كيف أساعد قريبتي .. بيتها بينهدم

[قلبي لزوجي]

السلام عليكم ورحمة الله وبركاته
بلقيسيات بغيت أستشيركم في سالفة قريبتي.. والصراحة أنا أعزها ومابا لها الطلاق و هي صغيرة ... وخاصة عندها ولد
السالفة باختصار .. صار لها متزوجة 6 سنوات .. وفي السنة الخامسة الله رزقهم بطفل .. والحين حياتها صايرة شبه مستحيلة بسبب كثرة المشاكل.. أساس المشكلة ان زوجها شغله في مدينة ثانية .. وهي عايشة في بيت أبوها و لما يجي زوجها بيت أبوه تروح له في نهاية الاسبوع
رتب لها مكان - قديم بعض الشء - ليأخذها معاه لكنها ما قدرت تتأقلم .. لأنها وايد متعلقة بأهلها (دلوعة الماما ) وتقعد تصيح كل يوم تبغي ترجع لأمها .. (من الأساس يوم ما تستغنين عن أمج .. ليش اتزوجتي ؟؟:dunno: )
وزوجها الحين على أي شيء يضارب وياها لأنه متبهدل بدونها في مكان سكنه بالمدينه .. أكله من المطعم .. وثيابه يغسلهم بالمصبغة .. وحالته حاله
في رمضان كان البيبي مريض .. ويصيح .. لما راح يشيله علشان يسكته .. قالت له : مالك خص بولدي و طقها طق
المشكلة بعد انها ما تتقبل النصيحة :sadwalk:.. وتزعل لما حد ينصحها .. و حاطة في بالها ان اللي تسويه صح .. وزوجها الغلطان .. مافي داعي تروح وياه .. بس هو يروح .. وفي نهاية الاسبوع يجيها ياخذها لبيت أبوه ..

خبروني كيف أنقذ زواجهم ..؟؟ وش النصايح اللي أقدر أقول لها من دون ما تاخذ بخاطرها علي؟؟
زوجها يبيها تروح وياه (الأمر الطبيعي اللي كل الأزواج يسوونه) و هي تبغى أهلها ودلع البنات اللي ماخلص.. هل موقف قريبتي صح .. ولا زوجها صح ؟؟

انتظر ردودكم و جزاكم الله خير

 

[غلا11]

اقول خوفيها قولي لها انه اكيد راح يتزوج عليك في المكان اللي يشتغل فيه وانها ما راح تشوفه لمدة اسابيع لان عندة بيت وزوجه ثانيه وبعدين ذكريها بمصير ولدها لو كبر في كل ها المشاكل كيف راح يعيش مثل باقي الاطفال الاسوياء واذا لا قدر الله وتطلقت كيف بتعيش هي وولدها وبعدين انتي كلمي امها خليها تنصحها وتقول انها لما تزوجت بعدت عن اهلها وما كانت تشوفهم بالسنين اذا كانو في منطقة بعيده وما كان فيه وسائل اتصال زي هالوقت الحمدلله كل شي متوفر خلاص هي الحين مره و صاحبة بيت والمفروض من اول ما نقل زوجها تنقل معاه والحمدلله ربي ماا كثر الا الجوالات وفيها اتصال مرئ بعد وذطريها ان الحين وايد بنات عنواس يتمنون الرجال ويتنازلون عن شغلات كثيره مقابل الزواج والاستقرار ذكريها بالنعمه اللي هي فيها لو واحد غيره كان تزوج مسيار وخلاها عند اهلها لحد ما يطيح اللي براسها والدلع ما يفيد (( اسفه طولت بس هذا غيض من فيض )) ان شاء الله اكون افدتك

 

[papero0o]

مافيها كلام قريبتك هي الغلط يعني الحمد لله زوجها مستحملها 5 سنين و يبيها تجي و هذا اقل حقوقة وش هل دلع الزايد
مثل ماقلتي تبين امك ليش تتزوجين بعدين لها 5 سنين يعني حرمة

انا اشوف الغلط من الاهل مو منها يعني اشوف بنتي مقصرة مع زوجها ما اتكلم و انصحها و اشد عليها
الله يمة الله يذكرك بلخير يوم قلت بجي أولد عندكم لاني بكر و خايفة و ابي تنفسيني راحت زعلت على و هاوشتني خخخخخخخ
قالت زوجك اهم تجين من هناك و تخلين زوجك بلغربة بلحالة مايصلح انا اجيك بدال ما انتي تجين ياحبيلها امي و نصايحها والله لو من الله ثم هي كان مشاكل بيني و بين زوجي بس امي نصايحها درر
ثاني شي ولدة يصيح و راح يشيلة تتصرف معاه هل تصرف العدواني ليش
والله لو انا رجلها كان ذبحتها خير ان شاء الله بتحرميني من وليدي..؟؟؟

