كيف أستطيع تخطي موضوع الخيانة ...

[الأميرة]

كيف أستطيع تخطي موضوع خيانة زوجي، كلما جلست لوحدي أشعر بالاختناق خصوصا عندما أتذكر بأنه كان على علاقة جنسية مع أحداهن، ماذا أفعل كي لا أفكر في هذا الموضوع كثيرا ؟؟؟

 

[نسائيات]

فكري بنفسك اكثر

 

[nono2]

يعني هو تاب وعقل وانضبط؟؟؟ اذا كان تاب فحاولي تنسين بالتوكل على الله والاكثار من الدعاء خاصة في جوف الليل (الله يسعدكم ويجمعكم دنيا وآخرة)

 

[some1]

الله يصبرك على هالموضوع و الله شيء يموّت قهر ،،، الرجال الشرقيين أكثر فئة من الرجال الأنانيين في العالم كلله ،،،
صعبة ولكن حبي حالك وكوني نوعا" ما أنانية علشان الرجال ما يستاهلون ،،،

 

[اوهام]

تجاهلي الموضوع وكأنه لم يكن وقولي في ذاتك دوما انه لا يوجد رجل في هذا العالم لا يخون الا من رحم ربي يعني في الالف رجل تجدين شخصا واحدا يخاف الله
وحتى الذي لا يخون تاكدي بانه يحب ان يعاشر امرأه جديده قد يكون بالحلال ولكنه يحب التجديد
تحياتي

 

[كبرياء دمعه]

الله يعينك اختي و يسخر لك زوجك بس نصيحه لوجه الله فكري بنفسك اولا وتاكدي بان زوجك قطع العلاقه معهم لان الواحد يخاف من الامراض عسى فهمتي قصدي اختي انا ماابى اخوفك بس من كثر ما اقرا في المنتديات واتمنى منك الا تزعلين مني والدعوالله ان يسعدك وهنيك مع زوجك

 

[MOON GIRLS]

الله يعينك وادعي ربك

 

[الوسمى]

فعلا مثل ماقالوا الاخوات الكريمات فكري في نفسك وهتمي بها ودائم اطلبي من الله العون فهو حسبك فان حصل لكي شئ بعيد الشر لن ينفعك لاهو ولا غيرة يمسح ربي على قبك ويزيد اجرك صبرك

 

[سلسبيل]

اشغلي نفسك، والزمن كفيل باعادة المياه الى مجاريها باذن الله

 

[نبراس الخير]

لا بد أن يأتي يوم تنسين فيه كل دلك فالحمد لله على نعمة النسيان

 

[فنكوشه]

حبيبتي خذيها من اخت تبي لك الخير


ماتتخطينها ابد

حاولي ان تتعايشي مع الذكرى
ميك يور بيس ويذ ات
بالعربي
عيشي معها بسلام وبس

انسي اك تنسينها
انسييييييييييييي
ولا حددي لك ساعه كل اسبوع جيبي فيها علبة مناديل واقعدي تذكري وولولي وصيحي
ولما تخلص هالساعه قومي غسلي وجهك وقفلي على الموضوع لين الاسبوع اللي قبله
وبس.

كلام غير كذا مو صحيح؟!..

 

[فنكوشه]

الاسبوع اللي عقبه قصدي....)

 

[umm_reem]

جرح اتلخيانه ياخذ فتره طويله الى ان يشفى..ولن يشفى تماما...ولكن تستمر الحياه..
اشغلي نفسك بتطوير نفسك..ومهاراتك..وكل ما تذكرتي..وعاد لك الغصه...امسكي القرآن واقرئي ما شئتي وانا افضل سورة البقره...تريحني..وطبعا قبل هذا كله الدعاء

 

[بيونه]

غاليتي الأميرة....
كان الله في عونكي.... هو ليس بالشيئ الهين لكي تنسيه سريعا .. لكن حاول ياعزيزتي ان تكثري من قرأة القرآن .... وبالذات قرأة سورة ياسين وعقد النيه لقضاء حاجه ... ( أي قبل قرأتها تكون نيتك هي قضاء حاجه )
ولاتنسي البكاء فهو متنفسنا الوحيد بعد اللجوء الى الله عزوجل...
مساكين احنا يالنسوان كا وحده همها شكل.... :icon1366:

 

[لك الحمد]

أختي العزيزة الخيانة يمكن تخطيها في حالة إذا كان الرجل انسان محترم ويقدر المرأة... يحبها على الأقل ...حتى لو كان على علاقة....او يظن نفسة انه رميو زمانه
أدري ان صعب .....أو.مستحيييييييييييل الحرمة تنسى ولو تناست
بس انا اقول اصبري هي ان شالله فتره وبتعدي... بيعقل اذا السالفة نزوة مش عادة خذ عليها
يعني السالفة وقت والأمور بتصلح...
يعني تخيلي انة يسب ويغلط ويمد ايده وبعد يخون....اظن في الحال الزوجة يستحيل انها تصبر
تنسحب بكرامتها افضل

 

[ســاره]

انا احس فيها ..................
انا هالايام منهاره تماما..... خيانته امام عيني آآآآآآآآآآآآآآآآآآآه بس
الله يصبرني ويصبر اخواتي جميعا.....
شيء لايطاق لكن الله قادر على ان يغير احوالنا..

 

[Fairy Tale]

تستطيعين بطريقة واحدة وكما قالت حكاوينا .. انشغلي بنفسك أكثر ..

