كونى مكتملة الانوثه!!!!!

[تووب سكرت]

السلام عليكم ورحمة الله وبركاته
اليوم عندى موضوع يهم كل انثى بالعالم.. والكلام الي راح اسرده لك تعلمت منه الكثييييير وهو من كتابة الخت توليب الله يعطيها الصحه والعافيه ولاكنه مو اي كلام........
وهذي أنا كالعادة...أحب الناس...وقلبي مايديني أبعد وأكون كاتمة لعلم ولو حتى لمعلومة صغيرة ولا أفيدفيها أخواتي...
ولأني كذا..ولا قدرت أبعد عن الناس اللي أحبهم ويحبوني...رجعت.....ومابقلبي الا كل الود...

حابة أنبهكم ع شي...انو في معلومات زغيرونة ماتستاهل الواحد يفتح موضوع كامل عشانها...فجاتلي هذي الفكرة...
اني كل 3 أيام تقريبا...أنزلكم معلومة جديدة أو فكرة أو........اللي يكون....بمكان توقيعي....يعني توقيعي حيتغير تقريبا كل 3 أيام...
وان شاء الله أفيدكم باللي أقدر عليه وبكل اللي أعرفه....أوكي؟؟؟

ننتقل لموضوع اليوم...

مولود جديد...الجنس أنثى...تكبر هذي الأنثى وتعيش طول حياتها تحت مسمى أنثى...وتموت وهي أنثى...
خلقت وعاشت وماتت وهي ماتحمل من الأنوثة الا مسماها وبس
وذأه اللي صايرفعلا...نشوف بنات ( أفضل أسميهم مخلوقات)...عالة ع الانوثة...لما أشوفهم نفسي أتحول لذكر ولا يجمعني فيهم نفس المسمى
الأنثى انسانة أرقى...كانت ومازالت...الملهم الأول والرابح لغزل الشعراء
وبموضوعي اليوم...راح أحاول بقدر استطاعتي...اني أكتبلكم عن ملامح الأنثى (مكتملة الأنوثة)...من كل الجوانب...(باختصار)...

قبل لاأبدأ بالموضوع...أبغى كل وحدة منكم تقول أنا راح أتغير ومن اليوم...مو عشان فلانة...ولاعشان أقهر علانة...ولاعشان أنخطب...
ولاعشان الناس يشوفوني....
ألين متى راح تعيشي عشان خاطرالناس...؟؟؟أحد كلف نفسه عشانك؟؟؟
قولي راح أتغير...عشان أنا انسانة...لي ذاتي...لي كياني المستقل عن كل الناس...عشان أحترم وأسعد الروح اللي قدر لها انها تعيش داخل ذأه الجسد...معقولة أموت وأنا ماحققت شي لذاتي؟؟؟ماأسعدت نفسي بيوم؟؟؟ماعشت لنفسي؟؟؟
لوحطيتي ببالك أقهر واغيظ فلانة وفلانة...حتى ربنا ماراح يوصلك لمرادك...تأكدي من كذا...وكل وحدة ونيتها...

والموضوع راح يكون ع عدة أجزاء...

 

[تووب سكرت]

وهذي ملامح الأنثى الحقيقية...

المعاملات

*ملتزمة بدينها
*حسنة الأخلاق
*مؤدبة مع الصغير والكبير
*تحترم الكبير والصغير لأنها تحترم نفسها أولا وأخيرا
*توقف احترام وتقدير للي أكبر منها بالسن
*تبعد بأكبرقدر عن المشاكل>>> موتعتبرها فرد عضلات وقوة شخصية
*لها قيم ومباديء صحيحة ماشية عليها بحياتها.>>> مومع كل مين هب ودب
*ماشية بحدودالشرع والعرف
*ابتسامتها دايما مشرقة ع وجهها
*كلها حيوية ونشاط لما تشوفيها تحسي انها فعلا شابة
*لما تكون بمكان تملأه حياة وتترك بصمتها فيه>>> مووجودها زي عدمها مافرقت
*لها أهداف وطموح ...انسانة منتجة
*متعلمة...مثقفة...( موثقافة مطربين وستارأكاديمي)...ولاثقافة مقتصرة ع الجمال والميك أب...
*اذا جلستي معاها تفيدك وتستفيد مو بس تضيعلك وقتك بالحش والنميمة
*ناصحة...صادقة...متزنة...رزينة ...بعيدة كل البعد عن التكبر والغرور...>>> صايرموضة هذي الأيام طبعا كالعادة ع ولا شي.
*تعرف قيمة نفسها وأهلها...حريصة ع سمعتها...
*ماترفع صوتها ع أحد.


