كيس من غير جنين ونزول الدم بنات الحقوني بليييييز

[princiess]

السلام عليكم

بنات انا لي الشهر الثاني يعني اسبوع الثامن

اليوم نزل معي دم بس خفيف من غير قطع

سرت مستشفى على طول فحصت علي الدكتورة

قالت الجنين بعده صغير مفروض يكون شهر الثامن

بس صغير جدا جدا قلت بتعطيني مثبتات قالت لا

بعده صغير تعالي بعد اسبوعين اذا وقف الدم

واذا زاد لازم نسوي لج تنظيف وقالت لي

يمكن بس كيس ومافي جنين داخل بنات

انا والله قاعده اصيح وحالتي حاله :tears: :tears: :tears:

منو حصل معاها جي انه الجنين مايكبر واخر شي طلع كيس ونزل

وشو تنصحوني اسوي اسير عند دكتورة ثانية عشان تيمكن بتعطيني مثبتات

الحين احس الدم وقف وكان وايد خفيف اخاف يرد لي لاسمح الله او يزيد

بنات اللي حصل وياها شراتي تفيدني ليش الجنين مايكبر

دعواتكم لي خواتي ارجو من كل وحده تدخل تدعي لي في صلاتها

انا محتاجة لدعواتكم يزاكم الله خير :tears:

 

[هند بنت عتبة]

ماتشوفين شر الغالية

انا رايي راجعي دكتورة ثاينة لانه انا فاول حملي قالت لي مو باين ويمكن كيس بدون جنين بعد اسبوع رحت لدكتورة ثانية وكان حملي طبيعي

بس انتبهي من الدم الي نزل معاكي وحاولي تريحين نفسك وان شاء الله خير يارب

 

[princiess]

الشر مااييج غناتي توني راده من مستشفى ومن عند دكتورة ثانية قالت لي

ماكبر ابد مفروض يكبر سوت سونار وخذوا عني تحليل الدم وقالت في نسبة شوي ناقصة

المفروض اكثر من جي قلت عطيني مثبتات تقول نحن مانقدر جي لازم نتاكد

من اللي نثبته هل جنين والا كيس بس ماعطوني شي هني بعد والدم النزيف بعده وياي

بس خفيف والله وايد وايد صحت احس عمري اني في كابوس مب حاسه بعمري

حتى مرضت من التفكير وعندي حراره قالت لي الدكتورة اخر موعد الخميس راجعي

عشان نبي نشوف النمو واذا زاد النزيف راجعينا على طول انا وايد خايفانه حتى ريلي

مسافر لانه يدرس برع وكان وايد فرحان من حملي وايد تمنينا احمل ونييب عيال

ادعوا لي بليز لاتنسسوني من دعواتكم انه الجنين يكبر والنزيف يوقف يارب ساعدني

 

[امون 2009]

ياأختي لاتلعبين بعمرك أنتضري للشهر الثالث وشي طبيعي إن الجنين حجمه صغير أنتي بالشهور الأولى ..طيب هم سوولك سونار مهبلي إذا ماسووه لك ماعندهم سالفه في كل تأخيره خيره

 

[عيالي دنيتي]

الله يثبت حملج ويكون الجنين بخير وينمو ويقرعينج بشوفته سليم ومعافى

 

[الجواااان]

الله يثبت حملك ويفرج همي همك يااارب ويرزقني الذريه الصالحه ويرزق كل محرومه ومالومك ياقلبي اذا حالتك النفسيه دمار

 

[بسكاتي اذلك]

الله يثبت لك يااارب..ونصيحتي روحي للدكتووره ثانيه ..

شوفي ايش تقول لك..وشي طبيعي انو يكون صغير ..وانتي تغدي زين ..وكثري من اكل الفواكه والخضروات ..

والله يثبت لك ياحي ياقيوم..~

 

[joumana]

لو عملوك فحص الحمل كانوا تاكدوا اذا هالشي حمل اولا
القضية بسيطة
او انت فيكي تعمليها جيبي الاختبار من الصيدلية وعمليه بالبيت
بتعرفي اذا حمل او حمل كاذب

 

[ستيمه606]

الله يطمنك

 

[المنــــى]

والله يا أختي كثير اقرى ان الدكاترة يرعبون الحريم لا ويبون يسون لهم تنظيف
اللي تسمع كلامهم خلاص وفي بنات يصبرون لين اسبوعين او أكثر ويرجعون يسون سونار
ويلقون الجنين عال العال ...

تطمني وادعي ربك واستغفري ...
وحطي ايدك على بطنك وكرري " ونقر في الأرحام مانشاء " كرريها كثير ...
والدعاء هذا خليه دوووووم في سجودك ...

" اللهم اني أعيذ مافي رحمي بكلماتك التامه من كل شيطان وهامه ومن كل عين لامه
اللهم يا مثبت السماء بلاعمد ثبت مافي رحمي .. الله ارزقه جمال الخلق والخلق وقوة الدين والبدين
الله استودعك جنيني يامن لا تضيع ودائعه "...

