 86%)

2) قريب من الكعب .. "وهي كتله سوده مادري من وين تطلع" .. ( قدمي اليمين راحت 100% و اليسار 97%)

3) جنب اصبع القدم الكبير .. ( في القدم اليمين و اليسار راحت 100%)

ملاحظه/ انا ما اعاني من اسوداد الكعب .. لكن ممكن تجربينها عليه ..


نبدأ بسم الله ..


كل ما تحتاجين له اشياء بسيطه ..

- ربع ملعقة جليسوليد ..
- ربع ملعقة فازلين ..
- اقل من ربع صابونة دوف الورديه ..
ملاحظه/ ممكن تجربين صابونه ثانيه اذا ودك لكن مادري اذا النتيجه نفسها او لا
- نصف عصير ليمونه ..




اول شي ناخذ صابونة دوف ..

و نقطع مقدار اقل من ربع ..

ملاحظه/ انا جربت الطريقه 3 مرات .. وما استخدمت الا نص صابونة دوف ..


طبعا انتي و على راحتك كيف تقصينها .. البعض يحكها بالسكين عشان تصير مبشوره على طول ..
ولا صيري زيي و ابشريها بالمبشره و افتكي ..

-- يــتبــــع --

 

[@ميموالسوله@]

نصب عليها عصير الـ نصف ليمونه ..

بعد الخلط ..

و نضيف ربع ملعقة جليسوليد .. تقريبا هالمقدار ..

بعد الخلط ..

نضيف ربع ملعقة فازلين .. تقريبا هالمقدار ..

ملاحظه/ ترى الفازلين ربع ملعقه لكن وانا اصور صار سايح و كأنه نص ملعقه ولا هو اصلا ربع ملعقه)

بعد الخلط .. بتكون شوي ثقيله .. زي كذا ..

و بعدها حطيها على رجلك .. و حطي على الاماكن الغامقه طبقه اكثف ..
طبعا لا تظنينها زي الكريم بتتشربها البشره ..
لا لا حطيها و بتكون خلطه بيطه على رجلك ههههههه ..
و جيبي كيس نايلون ..
ملاحظه/ اذا بتستخدمين الكيس العادي تأكدي انه خالي من الوسخ او أي قطع صغيره ..

انا استخدمت هذا الكيس .. حق تغليف الاكل .. اقصه على مقاس اكبر من رجلي بشوي ..
و ألبس فوقه شّراب (جوارب, دلاغ) .. واقعدي فيه مده لا تقل عن ساعه ..

اذا مرت ساعه .. شطفي رجلك بالمويه بس (بدون صابون) ..
بعدين خذي الحجره السوده او البيضه .. ( انا استخدمت البيضه ) ..

ملاحظه/ ممكن تستخدمين الفرشاه الخشبيه حقة القدم من بودي شوب بدل الحجره لكن انا ما جربتها فـ ممكن انها ما تجيب نفس مفعول الحجره البيضه ..



و افركي رجلك خصوصا على الطبقات الغامقه .. لكن بخفيييف لا تجرحين نفسك .. بعد ما تخلصين من الفرك اغسليها بالصابون اللي يريحك ..


و اذا خلصت من كل شي ارطب رجلي بـ نيفيا زيت اللوز ..

وبس ..

---------
النتايج :

مدة استخدامه:
استخدمتها 3 مرات فقط وشفت نتايج واااااااو ..


كيفية استخدامه:
تحطين الخلطه على رجلك مده لا تقل عن ساعه ثم تشطف القدم بدون صابون و تستخدم الحجره البيضه او السوده
تفركين فيها المناطق الغامقه .. بعد الفرك اغسليها بالصابون اللي يريحك ..


النتيجه:
ورببببي نتييييجه مذهههللللللللللللله .. تقريبا ككل رجلي تحسنت بنسبة 97%
صرت امشي على رجلي فالبيت بكل فخر .. واختي تطالع تقول كأن فيه بقع برجلك وينها ؟؟؟
حتى حسيت الفرق بمفاصل رجلي .. بدت تتوحد ولله الحمد ..


