كيف اتعامل مع زوجي

[عطرنانا]

مرحبا بلقيسات
اخبركم عن زوجي طيب واي طلب ابغاه ينفذة عصبي صامت وعيبه انه مايتكلم ابدا معي ولا يعرف الرومانسيه لكن اللي يرفع ضغطي مكالماته كثيره وحتى طلعاته مع اني مومقصره معه لكن ماععرف اتكلم معه واحنا جالسين وحتى جلوسنا مانجلس نحضن بعض ولااقوله كلام حلو ودي اعرف علموني كيف مع اني 24ساعه متكشخه وكل يوم شكل والاكلات كل يوم اتفنن له بس والله ماعرف هالحركات كيف تسوونها ودي اتجرى وسويها بس اخاف لي جيت يمه استحي

 

[ام لأحلى قمرين]

نفس حاالتج يمكن لانه ريلي عصبي ويجرحني دووم

 

[عطرنانا]

وينكم

 

[اللمسه الملكيه]

لااله الا انت سبحانك اني كنت من الظالمين

ودي حتى انا اتعـــــــــــــــــــــلم

 

[لن أترك عقيدتي]

الله يعينك ويفرج همك

 

[غاية في الأنوثه]

شوفي حبيبتي أول شي اهو شلون تعامله معاج

يحترمج مومقصر عليج بشي علاقتكم الحميمه مستمره موقصدي يومي اللي أقصده متواصلين في الغالب يعني مومقطوعه فترات طويله (لأن هالشي بالذات أكبر دليل على تقبل الرجل لزجته وانه يكن لها مشاعر ود موبالضروره حب جارف لكن دليل إنه مايكرهها )

الكشخه لاتعتقدين ماتهمه بالعكس أكيد تعجبه بس مرات كشخي حيل ومرات لاء خليج بسيطه بكشختج

 

[غاية في الأنوثه]

عفوا رديت قريت كلامج

ينفذ لج طلباتج يعني يحبج

زطيب معاج أيضا يحبج

تنتظرين التعبير عن الحب بالكلام _--طبعا هذا الشي اللي نحبه كنساء بل أحيانا يكون هدفنا


سؤالي لج هل أهو يعبر لج عن حبه بالكلام الرومانسي ولا لاء

وهل المشكله إنج ماتعرفين كلام رومانسي ولاتعرفين بس خجلانه يردج أومايعلق فتحسين باحباط؟؟؟

على فكره كلامج هذا اللي تقولينه لنا ياريت في لحظه حلوه بالخااااااااااااااص تعبرين عنه لزوجج بس باسلوب حلو

مثلا أنا أحيانا أحس اني أشتاقلك حتى وانت قريب قاعد عندي لدرجة ودي احضنك((لإنك بالخاص بتكونين جريئه غير بالنهار )قوليله هالكلام وبعدين قوليله بس أقول مادري يمكن فكرك مشغول وتستغرب حركتي


سؤال أخير كم لج متزوجه؟

 

[ام عيلها]

بسيطه مافيه اسهل منها

قومي طبي عليه وبوسيه وحضنيه

 

[عطرنانا]

بالعكس مايعرف بالرومانسيه حتى بالكلام احسه انه شايب وفعلا انا مااعرف وخجلانه من نفسي وانا متزوجه من 5 شهوراذا دخل علي بس يسلم بالكلام ويجلس ويقرا الجريدة ويقول يالله جهزي الغدا وهذا نظامنا يوميا وهوطبعه اذاتكلمت معه ينزل راسه والامايشوفني

 

[غاية في الأنوثه]

سوري حبوبه تأخرت بالرد لاني مشغوله
بقولك كلمه قالها الدكتور ابراهيم الخليفي (الزواج مأدبه آخذ منها ما أشتهي )

ويقولك العلاقه بين الزوجين مثل موج البحر في الكلمه في اللمسه وغيرها

يعني لمستك لإيده (مثل الموج يعني كل موجه تضرب اللي بجانبها لحد مايتوصل للأخير ياربي شلون أشرحها)يعني لو لمستي إيده وانتي جالسه بقربه (بس لاتطولين الرجال مومتعود)

ماراح يبادلك نفس الحركه بنفس الوقت ولايمكن بكره وحتى لو بعد بكره ماسواها لاتيئسين سويها على فترات ةبإذن الله يتجرأ على هالشي

ومثلها الكلام الحلو لازم تعودين نفسك عليه حتى لو مابادلك بكلام حلو لازم يجي وقت ويتعود منك على هالشي بحيث لووقفتي (لاتبطلين بس ماتقولين كلام حلو ولاشي ليوم واحد واحد بس مو أكثر بيحس في شي ناقص بحياته )وصدقيني إلا ويتجرأ

وتوك 5 شهور يعني تو الناس عليكم

بس أهم شي لاتيئسين ولا بيمر عليك وقت بتكونين فيه جريئه بس ساعتها ماراح يكون عنده تقبل لك

وبعتبر الحريم غيرك أكثر رومانسيه مع أزواجهم

أقول شكل بو الشباب شمالي الله يعين لاتتوقعين الرومانسيه بيوم وليله

ولاتنسين ادعي ربك يرزقك حبه ويرزقه حبك


قبل لاأنسى ابحثي عن الأشياء اللي يحبها عشان تشتركين معاه فيها ولو في الحوارات
وتجنبي الأشياء اللي تغضبه علشان مايتعود يعصب أو يغلط عليك

ودايما انتبهي للوقت المناسب لماتجين تتقربين منه ولاحظي تعابير وجهه يمكن يكون متضايق ولمستك له بيكون مالها داعي ويمكن تنرفزه
وسلاااااااااااااااااااااااام