كيف اقدر احب زوجي

[عاشقى لأمي]

السلام عليكم..

شخباركم صبايا...

صبايا بصراحه انا مكتوب كتابي صار لي 6 اشهور لانه زوجي عنده دوره خارج الدوله ويوم بيخلص ان شاءالله بنعرس...

المشكله انا للحين ما احبه.. اقول له حبيبي ومن هلكلام بس ابدا مااا اطيقه بس مرات عادى اتقبله واجلس معاه وبس اكثر شي اكرهه ما احبه... مادري شو اسوى اصبر ولا كيف

حتى هو يكلمني يقولي انتى مرتاحه مني ولا لاا ويقولي انتى تحبيني ولا لاا بصراحه انا ما اجاوب ... بس اقول له شو هذا السوال الغريب... مادري شو اسوى هو طيب وحبوب معاي ومب مقصر بس انا ما اقدر اتقبله ومرات اقول لا حرام بس مادري شو الحل...

ابغي احبه بس مب قادره ....

 

[دانة الشام]

والله عزيزتي محتارة شو قلك؟؟؟يعني إنتي استخرتي قبل ماترتبطي فيه؟؟في سبب معين مخليكي ماتميلي لخطيبك,,,شكله مثلا طريقة حديثة أفكاره أسلوب حياته ؟؟يعني لازم يكون في سبب!!!6 شهور كافية لتختبري عواطفك ومشاعرك...استخيري ربك مرات ومرات واستغفري كتيييييييييييييييير وادعي ليل نهار وتحري أوقات الاجابة ثم اجلسي جلسة مصارحة مع نفسك اذا فعلا فعلا مسسسسسسسسسسستحيل تتقبليه حرام تظلميه معك وتظلمي حالك كمان ....خليه يرتبط بوحدة تحبو وتتقبلو بكل مافيه,,,وإنتي كمان اذا شاء الله بترتبطي بشخص قلبك بيميل إلو وبيتقبلك بكل مافيكي...وربك مقلب القلوب سبحان الله من وقت لآخر يخلق الله ما لاتعلمون لذلك واظبي على الدعاء...الله يخترلك الخير ويلهمك الصواب ..

 

[ام العنود1]

استخيري انا اعرف وحدة ما حبت زوجها بداية حياتهم والان يسوى عيونها تموت فيه لان بعض النساء ماتسلم قلبها بسرعة
بس نصيحتي لك ان كتب الله وتزوجتيه انك تعاملينه معاملة حسنه وماتبينين انك كارهته لان الزوج ماينسى هذا الشئ لك ويتذكره طول عمره

 

[غنوٍجة زٍوٍجهآ]

حبيبتي آسمعي..

آنـــآ كنت مثلكـ بآلضبط كتب كتآبي دآم مدة ست آشهرٍ ومآكنت متقبلته آبد واحياناً آكون معه عادي مثل شعوركـ تجآه زوجك بالضبط..
لدرجه جت فتره فكرت بآلآنفصال
بس بعد الزواج تغير كللل شي انا اللحين لي سنتين ونص زواج واموت في الارض اللي يمشي عليها شوفي ببداية حياتنا كنت باقي مو متقبلته حيل بس مع العشره طآح الحطب وصرت وربي اعشقه وآفكر وشلون كنت غبيه مآقدرت اتقبله بذيك الفتره ومآعشت حلآوة فتره الملكه مثل البنآت
اذا هو زين وآخلاقه زيــنه ويحبك لاتترديين حبيبتي واكيد انصحك بالاستخااره والاستغفار والله يكتب لك اللي فيه الخير
ماحبيت اطلع بدون ماارد عليك والله

 

[ندى 1983]

اسسسسسسسسسسسسستخيري رب العالمين

 

[بسبوسة جدة]

لا تستعجلي حبيبتي الحب ياتي مع العشره

 

[توتي فراولة]

لا ياحبيبتي

نصيحتي انج ماتتسرعين

اول شي حسبي حسناته

ومقدار حبه لك

ترى احنا في وقت اللي يابخت اللي يحبها اكثر من ماهي تحبه

اذا حبك بيدللك وبيخاف عليك

شوفيه وشوفي مقدار شفافيته معاج

ولا تخسريته

ترى الريايل مو بالساهل هالايام

وغيرج يتمنى لو اقل منه

بس تنستر

الله يحط محبته في قلبج

ويوفق مابينكم آآآآآآآآآآآآآمين رب العالمين

 

[صدق العطاء]

أنا مع توتي فراولة

تعوذي من الشيطان وعصفور باليد ولا عشرة ع الشجرة

إذا كان شاريك ويحبك فهذا من فضل الله عليك

احمدي ربك واشكريه ولا تتبطري

أخاف تلاقين غيره وتندمي

اختي الحبيبة :إللي تعرفه أفضل من إللي ما تعرفه

نصيحة لوجه الله

توكلي على الله وتزوجيه والله يحببك فيه

دمتي بحفظ الرحمن

لاتنسي ذكر الله​

 

[عاشقى لأمي]

لا بلعكس شكله ماشاءالله حلوو واحلى عنى بعد ^^ لانه الكل يقولي روجج احلى عنج...

والله مادري مشكلته يدلع مرات .. ماعليه بحاول انا اغير اشوي من طبعي وافكر بشي الحلوو فيه

ومشكورين بنات والله ريحتوني بكلامكم.. وربي يكتب إلي فيه الخير ان شاءالله ويوفقني معاه واقدر احبه

لاني فاتحت امي بلموضوع وعصبت لانه ولد خالتي وهو تحبه وما ترضي عليه...

(اللهم إني استودعك قلب زوجي وبصره ولسانه وفرجه فحفظه لي يا من لا تضيع ودائعه) اللهم امين