وبإذن واحد أحد مايجيك ولا جنينك شي

الله يطمنك يارب

 

[شهــد]

انا بداية حملي نزل عليي دم ولما رحت اراجع قالوا مافي جنين مجرد كيس.. تعبت نفسيتي وعقب حقرتهم وكنت بالضبط في الاسبوع الثامن الى التاسع.. والحمد لله هذا انتظر ولادتي دخلت على الشهر التاسع..

ان شاء الله مافيج الا الخير

 

[عيون حورية]

لاتستعجلين اختي واكثري من الاستغفار وماعليك منهم اكثري الدعاء
اختي الجنين لسه صغير اصبري اسبوع كمان ورجعي سوي الاشاعه
الله يطمن قلبك ويبين حملك ويثبته

 

[عطر مطير]

حبيتبي كل ردود البنات تفرح بس انا مابي اصدمك
انا صار لي مثلك بالضبط بعد شهر ونص من حملي توقف عندي الالم والوحم وصرت جدا طبيعيه
وانا بكريه ترى.....
وكان معي دم خفيف ولونه غامق
ويوم كشفت كل اسبوع يقولون اصبري اسبوع بنتاكد اذا الجنين ينمو ولا وقف ولا كيس فاضي
ناس املتني وناس حطمتني حتى الدكاتره رحت لاكثر من 5 نفس الكلام مافيه نبض مو عمر جنين بشهر ونص انا تميت علمي واحتفظت فيه لين الثالث اخرتها صابني نزيف بسبه الادويه الشعبيه اللي اخذتها عشان مابي تنظيف المستشفى ....
بس اخر شي رحت وسسوو لي التنظيف وانا كانو صار فين لي مثبت
يعني لاتاملين نفسك كثير وادعي الله يعوضك اخير منه
وترى الحمل بعد التنظيف سريع يعني يوم تطهرين بعد النفاس صدقيني ان شالله بتلاقين نفسك حامل...!

 

[Butterfly]

الله يثبت حملج ان شاء الله

 

[princiess]

اشكر كل وحده دخلت وكتبت لي رد اشكركم على الادعية والتشجيع يزاكم الله كل خير

سو لس سونار مهبلي وفي الدم يبين حامل ونشوف في السونار شي بس يقولون لانه

ماكبر مانعرف اذا جنين و مجرد كيس النزيف بعده بس خفيف اقرا قرءان اصلي ادعي

نفسيتي وايد تعبانه ابي اصيح ادعوا لي بنات محتاجة لدعواتكم خاصه انه ريلي مب موجود

عندي عشان يصبرني او يوقف وياي كل شي بيد الله ان شاءالله يكبر لين اسبوع اسبوعين

والنزيف يوقف لاتنسوني بدعواتكم

 

[princiess]

زاد النزيف عندي وانا كله اصيح ماعرف شو اسوي ادعوا لي

 

[كل دنيتي زوجي]

الله يطمن قلبك يارب وانشاءالله يكون جنين ومو كيس بدون جنين يارب وتفرحين فيه يارب ادعي واستغفري وانشاءالله مايصير الا الخير يارررب


ادعيلي بتسهيل ولادتي

 

[princiess]

ربي يسهل عليج ولادتج يارب وتسلمين ع الدعوات غاليتي

الحين بسير عند ثالث مستشفى ادعوا لي اسمع خبر يطمني

او ع الاقل يعطوني مثبت يمكن هناك بيقولون لي شي ثاني

يمكن ربي يتقبل دعواتكم ودعائي يوم برد من هناك برد عليكم الخبر ادعوا لي

 

[زهرة الأندلس]

سبحان الله مريت بنفس التجربة ونزل دم ونوموني بالمستشفى وفي الأسابيع الأولى من الحمل وفي مرة من المرات خبرتني الطبيبة بعد ما سوتلي اشعة ان احتمال الجنين ميت ومرة من المرات جالتلي احتمال كيس بس سبحان الله ضربت بكلامهم عرض الحيط وجلت ما يفهمو شي وآخر مرة خبرتني طبيبة مختصة في عيادة ان كل شي تمام بس البيبي صغنون وفعلا لما أعمل كل مرة أشعة وزن البيبي خفيف وهذي تتفاوت بين كل وحدة وولدت وبنتي كان وزنها خفيف وأسباب التعب في البداية التهابات في الرحم واضطرابات
انت ادعي في صلاتك الله يثبت حملك ويحفظ الجنين وخلي ايمانك بربك جوي والي يكتبه ربك بيصير وأهم شي الرضا والقناعة
والله يحفظك ويحفظ البيبي الي في بطنك

 

[شباصه]

انا من رايي انج تنتظرين بعدج سبوعين والا شهر بالكثير ويبين البيبي انشالله لان الاسبوع الثاني صغييييييييييير حدا وبلكاد يبين ويكون كيس الحمل اوضح من الجنين
وكثري من الحليب حبيبتي لان يكببببر البيبي


الله يثبت حملي و حملج حبيبتي وانشوف عيالنا بكامل صحتهم يلعبون جدامنا يارب