لاتستهينون في مشكلتي

[orchied]

بنات ابي ادش بالموضوع على طول
انا امرأه متوسطة الجمال ولكن مهتمه بنفسي وااايد واسعى لأكون جميله
الزبده زوجي دايما يحسسني اني ماني احلى وحده بعينه
ومره قالها لي صريحه في احلى منج وايد
واحيانا في وسط كلامه يمدح وحده من قريباته انها حلوه مثل القمر وفلانه جميييله وفلانه حلوه
وانا والله عمره ماقالي مثل هالكلام
وحتى لمن ازعل واقوله اذا ماني عاجتك او على حسب المواصفات اللي كنت تبيها ليش تزوجتني؟؟
هل كنت بتتحدى نفسك انك تتزوج او تثبت للناس انك تزوجت وسويت اللي عليك
يمكن تقولون موضوع تافه او اني انسانه فاضيه
بس والله يابنات حتى مايناظرني حتى لو غيرت بوجهي او حطيت عدسات مايعرف لانه مايناظرني
ايضا وقت الجماع يطفي اللايت
واذا كانت الاباجوره مفتوحه يغمض عيونه
ولمن كنت اسأله كان يقولي ارتاح
وقلت انت ليش ماتبي تناظرني قال انتي تتهيئين
فوالله ثم والله اني صرت اكره نفسي واكره الجماع احس انه يشبع غريزته فقط بدون مايستمتع او انا استمتع
وايضا يرجع السبب الكبير لاهله حسبي الله عليهم لاراحو حفله رجعوا ووصفوا الحلوات كلهن
وان زوجة فلان مثل القمر وفلانه حلوه
حسبي الله عليهم
دايم احاول الفت نظره اني اذا كنت مااعجبك تراني اعجب غيرك واقوله دايم اذا ماني على مزاجك طلقني وخلني اتزوج واحد يحس فيني ويشوفني ملكه
والله يابنات اني تعبانه وصرت دايم ابكي لمن اكون لحالي استغفر الله والله اني ماني قبيحه ولا سيئه ولكن لييييش اتزوجني
والمشكله عندي منه يهال
ولا كنت زماني انفصلت عنه
وهذا الشي مخوفني انه ممكن يخونني او يتزوج علي
اسفه عالاطاله بس والله مخنوقه ومااقدر اقول حتى لاختي

 

[روح وردة]

فيه رجال كثير نفس زوجك ، يقول كذا يبي يحسسهـا أنه صآحب فضل عليهـا
ماعليك منة وخلك واثقة من نفسك ، ودايم أمدحي نفسك ، وبالعكس لاتحطمين
روحج أبد ..

المنتدى يعج بأفكآر كيف تجعلينة لا يرى غيرك ، واسآليب دهـاء أنثوي
ونتآيجهـا فتآكه ..

ربي يهدية إن شآلله ويسخرهـ لك
قولي آمين ..

موفقة لكل خير​

 

[om abad]

كل اللي اقدر انصحك فيه هو تقربي لله واذا انتي غافله بشي عن رضا ربك اصلحيه وعليك بالدعاء والاستغفار وقيام الليل وصدقيني بيتغير وبترتاحين بس كوني صادقه بالدعاء مع ربك
ربي يوفقك ويجعل زوجك يشوفك كحور العين بعيونه

 

[orchied]

امييين حبيباتي تسلمون لي
والله يجعلني اجمل من الحور العين بعينه ويجعلكن كذلك

 

[المهتمة2]

سلام عزيزتي
ممكن ابدي رايي واقولك
بعض الرجال يحاولو انهم يضغطو ع نسوانهم علشان ماتطلع عن كنفو بس
هم يحبو زوجاتهم
وانا ماني متزوجة بس الحياة علمتني انو لازم ثقتي بنفسي تزيد
وقوليله انو 000
ممكن تلاقي احسن واحلى مني
وممكن تلاقي اقل مني
بــــــــــس زي ماتلاقي طعومة ولزوزة واحب ربي
وبين فترة وفترة البسي احلى شي وتمكيجي
واضربي لابو الشباب الطناش
هيك بشوف امي تعمل وان شاءالله في نتيجة
وضلي غني ودلعي حالك
مو بس لالو لا الك انت اهم شي ولاتنسي الطناش ودلعي حالك
الرجال بدهم يحسو انهم يركدو ورانا
ودمتي لنفسك ولمحبيك ودام محبيك لك
وهاد مجرد راي

 

[orchied]

