لاتبخلون عليا بردودكم تكفون طلبتكم

[فوفو الورد]

والله اني ماقصرت معاه وعلى قولهم ابو طبيع مايجوز عن طبعه صبرت عليه وضحيت علشانه خليته شغلي الشاغل عطيته ذهبي وجمعيتي اللي مادفع فيها ولا ريال الحين لمن اقوله محتاجة فلوس يبدا يفتح مواضيع يعصبني فيها مثل سبه في ابويا وانه ماساعده في شي ويسب في خوالي وجدي وانا مشكلتي اذا استلمهم بالكلام اللي يرفع الضغط ماقدر اتحمل وارد عليه فيقول مادام رديت عليا خلاص مالك ولا شي عندي الا اذا سكتي ورضيت بالكلام اللي انا اقوله عنهم وتسبين معايا كمان مو بس تسكتين كل شي سويته على شانه وصبري عليه ديون من راسه الى رجوله كل ماحصل فلوس مايقول اصرفها عليك يجلس يفكر هذه بعطيها اخواتي هذه بجيب فيها هديه لفلانه همه بس يسعد الناس وانا وراء ظهره بالله كيف اتصرف معاه تكفون لاتطنشوني انصحوني يمكن القى عندكم حل

 

[رحـى]

مساكِ كله خيرات و مسرات,,
إستهدي بالله,,
إذا شتم أهلك مرة أخرى,,بإمكانك تقولي له(لو سمحت,,)وإتركيه و إنشغلي عنه,و خلالها
رددي(لا حول و لا قوة إلا بالله,يا رب إنصرني و أكرمني و أرزقني بما أتمنى),,
وخليه يسمعك,,
بالبداية راح يهاوش,بس بعدين راح يحط حد بينه و بين نفسه,إنو ما يغلط عليكِ و لا على أهلكِ,,
وبالنسبة لموضوع الذهب,,إلزمي الدعاء لرب العالمين,إنو يرزقكِ دوماً بلا جُهد و لا مشقة,,اللهم آمين,,
وهذا درس لكِ,ألا تعطيه و تساعديه,وأين ذاتكِ في هذا كله؟!!!,,
ريحي بالك,وماشاءالله المنتدى مليء بالأفكار الحلوة,اللي تخليكِ واثقة من ذاتك,و تصير
حياتك للأفضل بإذنه تعالى,,
وبالتوفيق,,

 

[فوفو الورد]

شكرا لتفاعلك يااخت رحى

 

[معلمة متألمة]

حبيبتي... تعوذي من بليس..

شوفي مابي احرضج عليه...

بس اهلـــج يمسك بريك عنهم... انا طليقي كانوا هلي مايعجبووونه باشياء واجد.. ومب لازم يعجبووونه اهلي غير عن اهله ف كل شي..
وقلت له كلمة ومن عقبهاااا ماعاد ذكرهم الا بخيــــر قلت له والله اذا مب عاجبينك : ترا محد ضربك ع يدك لانهم اختيااارك انت ومحد غصبك انت اخترتهم يكونون خوال عيالــكــ...

انطم وماعاد جابهم الا بخيــر..

ولاتقولين له بعصبية فهميه انهم هلج ونسابته وخوال عياله واي شي ينقال عنهم ترى ينقال عنه..

هدي بالج حبيبتي.. ربي يسخره لج يارب ويهديه​

 

[وقع الالم]

هدا احنا نفني عمرنا عشانهم وبعدين يطعنونا
على العموم ماراح ازيد على كلام اختي رحى واسال الله ان ييسرلكي امورك وان يسخر لكي زوجك