لا رومنسيه مع الزوج الشمالي؟؟محتاجه مساعدتكم فديتكم

[جروووح55]

مراحب حبيباتي


حبيت اطرح موضوع مضايقني ومالقيت غيركم افضفض له
والقى حل او طريقه



انا متزوجه من سنتين وزياده

وزوجي شمالي
انا جنوبيه =يعني رومنسيه حتى النخاع

والموضوع اللي ابي اتكلم فيه هو الرومنسيه
واقصد..الكلام الحلو التغزل الرسايل
البوسات والاحتضان وووووو اشياء كل زوجه تتمناها من زوجها



المهم
اذا زوجك مايعرف هالاشياء الا وقت الجماع فقققط<<<<<<وموذاك الزود بعد:sad_1:
وفي غرفة النوم فقط وفقط
وحتى مو وقت الدوره بس....!
اوقات كثير

كيف تغيرينه؟

لاتقولون انتي ابدي وبادري

لاني انكسرت كثييييييييير......وماتبت مازلت احاول بغصه:tears:
ولمحت كثير وفتحت الموضوع بشكل صريح
تدرون شقال:
قال انتي متأثره بالافلام الرومنسيه اللي تشوفينها
على التي في:tears::sad_1:
واحيان احسه ينقد ع تصرفاتي

وماابي اذكر المواقف ولا افتح المواجع

لكن
نشوف ناس حتى في الاماكن العامه
تحسين بحبهم
مسكة اليد
النظرات
ابتسامة الزوج

شي يخليني ابكي
وابكي بعنف

وهو لاحياة لمن تنادي

انا متمسكه بطبعي
اتلزق....بانكسار....فـ انكسر اكثر احيانا
وش الحيله بزوج الرومنسيه بحياته =صفر

واحيان الاحظه ينبسط لو تغزلت او مدحت شي فيه اقصد يحب الرومنسيه بس مايعترف فيها
بس انا بعد محتاجه القى منه شي

على قولتهم:
كلمه ولو جبر خاطر


انتظر مشاركاتكم بفارغ الصبر
لاعدمناكم​

 

[alfrasha]

نفس المعاناه

 

[dodo88]

انتي قلتيها
لاحياة لمن تنادي
ما يعرفووووووون
عندي وعندج خير
والشكوى لله
الله يصبرنا

 

[RedRose]

اكيد ان الكلام الحلو والرومانسية شي مهم

بس الاهم هو ان الحب يكون موجود حتى لو مو واااضح

هل زوجك يحبك ؟؟ كيف تعرفين ؟؟

يخاف عليك ؟ يحاول يوفر طلباتك ويدور على راحتك ,, يبديك على نفسه احيانا ؟؟ كل هذه اشياء تدل على حب الزوج لزوجته (وانا اتكلم عن الشمالي )

اذا زوجك فعلا يحبك ,, خلاص لا تلحين عليه بانك تسمعين الكلام الحلو

الرجال يطفش من كثر الزن وبالتالي يصير عنده رد فعل عكسي ويصير من داخلخ يعاند لانه يقول في نفسه انا ما اعبر عن مشاعري بالغصب

الشمالي هذا طبعه تقبليه طالما انك متأكدة من حبه ,,

طبعا مو معناها انك تستسلمين ... لا

بس لا تفتحين الموضوع معاه لا تقولين قول احبك او قول كذا

خفيي من طلب الكلام الحلو ,, وفي نفس الوقت لا تتوقفين انت عن الكلام هذا

دايم قوليله حبيبي حياتي ,, دايما اشكررررررررررريه لان الشمالي يحب الشكر

دايم امدحيه ,,, انت حبيبي ,, وانت رجال ,, وانت مافي زيك ,, وانت مو مقصر معايا ,, انت دايم كريم معاي الله لا يحرمني منك ...

الكلام هذا حتى لو ما كان موجود فيه رح يحاول يسويه لانك تقولينها له ,,

ومع الوقت رح يتعلم ان الحياة فيها كلام حلو وشوي شوي رح يقولك بدون ما تطلبين منه

مافي مانع انك بين فترات متبااااااعدة تقولين له حبيبي انا عارفة انك تحبني بس قولي احبك قوليها بدلع الزقي فيه تغنجي ,,, بس مو دااااااااااايم ومو الحين انت الحين لازم تثقليييين ما تطلبين ولا تلحين

والله يخلي لك زوجك ويسخره لك ويبعد عنه بنات واولاد الحرام​

 

[غيمة فوشية]

للاسف حبيبتي هذا طبع الشمالي --------الله يعين

 

[جروووح55]

الف شكر ع مروركم يالغلا

واشكرك اختي ريد روز
كلامك عين العقل
وانا احيان اكون محتاره
يعني لو يحبني ليش ما يقدر رغبتي
ويعبر لي عن حبه بطريقه عفويه