مدة النتيجه:
من اول مره شفت النتيجه على ..
1) البقعه القريبه من الاصبع الكبير (وصراحه هي كانت معقدتني و ذهلت من اول مره خفت بنسبة 50%)
2) البقعه اللي قريبه من الكعب ( آآآآآه كانت معذبتني بشككككل)
و من ثالث استخدام شفت التحسن بـ خلف قدمي (اليرقوب) ..

--------------

ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..


أي سؤال حاضره للغالين ..


ملاحظه مهمه/ هذي الخلطه للاستعمال مره وحده .. يعني ماتحفظينها او شي .. لا لا على طول تخلطينها و تحطينها على رجلك .. هي تكفي اصلا حق رجلينك الثنتين لمره وحده فقط ..

 

[@ميموالسوله@]

اهلين حبيباتي .. اشحالكم ؟
انا من اشد متابعينكم و قررت اليوم انزل موضوع افيدكم زي ما افدتوني ..

من يومي صغيره وانا اعاني من هالرؤوس السوداء .. و طقاق مع لزقات الخشم

..
و صارلي 5 سنين استخدم محلول من كلين اند كلير
بصراحه هو فظيييييييييع و غني عن التعريف

..
لكن بعد فتره تقريبا اسبوعين ترجع الرؤوس تستحوذ مكانها

<<< متعوب عليها تستحوذ
وهذي صورة المحلول تقريباه سعره 8 ريال

و من فتره كنت ابي غسول للوجه .. وشفت هذا الغسول من كلين اند كلير



خالي من الزيوت .. انا اخذته ماكانت نيتي اقصد الرؤوس السودا كنت ابي غسول وبس ..
والله ثم الله ثم الله ان مع هالغسول تخلصت من 95% من الرؤوس السوداء

ولله الحمد
و ابشركم الـ 5% الباقي ما ينشافون الا اذا قربتي مررررره من المرايه
و الحمدلله لي 3 شهور مختفيه الرؤوس السودا, على فكره تخلصت منها و العلبه ماخلصت الا نصها تقريبا ..

مدة استخدامه:
انا ما استخدمه يوميا لان بصراحه كسووله هههههههه ..
كنت استخدمه كلما جيت اسبح يعني تقريبا 4 مرات بالاسبوع ..
و ساعات انسى استخدمه خخخخخ

كيفية استخدامه:
و انتي بالشاور خلي المويه الساخنه (حسب احتمالك للسخونه) على وجهك شوي يعني تقريبا 10 ثواني عشان تتفتح المسامات و بعدين حطي منه و حركي الغسول بشوي شوي و اذا بدا يقرصك يعني ان وجهك تنظف .

النتيجه:
والله يا بنات كنت اطلع من الشاور لما اغسل منه وجهي صاااااااااااااااافي ماشاء الله و اقعد اتمقل بالمرايه صفاوه لا اله الا الله في كل شاور استخدمه انبهر اكثر و اكثر وماكنت احتاج للمحلول حق الرؤوس السودا لان مع هذا الغسول تتنظف.

مدة النتيجه:
والله مقدر احدد لكم بالضبط لاني مو كل شاور استخدمه يعني تقريبا اممممم يمكن شهرين او ثلاث استخدمه
لكن بس بالشاور ابد ابد ما استخدمه يوميا من العجز الزايد يعني استخدموه يوميا و بتلاقون اللي يرضيكم بإذن الله.

سعر المنتج:
امممم تقريبا 20 ريال.

عاد انا يوم شفت النظاره و الصفاوه قمت اهتم اكثر بعد الشاور اخذ قطنه و احط فيها ماء وردو امسح فيها وجهي ..
صورة لماء الورد


و بعد ما يجف ماء الورد احط كريم بانثينول ..
(انا اجيبه من مصر لكن شافته صاحبتي و قالت موجود بالصيدليات ب‘سمه بانثينول لكن صناعة شركه ثانيه)


سوري اذا طولت عليكم حبايبي .. ان شاء الله افدتكم ..

 

[@ميموالسوله@]

بسم الله الرحمن الرحيم



اخباركم حبايبي .. منتداي العزيز اللي اعشقه ..