وغيرهاكثير...ماتخفى عليكم وأنتم أعرف فيها باذن الله...​

 

[تووب سكرت]

التصرفات

*جلستها صحية
*هادئة
*خجولة.>>> هذي الصفة تميزت فيها الأنثى...فلو ماكانت فيها حطي عليها X ...
*صوتها منخفض مو متذبذب.>>> موتخرجي من عندها تروحي ع طول لعيادة الأذن والأنف والحنجرة.
*مشيتها راكزة واثقة وقورة هادية زي النسمة بدون تغنج ولاتمايل.>>> بنات تشوفيهم تحلفي بالله انهم مشاركين بماراتون أو سباق الهجن.
*ضحكتها ناعمة ساحرة أقرب للابتسامة من القهقهة.>>> صارت نادرة...الوحدة تضحك تستني اللي بمعدتها يخرج بوجهك.
*تحركاتهاا ناعمة وقليلة.>>> مو تزعجك بخشخشتها وتجيبلك الحول بكثرة تحركها...في بنات أشك انهم جالسين ع جمرة.
*ماتتدخل في اللي يعنيها واللي مايعنيها.
*ماتتفلسف ع الفاضي والمليان.
*حكيها واضح مفهوم يخرج من فمها بانسياب.
*ماتسمعي منها ولالفظة صبيانية أبدا ولاعربجية.
*الكلمات النابية ماتنطقها أبدا.>>> وجع وياحمارة ويازفت....الخ.البنت اللي أسمعها تقول كذا ع طول أحكم عليها بالهمجية...
*الكلمات اللي تخدش الحياء لوتموتي ماتسمعيها من فمها
*الدق والتطبيل وشغل الدقاقات ذأه مافي أمل تسويه.>>> شايفتها كثير.الله لايبلانا قلة يعني.
*اذا اتكلمت بالتيليفون أو ع السيلولير صوتها منخفض مع وضوح.>>> موتزعق اللي حولها كلهم عرفواكل أخبارها.
*تراعي قواعد الاتيكيت والذوق العام.
*مستمعة جيدة...ومحاوره ممتعة.
*حكيهاذوق ومريح .>>> موتقولك هييييييييه انتي...أو ياانتي...كأنها داخلة عليكي من الشارع...ولاتتكلم عن غيرها بلفظ هاااااذي...خيرفين نحنا...استغفرالله في بنات أخاف منهم أشك انهم خريجات سجون.
*تبعد عن الهمز واللمز والمناجاة والضحك من غيرسبب لأنوووووو..................... .........؟؟؟
*طبيعية غير متصنعة.>>>أتمنى الأرض تنشق وتبلعني لما أشوف وحدة متصنعة...مكشوفة مرررررررررة.
*كل تعاملاتها تحت بند ( لوسمحتي – حاضر – ممكن؟)...وكل الألفاظ اللي تدل ع أدبها.
*نشيطة...مستبشرة...ماتسمعي منها:مافيّا...تعبانة...طفشانة. ...زهقانة....وكل الألفاظ اللي تحسسك انها بعمر الـ 80 سنة.

وعشان تكوني أنثى حاولي تتخلصي من اللزمات السيئة اذا كانت موجودة...فيه بنات أول ماتقوليلهم خبرية...يروحوا لاارادي يقولوا ( كذابة)!!!
أو ( قولي والله)!!!أو ( احلفي)!!!>>> تخليكي تقرري قرارجاد ماعاد تقوليلها ولاشي.
أو بعضهم تقوليلها شي ...تلاقيها فجأة شهقت ( شوي انتي بنفسك تدخلي بفمها)...وضربت بيدها ع صدرها(تحسي ان صدرك انتي آلمك)...>>> يعني سوت أكشن

 

[تووب سكرت]

ومن التصرفات الي كثير للاسف يسووها وآخذينها عادة..وهي تشوههم...وتخرب أنوثتهم:

