كيف تعرفين ان زوجك يحبك؟!

[ملكة الشوق]

كيف تعرفين ان زوجك يحبك؟؟

كيفكم يا أميرات المنتدى انا اليوم حبيت اطرح عليكم موضوع بسيط جدا الهدف منه هو المناقشه هذا الموضوع هو (( كيف تعرفين ان زوجك يحبك ؟ )) يعني في بعض من الاميرات الله يهديهم ما يعرفوا او ماينتبهوا الى بعض تصرفات الزوج الي تدل على محبته لزوجته دائما ينظرون للتصرفات الشينه الي تبذر منه فأنا اتمنى من كل أميرة من أميراتنا تكتب اي موقف صار لها من خلال هذا الموقف عرفت ان زوجها يحبها فعلا .. لو شو ما صار من بينكم .. صدقيني لازم في موقف ويمكن انتي ما انتبهتي ..

انا راح ابدأ اول..... الموقف الي صارلي هو اني مره كنت مريضة واعتقد اني كنت محمومة وطول الليل كنت احس به مش مرتاح في نومته وكل شوي كان يتحسس ويهي وأيدي وكل شوي يبوسني على راسي وكان خايف وااايد علي خاصة اني مرضت بعد خلاف بسيط كان بينا .. وانا كنت نايمة بس طبعا مثل ما كنا نعرف الواحد يوم يكون نايم حاسة السمع والشم تكون عنده شغاله يعني يحس باللي يصير حوله .. فحسيت به انه وااااااااايد خايف علي واني يحبيني وهالشي ريحني وااااااااااااااااايد

وفي حركة في بداية زواجنا وااايد كان يسويها اما ألحين بين فترة وفترة تحسسني انه يحبني وهي
ان يمسح خدي بكفه وبعدين يبوس كفه .. وكل ما يسويها استانس وااااااايد..

يالله يا بنات شدوا الهمه وكل وحده تكتب مو تدخل وتطلع خلونا ندردش ..
أنتظر تفاعلكم معاي ..

:icon26: ملكة الشوق:icon26:

 

[إيمان القلوب]

الله يهنيج ووفقج مع ريلج والله وااااااااايد احب افكاركم لأنها صدق مفيده وإنشاءالله تنفع الجميه يارب

 

[هدهد]

الخلاص وغيره لا

 

[فتاه]

موضوووووووع حلووو بس الحين انا مو مذكره شئ
هههههههههههههههههههه
بس الموضوع روووووووووووووعه

 

[عـسل]

حلو الموضوووووووووع

انا نفسك كنت تعبانه ومعاي مغص قوي كان بالدوام واتصل لقاني تعبانه

وجاء بسرعه واخذني المستشفى

طبعا"هناك عطوني مهدئ

بس الحلو انه طول ما انا تعبانه وهويمسح علي ويمسك ايدي

وشكله مهموم وخايف ويمشي رايح جاي ويرجع يجلس حسيته موعارف شويسوي من الخوف علي

عمري ماراح انسى تعبير وجهه

 

[بنوته 18]

في سالفة الخوف وانا تعبانه والله يخاف بقووووووه بس حسيت انه شي طبيعي =)

 

[شمس زوجي]

يوم كان فيني طلق شفت بعيونه دموع

وطلع من الغرفه قال انا ماتحملى اشوفك بهالوضع

وصلني خبر من امه انه كان يبكي لما سمع اني اجهضت وخسرنا

طفلنا :tears:

احلة شي يكون بين الزوجين الرحمه وهي تجي من الموده

والمحبه:shiny:

والله يخليه لي ويسخرلنا ازواجنا

.........................................................

 

[لازورديه]

الله يحفظه لي.. يوم يسوي شي غلط.. يعني مثلا يتاخر .. برا مع اصحابه..

او يسوي شي يغلط.. يتم يطالعني.. ويكون مترقب.. وتحسين من نظراته..

انه خايف علي .. مايبيني ازعل.. وبس

 

[إحساس برئ]

عجبتني حركه زوجك ماشالله الله يخليلك هو ويسعدكم ويوفقكم انا ما اعتقد انه زوجي يحبني ولا واحد في الميه

كلمه الطلاق دايما على لسانه على اتفه شي ودايما يقولي اذا تبين ادور لك واحد غيري تتزوجينه بلا في احد يحب زوجته يقولها دا الكلام ارجوكي ردي علي والله ذكرتيني بالجرح اللي احاول انساه الله يوفقك ردي علي ممكن يكون يحبني

 

[ناادرة]

الخلاص وغيره لا

هدهوده مافهمتك؟؟؟؟

 

[ناادرة]

عجبتني حركه زوجك ماشالله الله يخليلك هو ويسعدكم ويوفقكم انا ما اعتقد انه زوجي يحبني ولا واحد في الميه

كلمه الطلاق دايما على لسانه على اتفه شي ودايما يقولي اذا تبين ادور لك واحد غيري تتزوجينه بلا في احد يحب زوجته يقولها دا الكلام ارجوكي ردي علي والله ذكرتيني بالجرح اللي احاول انساه الله يوفقك ردي علي ممكن يكون يحبني

