كيف الوحده تتصرف بكبرياء ؟؟؟؟؟؟؟

[الـنـون]

مبارك عليكم الشهر يا احلا بلقيسيات :32:

عندي سؤال ؟

كيف الوحده تتعامل بكبرياء ؟

لانه شكلي فاهمه الكبرياء خطأ :30:

وخطيبي قلب تصرفاتي علي :30:


بليز كل وحده تدخل تضرب مثال عن التصرف بكبرياء


عشان توصل الفكره ..

 

[كيوت حدي]

يعني انجرحتي من شخص تكـابري بانك ماتبين له انه انتي مجروحه

وانتي العكس بس ماتبيني ووجالسة تداوي جرحك وهو على باله انه انتي ناسية ومو هامك الموضوع

مثال اخر

قالك بيعطيك فلوس قلتي لاء لانه عزتك نفسه وكبريائك مايسمحولك

​

 

[زهـــور]

الكبرياء في نظري تكون لما ما ترضين تذلين نفسك لأحد مهما كان غالي
إذا غلطتي إعترفي بغلطك وعدليه بكل شموخ و مسؤوليه
وإذا ماغلطتي وحب يطلعك غلطانه أو هو يغلط وأنتي تراضين وهو يجرح وأنتي تسكتين
أو يمنع حقوقك و يبي تتنازلين أو يطالبك تعطين بدون حساب وتقومين بواجباته وواجباتك
فوضحي له وجهة نظرك بكل رقي و هدوء وبإسلوب مقنع و حددي له بالضبط اللي ترضين تسوينه و اللي تبينه و اللي تسامحين فيه واللي ماتتهاونين فيه وليش ما تتهاونين في هالشئ
يعني عطي اللي عليك وطالبي باللي لك

 

[لطوفه]

منكم نستفيد..

 

[الـنـون]

الله يعطيكم العافيه

 

[سأملك قلبه]

كلام جميل ولكن الحياة يبغى لها تنازلات والكبرياء لاتنفع مع كل الرجال

عزة النفسي حلوه والثقه بالنفس مطلوبه لكن الكبرياء بمعناها الواسع متعبه
لان تجيك لحظات في الحياة تضطرك تنحنين لها مثل انحناء الاشجار امام الرياح

وجهة نظري تحتمل الخطا والصواب
بالتوفيق