انا متابعتكم من سنيييييييييييين .. و بديت من فتره اشارك ..

لكن انا ما احب ابالغ بالكلام .. ولا احب اقول شي الا متأكده منه اكيييييد

وشفت بموضوعي الاول تفاعل كبير وهذا هوو

تخلصت من 95% من "الرؤوس السوداء" .. ولي اكثر من "3 شهور" على هالحال ~ بالصور


.......


و الحين اقولكم ..

انا جربت اشيل بالحلاوه و الآله و الموس .. كلهم بعد فتره يطلعون نقط بنيه صغيره تخلي الساق مو حلووو
و غالبا هالنقط البنيه مو من نوعية الشيل .. لكن من طريقة الشيل ..
يعني اذا ما شلنا لو شعره وحده من جذورها ممكن تتحول الى هذي النقط البنيه




لا تقولون لي خل تفاح يشيلها او ليمون او حتى الحجره السوده ..

ايوه لا تستغربون الحجره السوده تشيل فقط الشعر اللي تحت الجلد و ليس النقط البنيه

للأسف انا جربت قالتلي وحده ادعكي رجولك بالحجره السوده او البيضه و بتشوفين والله الحجره تشيلها
و النتيجه اني تجرحت بدون فايده فقط راح الشعر اللي تحت الجلد
و صارت رجلي وع وع وع .. متجرحه و ونقط بنيه و نقط سوده من الجرح
----------------

المهم

قمت اخذت علبة بخاخ ..

..


و عبيت نصه موية صحه


..


و النص الثاني من البخاخ موية ورد


..



و صرت ابخ على اساس ان الجروح تلتئم لاني مابي احط عليها مطهرات ثانيه و تقلب لون سيقاني اكثر
وبعد ما إلتئمت جروحي وكل شي ماوقفت من البخاخ

كنت كل يوم ابخ على سيقاني و حسيت ان النقط البنيه بدت تخف كثيييير

بعدين عشان اضمن ان البخاخ يروح لكل منطقه بسيقاني غيرت العلبه



حطيت بعلبة شامبو صغير عندي .. نص العلبه موية صحه و نصها موية ورد


..



صرت استخدم القطن .. احط من العلبه (موية الورد + موية الصحه )


..


و امسح على ساقي ..



----------------


النتايج :


مدة استخدامه:
مره وحده في اليوم .. قبل النوم ..
و لازم بالنسبه لي بعد الشاور ..

كيفية استخدامه:
حطي بالقطنه مخلوط (موية ورد + مويه ) .. انا ضفت المويه لان موية الورد مركزه وحبيت اخففها

النتيجه:
والله ثم الله ثم الله ان النقط البنيه خفت عندي تقريبا 85% بـ 3 اسابيع فقط ..

مدة النتيجه:
البخاخ استخدمته مدة اسبوعين ..
ولما غيرت العلبه استخدمتها اسبوع ..

ملاحظه/ كنت احيانا اسحب يوم او يومين ما احط .. لان احيانا اضطر انام برى البيت وما تكون عندي العلبه
يعني الاجماعي تقريبا : 3 اسابيع


السعر المستخدم كله:
11 ريال فقط ..
10 موية الورد
و 1 موية الصحه

و احيانا موية الورد تكون اقل سعرها حسب النوع


--------------


ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

 

[@ميموالسوله@]

بسم الله الرحمن الرحيم


يا هلا حبيباتي .. اخباركم ؟؟
ان شاء الله كلكم بخير و صحه و سلامه ..


حبيت اخدمكم في هذي الفعاليه بسـر من اسـراري ..
اسـراري جميعها من شي طبيعي .. قد ما اقدر احاول اني ابعد عن الكيميائي(الا للضروره) ..
و اللي يستخدمون الطبيعي باستمرار اكيد يعرفون هالسـر الحلووو ..



رآآح ابدآآ سـررري بعنوان موضوعـي ..

و هذا هو سـري ..

ايـه الشـــــآآآآي الاحمــر .. بس ..

في اغلب الاستخدامات ..



من اللي شفته و عرفته للشـآآآي :

1) يعطي لمعة للشعر ..

