كيف أعرف ان زوجي يحبني

[الصمت الثائر]

السلام عليكم اخواتي في مملكة بلقيس...

أنا عندي مشكله يمكن تكون بسيطه بس حابه احلها واغير من طبعي...

انا ما اقدر ابتسم في وجه زوجي خصوصا لما اصحى من النوم او يكون جاي من برع

واريد اعرف كيف الزوجه تعرف ان زوجها يحبها ... الحين الرياييل يمثلون وايد احسن من الممثلين

اللي يطلعون في الافلام الرومانسية............؟؟









عفوا لاعذر........في غدر !!!

 

[قرمووشة]

على حسب كل زوج .. في أزواج يصارحون زوجاتهم .. وفي منهم يكتمون هالشي لكن يبرزون الحب على شكل فعل ..


وانتي لازم تعرفين أول شي زوجج من أي نوع من هالأزواج .. هل هو من النوع الأول أو الثاني..

اذا كان من النوع الأول فبتعرفين على طول شكثر يحبج .. أما اذا كان من النوع الثاني .. فبيكون من فعله مثلا يمدح الأكل .. أو يطرش مسج حلو .. أو أي فعل ثاني ..


وعن الابتسامة لازم تعودين نفسج وخاصة لما يرد من الدوااااااااام هاذي أهم شي .. لأنه ابتسامتج في هاللحظة بتشيل كل همومه المتراكمه .. ولازم تستقبلينه وانتي مرتبة ومعطرة وهالشي وايد بيساعدج على انج تبتسمين .. بس لازم تحاولين انج تبتسمين .. خاصة الصبح وانتي تقوولين صباح الخير .. لأنه الابتسامة هي سر القلووب .. والابتسامة اللي ماتكلف منا شي تغير السلبي الى ايجابي ..

حاولي قد ماتقدرين انج تبتسمين ..

والله يسعدج في حياتج ان شاء الله

 

[عزيزة نفس]

كفيتي ووفيتي يا قرموووووووووووووووووووووووووووووووووشة

 

[روانه]

عادتا وغالبا الرجال يعبرون عن حبهم بالافعال وليس بالكلام

يعني مثلا زوجي لايمكن يقول لي احبك (خصوصا من نفسه يعني لازم اسأله)

ولكنه يعبر لي عن حبه بالفعل مثلا وهو جاي بالليل يجيب لي معه الايسكريم اللي احبه

ولما اطلب منه اغراض من السوق يوديني ويشتريلي ولما اقول له بطلع مع صديقاتي للملاهي يوافق ما يرفض

وهو دائما يعتبر ذا الاشياء البسيطه اللي الزوجه تشوفها انها واجب وضروري يسويها يعتبرها تعبير عن الحب....

بدون مايتفوه بأي كلمه رومنسيه.....

 

[روانه]

ومن ناحية الابتسااااااااااااامه

هذي سحر الوناسه ....


يعني حتى لو ما لك نفس وما لك خلق لما تقاااااااااااااااااااابليه ابتسمي وشوفي النتيجه...

لازم تعودين نفسك عليها......

 

[الصمت الثائر]

قرموشه ..عزيزة نفس .. روانة.....مشكورات فديتكم على الرد والنصيحه

انا احاول ابتسم بس يبان على اني اتصنع مع اني انا انسانة مرحه و احب انكت و اسولف

بس هذا طبع فيني وفي ولدي بعد يمكن يكون وراثي..

وعن ريلي ساعات احسه يحبني ويموت فيني وساعات احسه عادي ...

احترت في مشاعره من جد ... على فكره في بدايت زواجي كان لزوجي خيانات و انا كلمته عنها

وصارت مشاكل و بعدين الحمدالله الله هداه واتمنى انه ما يرجع لها...عشان جذيه ساعات اشك

في حبه لي لانه لو كان يحبني ما خاني في البدايه ...انا تزوجت زوجي بطريقه تقليديه وهو متزوج

من قبل وانا الزوجه الثانية... بس هو دايم يبعث لي مسجات حلوه لما يروح البيت الثاني..و لما يسافر

عني يتصل يصيح من بعدي بس احسن انه يمثل او ان الشيطان يخليني احس هذا الاحساس..

 

[رداء القمر]

انا مع الاخوات في ماقالوا لكن لاتستلمين عوديه يقول الكلام الحلو ويصارحك بحبه

 

[روانه]

لاتخلين وساااااااااااااااااوس الشيطان تلعب في راسك وتخرب حياتك

خلاص انسي الماضي ولاتتذكرينه ولاتجيبين سيرته ولاتقولين لو يحبني ماخانني

هذي نزوة شيطان ولو هومايحبك كان ما استمر معاك في الحياة وخصوصا انه عنده زوجه غيرك....