احس انه فيه انانيه
يعني يحب نفسه وبس

ومافيه انثى في الكون الا وتحب تسمع كلام حلو وتحب الدلال
والاحساس بالحب
وتحب تكون اميره وطفله بعين زوجها


الله يعين


شاكره تفاعلكم

​

 

[رحالة ومليت]

هذا ياحبيبتي طبع الشمالي ومـــــازالت المعاناة مستمرة .......
يحس ان هالكلام ماله داعي ويبين حبه بالافعال مو بالاقوال على قولة الشماليين

 

[أنا أمك ياتركي]

يااااااااااااااااااويييييييييييييييييييل قلبي

فتحتوا جروحي والله العظيم ياختي جروح كانك تتكلمين عني لاني انا بعد جنوبية وروووووومانسية لابعد الحدود
لكن مالقيت من يقدرها!!!!
الحمد لله على النصيب....

بس والله حطمتوني يعني مستحيل يجي يوم ويتغير

 

[جروووح55]

ان شاء الله مافيه شي مستحيل
كثر الدق,,,,,يفك اللحام

وانا مصره ع موقفي
ولازم يتغير

بس احتاج توصياتكم
وتشجيعكم
وافكاركم


دمتم بـ ود​

 

[عصفوره جريحه]

يااااااااااااااعمري عليك اقسم بالله لحزنت لك وحسيت فيك لاني اعاني من نفس المشكله
ولكن مرررررررررررره لاحياة لمن تنادي ....
بس من تجربتي مع الشمالي ان اللي يعوده على شي مع الايام يتعود,,,,,,,,,,, اسالي مجرب

اذا كنت ابي اطلع من البيت وهو فيه ,,,,,,,,,,,,, يعني مع اهلي ,,,,,,,,, ابوس راسه او خده او رقبته ,,,,,,,,,,,
والله العظيم بالبدايه انه يبعد تحسين هالحركات ماتستهويه لكن بعدين صار الوضع عادي
وصار في الشهر وحطي على كلمة الشهر مليوووووون خط يعطيني بوسه كذا من دون شي
ويازينها نعمه من رب العباد

اذا جلسنا امسك يده ينزلها ......... مره مرتين عشرييييييين مره لين صار يمسك يدي ويطول

حياتي لا تلزقين فيه خليه اهو كذا مرتاح واكيد يحبك
وانتي شفتي بعينك كلنا مو مرتاحات مع تصرفات الشمالي الغامضه
يعني مو بس انتي

اعجبتني كلمه لفوزيه سلامه//
لو انتي كل يوم بتاكلي كافيار صبح وليل ح تملي صح ولا لا؟؟ فمابالك بالرومانسيه كل يوووووووم
فكرري
واذا غيرك ربي منعم عليه بزوج رومانسي يصبحها ويمسيها برومانسيه
تلاقين اشياء كثييييير ناقصتهم ويفتقدونها و يمكن هي اللي تحلي حياتهم اكثر واكثر الله اذا اعطى الانسان شي سحب منه شي
واذا سحب منه شي اعطاه شي .............. احمدي الله واشكريه (( ولئن شكرتم لئزيدنكم))
صدقيني الحياه حلوه اذا اخذناها بعفويه وعلى الطبيعه اللي اهي عليها
اشغلي نفسك وشوفي كيف بتستانسين
اهم شي تقولين في نفسك هذا زوجي وسنتين على هالحال يعني طبعه كذا هو يحبني بس مايقول
صدقيني ترتاحين لانك لو قعدتي تفكرين فهالشغله بتندمين وبتروح ايامك وزعلك عالفاضي
والله العظيم ويشهد اللع اني كنت كل يوك ابكي كل يوم وانا جالسه وحدي وهو مع اصحابه
او يخش ينام ويتجاهلني واذا جلست معاه يتجاهلني واظن مافي شي يقهر اكثر يوم انه يسولف مع اهله بما لذ وطاب من الحكي وانا ساحب علي يعنيييي لو اقولك عن معانتي كيف كانت ماتصدقين بس الحمدلله اني عرفت ان هاذي طباعه
وبديت اتغير ومن احسن لاحسن باذن الله ........
وخذي مفاتيح السعاده باذن الله ماتندمي
الوضوء وماادراك مالوضوء معجزه
الصلاه
قراءة القران
الاستغفار
شكر الله والثناء عليه على كل شي


اسفــــــــــــــــــــــــــــــــــــــــــــــــه عالاطاله اختي الغاليه
تقبلي مروري

 

[جروووح55]

فديتكم حبوبات

نورتوني

وبالنسبه لي
انا ماابيه يكون رومانسي علطول
عالاقل يقدر وضعي قصدي رومانسيتي

يعي يراعي هالشي
معقوله مالاحظ اني كذا

شي يحطم
والله احيان اقول
ببطل رومنسيه
مثلا ..اني بين فتره وفتره لمااسوي لنا سهره
عالشموع ولوك جديد وووو
لكن ينبسط لحظتها
ثم ينسى