عزيزتي اذا قال هالكلام لااااااااااااا تسكتين قولي انا متزوجتك ماااااااااابي غيررررررك

 

[حنين الدموع]

لما يصير شي للعيال مثلاولدي مررة طاح على برطمة ونجرح وطلع منة دم وهو كان بينام شافني حايسة مع الولد قام وجلس مع الولد ويهدية عني لاني كنة خايفة علية وهو يهديني يقول حصل خيير بسييط لاتخافيين وكل شوي يحالول يهديني واكثر شي انة لما يزعلني يلاطفني كثيير ويقول لي احبك ويحظني بجد احس بحبة واستانس كثيير وفية موااقف كثييرة بس مو متذكرة الله يخلية ويحفظة

 

[إحساس برئ]

عزيزتي اذا قال هالكلام لااااااااااااا تسكتين قولي انا متزوجتك ماااااااااابي غيررررررك

الله يعطيك العافيه والله قلت له بس مافي فايده يقولي انا كدا عاجبك عيشي معي مو عا جبك روحي بيت هلك لا تقولين طيب روحي ما اقدر عشان ظروف واهم شي اني احبه حب ما تتخيليه
افكر فيه ليل ونهار ليش يسون فينا كذا

والله فرحتيني بمرورك الواحده فينا لما تلقى واحده ترد عليها تفرح

الكلمه الطيبه صدقه الله يحقق لك كل امانيك ويسعدك ويوفقك

 

[اميرة الورد**]

عجبتني حركه زوجك ماشالله الله يخليلك هو ويسعدكم ويوفقكم انا ما اعتقد انه زوجي يحبني ولا واحد في الميه

كلمه الطلاق دايما على لسانه على اتفه شي ودايما يقولي اذا تبين ادور لك واحد غيري تتزوجينه بلا في احد يحب زوجته يقولها دا الكلام ارجوكي ردي علي والله ذكرتيني بالجرح اللي احاول انساه الله يوفقك ردي علي ممكن يكون يحبني

يمكن انك تنتقديه والا تقارنيه بأحد تاني اذا كنتي كذا ضروووووري تبطلي ذا الكلام نهائياً
دائماً امدحيه على كل شي ايجابي يسويه وقولي له مره الله يحفظك لي ...مره الله لا يحرمني منك ...الخ
وطنشيه شويه يعني اذا كنتي من النوع اللسقه ابعدي عنه وانشغلي بنفسك يمكن هو يسوي كذا عشان انه ضامنك في الجيب وشايف انك ماتقدري تبعدي عنه
ولمن يقولك ذا الكلام جربي انك تطنشيه ولا تقولي له شي بس بييييني بملامح وجهك انك زعلانه منه وكلامه جرحك
الله يهديه..

 

[شموخ الغدر]

احساااااس برئ الله يحنن قلب زوجك عليك
ويحس بقدرك وحبك له ياااااااااااااااارب :sad_1:
ولاتنسين الدعااااااااااء :bigsmile:

 

[ماريز]

يعطيك العافية عالموضوع
حسيت بحبه لي يوم انا اطلق بطفلي الثاني وكانت عيونه كلها دموع
يسعدك الله ذكرتيني بموقف حلو وأنا مرة متضايقة اليوم منه وخليتيني ادعي له

 

[طهر الغيم]

الله يخليك له ويخليه لك الدعم المعنوي و اكبر دليل على الحب

 

[غلا الاحبه]

اه ياقلبي
ذكرتيني ايااام ماكنت عروووسه لما تجيني الدوره الله يكرمكم اتعب مرررره من المغص
فكان زوجي ينيمني في حضنه ويحط ايده على بطني ويقرأ عليها0
لكن دحيييييييييييين نسيناااااااااا

 

[روز..]

شكرا ع موضوعك وانا كمان اذا مرضت مره يخاف ياعمري عليه

 

[حبيبة زوجهـا]

انا بصراحه مو مبالغه كل يوم يمر احس انه يحبني اكثر واكثر موقف للحين ببالي واحنا بشهر العسل تعبت وكنت مره تعبانه وطول الليل سهران معي ما غفت عينه واذكر مره صخنت وكنت تعبانه مره وكنت احس اني نايمه وماني نايمه بنفس الوقت ماحسيت فيه الا وهو يسوي لي كمادت بارده عشان تنزل الحراره وجلس للصبح مانام مع انه وراه دوام وراح العمل وهو مواصل وبعد انا تزوجت وجلست سنتين ماحملت هي الفتره قصيره بس كنت متشوقه اني احمل المهم كان السبب مني وكنت ابكي المهم قالي كلمه ما انساها قال اذا انتي معاي مايهمني اي شي ثاني والحمدلله ربي رزقني بعزوز ويوم جاني الطلق ودخلت المستشفى كان قلقان وكل شوي يدق علي ويطمن حتى اخوي يقول يوم شفته حسيت انه قلقان والدمعه في عينه
مواقف كثيره احس انها يموت فيني الله يخليه لي ولا يحرمنا من بعض