*أكل اللبان ( العلك) بكل وقت...شكلها بجدموحلو...والأفضع انها تحكي مع أحد واللبانة بفمها......
*قضم الأظافر...بجدبشعة واللي تعاني منها...في محلول بالصيدليات خاص فيها مروطعمه وريحته مقرفين...تحطيهم ع أظافرك خلال فترة بسيطة راح تتخلصي منها.
*حك الاذن...واذا عندك التهاب حاولي تعالجيه عشان تتخلصي من ذأه الموقف المحرج.
*حفرالكوسة(الأنف)...>>> نو كومّنت.
*لمس الشعرباستمرار.>>> حتى انك تقرفي تاخذي من يدها شي أو تسلمي عليها...وهذي الحركة تدل ع التوتر وعدم الثقة بالنفس.
*في بنات عندهم بثور بوجههم...تلاقيهم طول الجلسة وهم يلمسوها وشغاليييييييين.>>> تتسلى الأخت...عندها جلسة فيشيال.
*وهذي الحركة كمان مقززة وملفتة...وهي تقشيرالشفايف...سواء بالأسنان أو اليد.
*بقولكم ع حركة بس لاتضحكوا...لكنها والله صايرة كثيييييير وشايفتها...وهي:
الوحدة أول ماتقوم...لاارادي تلاقيها سحبت الاندرويرتبعا( الكلوت)...>>> لاتلوموهاضايقهاالأخت.
*فرقعة الأصابع...>>> غير انها بشعة ومزعجة...أحسهاتآلم ماأدري كيف يجيلهم قلب يسووها.
*أوقات تجلس وحدة وحاطة رجل ع رجل وطول الوقت تهز رجلها وتمرجحها.>>> ملاهي.
*أو تجلسي جنب وحدة تلاقيها تهز وتهز وتهز...افففففففف مزعجة توترك وترفعلك ضغطك غير منظرها طبعا.>>> كأنو زلزال.
*أوتجيكي وحدة طول الجلسة كل شوي مخرجة شي من الشنطة ...عشرين ألف مرة تطلع المرايا( ماعندها ثقة)...أو الغلوس.>>> مزعجة.
*أوطول ماهي جالسة والسيلولير بيدها ومشغولة فيه>>> السفيرةعزيزة.
*العصبية...دمارالأنوثة...وتقلل الهيبة والوقار...
*كثرة التلفت وتركيز النظر ع الأشخاص ...ماوراهذي الحركة الا الخفة...
*تجيكي الوحدة بنص الجلسة...تطلع التيشووتنفرأنفها...>>> تنظيفات بلدية.
*وهذي الحركة تقتلني وبجد بشعة...الوحدة بعد ماتمسح فمها أوانفها...تفتح التيشو وتجلس تشوف اش فيه...>>> تدور ع شي مضيعته.
*اذا كنتي بجلسة اياكي من الحكي الكثيرالمتواصل وماتدي مجال لغيرك بالمشاركة...أومقاطعة غيرك...
*أوتسمعي وحدة قالت شي...تروحي مكذبتها...
* اذا كنتي من الناس اللي طول الجلسة تردد: أنا روحت وأنا اشتريت وأنا جبت وأنا وأنا وأنا.....حاولي تتخلصي منها...لانه اسلوب منفر...والناس راح تقول عليكي حديثة نعمة...أول مرة تشوف خير...

وغيرها كثيييييييييييير...فالأفضل تنتبهي انتي لنفسك...وتعدلي أي شي من تصرفاتك...قبل لاينتقدوكي الناس ويحكوا من وراكي
ويابخت من بكاني ولاضحك الناس عليّا

ونكمل الباقي بعدين باذن الله

 

[ترانيم الفجر]

واااااااااااو جوري موضوع في قمة الروعه والرقي
والله كلك ذوق واشياء وحركات فعلا نشوفها كثير
ان شاء الله مانوقع فيها واستمري كلي شوق للبقية
دمت بحب

 

[@حيرانه @]

تسلمين جوري على هالمجهود وصدقتي بكل كلمه كتبتيها .......


الله يعطيج الصحه والعافيه .......

في انتظار جديدج........