صرت من القهر اقول خلاص انا موب مسويه له شي
ليش اتعب وهو مايتحرك فيه شعره

بس هذا طبعي......مااقدر

يعني ودي بشوي دفعة ..رفع معنويات
عشان يزيد حبي
ويزيد ابداعي<<<<<<<<<اخس ياابداعي

وعالعذر ياما عذرته وياما تجاهلت مشاعري وياما داريت نفسي
وواسيتها

عشانه


الحمد لله ع كل حال
وان شاء الله اقدر اغير شي فيني اولا
ثم اغيره

بارك الله لكم جهودكم
واسعدني مروركم


الله يسخر لي ولكم كل ماتتمنو


تحياتي

 

[RedRose]

قالت الاستاذة ناعمة

والوقوع في الحب،عند الشمالي غالبا ما يأتي متأخرا، لأنه في بداية حياته يكون مأخوذا بالعمل، والتركيز على تحقيق الأمن المادي والإستقرار، لكن بعد أن يطمئن على وضعه المادي، ومنصبه، وغير ذلك، فإنه يبدأ في الإنتباه إلى الجوانب المهملة من حياته كالعاطفة والأسرة،


وحينما يبدأ في البحث عن الحب،يصبح دافئا، مخلصا، وفيا، محبا بصدق،ولا تذهب عيناه بعيدا عن زوجته، إلا حينما تهمل نفسها، وتتوقف عند الماضي،


الشمالي الذي يقضي بداية حياته في العمل، يجعل الزوجة تصبح مهملة لنفسها أيضا، عندما تيأس من حبه، فلا تعود تهتم، وتجاريه، حتى تفقد رونقها، وجمالها، وشبابها، وعندما يفيق لعواطفه يصبح بحاجة إلى امرأة يعوض بها السنين الضائعة، .......!!!


فإن فتح عينيه فوجد زوجة جميلة شابة في انتظاره، اندفع إليها بكل مشاعره المكبوتة طوال السنوات الماضية، وعبر لها بولع واشتياق، وعوضها بكل ما تحمل الكلمة من معنى للتعويض،


لكن إن فتح عينيه، ووجد أنه حينما كان يعمل ويؤسس حياتهما، كانت هي تأكل وتنام، حتى باتت كالجونية، فإنه بالتالي يهرب، صامتا، بلا كلمة اعتذار، ويقتني لنفسه زوجة جديدة، يحسن التعامل مع الأولى، لكنه غالبا لا يعاشرها، لأنه لا يعرف كيف يعيش مزدوجا......


ورغم ذلك فأنا لا أطلب منك انتظاره حتى يطمئن لحياته، لكنني أدفعك لتعلميه ويعلمك،

 

[جروووح55]

روز

يسلموووووووووووووووووووووو يالغلا



تحياتي

 

[القلوب الجارحه]

وانا حبيبتى مثلك زوجى شمالى بس ما شئ الا نصبر عليهم يمكن نقدر انغيرهم مع مرور الزمن

 

[دلووعة]

نفس الحاله:sadwalk:

 

[لافن روز]

نفس الي اعانيه ما اقول الا الله يسخرهم لنا ويلين قلوبهم

 

[رنودة**]

ياعمري لازم تتأقلمي مع طبع الشمالي

يعني لا تتدققي راح تتعبي أنا ياما أرسلت لزوجي رسائل شوق وهيام وغرام

وهو مطنش أسأله عجبتك الرسالة يقول حلوة طيب ليه مارديت عليه يقول ما عندي رسايل حلوة

الشموع لما أشعلها في الغرفة يقولي ريحتها تصدع الراس ههههه

يعني طنشي شوية عشان ماتتعبي

أعطيه جرعات رومنسية بس متفرقة يعني مرة في الاسبوعين كافيه على الشمالي

 

[جروووح55]

الله يعين



اسعدني مروركم

 

[انا وانت وبس]

الشمالي يعبر عن حبه بالجنس والماده والكلام اذا تهياله الجو
بس الغريب انك تقولي ما يقول كلام حلو ما اعتقد الشمالي كذا صحيح ما يعبر كثير بس افعاله وكلامه اذا هيئتي له الجو لا والله بيتكلم وتسمعي منه كلام عمرك ما سمعتيه بس خذيه بالرواقه وطولة البال وخايك جريئه بالكلام ومبدعه بالجنس على فكره مو كل وحده تقدر تبدع بالجنس حتى لو تعلمت وقرات اذا ما كانت طبيعتها جنسيه فراح يبان عليها
خلوا بالكم الرجال اذكياء في هالنقطه مهما سكت بس من داخله عارف

 

[شجن السعوديه]

انا بعد نفس المشكله انا اصلا من زمان بطل بوس وظم وكلام حلو ورسايل لا في غرفة النوم ولاغيرها بس يعاشرني وخلاص حتى مره قلت له كاءننا شيبان وزعل وانا صادقه