تخيلوا يابنات انه مره يكلم صديقه ويقوله تعال نروح نتزوج من (بلد عربي) والله الوحده منهم بيضاااا والعيون ملونه والشعر الوان وحتى في اماكن يكون لونها وايد حلو بس استحي اقولك
والله يابنات انه هالكلام بنهار رمضان وانا موجوده معاه بالغرفه
بعدها كلمته بلهجه حاده وقلتله
هذي اخر مره اسمع هالكلام يااخي اذا ماني على هواك طلقني وخذ اللي تبيها
قام يتعذر ويقول والله اني اتغشمر ويا صديقي
والله يابنات اني بكيييت وطلعت من الغرفه ومن يومها وانا بديت اكره نفسي هذا وانا دارسه وقارئه عن تقدير النفس والافكار الايجابيه بس والله كلامه جابني الارض
مااقول غير الله يهديه ويسخره لي بس والله بموت من القهر

 

[orchied]

والله اني مهتمه بحالي واحاول اطنشه باهتمامي بقراءاتي او اطفالي او ترتيب اغراضي او حتى ذهابي للصالون لكن مايشتاق لي ولا يدور علي
احس انه اثبت لنفسه وللناس انه تزوج واجب اطفال

 

[Bashaier]

أقولج شي وما تزعلين مني ؟؟ حبيبتي مشكلتج واضحه

إنتي اللي جبتيه لنفسج .. من كلامج واضح إن ثقتج بنفسج حيل ضعيفة وما تحطين لنفسج قدر ومحسسته إنج أقل منه وفعلاً مو جميلة مع إن مافي حرمة مو حلوة لكن العيب بالشخصية مو بالشكل

لا تناقشينه أصلاً بالموضوع عيشي جو الجمال بروحج وامدحي بنفسج وأوصلي للسما ولا يهمج زوجج ولا رايه .. طنشيه ولا تكلمينه عاجبه عاجبه مو عاجبه ليش متمسك فيج ؟ إنتي جاوبي

إذا شافج حاقرته بيبدي يتقرب لكن مع كثر الزن شوفني وحسسني بجمالي وعطني وجه بيعااااند وبيستانس راح تكون لعبة بالنسبة له

عيشي لنفسج وتزيني لنفسج وخليه براحته وهو شوي شوي بيلاحظ الفرق بشخصيتج قبل شكلج صدقيني

 

[فردوس هوساوي]

الله يفرج عنك



انا كتبت كلام طويييييييل لك واتمسح




بس دوري في هالمنتدى عن موضوع اتوقع اسمه رسالة للشمال



اتوقع انه علاج مشكلتك




موفقة اختي

 

[الخط الفاصل]

أقولج شي وما تزعلين مني ؟؟ حبيبتي مشكلتج واضحه

إنتي اللي جبتيه لنفسج .. من كلامج واضح إن ثقتج بنفسج حيل ضعيفة وما تحطين لنفسج قدر ومحسسته إنج أقل منه وفعلاً مو جميلة مع إن مافي حرمة مو حلوة لكن العيب بالشخصية مو بالشكل

لا تناقشينه أصلاً بالموضوع عيشي جو الجمال بروحج وامدحي بنفسج وأوصلي للسما ولا يهمج زوجج ولا رايه .. طنشيه ولا تكلمينه عاجبه عاجبه مو عاجبه ليش متمسك فيج ؟ إنتي جاوبي

إذا شافج حاقرته بيبدي يتقرب لكن مع كثر الزن شوفني وحسسني بجمالي وعطني وجه بيعااااند وبيستانس راح تكون لعبة بالنسبة له

عيشي لنفسج وتزيني لنفسج وخليه براحته وهو شوي شوي بيلاحظ الفرق بشخصيتج قبل شكلج صدقيني

أنا مع هذا الرأي

تنقصك الثقة بالنفس فقط لا غير خصوصا وإنت مهتمة بنفسك يعني مامنك قصور

 

[مَلآمِحْ حُلمْ]

الله يعينك يا قلبي ​

 

[orchied]

تسلمون ياغالياتي
والله اني احقره بالايام لكن مايدورني ولا احسه متلهف علي
ودايم اقول ان الناس يظنون اني مومتزوجه شكلي صغير
يظحك ويقول انت فرحانه بنفسك
اقول طبعا
ولكن احسه في داخله يضحك علي بالرغم انه هو شكله عادي حتى اقل من عادي ولا هو جذاب ولا به اي شي يجذبني انا له
لا ملابس لاتعطير لااهتمام بالنظافه الشخصيه
فاستغرب من وضعه
احيانا اقول انه مريض نفسي

 

[منامية الهوى]

حبيبتي ممكن اقول لك شغله تخليك توثفين بنفسك ألف بالمئه

ما عليك من الرجال هم يموتون حتى على أقل شي

واكبر دليل انهم يحيون يعاشرون الاثيوبيات وطبعا كلنا نعرف ان الاثيوبيات اقل من العربيات جمالا اصلا مافي وجه للمقارنه بين جمالنا وجمالهم
فحبيبتي خليكي واثقه انه زوجك قاعد يقول كلام مو من قلبه يمكن يبغي يقرهك او من حركات الرجال البايخه بس اهم شي لا تقولين قدامه انك مو حلوه او متوسطه الجمال دائما مدحي عمرك على طوووول

وبث ا
وانشاء نسمع خبر حلو عنج بعد كم يوم يالغاليه

مناميه الهوى .....