2) يخفف من الهالات السوداء حول العين ..

3) يعطي العين لمعه براقه ..

4) يعطي نظاره و انتعاش و حيويه للبشره ..

5) يوقف القشره في الشعر ..

6) ييوقف تساقط الشعر ..





متخيلين هذا كله من ( شآآآآي احمر فقط ) ..

نبــدأ بسم الله ..



راح اقولكم الحين طريقة الشاي لإعطاء لمعه في الشعر ..


اللي نحتاجه هو ..

1) علبة بخاخ فارغه

2) حبة شاي

ندخل الشاي في علبة البخاخ ..

ثم نعبي العلبه بماء دافئ ..

ملاحظه/ الهدف من وضع الشاي داخل العلبه وليس وضعها في كوب ثم تعبئتها في العلبه وهو زيادة التركيز ..

نرج العلبه قليلا حتى يأخذ الماء اللون الاحمر المناسب ..

ملاحظه/ لا تكثرون رج .. لا يصير لونه اسود ..

تصفية الشاي من أي حبيبات قد وقعت في العلبه ..

تعبئة علبة البخاخ بالشاي المصفى ..

كيفية استخدامه:

بعد خروجك من الشاور جففي شعرك بالفوطه (المنشفه) .. ثم بخي من بخاخ الشاي على شعرك ..
بعدها ابدأئي بعمل ماتريدين بشعرك ( نشفيه استشوار ...الخ ) ..



اين يحفظ:
على التسريحه


------


الحين راح اقولكم كيف:

يخفف من الهالات السوداء حول العين ..
يعطي العين لمعه براقه ..


بعد ما تخلصين من الليبتون ( او اي نوع من الشاي) .. دخليها بالفريزر .. مدة ساعه او اكثر على راحتك ..

متى ما تجمدت استخدميها ..

ثم بعد ما تطلعينها من الفريزر حطيها في ماء عادي مدة 10 ثواني ..

عشان يخف جمادتها شوي ..

طريقة استخدامها

ضعي حبة الشاي المجمده على عينيك مدة ربع-نص ساعه يوميا او قبل المناسبه ..
و ستريين العجب ..


------

لإعطاء نظاره و انتعاش و حيويه للبشره ..

كيفية استخدامها :

خذي علبة بخاخ الشاي اللي سويناها فوق ..
حطي منها في قطنه و امسحي فيها بشرتك ..



------


لإيقاف القشره في الشعر .. و تساقط الشعر ..


اعملي في صحن ماء عادي و حبة شاي مايكفي لفروة رأسك ..

كيفية الاستخدام:

ضعي على فروة رأسك ماء الشاي ودلكي فروة الرأس قليلا حتى يتغلغل ماء الشاي الى الفروه ..
و دعيها على رأسك مدة لا تقل عن ساعه ..



--------------

 

[@ميموالسوله@]

بنات قلبو
انا كتبت لكم اللي بستخدمها لانها حلوة ومقصرت هذي العضوه كل شي كتبته حلو الله يرزقها
المهم في خلطة جربتها شخصيا قبل الحمل وقبل ثلاث سنوات وااااااااااااااو روووووووووووووووعه للمنطقه الحساسه تخليها تلق لق بنزلها رغم اني دائم انزلها بس لعيونكم

 

[@ميموالسوله@]

((نسختها ماكتبتها صاحبتها ومثل ما طبقتها رووووووووووووووعه وهو فاتح وريحته حلوه بس ياليت بعد النفاس تستعمليها أفضل حبيت أساعدكم بس وهذي الخلطة بلسان صاحبتها ام الفيصلي قصيتها ولصقتها وادعولها تحج والله عني روووووووووووووعه السلام عليكم

الموضوع غير منقول يابنات حبيت انقل لكم تجربتي ان شاء اللهتستفيدون وما ابي الا الاجر من رب العالمين يمكن طريقتي هذي تفرج على مكروبه وقدقال الرسول صالى الله عليه وسلم فيما معناه انه من فرج على مسلم كربه من كرب الدنيافرج الله عنه كربه من كرب الاخره