اكيد يحبك بس ترى الرجال اسلوبهم جاااااااااااااف خصوصا مع زوجاتهم

 

[عضو سابق]

بسم الله الرحمن الرحيم




اختي الغاليه / عفوا


تأملي هذا اختي الحبيبه ...



لما لا نبتسم غاليتي .. وكان حبيبنا الف الصلاة والسلام عليه دائما كان مبتسم..


لما لا نبتسم اختي الغاليه .. والابتسامه .. صدقه في وجه اخيك فما بالك بزوجك..


لما لا نبتسم .. والابتسامه تزيد من بشاشه الوجه ونوره.


لما لا نبستم .. والابتسامه .. تريح النفس وتسعدها..


لما لا نبتسم ... والابتسامه تزيل تجاعيد الوجه..





تذكرتي حبيبتي..

ان اجمل منظر يرى الزوج زوجته هو وقت أبتسامتها رغم غضبه رغم عصبيته رغم عدم مبلاته ورغم

اهماله ورغم كل شي.. عندما يراها مبتسمه ينشرح صدره لها ..



الابستامه لها سحر عجيب جدا.. فلا تحرمي نفسك منها وقت يقضتك من نومك.. فلها

طعم خاص للزوجين..





وعن معرفتك اذا ماكان زوجك يحبك ام لا..



فسألي قلبك وهو يجيبك.. فقلب المرأه هو دليلها


حفظك الرحمن

 

[الصمت الثائر]

شكرا روانة ...رداء القمر تسلمين ع المرور

ام مريم خلاص من اليوم ورايح ببتسم له

انا دايما اسال قلبي هذا السؤال هل هو يحبني او لا ....مثل ما قلت في مواقف احسه يحبني و مواقف لا

يميل حق الحرمة الاولى ....مع انه يقولي انه يحبني و ما يحبها واللي بينهم عشره وبس.

 

[الرهايف]

الله يعينااااا عليهم ه الرياااااايل

 

[عزيزة نفس]

ا لنصيحة الاولى لاتكلمينه عن زوجته الثانية اقصد الاولى لانه يبي يقول لك مثل ما يقول كل رجل متزوج زوجة ثانية هذه قاعدة والنصيحة الثانية لما يكون عندك انسي انه عنده زوجة غيرك سوي مثل ما تسوي كل زوجة لزوجها واعتقد انك محتاجة لدورة في التعامل مع الزوج وهذه تلقينها هنا في هذا المنتدى

 

[روعة روح]

حبيبتي سمعت قصه وحدة زيك ودها تعرف هل زوجها يحبها

مره تبين تعبانه ويوديها المستشفى ومره تطلب شي غالي ويجيبه ومر ومرة ومر ومره......الخ

لكن بكل مرة تقول لاابي اتاكد اكثر


الى ومرة وداها لاهلها وعطاها ورقة الطلاق

حبيتي تبينه رومنسي دايم هذا بس بالتلفزيون بسسسسسسسسسسسس

الحياة حلوة ومرة

اسألي نفسك؟؟

هل يبي يستمر معي؟؟

هل له ايجابيات بحياتي ؟؟

هل يحترمني؟؟


هل يعبر عن حبه لي ولو كان قليل<<<<<<<<<<اهم شي يعبر لو مره

وبعدين انتي تقولين انه يرسلك ويشتاق اذا ابعد عنك وش تبين اكثر


انتي وضعك كزوجة ثانيه مقلقك صح


هو يحبك

بس انتي ودك تتاكدين اكثر

 

[إمرأة]

حبيبتي سمعت قصه وحدة زيك ودها تعرف هل زوجها يحبها

مره تبين تعبانه ويوديها المستشفى ومره تطلب شي غالي ويجيبه ومر ومرة ومر ومره......الخ

لكن بكل مرة تقول لاابي اتاكد اكثر


الى ومرة وداها لاهلها وعطاها ورقة الطلاق

حبيتي تبينه رومنسي دايم هذا بس بالتلفزيون بسسسسسسسسسسسس

الحياة حلوة ومرة

اسألي نفسك؟؟

هل يبي يستمر معي؟؟

هل له ايجابيات بحياتي ؟؟

هل يحترمني؟؟


هل يعبر عن حبه لي ولو كان قليل<<<<<<<<<<اهم شي يعبر لو مره

وبعدين انتي تقولين انه يرسلك ويشتاق اذا ابعد عنك وش تبين اكثر


انتي وضعك كزوجة ثانيه مقلقك صح


هو يحبك

بس انتي ودك تتاكدين اكثر

ردك مقنع

 

[ماجدة العلي]

حبيبتي زوجك يحبك ولا تنسي ربك زرع بقلب كل زوج وزوجة مودة ورحمة
وبالنسبه للضحكة هي صدقه يعني اضحكي حبيبتي مشان جوزك ما يقول عنك نكديه وما تضحكي بوجهه
ربي يوفقك حبيبتي