 

[Bashaier]

يا حياتي لا تخلينه محور اهتمامج .. مو تمثلين الطناش وبالج معاه

لااااااااااااااااء طنشي بالفعل

ضحكي وسولفي وخلج فرفوشه وإذا علق قوليله كييييفي أنا عاجبه نفسي ليش متضايق ؟؟ وخلي ضحكتج شبر من اهني لي اهني ههههههههههه

الحياة مو تحدي .. عيشيها بسهولة وسلاسة واللي مو عاجبه براحته

وايد شاغله نفسج معاه وهالشي غلط كبير بحقج .. راح تتعبين وماراح توصلين لنتيحة لأن تفكير الرجل غير خصوصاً لما يعرف نقطة ضعفج ويبدي يعاندج فيها حتى لو على سبيل المزح فيكون دمهم ثقييييل

تلقينه يحبج وطاير فيج بس من كثر ما تبينيله ضعف ثقتج بنفسج صار يستغل هالشي فيج عشان ينرفزج حتى لو غشمرة ومن ورا قلبه .. هذي غشمرة الرياييل

 

[الشتاء الدافئ]

اذا جرحك رديها له بنفس اسلوبه عشان يتوب يتكلم قولي من زينك عاد الله اكبر اللي يشوفك يقول ياارض انهدي ماعليك ادي الحين زينك مقطع بعضه يوم تتكلم رحم الله امرءا عرف قدر نفسه..

 

[قلب مجرح]

طااااااااااااااااااااااااااااااااااااااااااااااااااف طااااااااااااااااااااااف
انتى ماعندج شيء يشغلج مالقيتى إلا هووو تهتمين له
مااااااااااااحبيتى نفسج
كشختج عشانه وبس

 

[ام عبد الله 31]

مساء الخير

ياحياتي اول شي وسعي صدرك المشكله في حاجتين فيك اولا وهذا اكيد فيك ثقتك في نفسك ضعيفه ثانيا حساسه بزياده ...

اعرفي وش نمطك ونمط زوجك وتعرفين وش الاختلاف فيه وتحاولين تجنبين الاخطاء وربي ترتاحين بشكل ماتخيلينه ​

 

[حورية البحار]

و بالنسبه لانه يطفي النور وقت العلاقه انا ما اعتقد انه يخص بجمالج او لانج قليلة الجمال و لكن لان فعلاا بعض الرجال ما يستمتعون الا وقت الظلام ياخذون راحتهم و يسوون اللي يبونه و براحه فلا تعتقدي انه من قلة جمالج ؟؟؟؟

 

[3afraa_33]

كل الرجال مثل زوجك بس انتي حاطتها مشكله ..

كلهم مايطالعون كثير في حريمهم ولا يتغزلون فيهم عشان يكون رسمي وله هيبته عندك ومو مثل ولدك ماغير يتلصق ويطالع ويمسك فيك..

لا تسألينه أبداً انا مب عاجبتك وانا مب على ذوقك وليه تزوجتني وووو

واذا على كلامه مع صديقه عن البياض والشقار والوان هذيك المنطقه كلهم يسولفون عنهم بس يتفلون عليهم بالأخير

والرجال يحب يطلع بكل حرمه ميزه وزوجته ما يكلف عمره يمدحها ....

يعني الشقرا يقول لونهم حلو من .... ! والسمرا يقولون حااااره ... والنحيفه والكربوجه والطويله والقصيره ... وزوجته تصير يبضا وتصير حاره وتصير رشيقه وسكسيه وووو ما يمدحها ..ليش يبي يمدحها ؟؟ عشان يكبر راسها عليه ؟! عشان تنتفخ وتوصل السما ...؟؟ اصلاً اهي بالجيب مضمونه ..........احمدي ربي زوجك ما يستخدم اسلوب بعض الرجال الي شغال يحطم بزوجته والله قريبتي جميله يقط عليها مسبات الدنيا خلاها ماتسوى وتمشي مهزوه من كلامه !

 

[دنيا المجد]

غاليتي اتوقع انه اسلوب لنرفزه لااكثر ولا اقل الشي الثاني هو يبغى يحسسك بالنقص عشان اهتمامك بروحك زايد "في قرارت نفسه" بس ماعليك منه سوي الي يناسبك ولا تبينيله ان هذا الشي يضايقك واعلمي انه لوكان مايبغاك او يكرهك ماجلستي معه ساعه في وترى اغلب الرجال ماايعرفون يمزحوووووووون وانتي خذيها من باب المزح ............. الله يوفقك ويسخر لك زوجك ياارب