كيف اعرف إذا زوجي يستخدم الشات

[flashah]

انا شاكة ان زوجي يستخدم شات في التيليفون ويكلم بنات كيف اعرف إذا فتشت تيليفونه إذا يكلم ولا لا .
الله يخليكم اللي يعرف يرد علي

 

[أبرار سالم]

في شات بالتلفون أنا أول مره أسمع عنه ...!!

 

[نافله]

أنا بعد اول مره اسمع انه في شات في التلفون

 

[أبرار سالم]

لا من جد أسأل في شات بالتلفون لأن زوجي عنده 3 خطوط الله يستر

اقولكم مره سالفه قبل لا أدخل عالم النت كنت أشوف الشريط اللي بالتلفزيون
يقولون عنه الشات بس أنا ما أعرف شنو قصته فأرسلت كلام نوع من التجريب
أو خلنا نقول فضول بعدين اللي بالشات قام يردون علي وأنا أنحرجت :blushing:
ما تجاوبت معاهم وتركتهم ،، الصراحه ناس فاضيين وضيعون فلوسهم على الفاضي
سبحان الله ناس تدور اللقمه وتموت من الجوع .......وناس تلعب بالفلوس لعــــب ..!

وشات التلفون شنو قصته والله تأذينـــــــــــــــا.. زمن الفتن أعوذ باللــــــــــــه

 

[هدوءالقمر]

أختي من غير الشاة اللي بالفضائيات فيه دردشات بالجوال
دايم تجيني إعلانات بالجوال اشترك ودردش مع اصدقاءك

لاكن مانقول إلا (اللهم اكفنا شر الفتن ماظهرمنها وما بطن)

 

[كلي هموم]

انتي منزله هذا الموضوع بمنتدى ثاني وزي ماقلتلك لاتشغلي بالك والفاتوره يطلع فيها قيمه المسج 3 ريال لكل مسج او اكثر

 

[نافله]

أختي اتصلي على مكتب الأتصال حسب بطاقة زوجك تابعه اي شركه كأنك تبين هاي الخدمه وهم مابيقصرون

 

[هزي يانواعم]

انصحك لا تنبشين ليه تحفرين قبرك بيدك افرضي عنده شات ايش بتسوين يعني اذا في شر بيسويه مهب مشورك ياحببتي تعوذي من ابليس اشتري رحتك دعي الخلق الخالق

 

[رااايقه]

السلام عليكم ورحمه الله ...........وكل عام وقلوبنا انقى,,,,,,,,

حبيبتي...flashah -قبل ماارد عليك أو أعلق على كلامك بقول للاخت (هزي يانواعم) يسلم بوءك على راي اخوانا المصريين.
بعدين يا flashah -الله سبحانه يقول_________________المائدة (آية:101):يا ايها الذين امنوا لا تسالوا عن اشياء ان تبد لكم تسؤكم وان تسالوا عنها حين ينزل القران تبد لكم عفا الله عنها والله غفور حليم

وأنا اقولك خذي الراي من اصحاب الخبره ‘ والمثل يقول -أكبر منك بيوم اعلم منك بسنه -وانا متأكده أني اكبر منك على الاقل بعمر الزواج....
والله يوفقك لما يحبه ويرضاه....

 

[flashah]

شكرا وما قصرتوا بس انا اعرف انه يخوني وهو ما يعرف لا تخافون ما مبينه له اي شيء ولا كاني اعرف ، مع انه في تيليفونه اكثر من عشر ارقام اتصلت بهذي الارقام من تيليفون عمومي وكلهم طلعوا لبنات يعني هذا التيليفون للمغازل بس ، .
تعرفون مسلسل ابلة نورة زوج مدرسة الكمبيوتر والله ما ادري شو اسمها زوجي مثل زوجها عنده تيليفون في السيارة وما يدخله البيت مكالماته السرية كلها في السيارة وانا طبعا اكتشفت هذا الشيء في بداية زواجنا واستطعت ان امتص الصدمة ، وهو ما يعرف اني اعرف شيء ، واعرف انه منهم عشيقات مب عشيقة وحدة ، بس خاطري اركب في سيارته جهاز تسجيل عشان اراقبه واعرف اوقف مخططاته معاهم فهمتم علي . وخصوصا انه من اسبوع مركب في السيارة مخفي كامل يعني اكيد بيركبون معاه في السيارة .
لا تخافون علي انا قوية بس ابغي احتاط لنفسي بحيث اوقف مخططاتهم
على فكرة اللي يعرف وين ينباع كرت مراقبة المكالمات اللي ينحط في التيليفون وايد بيساعدني.
واللي يعرف وين ينباع جهاز تسجيل اللي يسجل اول ما الواحد يتكلم بعد وايد زين .
انا من الامارات .
لا تخافون انا من النوع الهادي ومب متهورة في تصرفاتي يعني باردة ، ومثل ما قلتوا اللي بيسوي الغلط ما حد بيوقفه ، غير خوفه من رب العالمين.