 

[قلب من الالماس]

الله يعطيكي الف عافية كلااااام حلو ومجهود رهييب


بس عندي هالعادة واحس مو قادرة اتخلى عنها

{*أوقات تجلس وحدة وحاطة رجل ع رجل وطول الوقت تهز رجلها وتمرجحها.>>> ملاهي.

بس مو طول الوقت اهز بس اغلب الوقت وخصوصا وانا متوترة


تحياااااااااااتي ياعسسسسسولة

 

[ريمان2008]

بالفعل في ناس كثير كدا
يعطيك العافيه طيب وإذا كان إلي معاك ممل وما عنده سوالف
زينه وش الحل؟؟؟؟؟؟؟؟؟؟؟؟؟؟؟؟؟؟
كيف تتصرفي بدون ماتحرجيه

 

[قموره كويتيه]

 

[امل الحياة]

تسلمييييين وان شاء الله اقدر استغنى عن العلك...مع اني مااظن

 

[تووب سكرت]

الله يسلمكم يا حبيباتى هاذي نصايح العزيزه والاخت توليب الله يعطيها الف عافيه وراح نكمل الموضوع وان شاء اله تستفيدو يااارب....

 

[تووب سكرت]

27</STRONG>

وعشان تكوني طول اليوم أنيقة...اتبعي هذي الطريقة...واللي أصلا أنا كاتبتها بموضوع خاص للمتزوجات وراح أنزله خلال هذي اليومين...

أناقتي طول اليوم
مخصصة بدولابي ثلاثة رفوف للبس اليومي...
الرف الأول خاص للبس الصباح....والثاني للبس وسط اليوم.....والثالث خاص للبس النوم...

نجي للرف الأول....عندي ترينقات اللي تجي ماسكة ع الجسم...أشكال وألوان تجنن.......مطبقتهاوبداخل كل طقم سوكيت بنفس الألوان تقريبا......
وراصتهم بالجهة اليمنى من الرف....والجهة اليسرى فاااااااااااااارغة...ليه؟حتعرف وا بعدين!!!

الرف الثاني....تعرفوا الأندروير القطنية اللي تجي ملونة ألوان زاهية درجات الوردي والأزرق والأصفر.....الخ...وتكون عليها رسومات؟؟؟عرفتوها؟؟؟هذي لموا منها بالهبل كل الألوان والأشكال...
بعدها جيبي كل اللي عندك تي شيرتات ع جينزات ع توبات ع شورتات.............الخ.وابدأوا طقموهم سوا...

وهذي طريقتي :أول شي أجيب مثلا:بنطلون جينز وتوب فخم وأندر وير من نفس الألوان وأطبقهم سوا...داخل بعض...
بعدين بنتاكور مع تي شيرت وكمان أندر وير...ميني جب مع توب مع الأندر وير....ميكروجب مع توب مع الأندر وير...شورت مع بدي مع الأندر وير...فستان عريان قصيييييييييير مع الأندروير..................الخ .

ذحين نبدأ نرتب ع الرف....بالجهة اليمنى ونترك الجهة اليسره من الرف فارغة...!!!
وانتي ترصي نوعي لاااااتحطي لبسين زي بعض قريبين من بعض...مثلا:
أول شي حطي طقم الشورت واللي بعده طقم الجينز واللي بعده طقم الميني جب............الخ.

الرف الثالث....خليه للقمصان....
جيبي كل التونغ والبكيني والأندروير الدانتيل والحرير والساتان....وحطي كل طقم داخل قميص بنفس اللون....مع مسحة مسك وبخة عطرباريسي...ولفيهم بشكل اسطواني وابدأي رصي....كمان بالجهة اليمنى ونترك الجهة اليسرى فاضية!!!...

والبنوتات يقدروا يستبدلوا القمصان...بالبيجامات...سواء قطنية أودانتيل أو ساتان...

متى نلبسهم؟؟؟​

الرف الأول خليه لفترة الصباح أول ماتصحي من النوم بعد الشور....ماتلاحظوا ان ماحطينا معاهم أندر وير!!!
لا مانسيناهم!!! بالقصد...بهذي الفترة ماحنلبس الأندر وير عشان تتهوى المنطقة...والترينقات قطنية يعني مايحتاج...

الرف الثاني خاص لفترة الظهر بعد شورالجسم......وتجلسي فيه طول النهار...