في اثناء الحمل اصبحت المنطقه الحساسهعندي فحمه مو سواد عادي قسم بالله
المهم رحت بتعالج قالت الدكتوره ما انصحك فيالحمل

وبعد ماولدت جلست اجرب في الخلطات اللي في المنتديات كل شهر اجرب خلطهوما شفت اي مفعول الا بسيط جدا ومرت سنتين ونص من ولدت وطوال هالفتره اجرب ولااستفدت النتيجه اللي ترضيني

المهم قررت اني اسوي خلطه من تأليفي واجمعالمواد اللي تبيض !!!
الكلام هذا قبل شهرين بالضبط وظليت اقرا واقرأ المهماستنتجت التالي

1___اغلب خلطات التبيييض تحتوي على الليمون والجليسوليدالاحمر الدائري

2___الحليب البودره (النيدو) يحتوي على حوامض تعمل علىتقشير لطيف للبشره وتجديدها

3___ماء الورد يفتح البشره ويشد الجلد

4___زيت الزيتون شجره مباركه وينعم البشره ومن الافضل عدم استخدامه فيالاماكن اللي تتعرض للشمس

5__ النشا يفتح لون البشره وانا سمعت من بعضالامهات انهم يخلطونه مع زيت الزيتون ويدهنون فيه الطفح اللي يجي الاطفال ودايماستخدمه لولدي ولاحضت انه منطقته تبيض واثار الطفح اللي تكون سودا تروح معالاستعمال لهذا الخليط

وقرات مره انه الخلطات اللي فيها ليمون تنحفظبالثلاجه لمفعول افضل وكمان خلطتنا هذه تحتوي على النيدو يعني لازم ثلاجه

نجي للخلطه

هي على مرحلتين الاسبوع الاول

تعملي هالخلطهوبعد اسبوع راح تضيفين لها زياده من بعض المواد الي فيها وراح اذكر لكالسبب

فنجان كبير مليان نشا
فنجان كبير مليان ماء ورد
فنجان كبيرمليان زيت زيتون
3 ملاعق كبيره جليسوليد
فنجان كبير مليان حليب بودره
عصير ليمونتين فقط

تخلط حتى تتجانس وتحفظ في الثلاجه ضروري
وكل مادخلتي الحمام وغسلتي لازم تنشفين المنطقه كويس بمناديل
بعدين حطي الخلطه ودلكيشوي والبشي شورت قطني

انا ما خذه راحتي في بيتي اطلع من الحمام على المطبخعلى طول وادهن

بعد اسبوع قسم بالله فتحت عندي المنطقه حييييل وصارت رقيقهجدا والليمون اللي في الخلطه صار يحرقني فقررت اني ازيد بعض المكونات حتى اخفف منحراره الليمون

بعد اسبوع
زدت على الخلطه
2 كبيره ملعقه جليسوليد
نص فنجان زيت لوز مر الخاص بالجسم
وفنجان نشا و نص فنجان ماء ورد

وترى الريحه حلوه واذا كان زوجك يرغب فيك غسليها وبعدين ارجعي حطي اسفه علىالاطاله بس حبيت اكتب لكم تجربتي بالتفصيل علشان كل شي يكون واضح

وواللهاسبوع عن اسبوع المنطقه فتحت بعد شهر واااااااااو الحين صارت ورديه وناعمهوالحمدلله انفرجت كربتي وصرت احس بالثقه قدام زوجي والحين الحمدلله صار لي شهر مااستخدمها الاقبل النوم وقبل اتسبح

باقي الاوقات استعمل دوف كريم الجسم بديسلك علشان احافظ على النتيجه

وسلامتكم وادعولي احج هالسنه نفسي ميته على مااحج انا وزوجي بس الماديه مو زابطه الله يعين



هذي خلطة روعه لتفتيح المنطقه الحساسه وربي عن تجربه وااااااو ))

 

[@ميموالسوله@]

موضوعي اليوم مو تجربه .. هو فقط تغيير مفهوم ان زيت اللوز المر سام


ملاحظه/ بحثي هذا ماقعدت عليه يوم او يومين او اسبوع .. طولت فيه تقريبا اسبوعين و زياده ..
عشان اوثق لكم و اتأكد من كل شي .. واقعد لا يقل عن 3-4 ساعات باليوم ..