 

[flashah]

واللي قاهرني هذي الايام انه في وحدة صايرة تطرشله مسجات على تيليفونه اللي في يستخدمه في البيت ، بس كل المسجات تنمسح بعد ما تطرش مباشرة، زوجي محتاط مع انه قافلنه برقم سري ، واناعارفه رقمه السري واشك في المسج اللي واصلتنه وافتحه وهو في الحمام بس اكتشف انه ماسح المسج .

 

[عبقرية منسية]

الله يكون بعونك ويساعدك على التخلص من هالفتن انا عندي لك خطة وهي انك تركبين معاة السيارة انت وعيالك وتخلينة ينز ل منها لاي سبب مثلا عند الدكان يشري ماي بعدين خوذي الجوال وارمية في اي مكان علشان تتلقفة اي يد وتر تاحين من الجوال والي فية لأن هذيل مستعدات يكلمن اي حد ويبعدن عن زوجك وانتي خليك على برودك ولاكانك مسوية شي بس انتبهي عيالك لايشوفونك ((وانت ادرى بردة فعلة كيف بتكون قبل ماتسوين اي شي))

 

[flashah]

اختي عبقرية المشكلة اني لما اركب السيارة معاه يخش التيليفون حاولت ادوره بس ما محصلتنه معناته هو يخشه قبل ما اركب السيارة وعلى ما اعتقد يخشه في المقعد الخلفي لاني كل ما حطيت غرض ورا احسه يطالع بخوف .
بس مب عارفة اوصله لانه ما ينزل ويخليني بروحي في السيارة . فهمتي علي والمشكلة اني قاعدة في بيت اهلي وحماتي رادار شغال فأكيد بشوفها طابة علي وتقولي شو تسوين في السيارة .

بعدني قاعدة ادور جهاز التسجيل اللي تعرف وين احصلة وايد زين .

 

[القلب الرقيق]

الله يعينج ويعيننا

 

[عبير الحزن]

يا قلبي وربي راح تتعبين واجد اذا بدورين وراه اكثري من الدعاء وصلاة التهجد الله يهديه ويسخره لك ويبعد عنه بنات الحرام وذكريه بالقصص الي مثل كذا قوليه كما تدين تدان خليه يخاااااف من انه ترد له باهله بزوجته اعوذ بالله ربي يمهل ولا يهمل وذكريه بقصه لو زتدا لا زادت سقا في (في قصه مره من الايام كان في شاب صايع جدا يا كثر ما تمسكه الهيئه ومره من المرات مسكه شيخ من الهيئه وقاله انت ما عندك اخوات تخاف عليهم قال ما عندي اخوات قال طيب ما تخاف على امك قال امي كبيره وشريفه وقاله الشيخ الله يهديك ويصلح وتركه ومرت الايام والشهور وكان يومها طالع مع اصحابه وتذكر شي نااااااااسيه في البيت ورجع للبيت ولا سمع صوت رجاااااااااااااااااااال وطلعت امه مواعده واااااااااااااااحد انصدم الولد ونهاااااااااااااااااار ومرت الشهور وراح الشاب لشيخ الي كلمه والشيخ معرفه لانه كان الشاب مربي لحيته قاله الشاب عرفتني قال لا قال انا الي مسكتوني اغازل وقلت لي عندك اخوات ما تخاف عليهم المهم الشيخ عرفه قاله وش الي غيرك والله ياشيخ اليوم شفت امي بهذاك الموقف ما اسمع الا كلمااااااااااتك ترن في اذني) وياليت كل الشباب يعظون من القصص والمواقف ما اقول الا الله يصلح حالك

 

[&الغلا&]

الله يعينج اختي ،،بس صدقيني اذا لقيتي شي ضده راح تتعبين نفسيا حتى لو قلتي انا قويه واقدر اتحمل اي شي راح تتعبين وبتاثر على حياتج زياده 000