الرف الثالث...طبعا معروف لوقت النوم...


ذحين نعرف ليه رتبناهم بجهة وحدةوالجهة الثانية فاضية...
كثيرناس يغلطوا هذي الغلطة.....يجلسوا شهر وهم يكرروابنفس اللبس....ليه؟
تجي الوحدة تلبس اليوم طقم...وبكرا طقم....وبعدوطقم...تغسلهم....وت رجعهم بالدولاب....ويكونوا بالواجهة...
تجي مستعجلة مافيها تدور وتضيع وقت...أول ماتفتح الدولاب تلاقي بوجهها آخرأطقم لبستهم وغسلتهم...ترجع تلبسهم ثاني...
تكرراللبس...وهويكون بدولابها ملابس تجنن ...مكنوزة...ومنسية....
فلما تتركي الجزء اليسار فاضي....لما تلبسي لبس وتغسليه...ماحترجعيه بالجهة اليمنى...لالالا...خطأ...
حتحطيهم باليسار....وكل مرة تاخذي من اليمين ...تلبسي...تغسلي....ترجعي باليسار....ويصير أول لبس لبستيه بآخر الدولاب...ألييييييين ماتخلص الجهة اليمنى...ترجعي بعدها بالعكس تمشي...تاخذي من اليسار وتحطي باليمين...وبكذا تكوني متجددة كل يوم...

لاتنسي....كل ماتخلصي من جهة...بدلي بالقطع...مثلا التوب اللي لبستيه المرة اللي قبل مع جينز حطيه هذي المرة مع بنتاكور...واللي كان مع شورت ...خليه مع جينز.......................... .....وكذا الخ.

وبدرج من أدراج الشوفنيرة حاطة فيه أنواع كثيرة من السليبرز...كل يوم ألبس شكل...

وأرجوكم والله لمصلحتكم...الروب أوالدراعة أو الجلابية...ذولاقاطعوهم...أكرهه م أحقد عليهم...غيركذا انهم يفرطواالجسم بلاماتحسوا...
والله اني ألاحظ البنات والحريم اللي يلبسوهم أجسامهم مفروطة ومترهلة بشكل مقزز...ووزنهم يزيد بلا مايحسوا...غيرشكلها المبهدل​

 

[تووب سكرت]

البسي ولا تلبسي

الألوان التقليدية في التطقيم ابعدي عنها...هي اللي تخرب اللبس...مهما كان فخم تخليه عااااااادي وقديم...لأن الناس تعودت ع ذولا اللونين مع بعض...فخلاص ملوها...

مثلا:الأسود مع الأبيض...(مقرفين)...وأيّا لونين مبتذلين بعدي عنهم...

اذا كنتي تعاني من السيلوليت...أو الترهل...أو الوزن الزايد....أبعدي عن الحراير الدرجة الأولى والساتان...لأنها تبين معالم الجسم كله...

اذا كانت رقبتك طويلة...ابعدي عن الفتحات الــ( V ) ...أما لو كانت قصيرة فأكيد راح تنفعك...

اذا كان صدرك كبير ومترهل...ابعدي عن فتحة الــ( V )...واعتمدي السبرينة...

اذا كانت منطقة النحر عندك واسعة وفي مسافة كبيرة بين الصدر والرقبة....ابعدي عن البلايز المقفلة والهاي نك...لأنها تزيد المسافة وتعطي منظر مترهل وبشع لصدرك...
والأفضل بهذي الحالة انك تعتمدي البلايز اللي تكون لنص النحر...فتقسم المسافة وتعطي ايحاء بصغر المنطقة...

اذا كنتي تعاني من امتلاء منطقة الجنبين وعرض الحوض...ابعدي عن اللوويست...

اذا كنتي قصيرة....ابعدي عن البنتاكورات اللي تكون بنص الساق أو أطول شوي....أو حتى الميدي........بتزيد من قصرك كثير...
فالأفضل البنتاكورات اللي تكون لنص الركبة تقريبا...

اذا كانت ساقك مليانة وعريضة وتتكتل فيها الشحوم.....حطي شوي بلاشر بني ع بطة الساق...

أما لو كانت ساقك قصيرة...فوزعي البلاشر البني ع جوانب الساق...من الركبة ألين القدم...يعطي ايحاء بطولها...

