هذي الكيكة من الأخت شذى في منتدى بيت حواء وأنا سويتها وصورتها(( عاد التصوير ماش لك عليه عشان من جوالي)) وبحط لكم طريقتها
المقادير
كوب سكر ناعم
كوب دقيق ( كويتي )
2 بيضة
1 ملعقة صغيرة فانيليا
1 ملعقة شاي بكنغ بودر
نصف كوب حليب سايل مغلي
1 ملعقة زبدة ثمن أصبع تقريبا
رشة ملح
الطريقة
نسخن الفرن قبل البدء بالخلط
نضع البيض والسكر والفانيليا في خلاط الكيك
ثم نتركها حتى تمتزج جيدا ويرتفع ويصبح مائل للبياض
ثم نصب الحليب المغلي مع الزبدة بالتدريج
ونتركه يمكن دقيقه حتى ينفش
ثم نضيف الدقيق والبكنغ بودر والملح بالتدريج ونخلطه على سرعة هادية
نكون مجهزين قالب بايركس او أي قالب مدهون بالزيت
ويكون مقاسه 22×22 سم
نضع الصينيه في الفرن الساخن على نار هادئه في الرف الوسط
ونتركها حتى تستوي من تحت ومن فوق
ثم نخرجها ونتركها تبرد قليلا
التزيين حسب الرغبه
أنا مسحتها بشوية شيرة ورشيت جوز هند وصاحبة الكيك حطت مربى وجوز هند أو شوكولا بيضاء
بس انتبهوا خلكم جنب الفرن عشان ماتحترق من فوق
أول مرة أنا احترقت من فوق وصارت عجينة من الداخل بعدين المرة الثانية لما حمرت من فوق طفيت وخليت من تحت بس وأشوى ماطلعت عجينه واللي تجرب من تحت بعدين من فوق تقولنا وش النتيجة
وبالعـــــــافــيـة
