كيف اقدر اطلع عكس اللي فيه

[لطايف]

اكتشفت ان زوجي متزوج عليه من سنتين و قريب حرمته بتربي بطفلها الثاني و المشكلة فية مب قادرة اعيش مع هالواقع و الله العظيم تعبت ما ادري كيف اتاقلم يوم فوق و عشرة تحت ودي اكون قوية ..اطنش و على فكره انا وايد ناجحة في وظيفتي و عيالي الحمدلله بس مقهورة وانا مب مقصره في شئ ؟؟؟..شوري عليه كيف اكون امراه حديدية و ما اقول الا حسبي الله و نعم الوكيل:surrender:

 

[دلـوعـه]

الله يعينج يالغاليه

 

[أمل كبييير]

شو بنقولج يا اختي والله هالموضوع سار منتشر واايد والقهر ان الريال يخش كل هالمدة و يكون طبيعي لا كأنه ساير شي
انزين يا حبيبيتي كل هالفترة وانتي ما حسيتي باي تغيير
اكيد ببين عليه
او انج مثل ما تقولين مهتمه بشغلج فقل اهتمامك فيه بالتالي ما لاحظتي اي تغيير
وهل اعترفلج ولا عرفتي بالصدفه

وعلى كل حال اذا كان مو مقصر معاج ويعاملج زين تقبلي الوضع ترى ما سوى شي حرام
اعرف الموضوع صعب بس والله عندي صديقات مروا في نفس موقفج بالضبط بس عرفوا بسرعه وتعبوا وااايد لكن مع الوقت النفس تهدأ
اهم شي يعدل وتعامليه كانج الوحيدة اللي بحياته وتركزين جرعات الحب والتجديد في العلاقة الجنسية
مع اني اعرف انه صعب بس شو تسويين عشان تحافظين على بيتج وعيالج وحب زوجج حتى لو متزوج فانت الاصل واكيد مكانتج مو مثل غيرج
والله يصبر قلبج

 

[عزيزة نفس]

من سنتين متزوج وما تدرين شلون تصير هذي :c028: وايش تقصدين بيوم فوق وعشرة تحت مشكلتك يبيلها توضيح

 

[عنقود عنب]

اختي لطايف

كان الله في عونك

لكن اكتبي اكثر عن نفسك

يعني كم سنه لكم متزوجين

كيف كان يتصرف معك اثناء زواجه وقبل لا تعرفي عن زواجه

هل هو من اخبرك والا انت اكتشفتي لوحدك

كيف كانت ردة فعلك لما عرفتي

تحياتي

 

[شغاف]

لا أملك لك إلا ان ادعيلك الله يشرح صدرك وبعد عنك الهم والغم


وادعي لنفسك ان يخفف الله عنك الغيرة ورددي (( اللهم لا تجعل زوجي اكبر همي ))

 

[الجوووري4]

عزيزتي لطايف ..
الله يعينج ... اصبري مافي فااااايده من ان يتركها .. خاصة ان عنده صار عيال .. وبيظل مقيد فيها و في عيالها حتى لو طلقها ...
تأقلمي مع حالج ... واهتمي بنفسج عيييييشي حياتج و حبي نفسج ... ترى العيب مش فيج ... ولا فيه ... العيب في الأخت اللي قبلت تكون جناح ثالث لطير طليق ... وجود هالجناح شلّ حركة الطير .. و عرقل طيرانه .. ولا عاد هو طير و لا قدر يطير بل صار محط شفقة اللي حواليه .. اتمنى تكةني فهمتيني ...
قلبي دايما معاج:in_love:

 

[c2005c]

احتسبي واصبري وابشري برضا اللة

 

[البسمه]

لا حول ولا قوة الا بالله العلي العظيم
آمني بالله واحتسبي وتأكدي ( ان الله مع الصابرين ).

 

[زهرة البوادي2006]

اختي تقولي انك قويه فكوني قويه ولا يغلبك الشيطان بافكارة حاولي ما تفكري واشغلي نفسك والله يوفقك

 

[ام حبايبها]

الواقع إلي إنتي فيه يقول إنه متزوج ومعاه عيال ..
بغض النظر عن كيف أتزوج ولا كيف .. حاولي قدر الإمكان تتغلبي على ضيقك لآنه بتتعبي كثير ..

وطالما هو عادل في تعامله معاكم وما هو مقصر معاكي .. ويحبك فأكيد إنك غالية عليه ..

لما يكون عندك أشغلي نفسك بيه وريحيه ولما يروح عنك إهتمي بنفسك أكثر ..

ما أقولك اتناسي زوجته الثانية ( لآ) لكن اعتبريه لما يروح عندها مسافر .. فكري بس كيف لما جي عندك كيف بتكوني ليه .
( مبتسمة دائماً - حنونة - قريبة منه - مومقصرة في أي من واجباتك ) وصدقيني الله بيزيد عزيمتك وصبرك وبتصيري قويه ..
وكل ما وسوس لكي الشيطان بأفكار تحزنك روحي صلي وأسالي الله إنه يقويكي ويعينك وقومي بأي عمل يفرحك .
( أهتمي بنفسم - زوري صديقاتك - إهتمي بعيالك ) وبتشوفي بإذن الله الفرق ..

دعواتك لي بالخير .. والله يوفقك .. :icon26:

 

[ام حبايبها]

مشاركتي وين راحت ما لقيتها

 

[شفافة الروح]

اذا اردت ان تنسى حبيبك المليح..................................فتذكر له كل قبيح