اذا كانت ساقك ضعيفة مرة...انثري البودر اللامعة....تعطيها منظر ممتليء....

لوكانت عندك كرشة ومترهلة...اعتمدي البلايز والتوبات اللي تكون بشكل متهدل ع منطقة البطن...لأنها راح تعمل تمويه بين التهدل الحقيقي للكرشة وبين تهدل التوب.....فتخفي عيوبها...

لو كنتي عريضة الجدع أو الصدر أو حتى قصيرة...ابعدي عن الأقمشة المقلمة بالعرض....بتزيد الحالة سوء...
والحل انك تعتمدي الأقمشة المموجة أو المقلمة بالطول...

أما لو كنتي طويلة أو حتى طولك عادي بس ضعيفة...ممكن تدي لنفسك شوية امتلاء...بانك تلبسي الأقمشة المقلمة بالعرض...
وابتعدي عن المقلمة بالطول...لأنها بتزيد ضعفك وطولك...

اذا كانت المنطقى الوسطى عندك مليانة ووزنها زايد...ابعدي عن القطع الستريت...سواء فستان أو تنورة أو.....
لأنها حتخلي شكلك زي الكبة...

يتبــــــــــــــــــ ع​

 

[تووب سكرت]

ننتقل لشي ثاني هو
الميك أب ​

ربنا خلقنا بأحسن تقويم...وبنات الله يهديهم فاهمين الميك أب غلط...يوم تسلمي عليها خدك يلزق بخدها من الأطنان اللي حاطتها...
تطمس معالم وملامح وجهها كلها...وتعيد رسمها من ثاني بطريقة غلط بغلط...

وموشرط كل ماينزل مستحضر نروح مشترينه...في أشياء مانحتاجها ماوراها الا الخساير ...
شوفي اللي تحتاجه بشرتك واشتريه...

الميك أب صنع للتعديل...مو لاعادة الملامح وطمسها...

اختاري الألوان المناسبة لعمرك وبشرتك...لاتصيري امعة كل ماطلعت رسمة جديدة طرتي سويتيها...مابعد ان بعض الناس صاروا يعملوا فيستيفال وفانتزي!!!اش ننتظر بعد كذا...

بنات الله يهديهم تعميكي بالأوان اللي بوجهها...

اختاري الألوان الدافية...اللي تزيد جاذبيتك...وتعطيكي نظرة ساحرة...وجمال آخاذ...

وأسهل قاعدة هي انك تشوفي ألوان شفايفك وخدودك وتختاري نفس اللون الطبيعي وتحاولي تبرزيه...
مثلا:اختاري البينك اللامع لشفايفك...لخدودك المشمشي أو درجات البينك...

ع حسب بشرتك...مومعقولة وحدة سمرااااا وتحط بينك ع خدودها...حيطلع شكلها شاذ وملفت ...

حاولي تطبقي الطبيعة بميك أبك...مثلا...في الواقع مستحيل تلاقي وحدة جفونها خضراء أو صفراء أو زرقاء...>>> الااذاكانت من المريخ.
بس ممكن تطبقي ذأه الميك أب بسهرة كبيرة أو فرح...ممكن يكون متقبل...

والأهم من كل ذأه...البساطة...خليكي واثقة من نفسك ومن جمالك...مع بساطة في الميك أب...وتطلعي أنثى بجد
يــــــــــــتبع لو حابين؟؟

 

[تووب سكرت]

اشكر كل وحد على كل حرف كتبته من كل قلبي سلمت يمنااااااااااااااكم وحده وحده........
واتمنى انى افيدكم ولو بشي بسيط ياحبايب قلبي

 

[روحي ملك لله]

تسلمين على الموضوع الرررراااااائئئئئئئئئئئئئئئئع جدا
ومميز ويخدم كل أنثى
الله يعطيك العافية
شكرا​

 

[*** مذهلة ***]

واااو موضوووع ممتاز تسلم اييييدج حبيبتي ... متابعييين :icon30:

 

[إطلالة مضيئة]

تسلمين على الموضوع الررررائع

 

[والله أحتاجك أنا]

موضوع مميز ورائع..سلمت يداكي..

 

[أم الأمراء]

تسلمين على الموضوع الرائع