الله يهدي قريبتك بس و هذا مالة دخل في الدلع هذا اسمة تعنفق على النعمة
يعني الحمد لله و الشكر الله اعطاك زوج و بيت و ولد و انتي هذي تصرفاتك لامسؤولية
اقول انصحيها لا تتطلق ولا اقل شي يتزوج عليها و يخليها هي تربي ولدها الي بازة فية و يروح لوحدة ثانية يحس معاها طعم الحياة الزوجية
و انصحي امها تنصحها و بحزم و شدة و تقولها روحي لبيت رجلك

 

[خان وذليته]

اقول خوفيها قولي لها انه اكيد راح يتزوج عليك في المكان اللي يشتغل فيه وانها ما راح تشوفه لمدة اسابيع لان عندة بيت وزوجه ثانيه وبعدين ذكريها بمصير ولدها لو كبر في كل ها المشاكل كيف راح يعيش مثل باقي الاطفال الاسوياء واذا لا قدر الله وتطلقت كيف بتعيش هي وولدها وبعدين انتي كلمي امها خليها تنصحها وتقول انها لما تزوجت بعدت عن اهلها وما كانت تشوفهم بالسنين اذا كانو في منطقة بعيده وما كان فيه وسائل اتصال زي هالوقت الحمدلله كل شي متوفر خلاص هي الحين مره و صاحبة بيت والمفروض من اول ما نقل زوجها تنقل معاه والحمدلله ربي ماا كثر الا الجوالات وفيها اتصال مرئ بعد وذطريها ان الحين وايد بنات عنواس يتمنون الرجال ويتنازلون عن شغلات كثيره مقابل الزواج والاستقرار ذكريها بالنعمه اللي هي فيها لو واحد غيره كان تزوج مسيار وخلاها عند اهلها لحد ما يطيح اللي براسها والدلع ما يفيد (( اسفه طولت بس هذا غيض من فيض )) ان شاء الله اكون افدتك

الدلع مايفيد

 

[قلبي لزوجي]

مشكورات خواتي على الرد .. على فكرة نسيت أخبركم تفاصيل شخصيتها:
دلوعة - ما تتحمل المسؤولية (يعني يعجبها تاكل ع الجاهز .. ثيابها تغسلهم ببيت أبوها ) كثيرة النوم
يعني ما تكلف على نفسها تطبخ لزوجها و لو بيضة مسلوقة ..
والأهل مؤيدينها و يقولون ان هذي دلوعة .. ورقيقة .. (كلام فاضي والله) ودايماً تقارن زوجها برجاجيل اخواتها ..
حاولت معاها وخبرتها انها لو استمرت بهذا الاسلوب بتخسر زوجها .. خاصة المدينة اللي يعمل فيها الزوج مكتظة بالحريم من الجنسيات المعروفات بسارقات الرجال (بدون تحديد الجنسية) يا اختي زوجج في خطر .. زوجج محتاج لكي .. ما في فايدة .. الطفل هذا محتاج لمن يربيه .. لا حياة لمن تنادي
والله اللي كاسر بخاطري النونو الي بينهم

 

[الأميرة ابتهال]

أي انسان لما يتغير عليه المكان يحس بالضيق والهم والكدر
حتى التلميده اذا حطوها في فصل غير فصلها تجلس اسبوع منكده
بس مجرد تتعرف على بنات الفصل تصير قائدة
بإختصار وضحي لها هالنقطه .. مع الأيام مصيرها تتأقلم ع الوضع
وترى هو رجال قدامه الف حرمه
لكن هي لا تطلقت يمكن ياخذها شايب ويمكن متزوج تجلس تعد الجدران لين يفكر يجلس معها
تترك عقلية الأطفال وتعيش بالواقع مو الخيال وتفكر في مصير ولدها مو في نفسها ووناستها

 

[الورعة]

عليك بالدعاء
ولكن هناك بعض الشخصيات لاتتعلم إلا بعد ضياع النعمة وتندم وقت لاينفع الندم
هداها الله وحفظ لها بيتها