الهدف من الموضوع:
كثير بنات يخافون من اشياء يسمعونها بدون ذكر مصدر موثوق منه .. فيتركون اللي يستخدمونه وهو بالأصل شي عجيييب

طبعا اللوز فيه منه نوعين:
1) اللوز الحلو,, من الورود البيضاء
2) اللوز المر,, من الورود الورديه

و كلهم مشتق من شجرة اللوز


وهذا شي معروف كلنا نعرفه ..


لكن انتشرت في الأونه الاخيره سالفة البنت اللي ارسلت للدكتور عبدالباسط ..
وهذي هي :


انا استخدمت زيت اللوز المر لجسمي كــــله لمدة شهر ونص يوميا كل ليل قبل ما انام

ولاحظت اني فتحت بعد شهر وفرحت واستمريت عليه

وامس بالصدفة قريت ان زيت اللوز المر سام وان اللي قال الكلام الدكتور عبد الباسط السيد

والله مرة خفت والبنات في المنتدى اللي قريت فيه يقولون ان الاثار تبان في الامد البعيد

لانها مادة سامة وتستخدم في شي قاتل بس مدري ايش

المهم انا والله خفت وفي خدمة في قناة مواهب وافكار ترسلين للدكتور وهو يرد عليك على جوالك

ورسلت له رساله نصها:

(( يا دكتور قريت في احدى المنتديات انك قلت ان زيت اللوز المر سام هل هذا صحيح ؟

وانا استخدمته لوجهي وجسمي وحتى المناطق الحساسة لمدة شهر ونص بغرض التفتيح والصفاء ))

ورد علي نصها :

(( *دكتور عبد الباسط السيد* ياستاذة انا لم اصف لاحد زيت اللوز المر ابدا

توقفي حالا واستبدليه بزيت اللوز الحلو )) << لا تدققون في الكلام تخيلته وهو يهزئني

المهم حبايبي انا قلت لازم اعلمكم

لانها مادة سامة وتستخدم غالبا في ظروف معينة و بنسبة معينة

صح انه فتحتني بس اثارها قوي وربي

يابنات اتمنى تنقولونه في المنتديات الثانية

واقسم بالله العظيم اني ما كذبت باي كلمة كتبتها
--------------

ما بعاتب البنت ولا شي .. هذي تجربتها وهي حلفت بالله ..

المهم انا ما دخل مخي كلامها .. معقول زيت اللوز المر سام وهو ينباع بالصيدليات ؟!!!!!! مصرح من وزارة الصحه!!!!
الصيدليات اللي يشتغلون فيها صيدليين!!!!! اللي ياخذون شهادات من جامعات مخصصه بهذا المجال!!!!!


بما اني اخذت مواد فالجامعه بدرجه عاليه تختص بالبحوثات الانجليزيه ويدرسوني دكاتره متخرجين من امريكا
قررت اني ابحث بهذا الموضوع ..



بداية بحثي نزلت كتاب الدكتور عبدالباسط السيد للأعشاب ..
وتقدرون تنزلونه على هذا الرابط ..

http://www.archive.org/download//36054//36054.pdf

ملاحظه/ خلف الصفحات حطيت صفحة المنتدى و حددت اسمي عشان تتأكدون ان البحث مني ..

و هذي صفحة الكتاب ..

وهذي صفحة اللوز الحلو (لاحظوا انا ماقلت زيت اللوز الحلو )

وهذي من قريب ..

لاحظوا فالمحذروات كاتب:
العقار استعماله آمن عموما, الا ان الجرعات الكبيره تسبب الاسهال

يعني استعماله كعقار يعني كدواء, شرب, عن طريق الفم, وليس زيت على جسمك ..


وهذي صفحة اللوز المر (لاحظوا ماقلت زيت اللوز المر) ..

و هنا راح اقرب اكثر ..

ملاحظه/ نسي الكاتب (وليس الدكتور) ان يكتب الاوراق الورديه بدل البيضاء للوز المر ..
عموما مايفرق هنا الكلام لان كلهم من شجره واحده ..

