كيف نتخلص من عشق الجنوبي لأهله

[زين الورود]

السلام عليكم
زي ماكتبت في العنوان كيف نتخلص من عشق الجنوبي لأهله ؟
مثلا أنا اليوم طلعت مع زوجي للسوق وكنا راح نتعشى في مطعم
شوي اتصل خاله قال أبيك تخدمني في شغله ألحين ضروري طبعا رجعني البيت بسرعه وراح لخاله ؟؟طبعا أنا سكت وسويت نفسي عاديه وقلت ماراح أقول له شي حتى استشيركم ؟؟
نعرف أن الجنوبي يحب أهله وأقاربه بس كيف نخفف من هاذي العاده عندهم ؟ انتظر ردودكم والله استفدت منكم كثير..

 

[دلع قلبه]

اذا عشقك بينسى قبيلته كلها
خليه يحس بالمتعه والمرح معاك
وفري له اكبر كميه من الوناااسه
وبإذن الله ماراح يلتفت لغيرك من تجربة..
ونصيحه مهمه سوي ان الوضع عااادي ولاتنكدين عليه ولا على نفسك
بعد بفترة كم يوم مثلا حسسيه بشوية تأنيب ضمير بدلع
ابغاك تعوضني عن الطلعه اللي انقطعت وانتي وذكائك
وقتها بيعوضك بإذن الله وبيحس بتانيب ضمير فيبطل يعيد هالحركة مره ثانيه (؛

 

[آوتار الحزن]

الجنووبي يحب المرررح رالوناااسه وحلو السوالف
بكذا تشدييينه ويخفف ع اهله

مثل جنوبيي

 

[رمش هيمانة]

هو يحب هالدور ...دور المنقذ ...المسعف ...ماله حل هالنمط ...يرفع ضغغغغغطك وينزله بحركاته


حتى لو تشديه لجو الوناسة بيرجع لعاددته اهم شي كوني ضد الصدمات الفجائية ...خخخ...

واذا فكرتي تعاتبيه او تتهاوشي معاه بيلجئ للكذب عشان يسعف ممن تبقى من اهله واصدقائه

يعني حطي اعصابك بثلج مثلج..وعاقبيه بالحزن انا متضايقة انا محتاجة وانتي ودهائك بالافكار..وهو بيأنبه ضميره وبيعوضك

اما سالفة يتخلص انسي لانه شديد الالتصاق بعائلته مايقدر خخخخ..تدرين متى يتركهم اذا صرتو عائلة بينشغل فيكم

 

[زين الورود]

شكرا الله يعطيكم العافيه

 

[الحياهـ ماشيه]

..رمششششش هيماانه صح لسسانك
ماله حل
حتى لو ايش
بيبقون اهله
انا خلالالالالاص فقدت الامل بهالشيء

 

[خفايا الروح)]

مرحبا
استفدنا شكرا

 

[ام لموووو]

طيب حلو يحب اهله -اللي مافيه خير لاهله مافيه خير لزوجته شجعيه على وصاله لاهله

 

[زين الورود]

صح شي حلو يحب أهله بس مو كل شي على طول وكمان على حسابي أنا ..

 

[رندا كووول]

الله يهديك يعني تقطعيه من اهله..
ترضي لزوجة اخوك تقطعه عن زيارته لاهلك ومساعدته لكم اذا احتجتوا مساعده..
المفروض تشجعيه على مساعدته لهم
لان اللي مافيه خير لاهله مافيه خير لبنت الناس ..
ولكن لاتتنازلي عن حقوقك او يعوضها لك ف وقت اخر
ربي يسعدك ويسخر لك زوجك

 

[زين الورود]

بنات لاتفهموني غلط أنا ماقطعته عن أهله بالعكس أصلا هو الوحيد اللي يساعد أهله من أخوانه وعلى فكره خاله ولد شباب عمره ثمانيه وعشرين بس هم عشان متعودين عليه في الفزعات صاروا يتصلون عليه في أي وقت إن شاء الله يبغاه يجيب له عشاء بس يتصل فيه جيب لي عشاء ... أنا أقصد حاجات تافهه يتركني ويروح لهم و يأجل مواعيدي لعيونهم ...
يعني لوحالة مرض أو حاجه خطيره أنا ماراح أقول شي بالعكس راح أخليه يروح
فرقوا بين ضروري وبين بس كذا والله تعبان شوي توي جاي من الدوام تعال جيب الشي الفلاني من هناك... وشرايكم

 

[شمعه أمل]

خلييييييييييييه يعشقهم والله يابعد فتره يمل ويرجعلك بس لاتشغلي باااالك