كيف أكسب حماة المستقبل...

[مزاجي رومانسي]

خواتي...ما أدري شو اقول لكم...حاسه بيضقه فضيعه...الله يسلمكم من فتره و لله الحمد انخطبت لواحد من الأهل و عن قريب إن شاء الله راح املج(عقد القران)...لكن ظهرت لي مشكله...و اللي حماتي(أم خطيبي) وايد تغيرت عن قبل..تدرون قبل ما تخطبني لولدها كانت تغير تحبني و بين فتره و فتره تتصل فيني و في أمي تسأل عن أخباري و لما تشوفيني تتلقاني بترحيب ... وكانت شاله همي و تدور لي شغل و تخبرني عن معارض التوظيف...الخ...و الله الشاهد اني أحبها وايد لكنها تغيرت ... و خصوصا بعد الخطوبه تغيرت مب نفس قبل من سالفة الخطبه لين وقتنا هذا ما زارتنا(تقريبا من ثلاثة شهور)ما قامت تتصل مثل قبل بالحسره تتصل ... لكن أمي تتصل فيها...بس اللي اكتشفته أن خواتها مب راضيات ... يبون اللي خطبني لبناتهم...يا بنات كيف اقدر اكسبها و اعيد ثقتها فيني... ​

 

[أم كادي]

حبيبتي مزاجي رومانسي
يسعدني أني أول اللي بيرد عليج
.
.
غاليتي
أبداً لا تحطين في بالك أنها متغيرة عليك لأن هالشئ بينعكس على علاقتك المستقبلية فيها ..
.
انتبهي عدل لكلامي
إذا مثل ما تقولين خواتها مش راضيات عليك ..فحطي في بالك أنهم أكيد معبين مخها عليك ..وإذا أنت تعاملتي وياها بفتور أو برود .. فإنت بتأكدين كل الكلام اللي قالوه عنك ..
.
.
تعاملي وياها بكل حب و طيبة وعامليها كأنها أمك ..
لا تنسين هي أعطتك ولدها الغالي ..فانتبهي أنك تسيئين لها ..
وفرضاً لو جتك إساءة في يوم منها ...اتحملي و طوفي و عديها أمك ... بمرور الأيام بتأكدين لها معدنك الطيب و اللي يصير بيكون زوبعة في فنجان بتنتهي فوراً..
.
.
والله لو تطالعين حواليك بتشوفين أن أغلب المشاكل الزوجية سببها سوء العلاقة بين هالأطراف ( الزوجة و الأم) وهو شو بيسوي مسكيين ، من بيرضي ؟؟؟؟
خلك ذكيه و أوزني الأمور بعقل و حكمة و بتسعدين بإذن الله .
.
أنا عن تجربة
شفت الويل من عمتي و بدون سبب بس الحمد لله الله وفقني و عالجت الأمور بحكمة .. زوجي مقدر هالشئ فيني .. و عمري ما وقفت بينه و بين أمه ...لأن مهما كان هي أمه ... أمه ، اللي سهرت و تعبت و ربت ، من أكون أنا عشان أفرق بينهم ؟؟
وأسأل الله أنه يبارك لي في عيالي و يكونون بارين بي و به ..
الله يسعدك و ينور طريقك

 

[مزاجي رومانسي]

مشكوره اختي أم كاذي... على مرورج الجميل وردج الأجمل... إن شاء الله ربي يوفقني و احسن علاقتي معاها على قد ما أقدر ... بس تدرين انا مب ناويه و لا حابه أذخل في مشاكل معاها لأني و الله الشاهد على أحبها و أعزها ... و أهم شي عندي رضاها علي و على و لدها...

 

[عجابة]

مزاجك رومانسي .. إذاً الأمور طيبة .. وأم خطيبك أطيب وخليك حبوبة مع الجميع ..
اجعلي ظنك حسن حيث ظمنت الأم البنت لابنها وانتهى الموضوع اتصلت هي أو أنت لافرق ..
ومثل ما قالت ملكتنا أم الكادي طيب الله أيامها بالورود والرياحين أثبت العكس ولا تتركي فرصة لمن يستفيد من المستجدات واجعلي تعاملك وتواصلك معها أفضل وأقوى من الأول بكثير وقدري لها كونها والدته والله الله بالأم وإكرامها وتقديرها الآن وبعد الملكة وبعد الزواج .. تكسبي ولن تندمي أبدا .. أنتياتي لك بالسعادة ..

 

[مزاجي رومانسي]

هلا أختي عجابه...مشكوره على النصيحه... إن شاء الله أكسب ثقتها و حبها ..