لاحظوا في المحذورات كاتب:
العقار سام, يضر الكبد, ويستعمل تحت الإشراف الطبي

يعني استعماله كعقار يعني كدواء, شرب, عن طريق الفم, وليس زيت على جسمك ..


بحثي هنا ما خلص .. عشان تتأكدون اكثر و يرتاح بالكم ..
دخلت افضل موقع للمعلومات وهو "ويكابيديا" ..

بتقولون لي ان هذا الموقع الناس تكتبه .. اقولكم ايه الناس .. لكن يوثق عن طريق خبراء عالميين ..
فهو مصدر موثق عالميا ..

وهذا هو الموقع .. "الموقع هذا بالانجليزي لكن في منه عربي"

و اللي محدد بالأحمر يعني Organization يعني منظمه عالميه ..

دخلت الموثع و كتبت ( اللوز ) ..

راح اكبر لكم الصوره ..

مكتوب:
يحتوي زيت اللوز على حمض الهيدروسيانيك البروسيّ السام, وبعد استخراج هذا الحمض يستخدم الزيت ليعطي نكهة على الخلاصات المختلفة


يعني ان زيت اللوز الحلو و المر كلهم يحتوون على حمض الهيدروسيانيك ..
لكن كمية هذا الحمض تكون في اللوز المر اكثر شوي ..

-- يــتــبــع --

​

​

 

[@ميموالسوله@]

طيب نكمل .. بتقولون طيب ويكابيديا العربي مشكوك فيه ..
دخلت الانجليزي .. وكتبت Bitter Almond Oil ..
يعني زيت اللوز المر ..

و هذي قائمة Sweet and bitter Amonds
يعني اللوز الحلو و المر ..

و ترجمتها لكم بجوجل عشان تتأكدون بنفسكم ..

بعد الترجمه هذا المكتوب:
هناك نوعان من المصنع، واحد (في كثير من الأحيان مع الزهور البيضاء) إنتاج اللوز الحلو، والآخر (غالبا مع الزهور الوردية) إنتاج اللوز المر. نواة السابق يحتوي على زيت ثابت ومستحلب. في وقت متأخر من القرن 20 في وقت مبكر، كان الزيت يستخدم داخليا في الطب، مع النص على أنه يجب ألا يكون مغشوشا مع ان من اللوز المر، بل لا يزال يتمتع بشعبية إلى حد ما في الطب البديل، ولا سيما بوصفها الناقل للنفط في الروائح ، ولكن سقط من بين الأطباء وصفة طبية.
واللوز المر هو أوسع قليلا وأقصر من اللوز الحلو، ويحتوي على حوالي 50 ٪ من زيت ثابت الذي يحدث في اللوز الحلو. كما أنه يحتوي على انزيم إيملسين التي، في وجود الماء، والأفعال على غلوكوزيد القابلة للذوبان ، أميغدالين، العائد الجلوكوز ، والسيانيد وزيت أساسي من اللوز المر، الذي هو محض البنزالدهايد تقريبا. قد تسفر اللوز المر 4-9 ملغ من سيانيد الهيدروجين في اللوز [14] وتستخدم مرة واحدة [15] مقتطف من اللوز المر طبي، ولكن حتى في جرعات صغيرة، وآثار وخيمة، وجرعات أكبر يمكن ان تكون مميتة؛ والسيانيد ويجب إزالتها قبل الاستهلاك. [16]




النتائج:
يعني يا بنات زيت اللوز المر و الحلو اللي بالصيدليات تم استهلاك حمض الهيدروسيانيك منهم ..
و هو مصرح من وزراة الصحه .. يعني استخدموووه عاااادي مافي منه أي ضرررر .. بإذن الله ..


ملاحظه/ اذا دخلتوا موقع ويكابيديا الانجليزي راح يقولون لك كيف عملية استخراج هذا الحمض ..



ان شاء الله وفقت في توصيل المعلومه ولا طولت عليكم او كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

 

[فآقدة غآليها]

مشكورة وجزاك الله خيرا