كنت أفكر بيني وبين نفسي وأقول حتى لو انشغلت كيف أقدر أنسى .. وجدت أني ما كنت أشغل نفسي بنفسي .. كنت أشغل نفسي به .. هو فقط .. يعني لو تبين تحققين نتايج قوية فكري بنفسك وبس ..
كيف ؟ لبسك .. مكياجك .. حركاتك .. دلعك .. قراءتك .. كله لك أنت .. كنت ألبس وأستناه يعلق وما يقول شي وأموت من القهر وممكن أنفجر بعد .. الحين صرت ألبس لنفسي وأتدلع لنفسي .. قال شي ما قال شي مو مهم .. في داخله أنا متأكدة أنه معجب فيني .. وبكذا قطعت شوط كبير ..

لا تحاولين تركزين عليه كثير لأنه ما راح يتجاوب معك لأنه باختصار لا يفكر مثلك ولا يرى ما ترين ولا يحس كما تحسين .. يعني لا تتعبين نفسك أبدا أبدا .. فقط انبسطي والحياة مليئة بالأشياء الجميلة التي تتجاوزه وتتجاوز خياناته خليه ولازم يجيه يوم .. تأكدي يقينا من هالشي وبتشوفين كيف ترتاحين ..

 

[الحــــلوه q8]

انتي نفسي والحمدالله قدرت انسى والسبب وحده الله يوفقها
انا اول ماكتب كتابي على زوجي دقيت عليه وسويت نقسي وحده غلطانه
حقير توه ملج علي ويبي يكلم
المهم ملكت اعصابي صراحه على بالي ماراح يعبرني ويصكر السماعه بوجهي الاخ قام يكسر السوالف
وقالي عن ماضيه كله اموت من الحره اشق اهدومي
تخيلي من كثر ماني محتره كنت اقوله انت ماتعرفني الا بالتلفون شلون تقولي الكلام هذا كنت مخنوقه
يقولي قلبي ارتاح لج مدري ليش
المهم عرفت عنه كل شي ويكلمني عن نفسي اللي اهي شخصيتي الصجيه انا كنت اكلمه اني مو انا زوجته وحده غلطانه بالنمره التلفون
وعرفت انه معاشر كذا وحده خارج الكويت
المهم كلمت صديقتي وشكيت همي لها
اسمعي

1
حطي في بالج كل الرجال خوانين وكلهم لهم سوابق الا واحد او اثنين
ثانيا لاتنهمين ويخرب شعرج وتخرب بشرتج تبين ادورين الماضي لا شوفي قدام
بدال ماتحلطمين نفسج
فكــــــــــــــــــــــــــــــــــــــــــــــــــــــــــــــــري شلون تنسينه البنات كلهم
بجمالج بدلعج بسلوبج البشوش اللي مايعرف عن ماضيه شي وانج البت اللي فتحت عينها عليه
سوي نفسج ماتدرين عن شي ولو تشوفين جدامج ودايما حسسيه انج واثقه فيه
ومستحيل انه تفكيره يوصل لهدرجه
لاتنبشين وراه خاصه اذا راح الحمام اذا لقيتي شي ماراح تستفيدين الا الهم
شنو راح تصير النتيجه اذا كشفتيه
تفتحين باب للمشاكل وراح يكرهج وطبع الانسان اذا احد صاده على خطئ يتهرب من هالانسان اللي صاده ويدور انسان اخر مايعرف انه اخطئ
واذا صدتيه انتي الخسرانه صدقيني ماراح تستفيدين شي يبي يقولج كاج دريتي قبل محترمج والحين دريتي ماتسوى عليج يقولج انا احب اغازل رضيتي اهلا وسهلا مارضيتي اهلج حبيبتي ومااضن وحده ودها تتطلق
دايما ابحثي انج تدورين رضاه وتوصلين تفكيره ووخري عن الخيانات مرده يتوب ويطخ
او ينقرص
واوجه لج بالدعاء
بصلاتج بجلوسج باي مكان خلي الدعاء على لسانج
اللهم ملكني مفاتيح قلب وعقل زوجي فلان
اللهم اصرفه عن غيري الهم ملكني قلبه
وانشالله يهديه لج ويهدي اللي عندي
لازم الواحد يضحي بشغله صدقيني اهو الغبي اللي على باله ماتدرين عن شي وبالاصل انتي تدرين عنه

 

[الأميرة]

شكرا أخواتي على الردود .... أحيانا أطنش ولا أسأل ... ولكن سبحان الله مرات أحس بأنني سأجن خصوصا عندما أفكر بأنه ينام معها ... وأقول لنفسي أكيد هو يقارن بيني وبينها ... وأكيد النتيجة ليست في صالحي ... وإلا لما كان ذهب إليها ... :no:
الله يهدي أزواجنا جميعا ويبعد عنهم بنات الحرام ...

 

[ســاره]

اخت الاميره..

والله لو تشوفين عشيقة زوجي ماتصدقين؟؟؟

تخيلتها ملكة جمال...........انيقه ........بيضاء البشره

بصراحه كنت اتخيلها دايما مثل المذيعات النعومات لكن لما شفتها ...........حسيت بشعورين

الاول .......فرحانه لانها سمينه بشعه شعرها مجعد وركبها سودا .......

وجسمها مخطط............................وبطنها مترهل من الولادات لان عندها اربعة اطفال!!


الثاني ........مستغربه جدا كل هالمساوىء الجسديه وعلاقة تستمر 8سنوات..

شيء يحير فعلا............

وماتتخيلين وش كثر يحبها ويعشقها؟؟؟؟؟